Radio Xoriyo

Home
Ethiopia
Jijiga
Radio Xoriyo

The ONLF was founded in 1984, by the Somali people in Ogaden to attain self-determination for Somalis under Ethiopian rule. www.onlf.org

ONLF has reached a peace agreement with the Ethiopian gov and is now a political party running for elections 2021. A political Party in Ethiopia advocating for the rights of Somalis to self-determination and for all other marginalised nation in Ethiopia. ONLF is a pro- Ethnic Federalism and stands for the right of each nation to self-rule, good governance, democratic rights, the right of women, mi

norities and tolerance. The current constitution framework regarding the right of self-dtermination of nations is the minimum ONL accepts. ONLF is a nationally registered Political Party which will play a key role in achieving genuine democratic transformation and the respect of the self determination of all nation in Ethiopia. Politically ONLF is a progressive Social Democratic movement and will strive for social justice and equality. Economically ONLF believes that both the state and private business have a role in the economy and will advocate for mixed economy. The Somali people under Ethiopian rule are politically and economically marginalised and ONLF will strive to advance the Somali people in education, economic development, infrastructure development , trade liberalisation and Genuine highly devolved self- rule. ONLF will seek the same rights for all Ethiopians. ONLF will seek justice in the field of Fossil Fuels and mining, where today the Somali people have no say or role in the exploitation of natural resources in their own land

ONLF would foster dialogue, good neighbourliness and mutual benefit for all its neighbours. ONLF has decommissioned its weapons and has adopted a principled peaceful struggle to achieve the rights of its people. ONLF does no longer advocate the use of violence in settling political differences. ONLF is an independent movement that answers only to the will of the Somali people and will always serve the interest of its people. Unity ,Preseverence, Self-reliance

25/10/2024

Guddiga Fulinta oo ka aqbaly Guddoomiyaha JWXO Dr. Cabdiraxmaan MaxamedSheekhMahdi (Maaddeey), dalab dib loogu dhigayo Kalfadhigii Golaha Dhexe oo loo muddeeyay in uu qabsoomo 26 Octoober, 2024.

21/09/2024

Madax Ka JWXO Oo Muqdisho Shir Ku Qabtay.

Waxaa shalay gelinkii dambe kulan wadatashi iyo kala warqaadasho ah ku yeeshay magaalada Muqdisho caasimadda dalka Soomaaliya, madax ka tirsan Jabhadda Waddaniga Xoreynta Ogaadeenya (JWXO) iyo qaar ka mid ah kaadirka ururka ee Muqdisho ku sugan.

Kulan kan oo ay soo qaban qaabiyeen maamulka JWXO ee faraca Midnimo ee magaalada Muqdisho hawl-gala oo ahmiyad gooni ah lahaa ayaa lagu kala qaatay warbixin labada dhinac ah, iyada oo si dhaw la isula qiimeeyay dardargelinta shaqada xubnaha JWXO ee magaalada Muqdisho.

Dhinaca kale, kaadirka ururka ee Muqdisho ee madaxda la shiray ayaa talooyin gashi halgameed ah la wadaagay masuuliyiinta JWXO oo isugu jirey heerar kala duwan.

ONA.

13/08/2024

Wargelin!!!

Waxaa dhammaan xubnaha Jabhadda Waddaniga Xoreynta Ogaadeenya (JWXO) ee magaalada Jigjiga, taageerayaasha ururka iyo guud ahaan shacabka Soomaaliyeed ee sugan Jigjiga iyo nawaaxigeeda lala socodsiinayaa in maalinta Khamiista oo ku beegan 15-ka bisha August, la qaban doono sannad-guuradii 40ªªᵈ ee maalinta aas'aaska JWXO.

Musaabaddan oo ka duwan kuwii h**ey u dhici jiray oo ay soo qayb-geli doonaan masuuliyiinta ugu sarreysa ururka oo uu gadh-wadeenka ka yahay: Guddoomiyaha JWXO, Mus'asas, Halgame, Dr. Cabdiraxmaan Maxamed Sheekh Mahdi (Maaddeey), Guddiga Fulinta JWXO, Golaha Dhexe iyo qaybaha kala duwan bulshada ayaa lagu qaban doonaa, madasha kulamada ee Qaryaan Dhoodaan.

