Firew

25/08/2026

አስቸጋሪውን የአባይ በረሃን በእግር! ከፍኖተ ሰላም እስከ አዲስ አበባ የተደረገው ጉዞ!

አስቸጋሪውን የአባይ በረሃን በእግር! ከፍኖተ ሰላም እስከ አዲስ አበባ የተደረገው ጉዞ!
የዙምራ እና የአጋሮቹ ጉዞ ፍኖተ ሰላም ላይ አላበቃም፤ ይልቁንም በጽናት የተሞላ ሌላ አዲስ የእግር ጉዞ ተጀመረ። ከፍኖተ ሰላም ተነስተው በባዶ እግራቸው ያደረጉት ረጅም ጉዞ በድካም ቢታጀብም፣ ደብረ ማርቆስ ደርሰው አደሩ። የመኪና እጦት አስገድዷቸው በደርግ አደባባይ ላይ ሁለት ሌሊቶችን ካሳለፉ በኋላ፣ በሶስተኛው ቀን ጉዟቸውን በእግር ወደ ሉማሜ ቀጠሉ። ሰውነታቸው ቢደክምም፣ እግሮቻቸው ቢቆስሉም፣ በልባቸው ውስጥ የሰነቁት ትልቅ ህልም ግን የጉዟቸው ዋና ጉልበት ነበረ።

ከሉማሜ ተነስተው በዝናብና ቅዝቃዜ ተፈትነው ወጀልን ካለፉ በኋላ ደጀን ደረሱ። በማለዳውም መኪና ስላላገኙ፣ አስፈሪውንና አስቸጋሪውን የአባይ በረሃ ቁልቁለት በባዶ እግራቸው እየተንደረደሩ መውረድ ጀመሩ። በዚህ ሁሉ መከራ መካከል ግን ትልቁ እንቅፋት ከፊታቸው ተደቀነ፤ ማንነታቸውን የሚገልጽ መታወቂያ አልያዙም። ያለ መታወቂያ ደግሞ የአባይ ኬላን ማለፍ አይቻልም። ጭንቀቱ በረታ፤ ነገር ግን ተስፋ ባልቆረጡት በእነዚህ መንገደኞች ፊት ያልተጠበቀ ነገር ተከሰተ። ሁላቸውም እጃቸውን የዘረጉለት የወታደር መኪና ቆሞ ጫናቸው፤ ያለ ምንም መታወቂያም የበረሃውን ጥብቅ ኬላ በሰላም አሳለፋቸው።

ሾፌሩ በጉሐ-ጽዮን እና በገብረ ጉራቻ መካከል በሚገኝ የገጠር መንደር ላይ አቆያቸው፣ በነጋታውም “እወስዳችኋለሁ” ያለውን ቃሉን ጠብቆ ተመለሰ። እንጦጦ የወታደር ካምፕም አደረሳቸው፣ የካምፑ ሃላፊም ለምን አመጣህ በማለት ሌላ መኪና አስመጥቶ በመጨረሻም አዲስ አበባ መርካቶ አደረሳቸው።

ይቀጥላል...

ሙሉ ቪዲዮውን ለመመልከት እና ሰብስክራይብ ለማድረግ https://youtu.be/yqwnX923Rdc

25/08/2026

አባይ በረሃን በእግር!

አስቸጋሪውን የአባይ በረሃን በእግር! ከፍኖተ ሰላም እስከ አዲስ አበባ የተደረገው ጉዞ!
የዙምራ እና የአጋሮቹ ጉዞ ፍኖተ ሰላም ላይ አላበቃም፤ ይልቁንም በጽናት የተሞላ ሌላ አዲስ የእግር ጉዞ ተጀመረ። ከፍኖተ ሰላም ተነስተው በባዶ እግራቸው ያደረጉት ረጅም ጉዞ በድካም ቢታጀብም፣ ደብረ ማርቆስ ደርሰው አደሩ። የመኪና እጦት አስገድዷቸው በደርግ አደባባይ ላይ ሁለት ሌሊቶችን ካሳለፉ በኋላ፣ በሶስተኛው ቀን ጉዟቸውን በእግር ወደ ሉማሜ ቀጠሉ። ሰውነታቸው ቢደክምም፣ እግሮቻቸው ቢቆስሉም፣ በልባቸው ውስጥ የሰነቁት ትልቅ ህልም ግን የጉዟቸው ዋና ጉልበት ነበረ።

