01/05/2025
Gooftaan Doofummaa Eenyu?
Dubbiin Dr Gammachuu Magarsaa guddoo garaa nama nyaata. Hayyuu guddaan kun umurii ofii guutuu biyya tajaajiluun gamatti waan seenaan hin daganne sabaaf gumaatuu namuutu yaadata. Walaloon sirba Dr Alii Birraa kan “Asaabala hoo… Guraamalahoo… Karaan Mana Abbaa Gadaa Eessaa…Dhaqeen galma isaa jajjabeessaa…” jedhu dhugaa san dubbata. Finfinnee dallaalli fi faarse-bulaan gamoo shanii shantama keessaa qabutti, hayyuu guddaan kun kutaa ciisichaa tokko dhabee baadiyyaatti baqata. Sanuu gaafa warri dhugaa sabaa awwaaluun nagadu rakkoo hayyuu kanaatti qoosu agarta!
Dhiyoo tana waan “Gooftolii Doofummaa” jedhutu dubbatame. Garuu yakka farra dhalootaa saniin qaama biraatu himatame. Yoo dhugaa dubbanne, Amma gooftaan doofummaa eenyuree? Sirna dallaala fi kijibaa goobsuun hayyoota hiyyoomsee hamilee cabsu kana mitii? Namuu haa ilaallatu!