Munaasabaddan oo loo diyaariyay si ka duwan kuwii h**e, waxaa laga soo jeedin doonaa khudbado ka warramaya halgamada qori-isu-dhiib ah ee ay shacbiga Soomaaliyeed gobannimada ku raadinayaan, taas oo ka soo billaabmaysa 1887, markii uu Miniliggii labaad qabsaday magaalada Harar oo ahayd xarun-diimeeddii Bariga Afrika iyo magaalo madaxdii boqortooyooyinkii Soomaaliyeed ee ka talin jiray dhulka Soomaalida.

Dhinaca kale, waxa ay 15-ka bisha August, astaan u tahay iska-caabbinta gumeysiga iyo xornimo-raadinta Shacbiga Soomaaliyeed ee ay weli Itoobiya gumeysato, kuwaas oo uu gumeystihii Ingiriisku heshiiskii k**a dambaysta ahaa gumeysiga Itoobiya ugu gacan-geliyay: 29 November, sannadkii 1955, wixii xilligaas ka dambeeyayna waxa uu Shacbiga Soomaaliyeed baadi-goob ugu jiraa in ay iska ridaan heeryada gumeysiga.

Jabhadda Waddaniga Xoreynta Ogaadeenya (JWXO) oo la xusayo sannad-guuradeedii 40ªªᵈ, waxa ay ka qalin-haysataa halgamadaa isdaba-joogga ah, waxaana xusid mudan in maalinta Khamiista uu madashan goob-joog noqon doono, haddii Alle idmo — Guddoomiyaha Jabhadda Waddaniga Xoreynta Ogaadeenya (JWXO) oo ka mida ahaa lixdii aqoonyahan ee ururka ONLF ku aas'aasay sannadkii 1984-tii magaalada Muqdisho, gaar ahaan degmada Hodan .

Haddaba, waa in ay Shacbiga Soomaaliyeed ka soo qayb-galaan munaasabaddan qiimaha badan ee ay iyagu dhaxalkeeda leeyihiin, taas oo qabsoomi doonta Hoolka Qaryaan Dhoodaan.

Xaddiis Macallin Xasan.

ONA, Jigjiga.

22/06/2024

Taariikh Halgameedkii Sh. Ibraahim Cabdallaahi Maxamed (Maax) Oo Kooban.

Inkastoo ayna ahayn taariikh halgameedka Sh. Ibraahim wax lagu soo koobi karayo maqaallo, haddana si guudmar ah ayaan qormadan ugu dul istaagaynaa, maaddaama oo maanta (22, June) ay ku beeggan tahay maalinkii uu geeriyooday Sheekhu, oo ay ka soo wareegtay 16 sano, si uu quluubtooda ugu dhex noolaado malaayiin qof oo halgamayaal iyo shacabkiisii ah uu gobannimo heliddooda muddo dheer u gaylamay.

Sh. Ibraahim Cabdallaahi Maxamed (Maax), wuxuu ku dhashay 1941-dii magaalada Qallaafo ee Gobolka Shabeelle. Wuxuu xifdiyay Qur’aanka Kariimka ah isaga oo aad u da’ yar, sidoo kale, wuxuu markii h**e bartay qaybo ka mid ah culuumta Carabiga, fiqhiga Shaaficiyada iyo axaaddiista Rasuulka SCW, ka dibna wuxuu cilmi korodhsi ugu safray Dalka Sucuudiga.

1966-dii Sh. Ibraahim wuxuu ku biiray Jaamacadda Imaam Maxamed binu Sacuud oo uu ka qalin-jabiyay sannadkii 1970-kii. Ka dib, Sheekhu wuxuu ku soo laabtay Dalka Soomaaliya, wuxuuna bare ka noqday laga soo billaabo sannadkii 1973-dii, dugsiyada sare ee magaalada Hargeysa.

Alle ha u naxariistee, Sh. Ibraahim wuxuu qayb ka noqday horraantii 70meeyadii ilaa horraantii 80meeyadii halgankii xoraynta Soomaali Galbeed ee xilligaa socday, wuxuuna ahaa Wakiilkii Jabhadda Xoraynta Soomaali Galbeed (WSLF) u joogay Dalka Imaaraatka, sidoo kale, Sh. Ibraahim wuxuu ka mid noqday Golihii Dhexe ee WSLF.

Kadib, markii uu hagaas ku yimid halgankii ay wadday WSLF, isla markaana loo arkay Jamhuuriyaddii Soomaaliya inay marinkii ka leexisay, Sh. Ibraahim wuxuu ka mid ahaa 6-dii aqoonyahan ee magaalada Muqdisho ku aasaasay Ururka ONLF 15/8/1984-tii oo 40 guuradiisii ay inaga xigto laba bilood wax ka yar.

