Abbaa Alangaa Aanaa Malkaa Bal'oo

02/10/2026

02/10/2026

Fulbaana 22,2019|BAAWO|Finfinnee

"Irreecha Waliigaltee Biyyaalessaaf!"

Ayyaanni Irreechaa ulfoo Oromoo keessaa isa ijoo yoo ta’u duudhaa ganamaan kan masakame ayyaana guddaa waloon kabajamudha. Kunis Ayyaana galateeffannaa waaqa ganna gurraacha hulluqsisee booqaa birraan gaheef kan dhiyaatu mallattoo obbolummaa, tokkummaa, jaalalaafi araaraati.

Ayyaana guddaa biyya keessaafi alaa irratti hirmaatamu ta’uu isaatiin humna Turiizimii olaanaa dinagdee sochoosuu bira darbee maqaa gaarii naannoofi biyyaa ijaarudha.

Ayyaanni miliyoonotni irratti hirmaachuun kabajamu kun bara kana mata duree "Irreecha Waliigaltee Biyyaalessaaf" jedhuun Fulbaana 23,2019 Hora Finfinneetti, Fulbaana 24,2019 Hora Harsadeetti kan kabajamu dha.

Biiroon Abbaa Alangaa Waliigalaa Oromiyaa Uummata Oromoo fi Hirmaattota Ayyaanichaa Maraan Baga Ayyaana Ireeechaa kan bara 2019 nagaan isin gahe jechuun hawwii qabu ibsa.

02/10/2026

Gurmaa’insa Manneen Murtii Ol’aanaa Godinaalee Ilaalchisee Murtii Gumii Bulchiinsa Abbootii Seeraa Oromiyaa
------------------------------------------------------
(Fulbaana 22,2019 MMWO, Caffee Araaraa, Finfinnee)-Gumiin Bulchiinsa Abbootii Seeraa Oromiyaa Yaa'ii Ariifachiisaa 27ffaa, Fulbaana 21,2019 gaggeesseen bu'uura Labsii Gurmaa'insa, Aangoo fi Hojii Qaamolee Raawwachiiftuu Bulchiinsa Godinaalee, Aanaalee fi Gandoota Mootummaa Naannoo Oromiyaa lakk 267/2019tiin Godinaalee Oromiyaa bifa haaraan gurmaa'an bu'uureffachuun Manneen Murtii Ol'aanaa Godinaalee irra deebiin gurmeessuuf yaada murtii dhiyaate irratti maryachuun mirkaneesseera.
Haaluma kanaan Manneen Murtii Ol'aanaa Godinaalee 21 turan gara 6tti dachaasuun Manneen Murtii Ol'aanaa Godinaalee 6 haala haaraaan gurmaa'aniiru.
Haaluma kanaan Manneen Murtii Ol'aanaa Magaalotaa akkuma jiranitti ta'ee Manneen Murtii Ol'aanaa Godinaalee haaraa 6 gurmaa’an;
1. Mana Murtii Ol'aanaa Godina Jiddugaleessa Oromiyaa
2. Mana Murtii Ol'aanaa Godina Baha Oromiyaa
3. Mana Murtii Ol'aanaa Godina Kibba Baha Oromiyaa
4. Mana Murtii Ol'aanaa Godina Lixa Oromiyaa
5. Mana Murtii Ol'aanaa Godina Kibba Oromiyaa fi
6. Mana Murtii Ol'aanaa Godina Kibba Lixaa Oromiyaa ta'u.

Gama birootiin Manneen Murtii Ol'aanaa Godinaalee gurmaa’insa duraatiin turan ‘Dhaddachaalee Dhaabbii MMO Godinaalee’ ta'uun akka gurmaa’an yaadni murtii dhiyaate mirkanaa’eera.
Dabalataanis Gumiin yaa'ii isaa kanaan Pirezidaantota Mana Murtii Ol'aanaa Godinaalee muudeera.Bu'uuruma kanaan;
1. Obbo Galaanaa Tarreessaa-Pirezidaantii MMO Godina Kibba Bahaa Oromiyaa
2. Obbo Guddataa Caalchisaa-Pirezidaantii MMO Godina Kibba Oromiyaa
3. Obbo Bukaar Kadiroo-Pirezidaantii MMO Godina Kibba Lixaa Oromiyaa
4. Obbo Toofiq Shamsuu-Pirezidaantii MMO Godina Lixaa Oromiyaa
5. Obbo Zawudee Fiqaaduu- Pirezidaantii MMO Godina Baha Oromiyaa
6. Obbo Mohaammed Xayib Nuuree-Pirezidaantii MMO Godina Jiddugaleessa Oromiyaa ta’uun muudamaniiru.

