03/12/2025
የአባት ሀገር ሩሲያ ፕሬዚዳንት ወደህንድ ሊያቀኑ ነዉ !
በምዕራባዉያኑ እስር ማዘዣ የወጣባቸው የአባት ሀገር ሩሲያ ፕሬዝዳንት ቭላድሚር
ፑቲን በዚህ ሳምንት ሀሙስና አርብ በህንድ ጉብኝት እንደሚያደርጉ ተሰማ ።
ፑቲን የሁለትዮሽ ስትራቴጂካዊ እና ኢኮኖሚያዊ አጋርነትን ለማጠናከር ሰፊ ዓላማ ይዘው ሐሙስ ኒው ዴልሂ የሚደርሱ ሲሆን አርብ ዕለት ከህንድ ጠቅላይ ሚኒስትር ናሬንድራ ሞዲ ጋር እንደሚወያዩ ይጠበቃል።
ዋሽንግተን በህንድ እቃዎች ላይ ከፍተኛ 50 በመቶ ታሪፍ ከጣለችና የህንድ እና የአሜሪካ ግንኙነት በከፍተኛ ሁኔታ መበላሸቱን ተከትሎ እየተጠናከረ በሄደው የሁለቱ ሀገራት ግኑኝነት
ወቅት የሩሲያው ፕሬዝዳንት ወደ ህንድ የሚያደርጉት ጉዞ አሜሪካን ክፉኛ ከማስቆጣት አልፎ በህንድ ላይ ተጨማሪ ማእቀብ ልትጥል እንደምትችል ተሰግቷል ።
ፑቲን በህንድ በሚኖራቸው ቆይታ
የመከላከያ ግንኙነቶችን ማጠናከር፣ የሁለትዮሽ ንግድን ከውጭ ጫና መከላከል ፣የህንድ ወደ ሩሲያ የሚላኩ ምርቶች በፋርማሲ፣ በግብርና፣ በምግብ ምርቶች እና በሸማቾች እቃዎች ዘርፎች የህንድ ሰራተኞች ወደ ሩሲያ እንዲንቀሳቀሱ ማመቻቸት እና ሌላኛው ደግሞ በሰፊው የመከላከያ ትብብር ማዕቀፍ ስር የሎጂስቲክስ ድጋፎች ዙርያ
ስምምነቶችን እንደሚፈርሙ ይጠበቃል ።
ጎን ለጎን በሉአቸው በሚደረጉ ዉይይቶችም የሁለትዮሽ የኃይል ትስስርን ለማጠናከር መንገዶችም እቅዶች ጎልተው እንደሚታዩ ይጠበቃል።
ከፍተኛ ወታደራዊ ባለስልጣናት እንደተናገሩት ከሆነ አጠቃላይ ትኩረቱ በሁለቱ ሀገራት መካከል ያለውን የቅርብ የመከላከያ እና የደህንነት ትስስር የበለጠ ለማስፋት እንደሆነ ገልፀዋል ።
ከጉባኤው በፊት የሁለቱ ሀገራት የመከላከያ ሚኒስትሮች ሐሙስ ዕለት ህንድ ተጨማሪ የኤስ-400 ሚሳኤል ስርዓቶችን እና ሌሎች ወሳኝ ወታደራዊ መሳሪያዎችን ከሩሲያ ለመግዛት ባላት እቅድ ላይ ያተኩራሉ ተብሎ የሚጠበቅ ሰፊ ውይይት እንደሚደረግ ተጠቁሟል ።
ጉብኝቱን አስመልክቶ በሰጡት መግለጫ ግንኙነቶችን እድገት እንደሚገመግሙ፣ የጋራ ጥቅም ጉዳዮችን እንደሚወያዩ እና በዲፓርትመንቶች እና በንግድ ስምምነቶች ላይ እንደሚፈርሙ ይጠበቃል ሲሉ ሁለቱም መንግስታት ተናግረዋል።
ከጉባኤው በኋላ ፑቲን አዲሱን የሩሲያ የመንግስት ብሮድካስት ቻናል በህንድ ለማስጀመር ተዘጋጅተዋል፣ ከዚያም በፕሬዝዳንት ድሮፓዲ ሙርሙ ለክብር በሚዘጋጅ የመንግስት ድግስ ላይ ይሳተፋሉ ተብሎ ይጠበቃል ።
ፑቲን ለመጨረሻ ጊዜ ህንድን የጎበኙት በ2021 ሲሆን ሞዲ ባለፈው ዓመት በሞስኮ ነበር፣ እና ሁለቱ መሪዎች በመስከረም ወር በቻይና በሻንጋይ የትብብር ድርጅት ጉባኤ ወቅት ለአጭር ጊዜ ተገናኝተዋል። ሲሉ ያስነበቡት ኢንዲያን ታይምስ ዘጋርዲያን ናቸዉ ።
DireTube
