Tigray Guardians

Tigray Guardians Contact information, map and directions, contact form, opening hours, services, ratings, photos, videos and announcements from Tigray Guardians, Media, ሓውዜን ገርዓልታ, Hawzen.

ኢትዮጵያን ኤርትራን ኣብ ልዕሊ ትግራይ ዝወልዐኦ ኲናት ዓለም ዘየቕለበሉ ህልቂት ከምዘውረደ ሓዱሽ ፀብፃብ ኣቃሊዑ።ፓን ኣፍሪካን ኣጀንዳ ዝተብሃለ ኢንስቲትዩት ዘውፀኦ ሓድሽ ፀብፃብ ካብ 201...
08/02/2026

ኢትዮጵያን ኤርትራን ኣብ ልዕሊ ትግራይ ዝወልዐኦ ኲናት ዓለም ዘየቕለበሉ ህልቂት ከምዘውረደ ሓዱሽ ፀብፃብ ኣቃሊዑ።

ፓን ኣፍሪካን ኣጀንዳ ዝተብሃለ ኢንስቲትዩት ዘውፀኦ ሓድሽ ፀብፃብ ካብ 2013 ዓ.ም. ጀሚሩ ኣብ ልዕሊ ትግራይ ዝተፈፀመ ኲናትን መጕዳእቲታቱን ዓይነ እዝኒ ዓለም ዘየቕለበሉ ምንባሩ ገሊፁ።

እቲ ኢንስቲትዩት ንመበል 39 ጉባኤ ሕብረት ኣፍሪካ ጠሚቱ ኣብ ዘውፀኦ ፀብፃብ፥ ኣብ ኣፍሪካ ዝፍፀሙ ግጭታትን ሳዕቤናቶምን እኹል ሽፋን ዓለምለኸ ሚድያታት ከምዘይረኽቡ ኣብሪሁ።

ዓለም ለኸ ሚድያታት ንግዳያት ኵናት ዝህበኦ ኣቓልቦ ሌላን ጕሌላን ከምዘለዎ ዝጠቐሰ እቲ ኢንስቲትዩት፥ ዛንታታት ግዳያት ኵናት ትግራይ ዝረኸቡዎ ትሑት መጠን ሽፋን ሚድያ ከም ኣብነት ኣልዒሉ።

ኢትዮጵያን ኤርትራን ኣብ ልዕሊ ትግራይ ኲናት እንተካይዳ ዘጋጠመ መጠን ሞት ኣብ ጋዛ (ፍልስጤም) ካብ ዝተርኣየ መጠን ሞት ዓሰርተ ኢድ ዝበዝሐ ምዃኑ ብምዝኽኻር ብሚድያታት ዓለም ዝረኸቦ ኣቓልቦ ግና ካብ ናይ ጋዛ ብ 61 ሚእታዊ ዝንኣሰ ምንባሩ ኣነፂሩ።

ሚድያታት ዓለም ኣብ ሓደ መዓልቲ ውሽጢ ንግዳያት ኲናት ጋዛ ዝምልከቱ 58 ነጥቢ 5 ዛንታታት ከምዘቃልሓ ዝጠቐሰ እቲ ፀብፃብ ንግዳያት ኲናት ትግራይ ዝጥምቱ ዛንታታት ግና 0 ነጥቢ 96 (ትሕቲ ሓደ) ጥራሕ የቕርባ ምንባረን ኣቃሊዑ።

እተን ሚድያታት ኣብ ሓደ መዓልቲ፥ 19 ነጥቢ 4 ንግዳያት ኲናት ዩክሬን ዝደህስሱ ዛንታት ንተኸታተልተን ከምዘቕርባ እውን ኣመላኺቱ።

ኲናት፥ ኣብ ሃገራት ቻድ፣ ሱዳንን ዲሞክራቲክ ሪፐብሊክ ኮንጎን እንትካየድ ዝነበረ ሽፋን ሚድያታት ዓለም እውን ኣዚዩ ትሑትን ክቱር ኢ-ሚዛናዊነት ዝተርኣየሉን ምንባሩ ኣፍሊጡ።

ኣብ ኣፍሪካ ካብ 2004 ክሳብ 2024 ኣብ ዘለዉ ዕስራ ዓመታት መጠን ምስ ኲናት ዝተኣሳሰር ሞት ብ 841 ሚእታዊ ምውሳኹ ዘዘኻኸረ እቲ ፀብፃብ ካብ 2004 ክሳብ 2008 ኣቆፃፅራ ኣውሮፓ 44 ሽሕ ሰባት ምስ ኲናት ዝተኣሳሰር ሞት እንተጋጥሞም ካብ 2019 ክሳብ 2024 ኣ.ኣ. ኣብ ዘለዉ ኣርባዕተ ዓመታት ግና ህይወት 414 ሽሕ ሰብ ብሰንኪ ኲናት ምጥፍኡ ጠቊሙ።

