Gammachiis Gabbisaa Bultii Tolaa

10/09/2025

10/09/2025

“"Dhiisaa, gab jedhaa, ani Waaqayyo akkan ta'e beekaa! Ani saba lafa irraa gidduutti ol kaafameera; ani biyya lafaa keessatti ol kaafameera!" 11 Waaqayyo gooftaan maccaa nuu wajjin jira, Waaqayyo inni kan Yaaqoob da'oo keenya!”
— Far. 46:10

21/08/2025

Akkas ture! Namichatu Simbirroo qabee ajjeesuuf jennaan, Simbirrittiin osoo hin ajjeefamiin dura, namichicha waliin haasawaa wayii goote! Akkas jetteen,“Yaa namichoo osoo ati na hin ajjeessiin duran dhaamsa yokaan gorsa wayiin sii kenna! Tarii gorsi kun jireenya-kee keessatti wanta baay'ee si barbaachisu ta'uu danda'aa” jetteen! “Tole maalidha! Naaf dhaami!” jedheen namichis isa dura ajjeesuuf ka'e dhiisee! “Gorsi koo wantoota sadan kanadha! Sadan kana hojii irra oolchinaan ati yoomuu nama jabaadha, jetteen! Guurii gurraa fudhatee, caqasuu eegale!

“1ffaa-Wanta harkaan qabatte gad-hin dhiisiin!
2ffaa-Wanta darbeef hin gaabbiin
3ffaa-.......” jetteetu adda-murte.

“Tole natti himikaa isa sadaffaa kanas....!” jedheen namichi! “Isa sadaffaa kana mukarra na kaa'iitii, mukarra taa'een sitti himaatii!” jetteen. “Tole...!” jedheet mukarra kaa'e! “Amma-hoo natti himikaa!” jedheen. Irraa-buutee kolfiteet;jechaan isa horfite!😀 “Jalqaba irratti gorsan siif kenne yaadadhu! Wanta harkaan qabdu;gad-hin dhiisiin;lammaffaa irratti ammoo, wanta darbeef hin gaabbiin!” gad-na lakkisuu keetiif hin gaabbiin jechuu isheeti! “Inni sadaffaan ammoo, “Osoo waan obsa godhattee anaan ajjeesteetii garaa-koo keessaa albuuda ajaa'ibaa argatta” tujaara taata jechuu isheeti. “Afaan Oromooti!” jedhe, namichi Ilkaan Fardaa dhaabsifate sun😀

20/08/2025

“Wanti waa'ee hin baafne lafa irratti hojjetamu tokko jira; innis, isa wanta namoota qajeelotaaf ta'u warri jal'oonni argatanii, isa warra jal'ootaaf ta'u immoo warri qajeelonni argatanii dha; kunis immoo wanta waa'ee hin baafnee dha.”
— Lal. 8:14

18/08/2025

Mootummaan baatii Fulbaanaarraa eegalee hojjettootaaf fooyya’iinsa daballii miindaa taasisuuf murteesse
*******************************
Mootummaan Fulbaana 2018 irraa eegalee hojjettoota mootummaaf fooyya’iinsa daballii miindaa taasisuuf murteesseera.

Koomishiniin Siiviil Sarvisii Federaalaa ibsa baaseen, mootummaan haala jiruufi jireenyaa lammiilee fooyyessuuf tarkaanfii dandeettiin biyyaa eeyyamu fudhachaa jiraachuu ibseera.

Haaluma Kanaan mootummaan hojjettoota mootummaaf fooyya’iinsa daballii miindaa taasisuuf murteessuu beeksiseera.

Fooyya’iinsa Kanaan miindaan hojjetoota mootummaa inni gadi aanaan Birrii kuma 4 fi 760 irraa gara Birrii kuma 6’tti akka guddatu ibsameera.

Miindaan hojjettoota mootummaa inni olaanaan ammoo Birrii kuma 21 fi 492 irraa gara Birrii kuma 39’tti kan guddatu ta’uun eerameera.

