22/09/2022
Nabadi waxay timaadaa dagaalka kadib, dagaalkuna wuxuu sababaa dhimasho geesiyaal la jecelyahay oo inbadan la tabi doono.
Si kasta oo ay tahay maadaamo nabadu lagama maarmaan ay tahay waxaa khasab ah in loo dhinto loona dhaawacmo, marki ayadoo nabad la raadinayo geesiyaal ay udhintaan una dhaawacmaan, waxaa dhismaya sharafta iyo karaamada bulshadaas.
Hadaba Ururka argagixisada ee alshabaab hadii aan umada soomaaliyeed iyo ciidankoodu meel walba oo ay joogaan umidoobin, lagama gudbi doona si xun udhimashada iyo cabsi ku noolaanshaha haysata ummada soomaaliyeed.
Deegaanka soomaalida marki ay ururka al-qushaash isku dayeen inay dhibaato iyo qalalaase ka abuuraan waxaa fadhiga kakacay oo dhiigooda uhuray geesiyada CIidanka Xooga Gaarka Ee Liyupolice oo kaashanaya shacabkooda oo ayagana ka garab dagaalamay ciidankooda Lana garab istaagay wax walba oo ciidan dagaal ku jira ay ubaahanyihiin.
Taasina waxay sababtay in muddo yar oo bil illaa 2bilood ah lagaga fara-xasho ciidan 800 ilaa kun askari gaadhaya cagtana La mariyo ayadoo laga dhigay wax la dilay iyo wax laqabtay oo gacanta lagu dhigay.
Hadaba ciidanka iyo dowlada soomaaliya ayaa cashar ka bartay shacabka soomaaliyeed ee DDS iyo Ciidankooda sida wadajirka ah ee ay cadawga isaga dhiciyeen wakhtiga yarna ay oga guulaysteen qorshayaal cadawgu sanado badan soo maleegayay kuna yeeshay xubno iyo hub ay shacabka ku dhibaateeyaan gudaha deegaanka.
Waxayna bilaabeen inay shacabka ku kiciyaan ururka argagixasada alqushaash si ay ciidankooda oga barbar dagaalamaan wayna bilaabeen.
Sidaas darteed waxaa muuqata Rajo iyo yidadiilo wanaagsan oo ah inay soo dhawdahay dabar go'ii ururka alshabaab maadaama wadadii ugu haboonayd maanta loo maray oo ay shacabka iyo ciidanku iskaashanayaan.
Hadaba waxaan bogaadinayaa in shacabka iyo ciidamada kaladuwan ee soomaaliyeed meel walba oo ay joogaan umidoobaan soo afjarida ururka naxariista daran ee taagta yar.
Alshabaab waa cadawga ummada soomaaliyeed iyo cadawga diinta iyo dhaqanka