ድሕሪ ኣብ 1994 ኣ.ኣ. ዘጋጠመ ጀኖሳይድ ርዋንዳ፥ ''ፍፁም ኣይድገምን'' ይበሃል ዝነበረ መፅበዓ ባዶ ጭርሖ ኰይኑ ምትራፉ ዘረጋገፀ እቲ ኢንስቲትዩት ኣብ ምትራፍ ኲናትን ምቕናስ ሳዕቤናቱን ሕብረት ኣፍሪካ ንዘርኣዮ ዝሕታለ ''ግቡኡ ዘይፈፀመ ትካል'' ክብል ነቒፉ።

እቲ ኢንስቲትዩት ዘውፀኦ ፀብፃብ፥ ኣብታ መቐመጢ ዋና ቤት ፅሕፈቱ ዝኾነት ኢትዮጵያ ውሽጢ ዝነብር ህዝቢ ትግራይ እንትጭፍጨፍ'ኳ ፅንቃቕ ኣቓልቦ ዘይሃበን ትርጉም ዘለዎ ስራሕ ዘይርሐን ክብል ንሕብረት ኣፍሪካ ከሲሱ።

ለካቲት 7 ክሳብ 8 ንዝካየድ መበል 39 ጉባኤ ሕብረት ኣፍሪካ ጠሚቱ ዝወፀ ፀብፃብ ፓን ኣፍሪካን ኣጀንዳ ኢንስቲትዩት፥ ሕብረት ኣፍሪካ ቅልጡፍ ትካላውን መሓውራውን ምስትኽኻል ክገብር ኣተሓሳሲቡ።

መጠን ምስ ኲናት ዝተኣሳሰር ሞት ብ 841 ሚእታዊ ኣብ ዝወሰኸሉ እዋን ዝካየድ እዚ ጉባኤ ብሸለልትነት ክሳለጥ ከምዘይብሉ እውን እቲ ኢንስቲትዩት ኣጠንቂቑ።

ሕብረት ኣፍሪካ መደበኛ ጉባኤኡ እንተካይድ ዕላማታቱ ደጊሙ ንክክልስ፣ ቅዲ ምሕደራ ሃገራት ኣፍሪካ ንክፍትሽ፣ ፖለቲካውን ልምዓታውን ተሳትፎ መናእሰይ ዘደንፍዑ ፃዕርታት ንክገብርን ስግር ርእዮተ ዓለም ዝኾኑ ተተግበርቲ ስጉምቲታት ንከተኣታቱን እቲ ኢንስቲትዩት ፀዊዑ ክብል ትግራይ ቲቪ ፀብፂቡ።

ትግራይ ጋርድያንስ
01 ለካቲት 2018 ዓ.ም
ትግራይ

እዋናዊ መግለፂ ካብ ጉባኤ ህዝባዊ ርክባት ትግራይ
04/02/2026

እዋናዊ መግለፂ ካብ ጉባኤ ህዝባዊ ርክባት ትግራይ

ኣብ ዝሓለፉ ሰለስተ ኣዋርሕ ብመስርሕ ኢ-ቲኬቲንግ ኣስታት 4 ሚልዮን ብር ንኮምሽን ሓርበኛታት ትግራይ ኣታዊ ከምዝገበረ ቢሮ መጓዓዝያ ትግራይ ኣፍሊጡ።ቢሮ መጓዓዝያ ትግራይ ስርዓት መጓዓዝያ ...
04/02/2026

ኣብ ዝሓለፉ ሰለስተ ኣዋርሕ ብመስርሕ ኢ-ቲኬቲንግ ኣስታት 4 ሚልዮን ብር ንኮምሽን ሓርበኛታት ትግራይ ኣታዊ ከምዝገበረ ቢሮ መጓዓዝያ ትግራይ ኣፍሊጡ።

ቢሮ መጓዓዝያ ትግራይ ስርዓት መጓዓዝያ ትግራይ ንክዝምንን ምቾቱን ድሕንነቱን ዝተሓለወ ንክኸዉንን ዘይተሓለለ ፃዕሪ ይገብር ከምዘሎ ሓቢሩ።

እቲ ቢሮ ህልዊ ኩነታት መጓዓዝያ ትግራይን ኩነታት ሓደጋ ትራፊክን መሰረት ብምግባር ምስ ኮሚሽን ፖሊስ ትግራይ ሓበራዊ መግለፂ ሂቦም።

ሓላፊ ቢሮ መጓዓዝያ ትግራይ ኣይተ ታደለ መንግስቱ ፦ ስርዓት መጓዓዝያ ትግራይ ንክዝምን ይስራሕ ከምዘሎ ብምሕባር ፥ ኣብ 43 መነሃርያታት ትግራይ "ምስ ዝምልከቶም ኣካላት ምርድዳእ ተጌርሉ" ተኣታትዩ ዝበልዎ ቴክኖሎጂ ኢ-ቲኬቲንግ ፀገማት ታሪፍ ፈቲሑ ፣ ምንግልታዕ ተሳፈርቲ ፣ ስርቅን ወንጀልን ቀኒሱ ፀገማት መስርሕ ምቁፅፃር ከምዝፈትሐ ሓቢሮም።

