Kallacha Oromiyaa

Kallacha Oromiyaa Contact information, map and directions, contact form, opening hours, services, ratings, photos, videos and announcements from Kallacha Oromiyaa, Media, Finfinnee, Oromiyaa.

Gaazexaan Kallacha Oromiyaa bara 1986 kan hundeeffame yoo ta'u, yeroo ammaas BKO'tiin torbanitti al tokko guyyaa Kamisaa maxxanfamee bahaa jira.
ከለቻ ኦሮሚያ ጋዜጣ በሳምንት አንድ ጊዜ የሚታተም

Itoophiyaafi Keeniyaan tumsa loltummaa waloo cimsuuf waliigaltee mallatteessan.Kallacha Oromiyaa: Fulbaana 14, 2018 Itoo...
24/09/2025

Itoophiyaafi Keeniyaan tumsa loltummaa waloo cimsuuf waliigaltee mallatteessan.

Kallacha Oromiyaa: Fulbaana 14, 2018 Itoophiyaafi Keeniyaan waggoota 62 keessatti yeroo 2ffaaf waliigaltee tumsa waraanaa mallatteessan.

Waliigalteen kunis erga Keeniyaan walabummaa argattee as waliigaltee waraanaa mallattaa’e isa 2ffaadha.

Waliigaltee kanas Itaamaajoor Shuumii Raayyaa Ittisa Biyyaa Fiildi Maarshaal Biraanuu Juullaafi gitasaanii Keeniyaa Jeneraal Chaarlis Muriyuu Kahaariiriitu mallatteessan. TOI

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Aanaa Cirootti tajaajila lammummaan dubartoota lammummaaf deeggarsi garaagaraa gumaachameKallacha Oromiyaa: Fulbaana 14,...
24/09/2025

Aanaa Cirootti tajaajila lammummaan dubartoota lammummaaf deeggarsi garaagaraa gumaachame

Kallacha Oromiyaa: Fulbaana 14, 2018- Biiroo Geejjiba Oromiyaa Godina Harargee Lixaa Bulchinsa Aanaa Cirootti, dubartoota harka qalleeyyii sababa hanqina roobaatiin midhamaniif tajaajila lammummaam deeggarsa midhaan nyaataafi zayita taasise.

Biirichi Aanaa Cirootti deeggarsa midhaan nyaataafi zayitii har'a taasisee kanaas bakka keessummoonni naannoo, godinaafi aanaa argamanitti ummataaf kenneera.

Deeggarsicha kana kennaan Hoggannaan Biiroo Geejjiba Oromiyaa Obbo Daani'eel Chaarinnat, hojiin tajaajila lammummaa rakkoo hawaasa harka qalleeyyii furuun cinatti, ummanni aadaafi duudhaa walgargaarsaafi waldeeggaruu qabu akka gabbifatuuf kan gargaaruu tahu himaaniiru.

Hojii kenna tajaajila lammummaan hojiilee rakkoolee hawaasaa furan ittifufiinsaan
fuuldurattis birrichi kan hojjetu ta'uus eeraniiru.

Bulchituun Godina Aadde Ikraam Xahaa akka jedhanitti, hojii tajaajila lammummaa Biiroo Geejiba Oromiyaa taasisee kana galateeffataniiru.

Bulchaan Aanichaa obbo Yaasiin Mahammad gamasaaniin deeggarsa biirichi taasiseef galateefachuun, deeggarsi dubartoota harka qal'eeyyiif taasifame kanaas harkan gahuu himan.

Kominikeeshinii Godinichaatiin

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Inisheetiiviin Misooma Beeyladaa Karoora Imala Badhaadhinaa Qabame Milkeessaa Jira.Itoophiyaan qabeenya beeyladaan beeka...
24/09/2025

Inisheetiiviin Misooma Beeyladaa Karoora Imala Badhaadhinaa Qabame Milkeessaa Jira.