ከሉማሜ ተነስተው በዝናብና ቅዝቃዜ ተፈትነው ወጀልን ካለፉ በኋላ ደጀን ደረሱ። በማለዳውም መኪና ስላላገኙ፣ አስፈሪውንና አስቸጋሪውን የአባይ በረሃ ቁልቁለት በባዶ እግራቸው እየተንደረደሩ መውረድ ጀመሩ። በዚህ ሁሉ መከራ መካከል ግን ትልቁ እንቅፋት ከፊታቸው ተደቀነ፤ ማንነታቸውን የሚገልጽ መታወቂያ አልያዙም። ያለ መታወቂያ ደግሞ የአባይ ኬላን ማለፍ አይቻልም። ጭንቀቱ በረታ፤ ነገር ግን ተስፋ ባልቆረጡት በእነዚህ መንገደኞች ፊት ያልተጠበቀ ነገር ተከሰተ። ሁላቸውም እጃቸውን የዘረጉለት የወታደር መኪና ቆሞ ጫናቸው፤ ያለ ምንም መታወቂያም የበረሃውን ጥብቅ ኬላ በሰላም አሳለፋቸው።

ሾፌሩ በጉሐ-ጽዮን እና በገብረ ጉራቻ መካከል በሚገኝ የገጠር መንደር ላይ አቆያቸው፣ በነጋታውም “እወስዳችኋለሁ” ያለውን ቃሉን ጠብቆ ተመለሰ። እንጦጦ የወታደር ካምፕም አደረሳቸው፣ የካምፑ ሃላፊም ለምን አመጣህ በማለት ሌላ መኪና አስመጥቶ በመጨረሻም አዲስ አበባ መርካቶ አደረሳቸው።

ይቀጥላል...

ሙሉ ቪዲዮውን ለመመልከት እና ሰብስክራይብ ለማድረግ https://youtu.be/yqwnX923Rdc

24/08/2026

Buy and trade BTC, ETH, XRP and more on Binance. Enjoy low fees, fast payments, and a trusted platform for crypto trading. Sign up or log in today.

20/08/2026

የምንጠላው ማዕበሉን እንጂ፣ 🌧️ዝናብ በዛ አይባልም! ተፈጥሮ በጀቷን በራሷ ባንክ እያስቀመጠችልን ነው!
ዝናብ ለሰዎች ብቻ ሳይሆን በምድር ላይ ላሉ እንስሳት፣ በባህር ውስጥ ለሚኖሩ ፍጥረታትና ለአጠቃላይ ተፈጥሮ ዋነኛ የምግብና የሕይወት ምንጭ ነው። ውሃ ከሌለ ሕይወት የለም፤ በመሆኑም ተፈጥሮ በሚሰጠን የበረከት መጠን ላይ "ዝናብ በዛብን" ማለት የተፈጥሮን ታላቅ የበጀት ስጦታ አለመረዳት ነው።
በክረምት ወቅት የሚወርደው ዝናብ መሬት ውስጥ ይሰርጻል፤ ተፈጥሮም ይህንን የውሃ ሀብት በራሷ ባንክ (በመሬት ውስጥ) ቆጥባ ታስቀምጣለች። የክረምቱ ወራት አልፎ የበጋው ወራት ሲመጣና ወንዞች ሲደርቁ፣ ተፈጥሮ ያከማቸችውን ውሃ በምንጭና በውሃ ስሮች በኩል ወደ ላይ በማውጣት ሕይወትን መመገቧን ትቀጥላለች።
ችግሩ የሚፈጠረው በዝናቡ ብዛት ሳይሆን፣ ዝናቡን በአግባቡ መያዝ ባለመቻላችንና በሚከሰተው ማዕበል ወይም ኃይለኛ ዶፍ ነው። እኛ የምንጠላውና የምንፈራው ዶፉን እና ማዕበሉን እንጂ ዝናቡስ እንኳንም መጣ!
ክረምትና በጋ፣ ዝናብና ፀሐይ እያንዳንዳቸው ለየራሳቸው ዓላማ የተፈጠሩ ናቸው። ስለዚህ ተፈጥሮ የሰጠችንን የክረምት በጀት በአግባቡ ተረድተን ልንከባከበውና ይገባል።