ብመስርሕ ኢ-ቲኬቲንግ ካብ ነፍስወከፍ ተሳፋራይ ንመሐከሚ ተጋደልቲ ሓደ ቅርሺ ብምቑራፅ ኣብ ዝሓለፉ ሰለስተ ኣዋርሕ ኣስታት 4 ሚልዮን ብር ንኮምሽን ሓርበኛታት ትግራይ ኣታዊ ከምዝተገበረን ውፅኢታዊ ብሄራዊ ዕማምና'ዩ ኢሎም።

ከም ቢሮ በቲ ቴክኖሎጂ ዝውስኾ ኾነ ዝቕንሶ ኣታዊ የለን ዝበሉ እቶም ሓላፊ ቢሮ ፥ ንኮምሽን ሓርበኛታት ትግራይ ግን መዓልታዊ ካብ ዝነኣሰ 40 ሽሕ ክሳብ ዝለዓለ 80 ሽሕ ኣታዊ ከም ዝግበር ዕላዊ ገይሮም።

ህልዊ ፀገም ሕፅረት ነዳዲ ትግራይ መሰረት ብምግባር ኣብ ታሪፍ 70 ምኢታዊ ወሰኽ ሓዱሽ ታሪፍ ከምዝሰርዐ ብምሕባር ኣሽከርከርቲ በብግዚኡ ነዳዲ ኸቢሩና ኢሎም ዝውስኽዎ ዋጋ ግቡእ ብዘይምኳኑ ተሳፋሪ ነዚ ተረዲኡ ብኢ-ቲኬቲንግ ከፊሉ መሰሉ ከኽብር ተላብዮም።

ብምትእትታው ቴክኖሎጂ ኢ-ቲኬቲንግ ተጋደልቲ ዝርከብዎም ልዕሊ 350 መናእሰይ ዕድል ስራሕ ከምዝተፈጠረሎም እውን ነፂሮም።

ከም ቢሮ ኣብ መነሃርያ ሓላፍነትና ስራሕቲ ቁፅፅር'በር ዋንነተን ንምምሕዳር ከተማ እዩ ፤ መሰረተ ልምዓተን ዘማልአለን'ውን ምምሕዳር ከተማ ብምኳኑ ሓመድን ኣቦራን ዝተመልአን መነሃርያታት ናይ ምልማዕ ሓላፍነቶም ክዋፅኡ ፀዊዖም።

ማእኸላት ስልጠና መጓዓዝያ ንምዝማን ፥ ውሕስናን ድሕንነትን መነሃርያ ንምርግጋፅ ንስራሕቲ ቁፅፅር ኣብ ሕድሕድ መዋፈሪ መኻይን ካሜራ ንምግጣም ምድላዋት ከምዝወገኑ ኣፍሊጦም።

ኣብ ኮሚሽን ፖሊስ ትግራይ ሓላፊ መምርሒ ትረፊክ ድሕንነትን ቁፅፅርን ሓደጋ ምፅራይን ኮማንደር ተስፋይ ገብረመድህን ብወገኖም ሰላማዊ ምንቕስቓስ ትራፊክ ንህሉ ይስራሕ ኣሎ ኢሎም።

ኣብዚ መንፈቕ ዓመት 403 ሓደጋ ትራፊክ ከምዘጋጠመን 505 ሰባት ግዳይ'ቲ ሓደጋ ኮይኖም ኣብ 103 ወገናት ሞት ከምዘጋጠመ ጠቒሶም።

ገናሕቲ ብናህሪ ምሽክርካር ምንጪ እቶም ሓደጋታት ምኳኑ ዝገለፁ እቶም ሓላፊ ኣብ ዝሓለፉ ሽዱሽተ ኣዋርሕ ልዕሊ 230 ሚልዮን ብር ካብ ቅፅዓት ትራፊክ ንመንግስቲ ኣታዊ ከምዝኾነ ሓቢሮም።

ገናሕቲ ሓላፍነት ተሰሚዕዎም ሞያዊ ስነ-ምግባሮም ሓልዮም ብጥንቓቐ ከሽከርክሩ ኣተሓሳሲቦም ክብል ድወት ፀብፂቡ።

ትግራይ ጋርድያንስ
27 ጥሪ 2018 ዓ.ም
ትግራይ

ካውንስል ኣማኸርቲ ዲፕሎማሲ ትግራይ፡ ሕብረት ኣውሮፓ ጭቡጥ ተግባራዊ ስጉምቲ ንክወስድ ሓቲቱ። እቲ ካውንስል ኣብ ዝፀሓፎ ቅሉዕ ደብዳቤ፡ ኣገልግሎት ደጋዊ ንጥፈታት ኣውሮፓ ኣብ ትግራይ ንዘሎ...
01/02/2026

ካውንስል ኣማኸርቲ ዲፕሎማሲ ትግራይ፡ ሕብረት ኣውሮፓ ጭቡጥ ተግባራዊ ስጉምቲ ንክወስድ ሓቲቱ።

እቲ ካውንስል ኣብ ዝፀሓፎ ቅሉዕ ደብዳቤ፡ ኣገልግሎት ደጋዊ ንጥፈታት ኣውሮፓ ኣብ ትግራይ ንዘሎ ጎነፃዊ ምዕባለታት ይከታተሎ ከምዘሎን ክሃድእ ምፅውዑን ብምምስጋን፤ ይኹን እምበር ካብ መግለፅታት የተሓሳስበኒ ዘሊሉ ተግባራዊ ስጉምቲ ክወስድ ይግባእ ኢሉ።

