07/06/2025
"Badhaadhinni Paartii Hunda Hammataadha"
MM Dr. Abiyyi Ahimed
******
Paartiin Badhaadhinaa kanneen duraarra yaadama addaa kan qabuufi Itoophiyaanota gandaan osoo hin qoqqoodiin kan hammate ta'uu Ministirri Muummee FDRI Dooktar Abiy Ahimad ibsaniiru.
Ministirri Muummee Dooktar Abiy Ahimad gaaffii fi deebii isa xumuraa kutaa 4ffaa irratti Paartii Badhaadhinaa ilaalchisee ibsa kennaniin Paartiin Badhaadhinaa paartii dinqisiisaa, kanneen Kanaan dura turanirra yaadamaan, gurmaa’iinsaan, hangaaniifi bu’aalee galmeessisuun adda ta’uu himaniiru.
Paartichi Itoophiyaanota gandaan osoo hin qoqqoodiin hunda kan hammate ta’uu himuun, yaa’ii waliigalaa Paartichaa 2ffaan booda guddinni ture dabaluun yeroo ammaa paartii miseensota miiliyoona 16 fi kuma 300 qabu ta’uu dubbataniiru.
Paartiin Badhaadhinaa Afrikaarraa paartii guddaadha kan jedhan Dooktar Abiy Ahimad, mul’ata guddaafi hojimaataafi sirna ifaa ta’e qabaachuu kaasuun moggaafamni paartichaas galmaafi mul’ata Itoophiyaa fiixee badhaadhinaarraan gahuuf qabameen walitti kan hidhu ta'uu eeraniiru.
Paartichi hundaaf banaadha kan jedhan Dooktar Abiy Ahimad, paartilee dorgomtootaa aangoo mootummaa keessatti akka hirmaatan taasisuun kanaaf agarsiistuu ta’uu ibsaniiru.
Dargaggootaafi lammiilee Itoophiyaa kutaalee addunyaa garaagaraa keessa jiran kan hammate ta’uu eeruun, rakkoo yaadamaafi ilaalcha haaraa fudhachuu kan hin qabne ta’uus ibsaniiru.