Itoophiyaan qabeenya beeyladaan beekamtus akka baay`ina isaatiin irraa fayyadamaa hin turre. Kunis malli horsiisaafi misooma beeyladaa qulqullina irratti osoo hin taane baay`ina irratti xiyyeeffatamee hojjataamaa turuu ragaaleen adda addaa ni ibsu.

Akka ragaan Food and Agriculture Organization (FAO) agarsiisutti Itoophiyaan baay`ina qabeenya beeyladaan Afrikaa irraa sadarkaa 1ffaa irratti yoo argamtu Addunyaarraa 10ffaa irratti argamti. Akkasumas akka qorannoo FAOfi Ministeera Qonna Itoophiyaa dhiyeenya gaggeeffame agarsiisutti loon miliyoona 70 oliin Afrikaa irraa 1ffaafi Addunyaarraa sadarkaa 6ffaa qabattee jirti. Baay`ina Hoolaatiin immoo miliyoona 42 oliin Afrikaa irraa 1ffaafi Addunyaarra sadarkaa 8ffaa irratti argamti.

Akkasumas re’ee miliyoona 52 ol qabaachuun Afrikaa keessatti 1ffaa, addunyaarratti immoo 5ffaa yoo taatu beeyladoota biroo baay'ee qabaachuun biyya beekamtuudha. Haa ta'u malee jireenya qonnaan bulaa jijjiiruun dinagdee biyyaa utubu maddisiisaa hin turre. Kanaaf sababni haalli misooma beeylada biyya keenyaa hanqina talaallii fayyaafi kunuunsa qabaachudha.Kun immoo biyyattiin faayidaa damicharraa argattu akka hin arganne taasiseera.

Haa ta'u malee Jijjiiramaan asitti mootummaan misoomaa beeyladaatiif xiyyeeffannoo kennee hojii hojjatamaa jiruun bu'aa jajjabeessan mul'achuu danda'anii jiru. Loon mala namaan diqaalomsuun jabbileewwan sanyii fooyya`oo ta`an akka baay'ifaman inisheetivii addaa bocuun hojii hojjatameen bu'aaleen galmaa'uu jalqabaniiru.

Walumaa galatti Mootummaan Naannoo Oromiyaa yaadama misooma beeyladaa bu'aa caalaa baay'ina irratti xiyyeeffatamuun hojjatamaa tureefi kanneen armaan dura xiyyeeffannoo dhabuun lagataman kanneen akka misooma lukkuu,Damma,Qurxummiifi Misooma Booyyeetiif xiyyeeffannoo kennee hojii hojjatameen damichi jiruufi jireenya qonnaan bulaa jijjiiruu irra darbee dinagdee biyyaa sadarkaa olaanan utubuu jalqabeera.

Haaluma kanaan bara 2012tti mala namaan diqaalomsuun jabbiileewwan kuma 92fi 214 dhalatanii turan bara 2017tti jabbiileewwan kuma 800 ol dhalatanii jiru.

Oomishni aannanii bara 2012tti daraan gadi aanaa ture bara 2017tti liitira biliyoona 4.5 ol argachuun danda'amee jira. Horsiisa lukkuu sookkeefi raabsaan Cuucii guyyaa tokkoo miliyoona 148 irra ga`uu danda'ee jira.Oomisha Dammaa fooyyessuuf hojii hojjatameen gaagurri ammayyaa mil.1.54 irra kan gahe yoo ta'u Oomishni Dammaas toonii kuma 100fi kuma 35 irraan gahuun danda'ameera

Kun akkuma jirutti ta'ee jijjiiramaan booda qonna biyya keenyaa baadiyyaa qofatti daanga'ee ture hambisuun magaalonni keenyas iddoo gurgurtaafi jireenyaa qofa osoo hin taane iddoo oomishaa akka ta'aniif hojii hojjatameen magaalota keessatti inisheetivootni adda addaa bocamanii hojiirra ooluun horsiisni Lukkuu,Furdisni Looniifi horsiisni loon aannanii bifa ammayyaatiin akka gaggeeffamaniif kilaastarootni hedduun ijaaramuun hojiitti galameera.Kanaanis yeroo gabaabaa keessatti bu'aawwan imala badhaadhinaa milkeessuu danda'an galmaa'aniiru.