ኣብ ልዕሊ ሰላማውያን ዝካየድ ዘሎ ደብዳባት ደው ክብልን ወራሪ ተፈልዩ ክግሰፅን ይግባእ ዝበለ መግለፂ እቲ ካውንስል፤ በረራ ኣየር ክጅመር፣ ገደብ ነዳድን ግልጋሎት ባንክን ክለዓልን ተፈፃምነት ውዕሊ ፕሪቶርያ ክረጋገፅን ልዑል ድፍኢት ክገብር ፀዊዑ።

ኣብዚ ቕነ ኣብ ልዕሊ ምግባዊ ሃለኽቲ ነገራት ዝፀዓና ተሽከርከርቲ ብድሮን ዝተኻየደ ደብዳብ ንኹንን ዝበለ እቲ ካውንስል፡ ካብ በሰላ ኲናት ንዘይደሓነ ህዝቢ ምቕታል፣ ምፍርራሕን ዳግማይ ዕፅዋ ምክያድን ትሉም ገበን ምዃኑ ተፈሊጡ ዓለምለኻውያን መሻርኽቲ ጭቡጥ ስጉምቲ ክወስዱ ኣገንዚቡ።

ከም ሳዕቤን እቲ ዝተፈጠረ ወጥሪ በረራታት ተሰሪዞም፣ ግልጋሎታት ባንክ፡ ነዳድን ካልኦት ኣድለይቲ ኣቑሕትን ደው ምባሉ ዘዘኻኸረ ካውንስል ኣማኸርቲ ዲፕሎማሲ ትግራይ፡ ብሰንኩ ድማ ህዝቢ ኣደዳ ማሕበረ ቁጠባዊ ቅሉውላው ኮይኑ ክብል ገሊፁ።

እንተኾነ ግን ብ ዝተፈላለዩ ኣካላት ዝቐርብ ዘሎ "ክልቲኦም ወገና" ዝብል ጥቕሉል መግለፂታት ኣይንቕበሎን ዝበለ እቲ ካውንስል፤ መንግስቲ ፌደራል ድሮናት ተሓጊዙ ኣብ ዘጥቀዐሉ፡ መሪሕነት ትግራይ ብተደጋጋሚ ልዝብን ምሉእ ተፈፃምነት ውዕሊ ፕሪቶርያ ኣብ ዝጠልበሉን እዋን በዳልን ተበዳልን ዘጃምል ኣካይዳ ኣግባብ ኣይኮነን ክብል ነቒፉ።

ስለዝኾነ ድማ ይብል መግለፂ እቲ ካውንስል፡ መንግስቲ ፌደራል በዳሊ ምዃኑ ተፈሊጡ ክእረም፣ ንትግራይ ዘድልዩ ከም በረራ ኣየር፡ ነዳዲ፡ ግልጋሎት ባንክን ክልኩል ባጀት ትግራይን ክፍትሑ ፀቕጢ ክግበር ከምኡ እውን ንተግባራውነት ውዕሊ ፕሪቶርያ መንግስቲ ፌደራል ተገዛኢ ክኸውን ብዘግብር መንገዲ ሕብረት ኣውሮፓ ጭቡጥ ስጉምቲ ንክወስድ ኣተሓሳሲቡ ኣሎ ክብል ድወት ፀብፂቡ።

ትግራይ ጋርድያንስ
24 ጥሪ 2018 ዓ.ም
ትግራይ

ካብ ጉባኤ ህዝባዊ ርክባት ትግራይ ዝተውሃበ መግለፂ
01/02/2026

ካብ ጉባኤ ህዝባዊ ርክባት ትግራይ ዝተውሃበ መግለፂ

ምዕቡል ሓበሬታ ብምውናን ሳዕቤን ለውጢ ኩነታት ኣየር ንምንካይ ይሰርሕ ኣለኹ ኢሉ ማሕበር ሰብ ሞያ ቴክኖሎጂ፣ ሓበሬታን ርክብን ትግራይ። እቲ ማሕበር ነዚ ዝበለ ንመናእሰይን ደቂ ኣንስትዮን ...
31/01/2026

ምዕቡል ሓበሬታ ብምውናን ሳዕቤን ለውጢ ኩነታት ኣየር ንምንካይ ይሰርሕ ኣለኹ ኢሉ ማሕበር ሰብ ሞያ ቴክኖሎጂ፣ ሓበሬታን ርክብን ትግራይ።

እቲ ማሕበር ነዚ ዝበለ ንመናእሰይን ደቂ ኣንስትዮን ሓዊሱ ን50 ሽሕ ሰባት ክሕግዝ ዝዓለመ ፕሮጀክት ዕላዊ ኣብ ዝገበረሉ እዋን እዩ።

እቲ ፕሮጀክት ኣብ ወረዳታት 70 እንደርታን ኣፅብን ከምዝፍልም ዝተገለፀ ኮይኑ፤ ብመረዳእታ ሳተላይት ተሓጊዙ ኣብ ነባራዊ ኩነታት ኣየርን ባይታዊ ሓበሬታን ተመርኲሱን ሰብ ስራሕ ብልሒ "AI" ተጠቒሙን ሓበሬታ ከምዝፍኑ ገሊፁ።