Shirwaynihii 1aad ee horraantii 1992-dii lagu qabtay magaalada Garbo ee Gobolka Nogob, Sh. Ibraahim waxaa loogu doortay Guddoomiyaha ONLF, wuxuuna xilkaa hayay ilaa 9 September, 1998-dii oo ahayd maalintii la doortay Guddoomiyihii h**e Admiral Maxamed Cumar Cusmaan.

Alle ha u naxariistee, Sh. Ibraahim muddadii uu xilka hayay waxaa lagu xusuustaa mayal-adaygii uu caanka ku ahaa iyo ismaandhaafyo dhex maray kooxdii Tigreyga, waxaana tusaale u soo qaadanaynaa ismaandhaafkii Buundada Qabridahar ka dhacay weedhiisii hal-ku-dhagga noqotay ee ahayd ‘’Kani-adaygu halganka ayuu ka mid yahay.’’

Sh. Ibraahim mar uu socdaal ku yimid 1993-dii magaalada Qabridaharre, ayaa booqashadii markii uu dhammaystay una ambabaxay xaruntii Gerigo'’an, magaalada ka baxeeda (buundada) oo ah dhanka jidka Dhagaxbuur aada waxaa ku joojiyey ciidankii Xabashida ee halkaa joogay, waxayna damceen inay baadhitaan ku sameeyaan gaadhiga Sh. Ibraahim saaran yahay, hase ahaatee, waxaa gaashaanka u daruuray raggii Sheekha sagootinayay oo ka diiday arrintaas.

Buundadii ciidanku joogay kolkii laga gudbay, ayuu Sheekhu dad badan oo sagootinayay halkaa khudbad ugu jeediyay, waxaana ka mid ahaa nuxurka hadalkiisa: ‘’Wadanka innaga ayaa iska leh, go'aanqaadashadiisuna innaga ayay inaga go'daa, marka yaynaan oggolaanin in aynu madaxa foorarinno oo aynu qaayibno dullinnimo. Nin Tigrey ah oo ciideenna gardarro ku yimid inuu siduu rabo inaga yeelo waa wax aan loo dulqaadan karin, waxaadna ogaataan, kani-adaygu waa qayb halganka kamid ah.’’

Mar kale, 22 Feb. 1994-tii, Sh. Ibraahim isaga oo booqasho ku joogay magaalada Wardheer ee Gobolka Doollo ayay weerar ku soo qaadeen ciidankii Tigreyga ee joogay halkaa oo go’aankoodu ahaa, inay ama geeri ku hubsadaan ama gacanta ku dhigaan, hase ahaatee, waxaa si adag u difaacay shacabkii Reer Wardheer, waxaana ku naf waayay dad tiradoodu gaadhaysay 56 qof.

Kooxdii TPLF kolkii ay joojin waayeen xadgudubka iyo dhaqan xumo badan oo lagu hagardaamaynayay masiirka shacabka Soomaalida, Sh. Ibraahim wuxuu shir guddoomiyay 20 April 1994-tii go’aankii khaadhaa ee lagu galay halgankii hubaysnaa ee socday 24 sano iyo dheeraadka.

Allaha u naxariistee, Sh. Ibraahim kolkii uu ka dagay xilkii guddoomiyannimo, wuxuu u faaruq noqday qoraalladii ahaa dhaxal-reebka ummadeed, wuxuuna 1999-kii aasaasay madaxna ka noqday Xarun-goboleedda Cilmibaadhista iyo Daraasaadka Istiraatiijiga ee Geeska Afrika. Sidoo kale, wuxuu wakhti u helay dhammaystirka kitaabkiisa wayn ee Tuxfatul Awfiyaa oo ka kooban 736 bog, sannado badanna uu soo waday. Si guud, Sh. Ibraahim wuxuu luuqadda Carabiga ku qoray 6 kitaab oo shan ka mid ah la daabacay, waxayna ku wada saabsan yihiin halgan iyo taariikh.

Sh. Ibraahim Cabdallaah Maax, wuxuu ahaa Mufakir Islaami ah oo aaminsan, qalinkiisana aan marna kala gabbanin Geeska Afrika inay isku hayaan Masaajid iyo Kaniisad, waana xaqiiqo jirta oo laga soo billaabo Menelik labaad ilaa talisyadii ka danbeeyay khudbadahooda ay ku caddahay.