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Magaalaa Roobeetti hojii tajaajila lammummaan mana harka qalleeyyii qarshii miiliyoona afur oliin ijaarame dabarfameef. ...
24/09/2025

Magaalaa Roobeetti hojii tajaajila lammummaan mana harka qalleeyyii qarshii miiliyoona afur oliin ijaarame dabarfameef.

Kallacha Oromiyaa: Fulbaana 14,2018 Kontiraaktarri Ijaarsa Waliigalaa Hayilee Balaachoo maatii harka qalleessa Magaalaa Roobee keessa jiraataniif mana jireenyaa qarshii miiliyeena 4 olitti tilmaamamu ijaarsisaa ture xumuruun dabarseef.

Mootummaan Naannoo Oromiyaa humna waloo ummata keenyaa kan ta'e tajaajila lammummaarratti abbootii qabeenyaa, dhaabbilee misoomaa fi kutaalee hawaasa garagaraatiif waamicha taasisuunsaa ni yaadatama.

Kontiraaktarri Ijaarsa Waliigalaa Obbo Hayilee Baalaachoo namoota waamicha kana hojirra oolchan keessaa isaan tokko.

Obbo Hayilee Baalaachoo baruma kana keessa tajaajila lammummaatiin manneen maatii harka qalleeyyii lama Godina Baalee Bahaafi Magaalaa Roobee keessatti qarshii miiliyoona saddeeti oliin ijaarsisuun maatii harka qalleeyyii ijaaraniif dabarsanii laataniiru.

Duniyaan fixeensa ganamaati kan jedhan dureessi arjaan kun qabeenyi isaan qaban kan ummataa ta'uu dubbatan.

Fuula duraafis waan qaban irraa rakkataa rakkoo baasuu fi namoota humna hin qabneef hirkoo ta'uuf qophii ta'uu himaniiru.

Obbo Haylee Baalaachoo hojii ijaarsaa keessattis nama hojii itti kenname qulqullinnaa fi yeroo qabame keessatti xumuuruun beekkaman ta'uusaanii badhaasaaf beekkamtiin hojiilee ijaarsa irratti isaaniif kenname agarsiiftuu guddaadha.

Akka Magaalaa Roobeettis bara kana Gamoo Waajjira Bulchiinsa Kutaa Magaalaa Zeeybala Walashee turtii waggaa tokko hin caalle keessatti xumuuranii tajaajila ummataatiif banaa taasisaniiru.

Dabalataan, Obbo Haylee Baalaachoo miseensa Caffee Oromiyaa yoo ta'an, gaaffiilee misoomaa fi komii Ummanni Godina Baalee bahaa qabu waltajjii yaa'ii Caffee fi qaamolee mootummaa sadarkaan jiran biraan gahuun rakkinichi furmaata waaraa akka argatuuf hojjachaa turaniiru.

Kominikeeshinii Magaalaa Roobee

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Meeshaaleen Kontirobaandii qarshii miiliyoon 12 Olitti tilmaamamu to’atamuu Waajjirri Poolisii Aanaa Qimbibiit beeksise....
24/09/2025

Meeshaaleen Kontirobaandii qarshii miiliyoon 12 Olitti tilmaamamu to’atamuu Waajjirri Poolisii Aanaa Qimbibiit beeksise.

Kallacha Fulbaana 14, 2018 Godina Shawaa Kaabaa Aanaa Qimbibiititti meeshaaleen kontirobaandii qarshii miiliyoona 12 olitti tilmaamamu to’atamuu Waajjirri Poolisii aanichaa beeksisee jira.