የምንጠላው ማዕበሉን እንጂ፣ 🌧️ዝናብ በዛ አይባልም! ተፈጥሮ በጀቷን በራሷ ባንክ እያስቀመጠችልን ነው!

ዝናብ ለሰዎች ብቻ ሳይሆን በምድር ላይ ላሉ እንስሳት፣ በባህር ውስጥ ለሚኖሩ ፍጥረታትና ለአጠቃላይ ተፈጥሮ ዋነኛ የምግብና የሕይወት ምንጭ ነው። ውሃ ከሌለ ሕይወት የለም፤ በመሆኑም ተፈጥሮ በሚሰጠን የበረከት መጠን ላይ "ዝናብ በዛብን" ማለት የተፈጥሮን ታላቅ የበጀት ስጦታ አለመረዳት ነው።

በክረምት ወቅት የሚወርደው ዝናብ መሬት ውስጥ ይሰርጻል፤ ተፈጥሮም ይህንን የውሃ ሀብት በራሷ ባንክ (በመሬት ውስጥ) ቆጥባ ታስቀምጣለች። የክረምቱ ወራት አልፎ የበጋው ወራት ሲመጣና ወንዞች ሲደርቁ፣ ተፈጥሮ ያከማቸችውን ውሃ በምንጭና በውሃ ስሮች በኩል ወደ ላይ በማውጣት ሕይወትን መመገቧን ትቀጥላለች።

ችግሩ የሚፈጠረው በዝናቡ ብዛት ሳይሆን፣ ዝናቡን በአግባቡ መያዝ ባለመቻላችንና በሚከሰተው ማዕበል ወይም ኃይለኛ ዶፍ ነው። እኛ የምንጠላውና የምንፈራው ዶፉን እና ማዕበሉን እንጂ ዝናቡስ እንኳንም መጣ!

ክረምትና በጋ፣ ዝናብና ፀሐይ እያንዳንዳቸው ለየራሳቸው ዓላማ የተፈጠሩ ናቸው። ስለዚህ ተፈጥሮ የሰጠችንን የክረምት በጀት በአግባቡ ተረድተን ልንከባከበውና ይገባል።

19/05/2026

ፖሊሱ ተኝቶ እስረኛው የጠበቀበት አስገራሚ የእስር ቤት ታሪክ!

የዛሬ 40 ዓመት ገደማ (በ1978 ዓ.ም) የክብር ዶ/ር ዙምራ ኑሩ ለሰው ልጅ እኩልነትና ለጋራ እድገት የነበረውን ቅን ህልም ያልተረዱ ሰዎች በሀሰት ክስ ወደ ወህኒ እንዲወርድ አደረጉት። በምርመራ ወቅት መርማሪ ፖሊሱ ሽጉጡን ጆሮው ላይ ደግኖ “ያልሰራኸውን ወንጀል እመን” ብሎ ሲያስፈራራው፣ ዙምራ ግን “መግደል ትችላለህ፤ እኔ ግን ከልጅነቴ ጀምሮ ያልዋሸሁበትን ምላሴን ውሸት አልናገርበትም” በሚል ታላቅ ጽናት እውነትን መረጠ።