30/09/2026

30/09/2026

Fulbaana 20, bara 2019
WAAAMB
Jaaja
============================
Gumiin BAAWO walgahii ariifachiisaa ta'en Muudama Hooggantoota Waajjira Abbaa Alangaa Godinaalee Oromiyaa haaraa gurmaa'anii taasisee jira.
Haaluma kanaan Ittigaafatamaa Waajjra Abbaa Alangaa Godina Harargee Baha kan turan Kabajamoo Obbo Aslaaddin Ahmadnuur Ittigaafatamaa Waajjira Abbaa Alangaa Godina Baha Oromiyaa gochuun muudera.
Barri hojii kun bara hojii milkii akka isini ta'u hawwa.
Waajjira Abbaa Alangaa Aanaa Malkaa Bal'oo

30/09/2026

Bara hojii milkii isiniif haa tahu🎊🎊🎊🎊🎊🎊

28/09/2026

28/09/2026

Baga Gammaddan Baga Gammanne

Caffeen Oromiyaa Yaa’ii Waggaa 1ffaa Bara Hojii Caffee 7ffaa guyyaa 18/01/2019 taa’een Kabajamoo Obbo Guyyoo Waariyoo Hogganaa Biiroo Abbaa Alangaa Waliigala Oromiyaa taasisuun irra deebiin muudee jira.Waajjirri Abbaa Alangaa Godina Harargee Bahaas hojjatoota,Abbootti Alangaa fi hawaasa keenya maraan baga gammaddan,Baga waliin gammanne jechaa,Nutis,jijjiirama sirna haqaa naannoo keenyaa cimsuuf taasifameefi bu’aalee baroota dabran argame itti fufsiisuuf gahee keenya kan baanu tahuu ibsaa Addatti Kabajamoo Obbo Guyyoo Wariiyoo,Hogganaa Biiroo Abbaa Alangaa Waliigalaa Oromiyaatiif baroota hojii milkii akka isaaniif tahu hawwina.

28/09/2026

Caffeen Oromiyaa riifoormii caaseffama Godinaalee haaraa qophaa'e raggaasise

Finfinnee, Fulbaana 18, 2019 (FMC) - Caffeen Oromiyaa Yaa'ii duraa Waggaa 1ffaa Bara hojii 7ffaa geggeessaa jiruun wixinee labsii gurmaa’iinsa, aangoofi hojii qaamolee raawwachiiftuu Bulchiinsa Godinaalee, Aanaaleefi Gandoota Mootummaa Naannoo Oromiyaa murteessuuf qophaa’ee raggaasise!

Kanumaan wal qabatee hoogganaa Biiroo Abbaa Alangaa Oromiyaa Obbo Guyyoo Waariyoo ibsa kennaniin caffeen Oromiyaa murtee seenaa qabeessa fayyadamummaa uummataa mirkaneessu murteessuu kaasuun, wixineen labsii qaama raawwachiisaa Mootummaa Naannoo Oromiyaa irra deebi'uun gurmaa'ee har'a Caffeen ragga'e qindoomina qaamolee mootummaa kan cimsu ta'uu dubbataniiru.

Riiformiin seeraan kan deeggarameefi aangoo gadi buusuuf kan kaayyeffate ta'uu himuun, Godinaaleen kanaan dura 21 turan gara Godinaalee 6tti caaseffamuu himaniiru.

Haalu,a kanaan godinaaleen haaraan kunneenis;
1. Godina Bahaa Oromiyaa
2. Godina Giddugala Oromiyaa
3. Godina Lixa Oroniyaa
4. Godina Kibba Oromiyaa
5. Godina Kibba Lixa Oromiyaa fi
6. Godina Kibba Baha Oromiyaa ta'uu dubbataniiru.

Caaseffamni kunis mootummaafi uummata sirnaan kan walitti dhiyeessuufi kenna tajaajila mootummaa kan si'eessu ta'uu ibsaniiru.

Labsiin kunis labsii lakkoofsa 268/ 2019 ta'uun ragga'e.

Siifan Magarsaatu gabaase