Jannooyinkiisa Rabbi ha ugu bishaareeyo ee Sh. Ibraahim Cabdallaah wuxuu ku geeriyooday Dalka Imaaraatka, ammin salaadda duhur laga soo baxay, maalin Axad ah taariikhduna ahayd 22 June, 2008-dii.

F.G: intaasi waa guudmar kooban ee taariikhda Sh. Ibraahim oo dhammaystiran waxay kaga bogan doonaan jiilka kacay iyo kuwa danbaba buug aan gacanta ku hayo oo goortii ay suurtagal noqoto soo bixi doona haddii Rabbi idmo.

W/Q: Cabdixakiin M. Haaddi

22, June 2024.

La soco, waraysiyo lagaga warrmayo taariikhda Sheekh Ibraahim Cabdalle Maxamed (Maax).

20/04/2024

Agoonta JWXO Ee Degmada Qabridaharre Deeq La Gaadhsiiyay.

Waxaa deeq kooban oo lacag la gaadhsiiyay agoonta Jabhadda Waddaniga Xoreynta Ogaadeeniya ee degmada Qabridaharre ee xarunta gobolka Qorraxay.

Deeqdan oo ay si isku-tashi ah u bixiyeen xubnaha JWXO ee magaalada Qabridaharre oo lagu talo-galay agoonta JWXO ee gudaha magaalada ku dhaqan ayaa loo qaybiyay carruurta aan weli qaangaadhin ee ay ka tegeen naftood-hureyaashoodii shihiiday ee Ciidankii Waddaniga Xoreynta Ogaadeeniya (CWXO).

Deeqdan oo ay carruurta guddoonsiiyeen maammulka JWXO ee gobolka Qorraxay ayaa lagu bixiyay xafiiska ururka ee gobolka Qorraxay.

ONA.

09/04/2024

Guddoomiyaha JWXO Oo U Hambalyeeyay Ummadaha Muslimiinta Ah.

Guddoomiyaha Jabhadda Waddaniga Xoreynta Ogaadeeniya (JWXO) Dr. Cabdiraxmaan Maxamed Sheekh Mahdi ayaa hambalyada munaasabadda ciiddul-fidriga u diray ummadaha muslimiinta caalamka gaar ahaan shacbiga Soomaaliyeed ee Ogaadeenya.

Guddoomiyaha JWXO ayaa ummadaha caalamka uga baryay in uu ka aqabalo acmaashii ay guda jireen bishii barakaysnayd ee Ramadaan, waxa uuna guddoomiyuhu ugu baaqay shacbiga Soomaaliyeed in ay iswada cafiyaan, una turaan dadka danyarta ee in la ogaado u baahan.

Dhinaca kale, guddoomiyaha ayaa si gaar ah xubnaha JWXO hambalyada munaasabadda ciidda, waxa uuna guddoomiyuhu carrabka ku adkeeyay in cafis guud u fidinayo xubnihii ururka ee la maxk**adeeyay, isaga oo sheegay in uu albaabkiisu furan yahay, waxa uuna ugu baaqay in loo hoggaamsamo nidaamka JWXO u yaalla.

ONA.

22/03/2024

Tuulada Waydkaal Oo Dad Shacab Ah Lagu Xasuuqay.

Waxaa tuulada Waydkaal ee degmada Baarrey ee gobolka Afdheer maanta gelin h**e lagu xasuuqay 4 qof oo shacab ah oo ay xabbad ku fureen ciidanka gaarka ah ee Degaanka Soomaalida ee fadhigoodu yahay aagga degmada Baarrey, halka ay ku dhaawacmeen 8 qof qof kale.

Afarta marxuum ee xasuuq-wadareedka loo geystay ayay ka mid ahayd hooyo Tamiino Macallin Jaamac Mulay oo ka tagtay siddeed ilmood oo midi uu hadda naasta nuugayay iyo Mu'aadinkii masaajidka marxuum Salaad Xasan Maxamuud oo 73 jir ahaa.

Dadka shacabka ah ee maanta lagu xasuuqay tuulada Waydkaal ayaa markii h**e si qasab looga soo uruuriyay tuulada, sida uu qof goob-jooge ahi u xaqiijiyay Wakaaladda Wararka Ogaadeenya ee ONA.