ዙምራ በእስር ቤት በቆየባቸው ስድስት ወራት፣ ያንን ጨለማ ስፍራ ወደ ተስፋና ትምህርት ማዕከልነት ቀይሮት ነበር። ተስፋ ለቆረጡ እስረኞች በገበጣ ጨዋታ መንፈሳቸውን እያደሰ፣ ከቤተሰብ የሚመጣለትን ስንቅና ውሃ ለሁሉም እያካፈለ፣ በታማኝነቱ የፖሊሶችንም ሆነ የእስረኞችን ልብ ማረከ።

የዙምራን ልዩ የሚያደርገው ሌላው ነጥብ፣ በጠላቶቹ ላይ የነበረው የምሕረት ልብ ነው። መርማሪ ፖሊሱ የዙምራን ንጹህነት ተረድቶ “በአንተ ፋንታ የከሰሱህን ሰዎች ልሰርልህ?” ብሎ ሲጠይቀው፣ ዙምራ ግን “የነሱ መንገድ አላማረም፤ እኔ ለምን የነሱን መንገድ እደግመዋለሁ? ስራቸው ያውጣቸው እንጂ እኔ አልበቀላቸውም” በማለት ይቅርታን አስተምሯል።

ሙሉውን የዙምራን የስድስት ወራት ገደማ የእስር ቤት ቆይታ ለመከታተል https://youtu.be/T4R89BPtBwQ

19/05/2026

ልጄ ይሄንን ነካ፣ ይሄን አደረገ፣ እንዲህ ይሆናል ብየ አልጨነቅም!

የልጆች አስተዳደግ እና የነገ ማንነታቸው የሚወሰነው ዛሬ በምናስቀምጥላቸው መሰረት ላይ ነው። በአውራ አምባ ማህበረሰብ ህጻናት ገና በለጋ እድሜያቸው ወደ የህጻናት መዋያ (መዋዕለ-ህጻናት) ሲገቡ፣ ከቀለም ትምህርቱ በተጨማሪ ማህበራዊ እሴቶችን ቀስመው እንዲያድጉ ትልቅ በር ይከፈትላቸዋል።

በዚህ የህጻናት መዋያ ውስጥ ትልቁ እና ዋነኛው ትኩረት ስነ-ምግባር ላይ ነው። ህጻናት እርስ በርስ እየተጫወቱ ስለ ማህበረሰቡ ህይወት፣ ስለ እኩልነት እና ስለ ሰው ምንነት ጥልቅ እውቀት እያገኙ ያድጋሉ።

ይህ የህጻናት ት/ቤት ለልጆች ብቻ ሳይሆን ለወላጆችም ትልቅ እፎይታ ነው። ወላጆች ልጆቻቸውን በታመነ፣ አስተማማኝ እና ደህንነቱ በተጠበቀ ቦታ ላይ ማድረጋቸውን ሲያውቁ፣ ስራቸውን በሙሉ ትኩረት፣ በሰላምና በስርዓት ለማከናወን ሙሉ እድል ያገኛሉ። ልጄ የት ሄደች? ምን አጋጠማት? አደጋ እንዳይደርስባት የሚል ስጋት ሳይኖር፣ በዕረፍት ሰዓት ሄዶ በማየትና በመንከባከብ፣ የዕለት ተዕለት ስራን በስኬት መወጣት ያስችላል።

ህጻናት ማህበረሰቡ የሚናገረውንና የሚያደርገውን እያዩ፣ ድርጊቶችን እየቀዱ ነው የሚያድጉት። ስለዚህ ወላጆችና ማህበረሰቡ በተግባር የሚያሳያቸው መልካም ምግባር እና በትምህርት ቤት የሚያገኙት ስነ-ምግባር ተዳምረው ሁለንተናዊ ስብዕናቸው የተገነባ ህጻናትን ማፍራት ተችሏል።

ሙሉ ቪዲዮውን ለመመልከት https://youtu.be/0DLF41tBwxY

03/05/2026

ስነ-ምግባር የታከለበት እውቀት የት ያደርሳል?