ተገልገልቲ ብቐሊሉ እኹል ሓበሬታ ክረኽቡ ዝኽእልሉ ፀፍሒ ከምዘዳለወ ዝገለፀ እቲ ማሕበር ብሓፂር ፅሑፍ መልእኽቲ፣ ብሬድዮ፣ ብኢንተርኔትን ካልኦት ኣማራፅታትን ተበፃሒ ክኸውን እዩ ተባሂሉ።

ከጋጥሙ ዝኽእሉ ሓደጋታት ድርቅን ውሕጅን ንምክልኻል፡ ካብ 2005 ዓ/ም/ፈ ጀሚሩ ዝህሉ ውሂብ ተጠቒሙ ብምትንታን ትምበያ ምሃብ ዘኽእል ምዃኑ እውን በዓል ሞያ ቴክኖሎጂ እቲ ማሕበር ኢንጅነር ወልደብርሃን መረሱ ገሊፆም።

እቲ መስርሕ ሓደ ግዜ ዝፀዓን እታወት ዘይኮነስ በቢ እዋኑ ዝምዕብል ፅፉፍ ውሂብ ክህሉ ብዘኽእል መንገዲ ከምዝስራሕ ኣገንዚቦም።

ንውፅኢታውነት እቲ ፕሮጀክት ትሕብብር መንግስታውን ዘይመንግስታውን መድረግቲ ኣካላት ከምዝጠልብ ድማ እቲ ማሕበር ገሊፁ።

ኣብቲ መድረኽ ዝተረኸቡ ተወካሊ ቢሮ ሕርሻን ሃፍቲ ተፈጥሮን ትግራይ ኣይተ ኪሮስ ገ/መድህን፡ ሓረስታይ ትግራይ ብተፍጥሮኣውን ሰብ ስራሕን ሓደጋታት ስለዝጉዳእ፡ ነዚ ኣብ ምንካይ ምስ ከምዚ ዝበሉ ፕሮጀክትታት ተሓጋጊዝና ክንሰርሕ ኢና ኢሎም።

ተሳተፍቲ እቲ መድረኽ ዝኾኑ ኣካላት ኣብ ዝሃቡዎ ሓሳብ፡ ፕሮጀክትታት ከም ጅማሮኦም ውፅኢታዊ ስራሕ ክፍፅሙ ይግባእ ክብል ድወት ፀብፂቡ።

ትግራይ ጋርድያንስ
23 ጥሪ 2018 ዓ.ም
ትግራይ

የኢትዮጵያ መንግሥት ዛሬ 23 ጥር 2018 ዓ.ም ከምሽቱ 9:30 እስከ 10:00 ሰዓት ባለው ጊዜ ውስጥ በትግራይ እንቲጮ ከተማ የድሮን ጥቃት ፈጽሟል።የኢትዮጵያ መንግሥት በእንቲጮ አውቶቡስ...
31/01/2026

የኢትዮጵያ መንግሥት ዛሬ 23 ጥር 2018 ዓ.ም ከምሽቱ 9:30 እስከ 10:00 ሰዓት ባለው ጊዜ ውስጥ በትግራይ እንቲጮ ከተማ የድሮን ጥቃት ፈጽሟል።

የኢትዮጵያ መንግሥት በእንቲጮ አውቶቡስ ጣቢያ መግቢያ እና በሌሎች ቦታዎች ላይ ሦስት የድሮን ጥቃቶችን ፈፅሟል። ጥቃቱ ሙዝ ፥ ዘይት፣ ሽንኩርት እና ሌሎች ሸቀጦች በጫነ የጭነት መኪና ኣይሱዙ ነው የተፈፀመው።

በዚህ የድሮን ጥቃት ምክንያት የጭነት መኪናው ኣይሱዚ አሽከርካሪ ሲሞት፣ ረዳቱ ደግሞ ከባድ ጉዳት ደርሶበታል።

ይህ የድሮን ጥቃት ሙሉ በሙሉ ሲቪሎች ላይ ዒላማ ያደረገ ነበር። በተጨማሪም የኢትዮጵያ ፌደራል መንግሥት ዛሬ ጠዋት በገንደብታ/የሐ አካባቢ ሌላ የድሮን ጥቃት ፈጽሟል።

ትግራይ ጋርድያንስ
23 ጥር 2018 ዓ.ም
ትግራይ

“ናብ ትግራይ መፂኡ ክወርር ዝኽእል ፀላኢና ብልፅግና እዩ” - ፖለቲከኛ ኣቤል ገብረመድህንሙሉእ ትሕዝቶ👇👇??👇https://youtu.be/5Bbdos4z3v0?si=9JTzBhRxrI3VSWQR
30/01/2026

“ናብ ትግራይ መፂኡ ክወርር ዝኽእል ፀላኢና ብልፅግና እዩ” - ፖለቲከኛ ኣቤል ገብረመድህን

ሙሉእ ትሕዝቶ👇👇??👇
https://youtu.be/5Bbdos4z3v0?si=9JTzBhRxrI3VSWQR

“ውድብ ዓረና ምኽክር ኮሚሽን ኢትዮጵያ ኣብ ዘዳለዎ ዘተ ኣይሳተፍን። እቲ ግጉይ ሓበሬታ ድማ ክእረም ኣለዎ” ክብል ኣፍሊጡ።ኣብ እዋናዊ ኩነታት ኣድሂቡ ካብ ዓረና ትግራይ ዝተውሃበ እዋናዊ መ...
17/01/2026

“ውድብ ዓረና ምኽክር ኮሚሽን ኢትዮጵያ ኣብ ዘዳለዎ ዘተ ኣይሳተፍን። እቲ ግጉይ ሓበሬታ ድማ ክእረም ኣለዎ” ክብል ኣፍሊጡ።

ኣብ እዋናዊ ኩነታት ኣድሂቡ ካብ ዓረና ትግራይ ዝተውሃበ እዋናዊ መግለፂ ሙሉእ ትሕዝቶ ነዚ ዝስዕብ ይመስል።

ሎምቕነ "ንዓረና ትግራይ ሓዊሱ 8 ውድባት ኣብ ኮሚሽን ምክክር ኢትዮዽያ ዘዳለዎ ዘተ ክሳተፋ ወሲነንን ብደብዳበ ኣፍሊጠንን" ዝብል ዜና ጌጋ ምዃኑን ዓረና ዝፀሓፎ ደብዳቤ ይኹን ዝሳተፎ መድረኽ ከም ዘይህሉ ክነፍልጥ ንፈቱ።

ኣብ ዝሓለፈ ሰሙን ሃገራዊ ምክክር ኮሚሽን ኢትዮዽያ ዘዳለዎ መድረኽ መሰረት ዝገበረ ዝተጋወሐ ሓበሬታ ጌጋ ከም ዝኾነን ዓረና ኣብዚ ኮሚሽን ዘዳለዎ ዘተ ከምዘይሳተፍን ብምግላፅ እቲ ሓበሬታ ክእረም ይግባእ።

ኣብ ኮሚሽን ምክክር ኢትዮዽያ ከም ዓረና፣ኣባላት መድረኽ ዝኾና ውድባት፣ ኮከስ ኣብ ዝበሃል ውዳበ ዝተሓቖፋ ልዕሊ 11 ውድባት (ዓረና፣ ኦፌኮ፣ ኢህኢፓ፣ ወህብን፣ ኦነግ፣ ህብር ኢትዮዽያ፣ ወዘተ ዝኣመሰሉ ውድባት ዘጣየሹዎ ውዳበ) ኣብ ምኽክር ኮሚሽን ኢትዮዽያ ዘለዎም ርድኢት ከም ዝስዕብ ይግለፅ።

፩) እቲ ኮሚሽን ገለልተኛ ኣይኾነን ወይ ድማ ንገዛኢ ውድብ ብልፅግና ንፖለቲካዊ ረብሓ ንምግልጋል ዘተጣየሸ እዩ ዝብል።

፪) ኣብቲ ዘተ ወይ ምኽክር ኩሎም ፖለቲካዊ ሓይልታት ዘሳተፈ ክኸውን ይግባእ ዝብል።

፫) ኣመላምላ መራሕቲ( ኮሚሽነራት) እቲ ኮሚሽን ብገለልተኛ ኣካላት ክምረፁ እናተገበኦም ብብልፅግና ብቀጥታ ዝተሾሙ ስለዝኾኑ ኣብ ስረሖም እምነት የብልናን ዝብል።

፬) እቲ ኮሚሽን ዝተውሃቦ ስልጣን ውን ግልፅነት ዝጎደሎ ስለዝኾነ ንሸፈጥ ዝተቓለዐ እዩ ወዝተ ዝብሉ ነጥብታት ብምልዓል ተቓውሞና ገሊፅና ምንባርና ይፍለጥ።

፭) ተፀዋዕነት እቲ ኮሚሽን ውን ነቲ ብብልፅግና ብዓብላልነት ዝተብሓተ ፖርላማ ምዃኑ ዝበለፀ ንሕመቕ ዝተቓለዐ እዩ ዝብል ቅዋም ኣለና።

ብወገን ትግራይ ድማ፡-

=> ውዕሊ ፕሪቶርያ ተግባራዊ ብዘይምዃኑ ህዝብና ፈቐዶ መዕቖቢ ጣብያታት ተበቲኑ ኣብ ዘለወሉ ኹነታት፣ ግዝኣታዊ ሓድነትና ኣብ ትሕቲ ዕጡቓት ኣምሓራ፣ ፌደራል መንግስቲን መንግስቲ ኤርትራን ተወሪሩ እናሃለወ ናብ ዘተ እንተኣትዩ ተረጋጊዑ ክመያየጥ፣ ኣጀንዳታት ትግራይ ሒዙ ክዝትን ጥዑይ ውሳነ ከሕልፍን ዝኽእለሉ ምቹው ባይታ የለን ዝብል እምነት ኣለና።

ብመሰረት እዚ ውድብ ዓረና ትግራይ ኣብ ሃገራዊ ምኽክር ኮሚሽን ኢትዮዽያ ዘዳለዎ ምኽክር ክኣቱ ድሉው ከም ዘይኾነ ክፍለጠሉ ይደሊ።

ዓረና ትግራይ ኩሎም ፀገማት ትግራይ ይኹን ኢትዮዽያ ብሰለማዊ መንገዲ፣ ብዘተን እሂንምሂንን ክፍትሑ ኣለዎም ዝብል ዝፀነሐ መርገፂ ዋላ'ኳ እንተሃለዎ እቲ ዘተ ንፖለቲካዊ ከስቢ ገዛኢ ውድብ ብዝውዕል ኣግባብ ክካየድ ኣይግባእን ይብል። ሓላፍነት ብዝተመለኦ መንገዲ፣ ብናይማን ኣብ ባይታ ለውጢ ብዘምፅእ መንገዲ ክካየድ ኣለዎ ንብል።
ይኹን 'ምበር እቶም ኻልኦት ክሳተፉ ዝወሰኑ ውድባት ውሳነኦም እነኽብር ምዃንና ንገልፅ።

ዓረና ትግራይ ንዲሞክራስን ሉኣላውነትን
9 ጥሪ 2018 ዓ/ም።
መቐለ

ብቲክቶከራት ዝተኣከበ ልዕሊ 8 ሽሕ ኩንታል ምግቢ ናብ መዕቖቢታት ተመዛበልቲ ጉዕዞ ጀሚሩ።ብቲክቶከራት ተጋሩ ብዝተኣከበ ልዕሊ 87 ሚልዮን ብር ዝተዓደገ ልዕሊ 7 ሽሕ ኩንታል ፊኖን ልዕሊ ...
17/01/2026

ብቲክቶከራት ዝተኣከበ ልዕሊ 8 ሽሕ ኩንታል ምግቢ ናብ መዕቖቢታት ተመዛበልቲ ጉዕዞ ጀሚሩ።

ብቲክቶከራት ተጋሩ ብዝተኣከበ ልዕሊ 87 ሚልዮን ብር ዝተዓደገ ልዕሊ 7 ሽሕ ኩንታል ፊኖን ልዕሊ 1000 ኩንታል ሩዝን ናብ ኩለን መዕቖቢ ተመዛበልቲ ክከፋፈል ጉዕዞ ጀሚሩ።

ኣብ ሕፃፅ ዝተርኣየ ጥምየት ስዒቡ ተመዛበልቲ ወገናት ንሓግዝ ብዝብል ብቲክቶክን ካልኦት መንገድታትን ካብ መላእ ዓለም ብዘተኣኻኸብዎ 87 ሚልዮንን 300 ሽሕን ካብ ክልተ ፋብሪካታት ሕሩጭን ሓደ መቕረቢ ሩዝን ብሓፈሻ ልዕሊ 7 ሽሕ ኩንታል ብምዕዳግ ናብ ራያ ዓዘቦ፣ መቐለ፣ ዓድግራት፣ ዓብዪ ዓዲ፣ እንዳባፃሕማ፣ ዓድዋ ኣኽሱምን መላእ ሰሜን ምዕራብን ጉዕዞ ጀሚሩ።

ከከም በዝሒ ተመዛበልቲ ተሸንሺኑ ንምብፃሕ ብ18 ተሰሓብቲ መኻይን ፅዒኖም ይወስዱ ከምዘለው መተሓባበርቲ እቲ ሓገዝ ገሊፆም።

መናእሰይ ቲክቶከራት ነቲ ፀገም ጎሊሁ ክርአን ዓለም ክፈልጦን ካብ ምግባር ብዝዘለለ መላእ ተጋሩን ፈተውቲ ትግራይን ብምትሕብባር ህፁፅ ሓገዝ ክገብሩ ብምኽእሎም ዝነኣዱ ተወከልቲ ጉባኤ ትካላት ሃይማኖትን ፖለቲካዊ ዉድባት ትግራይን ስራሕቶም ኣጠናኺሮም ክኸዱ ሓደራ ብምሃብ ኣብ ጎኖም ከምዝኾኑን ቃል ኣትዮም።

ካብ ትካል ትእምት ነቲ ዝተዓደገ ሓገዝ ነናብ ቦትኡ ክበፅሕ 18 መኻይን ከምዝተረኸባን ሕዚ እዉን ግን ልዕሊ 1000 ሽሕ ኩንታል ስኣን መጓዓዓዚ ኣብ መኽዚን ከምዘሎን እዚ ኣብ ግዚኡናብ ቦትኡ ክበፅሕ ድማ ሓገዝ ከምዘድልን መናእሰይ ኣብ ማሕበራዊ ሚድያ ብራእሲ ልኡል፣ ኣቤልን ሜጀር ቲዲኤፍን ዝፍለጡ መተሓባበርቲ እቲ ሓገዝ ፀዊዖም ክብል ትግራይ ቲቪ ፀብፂቡ።