Miindaan ka’umsa eebbifamtoota digirii jalqabaa Birrii kuma 6 fi 940 irraa gara Birrii kuma 11 fi 500’tti fooyya’a jedhameera.

Miindaan hojjettoota mootummaa siiviil sarvisiin ala dameewwan garaagaraa keessatti bobba’anis kan fooyya’u ta’uu komishinichi beeksiseera.

Fooyya’iinsi daballii miindaa kun baajata dabalataa Birrii biiliyoona 100 fi biiliyoona 60 ol gaafachuu kan ibse komishinichi, baasii mootummaa waliigala waggaatti miindaaf bahu Birrii biiliyoona 500 fi biiliyoona 60’n gahuu hubachiiseera.

16/08/2025

Qotiyyoo qonnarra oolan dheechisuuf, dimimmisa subii lafaa yaafattee baata. Niqorra; nidhaamota. ‘Kirkir, ititit’ jechaatuma midhaaniifi qotiyyoo gidduu dhaabatta. Qotiyyoon tokko tokkotu kaakaatuudha. Tasgabbiin bira hin jiru. Margarra adeemaa marga biraa barbaaddi. As-fiigdee achi fiiguun boqonnaa nama dhowwatti. Utaaltee mataa midhaanii kutti. Irra dhaabbatanii dheeduutu bira hin jiru. Kelkel, felfel jetti. Isaan akkasiitti nama guba. Sagalee dheekkamsaafi miira aariin walmakeen, “Eessa___kee dhaqxa? Maal__kee nagubda; ati maaluma dhabde?” jechuun, waanuma baattuun murxuxxista. Milkooftee yoo gaafatti gore, ‘Kuwaa’ godha. Lafa kana ittiin mara. Yeroos akkatti garaan ofii qabbaneeffatuu? ‘Haadha*aawuu!’ dubbii murxuxxicha booda afaanii nama baatudha.

Tokko tokkommoo nidheeda; garuu naga'ee hinbeeku. Ofuma kanarratti nyaata; garuu garaa hin kaafatu. Horiin akkasii horii mitiim; kallaabbaa horiiti malee. Waanuma afaan hidhaarra oole fakkaata. Siif hinafne, galata garuu namaaf hin kennu. Kelkel, felfeliin bira hin jiru. Tasgabbiimmoo qaba. Hin jarjaru. Hin jeequ. ‘Maalumaaf garaa hin kaafatuu?’ isumaaf jecha isatti aarama.

Yeroo qarri biiftuu muldhachuu eegaltu, boquu olqabattee, gara qe'ee warraa ilaalta. Aarri guutuu mana citaa keessaan boq jechuu eegale, abdii namatti hora. Gola dubartoota qaxaleeti. Dopheen dubartii...lafa ciistee kan hin kaane... Hojiinis kan hinsi'oofneef... mannis hinaaruuf, yeroonis dandeessee maatiishee bakka bakka isaan deemanitti hingeggeeffatu. Urgaan foolii buna akaayaamutti jiruu, halaalatti nama sipha. Yeroo kana nawaamu yookiin dhufanii na erguutu abdatama. Utuu hinturiin, ‘Quhaa quhaa’ sagalee jedhu dhageessa. Milikkita abdii; sagalee mooyyee tumamuuti. Ni iyyiti; garuu dirmataa hinqabdu.

“Barii raffisaan deega farrisaa”
Jiruuf jireenya baadiyyaa!
Guutuun mana kanaa
Garaa nama booressa!

16/08/2025

Yeroo qabdaa laata mee xiqqoo na bira taa'i, wayin sitti hima. Sumaanin jedhe, Laaxxee nana.

Qarqara hin labiin. Jaallatte mitii? itti himi. Jecha sin jaalladhe jedhu afaanii baasuuf maayinni waggaa tokko guutuu eegan?