ይህ የምትመለከቱት ወጣት ብርሃኑ ደመቀ ይባላል። በአውራ አምባ ማህበረሰብ ተወልዶ ያደገ ሲሆን፣ ገና በእግሩ መቆም ከጀመረበት ጊዜ አንስቶ በአውራ አምባ መዋለ ህፃናት ትምህርት ቤት በስነ-ምግባር ታንጾ ያደገ የዚሁ ድንቅ የህይዎት መርህ ውጤት ነው።

አሁን ትምህርቱን በከፍተኛ ደረጃ አጠናቆ ወደ አውራ አምባ በመመለስ ማህበረሰቡን እያገለገለ ይገኛል። የብርሃኑ ህይወት በአውራ አምባ የሚዘራው መልካም ዘር እንዴት ለፍሬ እንደሚበቃ የሚያሳይ ምስክር ነው።

በአውራ አምባ ህፃናት ገና በለጋ እድሜያቸው መጥፎ አነጋገርንና አሰራርን እንዲጸየፉ፣ ይልቁንም የሰውን ልጅ ማክበርንና መልካምነትን ተምረው እንዲያድጉ ይደረጋሉ።

በዚህም ምክንያት ከአውራ አምባ ለትምህርት የሚወጡ ልጆች በመደበኛው ትምህርትም ሆነ በዩኒቨርሲቲ ቆይታቸው ንቁ ተሳታፊ፣ ውጤታማ፣ ራሳቸውን በሚገባ የሚገልጹ፣ በራሳቸው የሚተማመኑ፣ ግልጽነት ያላቸውና በማህበራዊ ህይወታቸውም ስኬታማ እንዲሆኑ አቅም ሆኗቸዋል። በመዋ-ህጻናት የሚሰጠው ትምህርትም ከንድፈ-ሀሳብ ባለፈ፣ በድርጊት የሚገለጽ የህይወት መመሪያ በመሆኑ ለትውልድ ግንባታ ትልቅ ምሳሌ ሆኖም ያገለግላል።

ብርሃኑ እንደሚናገረው፣ ይህ የመዋለ ህፃናት ትምህርት በልጅነታቸው ለትምህርት ትልቅ ትኩረት ሰጥተው እንዲያድጉ እና የሰውን ልጅ በእኩልነት እንዲያዩ አድርጓቸዋል። የአውራ አምባ ወጣቶች በዕውቀት ብቻ ሳይሆን በባህሪም ተገንብተው ለሀገራቸው ብርሃን እንዲሆኑ የሚያደርገው ይኸው ድንቅ ጥበብ ነው።

ሙሉ ቪዲዮውን ለመከታተል https://youtu.be/nBLmfeSSlCc

14/04/2026

ሃሜትን ማስወገድ ይቻላል?

ሃሜት በሰው ልጆች መካከል ጥላቻን በመዝራት ለዓመታት የዘለቀን ጓደኝነት የሚንድ፣ በግለሰቦች መካከል አለመግባባትን በመፍጠር በጥላቻ መንፈስ እንዲተያዩ መንገድ የሚጠርግ እና በጥቅሉ ማህበረሰቡን ለማይወጣው ማህበራዊ ቀውስ የሚዳርግ ሲሆን ይህ ማህበራዊ በሽታ በባለትዳሮች፣ በቤተሰብ፣ በጎረቤትና በጓደኝነት መካከል ያለውን መልካም ግንኙነት በማሻከር፣ የሰው ልጅ በፍቅር፣ በሰላምና በመተማመን መኖር እንዳይችል እንቅፋት ይሆናል።
ሃሜትን በግልጽ ውይይት በመፍታት ሰላማዊ ኑሮን ማስቀጠል እንደሚቻል ታውቃላችሁ?

ብዙዎች ሃሜትን እንደ ተፈጥሮአዊ ባህሪ ቆጥረው ማስወገድ እንደማይቻል ቢያምኑም፣ የአውራ አምባ ማህበረሰብ መስራች የሆነው ዙምራ ኑሩ ግን ሃሜትን በውይይት በመፍታት ሰላማዊ ኑሮን ማስቀጠል እንደሚቻል በተግባር ያስተምራል።

ዙምራ ኑሩ ይህንን ስር የሰደደ ችግር ለመቅረፍ እንደ ዋነኛ መፍትሄ የሚያስቀምጠው ነጥብ፣ ግልጽነትና እዚያው ባለበት የመነጋገር ባህልን ማዳበር ነው። አንድ ሰው ሲሳሳት ወይም ስህተት ሲሰራ ሲታይ፣ ጉዳዩን ለሌላ ሶስተኛ ወገን ወስዶ በማማት የሰውን ስም ከማጥፋት ይልቅ ለባለቤቱ እዚያው በግልጽ መናገር ይገባል። ቁጣን አስወግዶ በፍቅር እና በፈገግታ “ይህን ነገር እንዴት አየኸው?” ብሎ መጠየቅ፣ ሃሜት ሳይወለድ እዚያው እንዲቀር በማድረግ ትልቅ ሚና ይጫወታል።

ወሬን ከማመላለስ ይልቅ ግለሰቡ ስህተቱን እስኪያስተካክል ድረስ በግልጽ በመመካከር እውነትን ማምጣት የሰው ልጅ ዋነኛ ተግባር ሊሆን ይገባል። የሌላውን ሰው ሀብትና ንብረት እንደምንጠብቀው ሁሉ፣ በሃሜት ምክንያት የሚጠፋውን የሰው ስም እና ስብዕና መጠበቅም የራስን ሀብት እንደመጠበቅ ይቆጠራል።

በአጠቃላይ ሃሜት የሰውን ስም ብቻ ሳይሆን የራስን የህሊና ሰላም እና ክብር የሚያፈርስ ማህበራዊ ቀውስ በመሆኑ፣ እንደ በሽታ ተቆጥሮ ሊታከም ይገባል። ዙምራ ኑሩ እንደሚመክረው፣ እውነትን ፊት ለፊት የመናገርን መድሃኒትነት በመጠቀም የራስንና የሌላውን ሰብዕና መጠበቅ ይቻላል። ይህን የግልጽነትና የውይይት ባህል በተግባር በማዋል፣ በጥላቻና በጥርጣሬ ፋንታ ፍቅርንና መተማመንን የሰፈነበት ማህበረሰብ መገንባት የሁላችንም ድርሻ ነው።

ሙሉ ቪዲዮውን ለመከታተል https://youtu.be/Jb-RwZo5dSg

08/04/2026

With AWRA AMBA – I just made it onto their weekly engagement list by being one of their top engagers 🎉 https://www.youtube.com/watch?v=uqwliuCitQE&t=3s

30/03/2026

"ሰርቶ ሰርቶ ሲጨርስ የሚጣለው እቃ እንጂ የሰው ልጅ አይደለም !"

በመላው አለም የሚኖሩ ዜጎች በእርጅና ወይም ደግሞ በጤና እክል ምክንያት የፈለጉትን ያክል ሳይንቀሳቀሱ፣ የጀመሩትን ውጥን ከግብ ሳያደርሱ ፣ ለወደፊት ቀጣይ ህይወታቸው መሰረት ሳይጥሉ ፣ ሰው እያለ የሚያግዛቸውና የሚረዳቸው ባለማግኘታቸው የሚበሉት ፣ የሚጠጡት ፣ የሚለብሱት አጥተው ፥ ቢታመሙ የሚታከሙበት ቸግሯቸው በየጎዳናውና በየደሳሳ መኖሪያቸው ተቀምጠው ማየት የተለመደ ጉዳይ ነው።

የአውራ አምባ ማህበረሰብ መስራች የክብር ዶክተር ዙምራ ኑሩም ይህንኑ ችግር በመገንዘብ ከአራት ዓመት እድሜው ጀምሮ ከሚያነሳቸው መሰረታዊ ሃሳቦች መካከል አንዱ " በጤና እጦትም ይሁን በእርጅና ምክንያት ተዳክመው ለስራ ብቁ ያልሆኑ አቅመ ደካሞችን መርዳት " የሚለው ይገኝበታል።

የክብር ዶክተር ዙምራ ኑሩም ሃሳቡን እንዲህ ሲል ይገልፃል " የወደቁ ደካሞች በጤናም ሆነ በእርጅና ምክንያት ከስራ ተፈናቅለው በየሜዳው ወድቀው ይበሉት ፣ ይጠጡት ፣ ይለብሱት ያጡ ሆነው አያለሁ ። ጠንካራው ከጠንካራው ጋር በልቶ ፣ ጠጥቶ ፣ ስቆ ፣ ተጫውቶ ሲወጣ አቅመ ደካሞችን የሚያስባቸው የለም ፥ እነዚህ ደካሞች እንደኛ ሰው ናቸው መብላት ፣ መጠጣት ፣ መልበስ ያስፈልጋቸዋል ያን እንዳያገኙ አቅሙ የላቸውም እኛ ጥለናቸው ከሄድን ማን ይደርስላቸዋል? እኛ ጥለናቸው ከሄድን እኛም አንድ ቀን እንወድቅ ይሆናል ። በምንወድቅ ጊዜ እሚያስበን እንፈልጋለን ። እኛ እሚያስበን እንደምንፈልግ ሁሉ ለምን እነሱን ጥለናቸው እንራመዳለን? ለሰው ደራሹ ሰው እንጂ ሌላ ማን ይመጣለታል? የሚል ጥያቄም ያነሳል።

አውራ አምባዎች ሰርቶ ሰርቶ ሲጨርስ የሚጣለው እቃ እንጂ የሰው ልጅ አይደለም ሲሉም ይደመጣሉ ። ከንግግር ባለፈም በተግባር እየኖሩት አሳይተዋል። በዚህ የአረጋዊያን ክፍል ውስጥ ደካማ ወገኖች የየራሳቸው የማረፊያ ክፍል ኖሯቸው ፣ በየሶስት ቀን የሰውነት ንፅህናቸው ተጠብቆ ፣ በየሳምንቱ ልብሳቸው እየታጠበ ፣ በየቀኑ የመኖሪያ ግቢያቸው እየተፀዳ በአረጋዊያን ተንከባካቢዎች ተገቢውን ምግብና እንክብካቤ እያገኙ በፍቅርና በደስታ እየኖሩ ይገኛሉ ።

የአውራ አምባ ማህበረሰብ "ትልቁ ሃብት ሰው ነው ፥ ሌላው ቀጥሎ የሚገኘው ገንዘብ ነው " ብሎም ያምናል ። ቀጥሎ የሚገኘው ገንዘብ ትልቁ ሃብት የሆነውን ሰውን ሰውን ለመመገብ የሚሆንና ተሰርቶ የሚገኝ ነው ይላሉ። ስለሆነም በእርጅናም ይሁን በጤና ችግር ምክንያት ሰርተው ራሳቸውን መደገፍ የማይችሉ ደካሞችን ዋስትናቸውን የሚሸፍነው ማህበረሰቡ ነው።

" ደካማ ወገንን መርዳት የእድገት መሰላል እንጂ ውድቀትን አያመጣም " የክብር ዶክተር ዙምራ ኑሩ ።

ሙሉ ቪዲዮውን ለመመልከት https://youtu.be/R31tnZGykgk