ትግራይ ጋርድያንስ
09 ጥሪ 2018 ዓ.ም
ትግራይ

ህዝባዊ ወያነ ሓርነት ትግራይ (ህወሓት) በኢትዮጵያ የአሜሪካ ኤምባሲ ያወጣው መግለጫ በተዋዋይ ወገኖች መካከል ያለውን ልዩነት የሚያሰፋ ነው ሲል ኮነነ።ህወሓት መርህን የተከተለና ገለልተኛ ግ...
16/01/2026

ህዝባዊ ወያነ ሓርነት ትግራይ (ህወሓት) በኢትዮጵያ የአሜሪካ ኤምባሲ ያወጣው መግለጫ በተዋዋይ ወገኖች መካከል ያለውን ልዩነት የሚያሰፋ ነው ሲል ኮነነ።

ህወሓት መርህን የተከተለና ገለልተኛ ግንኙነት በማድረግ የፕሪቶሪያ ስምምነት እንዲፈጸምም ጥሪ አቅርቧል።

ድርጅቱ ዛሬ 08 ጥር 2018 ዓ.ም በእንግሊዝኛ ቋንቋ ባወጣው መግለጫ፤ በኢትዮጵያ የአሜሪካ አምባሳደር በምዕራብ ትግራይ ሑመራ ከተማ ስላደረጉት ጉብኝት አስመልክቶ ባወጡት መግለጫ "አሳስቦኛል" ማለቱን አስታውቋል።

ዓለም አቀፍ አካላት የሚያደርጉት ተሳትፎ የሚደገፍ ቢሆንም፤ በተለይ ትላንት የወጣው የአሜሪካ ኤምባሲ መግለጫ ተዋዋይ ወገኖች ልዩነታቸውን እንዲያጠቡ ከማድረግ ይልቅ ሌላ ችግር የሚፈጥር በመሆኑ "አስጊ ነው" ሲል ህወሓት ገልጿል።

አሜሪካ የስምምነቱ መፈረም አንዲት ታዛቢ እንደመሆኗ መጠን፤ ወዳጅነት ላይ ብቻ ያተኮረ ሳይሆን በተዋዋዮች መካከል መተማመን፣ ውይይት እና የጋራ መፍትሄ እንዲኖር መርህን የተከተለ ተሳትፎ ሊኖራት ይገባል ሲል ህወሓት ተችቷል።

ከ1 ሚሊዮን በላይ ተጋሩ ከምዕራብ ትግራይ በኃይል ተፈናቅለዋል እንዲሁም ተሰደዋል ያለው የህወሓት መግለጫ፤ እንቅፋት ሆኖ ያለው ደህንነቱ በተጠበቀ መንገድ ወደ ቀያቸው የሚመለሱበት ሁኔታ አለመፈጠሩ ነው ብሏል።

ይህ እንዲህ እያለ "ህዝብን አስቀድሙ" የሚል ቁንጽል ንግግር የተፈናቃዮችን ደህንነትና መብት ስለማይጠብቅ፤ እንዲሁም በኃይል፣ በማስፈራራትና በወረራ ዘላቂ መፍትሄ ስለማያመጣ የፕሪቶሪያ ስምምነት ዋና ጉዳይ የሆነው የሕገ-መንግስታዊ ስርዓት ተፈጻሚነት ሊተገበር ይገባል ሲል አሳስቧል።

ዘላቂ ሰላም እና ፍትህ አይነጣጠሉም ብዬ አምናለሁ ያለው የህወሓት መግለጫ፤ ተጠያቂነት፣ መብቶችን ማክበር እና የሕገ-መንግስታዊ ምሰሶዎች ተገዥነት የዘላቂ ሰላም መሰረት ናቸው፤ ስለዚህ በማንኛውም አካል ዓለም አቀፍ አጋሮችን ጨምሮ የሚወጡ መግለጫዎች መተማመንን የሚያጎለብቱ እና አራሚ ተሳትፎ በሚሹበት ወቅት ላይ እንገኛለን ሲል ገልጿል።

ምንም እንኳን እንዲህ ዓይነት ስጋት ቢኖረንም፤ በተዋዋዮች መካከል በፖለቲካዊ ውይይት እንዲኖር እና ለሙሉ የፕሪቶሪያ ስምምነት ትግበራ ግልጽ የሆነ የኣፈጻጸም እቅድ እንዲኖር ያለን ተነሳሽነት እንገልጻለን ብሏል።

በአጋሮች በኩልም ገለልተኛ እና መርህን የጠበቀ አቋም በመያዝ ዘላቂ መፍትሄ በመፈለግ እና ተዋዋዮችን በመታመንም ረገድ ግዴታቸውን እንዲወጡ ዝግጁ ነን ብሏል።

በኢትዮጵያ የኣሜሪካ ኤምባሲ ኣምባሳደር ማሲንጋ ወደ ምዕራብ ትግራይ ከሄደ በኋላ ትናንት መግለጫ ማውጣቱን ይታወቃል።

ትግራይ ጋርድያንስ
08 ጥር 2018 ዓ.ም
ትግራይ

Address

ሓውዜን ገርዓልታ
Hawzen
10420000RUF

Telephone

+251973120375

Website

Alerts

Be the first to know and let us send you an email when Tigray Guardians posts news and promotions. Your email address will not be used for any other purpose, and you can unsubscribe at any time.

Shortcuts

Share

Category