"Ani hiyyeessa namaati malee hiyyeessa waaqaa miti. Ani addunyaa guutuu sii taasisuu baadhus bakka hanqina kee nan dhaabbadha. Ijoollee akka kee babbareeddu, akka koo amala shaggaa godhanna. Galmee jechoota jaalalaa hunda si ibsuuf ittin fayyadama. Aduunis roobnis otoo ani jiruu si hin moo'atan Dibaabee sirran qaba, yoo barri tole konkolaataa balbala nan dhaaba" jedhi. "Wajjin hojjennee jijjiiramna... Ani mucaa hiyyeessaati garuu jaalala keef hagabuun bula..."maal maal akka hin jenne. Inni bara keenyayyuu hin hojjenne. Isa kana isheenuu beekti.

Aboo nan gubiinkaa... Ani isa waggaa 28tis, isa 38ttis qixxee gorsuun qabaa? Gorsaa ministeeraa nama ta'uu qabu waa'ee qajeelfamaa jaalalaa abaabileen keenya itti jiraatanii darban na dubbichiistuu? Ka'i deemi na biraa. Text godhiif amma. Akkas jedhi:

"Bor sa'aatii 8tti waan qabdu uffadhuu, waan qabdu dibadhuutii, kaaffee Dibaabeetti wal haa agarru. Hin dhufu yoo jette mirga keeti; haftee bor gaafan intala wayiif jilbeeffadhee na argitu taa'iif dhaabii akka nan dhowwine. Jilbi kun na duwwaaf haa jilbeeffatu jetta taanaan garuu kurupheenuu akka sin dursine. See you tomorrow. DBT" jedhi. Doorsisa fakkaata garuu isa luugamamtee duuturra harka 500 ni wayya.

Gaafa cidha kee na waami! bye. 😀

01/01/2025

Shout out to my newest followers! Excited to have you onboard! Tikdem Nigussie, Walabumaa Lami

20/12/2024

16/12/2024

--Yaa Waaq leenca kana Kiristaana godhi!--
Lallabaa tokkotu gaaf tokko waldaa dhaquu dhiisee adamoof ka'e. Utuuma gaara tokko keessa bineensa adamsuu leenci itti dhufnaan na'ee utuu irraan gadee baqatu kufee qawweesaa gate. Qawween gar tokko inni gara biraatti konkolaatan. Booda gaafa gara galee ilaalu leenci ammayyuu itti fiigaa jira.. Waan godhu dhabeetu akkas jedhee kadhate. '' Yaa Waaq natti araarami,lammata waldaa dhiisee adamoo hin adeemu; adaraakee leenca kana akka inni na hin nyaannetti kiristaanaa naa godhi. Ameen!' jedhe. Gaaf ijasaa banatee ilaalu leenci harkasaa walitti qadaadee akkas jedhee galateeffataa jira..'Yaa Waaq soorakoo har'aa naaf laatte kanaaf galatoomi. Kottuummoo naaf eebbisi, maqaakeetiin , Ameen! ' jedhee xumure. Leenci silumayyuu kiristaana jechuudha. Qoosaa kana utuun dubbisuun arge.
Garuu ,kanan jechuu barbaade kunooti: Nuuti si'a hedduu Waaqayyoon sana yookin kana naaf godhi jennee itti himanna garuu waanti sun fedha Waaqayyoo ta'uusaa hin beeknu ta'a. Akkasumas rakkina nu mudate sanaaf deebiin waan biraa ta'uu mala. Nummoo waan biraa kadhanna. Qoosaa kanarraa akka arginutti namicha kanaaf furmaata kan ta'u, leenci Kiristaana ta'uu miti. Tarii utuu na oolchi jedheera ta'e nagaatti hafa ta'a... Waan hundaafuu Waaqayyoon 'fedhaa fi jaalalakee jireenyakoo keessatti raawwadhu' jennee kadhachuutu hunda caala. Kanammoo jireenya dhuunfaa, maatii fi hawwaasa keenya keessatti shaakaluu qabna. Eeyyee, hunduma keenyaaf fedhiin Waaqayyoo haa ta'u!!

Send a message to learn more