Ajajaan Waajjira Poolisii Aanaa Qimbibiit Inspeektar Gaaddisaa Adaree akka jedhanitti Fulbaana 13, 2018 halkan keessaa sa’aatii 9:00 irratti Konkoolataa Sino Casion Lakk Gabatee ET A18199 ta’e Awaash Arbaa irraa gara Finfinnee imalaa ture eeruu hawaasa irraa kennameefi hordoffii qaamooleen nageenyaa taasisaaniin, Keellaa sakata’insa Somboorratti meeshaleen kontiroobaandii miiliyoona 12 olitti tilmaamamu to’achuusaanii ibsaniiru.

Meeshaaleen to’atamanis, uffata foddaa 170, Shaalom Sigaaraa keeshaa 113, Shishaa appilii keeshaa 30 to’atamuu himaniiru.

Konkolaachisaan konkotaatichaas to'annoo jala ooluun eerameera.

Kominikeeshinii Aanaa Qimbibiitin

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

"Irreechi hariiroo hawaasummaafi diinagdee cimsuun olka’iinsa biyyaa mirkaneessuu keessatti gahee guddaa qaba" Doktor Mu...
24/09/2025

"Irreechi hariiroo hawaasummaafi diinagdee cimsuun olka’iinsa biyyaa mirkaneessuu keessatti gahee guddaa qaba" Doktor Muhaammad Namoo

Kallacha Oromiyaa: Fulbaana 14, 2018- Yuunivarsiitii Arsiitti Qorataafi barsiisaan Gadaa, Fookilariifi Seenaa Doktar Mohaammad Namoo Ayyaana Irreechaa Fulbaana 24 fi 25 kabajamu ilaalchisuun Biiroo Kominikeeshinii Oromiyaa waliin turtii taasisaniiru.

Dr Muhaammad yaada kennaniin,Irreechi hariiroo hawaas-dinagdeefi siyaasaan cimsuun olka’iinsa biyyaa mirkaneessuu keessatti shoora olaanaa qabaachuu dubbatu.

Irreechi sirna Oromoo jabaa hariiroo oleefi dalgee tiksuun jiruufi jireenya keessatti kan raawwatamu ta'uu kan ibsan Dr.Muhaammad Namoo, kanaaf ayyaanni Irreechaa sirna kadhannaa, galateeffannaa, marartee, safuu, jaalalaafi waltajjii guddaa sabaaf sablammootaati jedhan.

Uummanni Oromoo dur-irraa eegalee lrreecha boroo irraa jalqabee gara mijjirii ykn gosaatti darba, sanaan booda, gara Irreecha sabaa kan qaamolee garaa garaa hirmaachisu kan akka Hora Finfinneefi Hora Harsadeetti wal gahee waloomaafi wayyoomaan kabajata jedhan.

Irreechi haala kanaan kabajamaa kan dhufe ta'us,walakkeessaa jaarraa 19ffaa booda garuu, sirna gita bittaa yeroo sana tureen giddutti laaffatuu kan himan Dr.Muhaammad, Kufaatii sirna Dargii booda,deebi’ee eegalamuun suutuma suutaan guddataa kan dhufe yoo ta'u, yeroo jijjiiramaatii asitti ammoo ittuu babal'achuun sadarkaa biyya keessaafi alattis bifa adda ta'een beekamtii guddaan kabajamaa jiraachuu dubbataniiru.

Ayyaanni Irreechaa bakka garaa gartee amantaa,sabaafi siyaasaa tokko malee walooma, jaalalaafi obbolummaan waliin bahanii kan darbeef waaqa itti galateeffataniifi kan dhufuuf ammoo abdii itti horatan ta'uu Dr.Muhaammad ibsaniiru.

Ayyaanni Irreechaa duudhaa wal qixxummaa,araaraafi nagaa labsuu kan ofkeessaatti hammate waan ta'eef,sabootaafi sablammoota walitti hidhuun hariiroo obbolummaafi nageenyaa jabeessuu keessattis shoora olaanaa qabaachuu Doktor Muhaammad Namoo himaniiru.

