17/08/2026
KHUDBADAHA JIMCAHA IYO SALUUGAYGA:
Khudbadda Jimcuhu waa mid ka mid ah meelaha ugu muhiimsan ee bulshada lagu wacyigelin karo, lagu hagaajin karo fikirkooda, laguna toosin karo hab-dhaqankooda guud. Waa fursad toddobaadle ah oo kumannaan qof ay si wadajir ah u dhegaysanayaan hadal diini ah. Sidaa darteed, waxaa muhiim ah in bulshadu hesho khudbado su'aalo weydiiya hab fikirkooda, xalal soo jeediya, qalbiga mujtamaca taabta, caqliyada dhaqaajiya, isla markaana qofka ku xidha masuuliyadda uu ku leeyahay qoyskiisa iyo bulshadiisa.
Diintu ha noqoto iftiin lagu hago nolosha, khudbadduna ha noqoto buundo isku xidhdha Qur'aanka iyo waaqaca, masaajidka iyo bulshada, iimaanka iyo ficilka.
Khudbadaha in bulshada lagala hadlo ay mudan tahay waxa ka mid ah: tarbiyadda carruurta, xidhiidhka waalidka iyo ubadka, kala-qaybsanaanta bulshada, akhlaaqda ganacsiga, musuqmaasuqa, dayaca dhalinyarada, isticmaalka xad-dhaafka ah ee baraha bulshada, waqtiga oo la dayaco, waxbarashada, shaqo la'aanta, khilaafaadka qoysaska, furriinka, derisnimada, nadaafadda deegaanka, mas'uuliyadda bulshada iyo sidii qof walba uga qayb qaadan lahaa dhismaha bulsho wanaagsan iyo kuwo badan oo looga sii baahi badnaan karo.
Ugu dambayn,Boorama waxay u baahan tahay khudbado la nool waaqaceeda.
Ustaad Naafic Mohamed Qaadi
