02/05/2026
Amjad Daaha oo ah aqoonyahan u dhashay Imaaraadka oo ka faallooda amniga iyo siyaasada , ayaa sheegay in dalkii Carbeed ee ugu horeeyay aqoonsan doono Somaliland.
Amjad Taha ayaa ah khabiir ku xeeldheer arrimaha siyaasadda iyo amniga, fadhigiisuna yahay Boqortooyada Ingiriiska balse asalkiisu ka soo jeedo dalalka Carabta.
Ninkan Waxaa lagu yaqaannaa inuu si dhow ula socdo, mararka qaarkoodna uu ka turjumo jihada siyaasadda dibadda ee dalalka xulafada xooggan ee Carabta sida Imaaraadka iyo Baxrayn.
Maxay tahay nuxurka sheegashadiisa?
Amjad waxa uu tilmaamay in Imaaraadka Carabtu uu u muuqdo dalkii ugu horreeyay ee Carbeed ee qaadi kara tallaabo geesinnimo leh oo ku aaddan aqoonsiga Somaliland.
Maxay tani uga dhigan tahay Somaliland?
Haddii ay dhacdo in dal Carbeed oo miisaan leh sida Imaaraadka uu aqoonsado Somaliland:
Waxay albaabka u furaysaa in dalal kale oo caalami ah ay ku dhiiradaan tallaabadaas.
Dhinaca Dhaqaalaha Waxay sare u qaadaysaa kalsoonida maalgashadayaasha caalamiga ah ee raba inay galaan suuqa Somaliland.
World Somali News