Walumaagalaatti Ayyaanni Irreechaa Aadaa, duudhaafi safuu Oromoo ganamaa gabbisuu bira darbee hawwattummaa turiiziimii dabaluun galii biyyaattii guddisuun olka'iinsa biyyaa toora hundan kan mirkaneessu waan ta'eef, ayyaanichi bara kanaas karaa duudhaa isaa eeggateen akka kabajamuuf uummanni Oromoo,dhaabbileen miidiyaafi Kominikeeshinii fi qooda fudhattoonni hundi gahee isaanirraa eeggamu bahachuu akka qaban Doktor Muhaammad Namoo yaadachiisaniiru.

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Godina Jimmaa Aanaa Botor Xoollaayitti pirojektiin Jallisii Finnaa qarshii miiliyoona 406 ta'uun hojjetame eebbifame.Kal...
23/09/2025

Godina Jimmaa Aanaa Botor Xoollaayitti pirojektiin Jallisii Finnaa qarshii miiliyoona 406 ta'uun hojjetame eebbifame.

Kallacha Oromiyaa: Fulbaana 13,2018 Godina Jimmaa Aanaa Botor Xoollaayitti pirojektiin Jallisii Finnaa qarshii miiliyoona 406 ta'uun hojjetame eebbifame

Pirojektiin kun bajata Mootummaa Naannoo Oromiyaa qarshii miiliyoona 406'n Aanaa Botor Xoollaay Ganda Kamisoo Gollaatti kan ijaarame yemmuu ta'u, qonnaan bultoota 400 ol ta'an fayyadamaa kan taasisu akka ta'e ibsameera.

Sagantaa eebbaa kanarratti Ittigaafatamaa Damee Siyaasaa Paartii Badhaadhinaa Damee Oromiyaa Obbo Namarraa Bulii dabalatee hoggantoonni Mootummaa Naannoo Oromiyaa fi Godinaa akkasumas qaamoleen hawaasa gara garaa qooda fudhataniiru.

Kominikeshinii Godina Jimmaa

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Oomishtummaa Aannanii Guddisuun Badhaadhina Maatii Mirkaneessuuf Murteessaadha!Kallacha Oromiyaa: Fulbaana 13,2018 Godin...
23/09/2025

Oomishtummaa Aannanii Guddisuun Badhaadhina Maatii Mirkaneessuuf
Murteessaadha!

Kallacha Oromiyaa: Fulbaana 13,2018 Godina Harargee Lixaatti bara kana loon aannanii kuma 100 ol tahu mala namaan rimaa qabsiisuuf (Artificial Isemilation) duulli Aanaalee Gammachiisiifi Ciroorratti guyyaa har'aa egalchiifamee.

Teknooloojii mala namaatiin loon rimaa qabsiisuutti fayyadamuu erga jalqaban jireenyi isaanii fooyyaa'aa akka jiru qonnaan bultoonni aanaalee kanneen himan.

Godinichatti, Oomishtummaa aannanii fooyyessuun fayyadamummaa hawaasaa guddisuuf xiyyeeffannaan hojjatamaa jiraachuu waajjirri Qonnaa Godinichaa beeksise

Duula kanaas kan eegalchiisan Bulchituu Godina Harargee Lixaa Aadde Ikraam Xahaatiifi Ittigaafatamaan Waajjira Qonnaa Godina Harargee Lixaa Obbo Bushraa Aadam yammuu ta'u; mootummaan hojii qonnaa keessaa misooma aannaniif xiyyeeffannoo guddaa kennee hojjechaa turru kaasuun.

Akka godina keenyaatti loon aannanii mala namaan rimaa qabsiisuu erga eegalee as homishtummaan aannanii dabalaa jiraachuufi qonnaan bultoonni sanyii loon fooyya’oo argatanii fayyadamaa jiraachuu himaanii jiru.

Godinichatti loon sanyii fooyya’oo oomishtummaan isaanii olaanaa ta’e mala namaan rimaa qabsiisuutti gargaaramuun bara darbe loon kuma 92 fi 700 rimaa qabsiisuun akka danda’ame himanuun; Baranas, aanaalee godinichaatti sanyii fooyya’oo loon kuma 100 fi 100 tahaan mala namaan rimaa qabsiisuuf karoorfamee hojjatamaa jiruun guyyaa har’aa duulli jelqabamuus himaaniiru.

Duula eegalame kanarratti qonnaan bultoonni aanaalee gammachiisiifi ciroo loon isaanii diqaalomsachaa jiran dubbifnee, erga mala kanaan fayyadamuun hojjechuu eegallee bu'a gaarii argachaa jiru jedhan.

Baranas carraa kanatti fayyadamanii,bu'aa loon kanarraa argatan dachaan dabaluuf cimanii kan hojjetan tahuu ibsaniiru.

Kominikeeshinii Godina Harargee Lixaa

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Oomisha yeroo Gannaa hojimaata kilaastaraa fayyadamuun misoomsan kunuunsaa jiraachuu qonnaan bultoonni Aanaa Agaarfaa hi...
23/09/2025

Oomisha yeroo Gannaa hojimaata kilaastaraa fayyadamuun misoomsan kunuunsaa jiraachuu qonnaan bultoonni Aanaa Agaarfaa himan.

Godinichatti ooyruun qonnaan bultoota deeggarsa keemikaala farra aramaafii ilbiisaa dhaabbata Green Care'n kunuunfamaa jiruu Agaarfatti daaw'atamee jira.

Ittigaafatamaa ittaanaan Waajjira Qonnaa Godina Baalee Obbo Geetaachoo Abbabaa akka jedhanitti, godinichatti omishaa yeroo gannaatiin lafti heektaara kuma 520 ol misoome kunuunfamaa jiraachuu dubbatan.

Misooma waliigalaa godinichaa keessaa dhibbentaa 80 kan uwwisu hojimaata kilaastaraa ta'uu akeekan.

Kunuunsa midhaanii qonnaan bultootaan taasifamaa jiru keessatti deeggarsi dhaabbilee misoomaa akka ' Green Care'' kan fakkeenyummaan ibsamu ta'uus ragaa bahan.

Ittifayyadamni sanyii filatamaa,qorsa farra aramaafi paakeejiin qonnaa fooyya'aa waan dhufeef oomisha waliigalaa kuntaala miiliyoona 16 ol kan abdatamu ta'uus dubbatan.

Bulchaan Aanaa Agaarfaa Obbo Abdulqaadir Usmaan gama isaaniitiin akka aanichaatti misooma yeroo gannaatiin lafa waliigalaa misoomaa jiru heektaara kuma 70 ol keessaa dhibbentaan 50 hojimaata kilaastaraatiin misoomu dubbatan.

Hojigeeggessaan Dhaabbata Green Care Obbo Mulugeetaa Mokkonin gama isaaniitiin dhaabbatichi carraaqqii mootummaan oomishtummaa qonnaan bultootaa dabaluuf taasisaa jiru milkeessuuf deeggarsa keemikaalaa gara garaa taasisaa jiraachuu dubbatan.

Keessattuu keemikaalonni Farra Aramaa shoolaafi tiikaap,kan farra ilbiisaa karantfi Wagnar akkasumas dawaa farra waagii supertil, Riivoo,Urjii, Awloo,Orlaandoofii Daamuu isaan ijoo dhaabbatichi qonnaan bulaaf deeggarsaan dhiheesse ta'uu yaadachiisan.

Qonnaan bultootaafii qooda fudhattoonni daaw'annaa dirree misoomaa yaada kennaniin, ittifayyadama galteelee qonnaa qonnaan bulaan taasisaa jirurraa muxannoo qooddatan babal'isuuf kan hojjatan ta'uu himan.

Godina Baaleetti omisha bara 2017/18tti lafa hektaara kuma 520 ol midhaan akaakuu garagaraatiin misoomaa jirurraa callaan kuntaala miliyoona 16 kan abdatamu ta'uu ragaan waajjira qonnaa godinichaarraa argame nimul'isa.