Madaxa Xisbiga PP ee gobolka Afdheer Aaden Geeddi ayaa la sheegayaa in uu dalbalay ciidanka dadka laayay oo qiyaastii gaadhayay 45 askari oo masuul ka ahaa Xasan Lacag Taliyaha Degmada, ka dib markii la isku maandhaafay bixinta diyada marxuum ku geeriyooday shil mooto, kaas oo ay ehel ahaayeen dadka maanta la laayay.

Guddoomiyaha degmada Baarrey Cali Nuur Xareed iyo ku-xigeenkiisa Cabdi Weyrax ayaa iyana qayb ka ahaa maamulka dawladda ee madasha joogay.

Shan qof oo dhaawacoodu cuslaa ayaa loo qaaday xarunta gobolka Afdheer ee degmada Hargeelle, halka saddex kalena ay weli yaallaan xarunta caafimaadka ee tuulada Waydkaal.

ONA.

20/03/2024

Guddoomiyaha Jabhadda Waddaniga Xoreynta Ogaadeeniya Dr. Cabdiraxmaan Maxamed Sheekh Mahdi (Maaddeey) ayaa caddeeyay in ay jiraan kooxo isku deyaya in ay ONLF dagaal geliyaan kuwaas oo soo xidhay shaadhka Hay'adda Doorashooyinka Itoobiya ee NEBE loo soo gaabiyo.

Guddoomiyaha oo hadalkiisa sii wata ayaa sheegay in aan loo yeedhin karin JWXO, qorshaha ay maleegayaanna uu yahay mid aan socon doonin, wuxuuna been ku tilmaamay cid kasta oo rabta in ay isku daygan meel marsato.

Hadalka guddoomiyaha JWXO ayaa ku soo aadaya xilli ay baraha bulshada ku baahayaan been-abuurro kala duwan oo bulshada iyo xubnaha ururkaba lagu jiho-wareerinayo, iyada oo looga gol leeyahay in la curyaamiyo geeddi-socodka halgameed ee ururku ku hawlan yahay.

ONA.

25/11/2023

𝐆𝐮𝐝𝐝𝐨𝐨𝐦𝐢𝐲𝐚𝐡𝐚 𝐉𝐖𝐗𝐎 𝐎𝐨 𝐖𝐚𝐫𝐛𝐚𝐚𝐡𝐢𝐧𝐭𝐚 𝐋𝐚 𝐇𝐚𝐝𝐥𝐚𝐲.

Waxaa goor dhow Wakaaladda Wararka Ogaadeenya ee ONA wareysi gaar ah siiyay Guddoomiyaha JWXO Dr. Cabdiraxmaan Maxamed Sheekh Mahdi (Maaddeey) oo ka war bixiyay marxaladaha ururka, geeddi-socodkiisa shaqo iyo halka xilligan kala-guurka ah marayo.

Wareysiga Guddoomiyaha oo dhinacyo badan taabana, kuna jiraan su'aalo muhiim ah oo uu ka bixiyay jawaabo waafi ah kala soco Wakaaladda Wararka Ogaadeenya ee ONA.

ONA.

07/11/2023

Innaa Lilaahi wa innaa Ilayhi Raajicuun. Waxaa Illahay uga baryayaa inuu u naxariisto xaaji Ibrahim Xaaji warfaa, qabriga inuu waasiciyo, su’aashana u fududeeyo, janadana ka waraabiyo. Waxaan sidoo kale Alle ka baryayaa inuu dhammaan Ehelada iyo Qaraabada Samir iyo iiman ka siiyo. Allow kuu naxariiso.

06/11/2023

Wiil dhalinyaro ah oo farshaxan ah oo somaliyeed ayaa sawiradan ii soo diray isagoo leh waxaan ku muujinayaa jacaylka aan u qabo ONLf (JWXO) iyo dadka Somaliyeed ee ku dhaqan DDS (Ogaden). Marka waan idinla wadaagay. Laakiin waxaan la yaabanahay qaabka looga falceliay. Da’da soo koraysa ee somaliyeed way ka aradan yihiin farshaxanka iyo alifaada fikriga waxaana lagu mashquuliyay qabiil iyo ishaaraan. Maskaxda fura oo ku mashquula halabuur iyo inaad dadkiina wax u soo kordhisaan.

05/11/2023

Address

Jijiga

Telephone

+447471680329

Website

http://Www.onlf.org/, http://Ogadennet.com/

Alerts

Be the first to know and let us send you an email when Radio Xoriyo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Xoriyo: