22/06/2024
Ati duute jedhuum
ati hin duuneem Hacuu
warra qoosaa hin beeknetu
du'a keetiin baacuu😭
Ati Akkamiin duutaa
dhiirri onneen gaaraa
dhaadannoo fi jechii
sammuu nu ijaaraa
Gootummaa leelliftee
anaaf taateem onnee
erga ati deemtee
an takkaa hin boqonnee😭
Seenaa rirmi hin nyaatuu
situ jedhe silaa
ati anaaf ni jirtaa
hin boqonneem ilaa
ati akkamiin duutaa
seenaakeetu addaa
du'aa kankee caalaa
jiraa keenyafan gaddaa
Sammuu keenya keessaa
siidaa hin jigne dhaabdee
utuu homaa hin argin
ijoolummaan cabdee
cabnikee na miidhee
na kulkulus onneen
caba kankee boodaa
an takkaa hin boqonnee
ati garuu hin duunee
seenaakee jiraataa
dhaloonni siyanaa
ol fuudhee sibaataa🙏🏼
Jiraa keenya caalaa
situ seenaa hojjetee
kanaaf nama maraa
hundumaa boojitee
Biyyeen sitti haa salphatuu
boqodhu nagadhaan
seenaa sin dagatuu
ni keenya ragaadhaan😭🙏🏼
warra hin duute jedhuuf
ati hin duune jirtaa
dachee Jala ciiftee
kunoo seenaa hirtaa👏😭
Torban Hacee
✍🏼