Kominikeeshinii godina Baalee

Shawaa Kaabaatti loon sanyii fooyya'aa kuma 300 ol mala harka namaan diqaalomsuuf hojjatamaa jiraachuun himameKallacha O...
23/09/2025

Shawaa Kaabaatti loon sanyii fooyya'aa kuma 300 ol mala harka namaan diqaalomsuuf hojjatamaa jiraachuun himame

Kallacha Oromiyaa: Fulbaana 13, 2018- Godina Shawaa Kaabaatti loon sanyii fooyya'aa kuma 300 mala harka namaan diqaalomsuuf karoorfamee hojjatamaa jiraachuu Waajjirri Qonnaa Godinichaa beeksise

Aanaalee Godinichaa 11 keessatti dhaadannoo "Sanyii loon keenyaa fooyyessuun oomishtummaa guddisuun badhaadhinaa maatii haa mirkaneessinu" jedhuun duulli mala harka namaan loon sanyii fooyya'aa diqaalomsuu guyyoota 90'f turu eegalameera.

Ittigaafatamaan Waajjira Qonnaa Godina Shawaa Kaabaa Obbo Hirphasaa Addunyaa, Godinichatti bara kana loon sanyii fooyya'aa kuma 300fi kuma10 fi 458 mala harka namaan diqaalomsuuf karoorfamee hojjatamaa jiraachuu himan.

Sagantaa duula loon mala harka namaan diqaalomsuu kanaanis loon kuma 100fi kuma 34fi 130 ol sanyii fooyya'aa baay'isuun fayyadamummaa qonnaan bultootaa guddisuuf xiyyeeffannoon hojjatamaa jiraachuus dubbataniiru.

Qonnaan bultoonni Aanaa Waacaalee tokko tokko yaada kennaniin, loon sanyii fooyya'oo erga horsiisuu eegallee sa'a tokkorraa guyyaatti aannaan leetira 14 ol argachuun jiruufi jireenya keenya fooyyeeffachaa jirra jedhan.

Kominikeeshinii Godinichaatiin
Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Godinichatti oomishni avokaadoo gabaa alaaf dhiyaachuu jalqabuu Waajjirri Qonnaa godinichaa beeksise.Kallacha Oromiyaa: ...
23/09/2025

Godinichatti oomishni avokaadoo gabaa alaaf dhiyaachuu jalqabuu Waajjirri Qonnaa godinichaa beeksise.

Kallacha Oromiyaa: Fulbaana 12, 2018- Godinni Shawaa Lixaatti yeroo jalqabaaf oomisha avokaadoo gabaa biyya alaaf dhiyeessuu Waajjirri Qonnaa Godina Shawaa Lixaa beeksiise.

Ittigaafatamaan Waajjira Qonnaa Godina Shawaa Lixaa Obbo Tarrafaa Araarsaa Aanota godinichaa keessatti oomisha avokaadoo babal'isuuf xiyeeffannoon hojjetamaa jiraachuu himanii oomisha avokaadoo gabaa biyya alaaf qulqullinaafi baayinaan dhiyeessuuf hojjetamaa jiraachuu himaniiru.

Oomishini Avokaadoo godinichatti bara 2013 irraa eegalee hanga ammaatti Lafti heektaarri kuma 3 fi 533 irratti Oomishamaa kan jiruu fi yeroo ammaa kana lafti heektaarri 513 oomisha kennuun gabaaf dhiyeessaa jiraaachuu Obbo Tarrafaan himaniiru .

Biqiltuu bu'aa gar-lamee qabaan Inisheetivii ashaara magarisatiin waggoottaan 3n darbe Aanaa Baakkoo Tibbee fi Noonnootti dhaabateerraa bu'aa abdachisaa argachuu eegaluun Qotee bultoonni gammachuu qabaan isbatanii jiru.

Qonnaan bultoonnii iomisha avokaadoo oomishuun gabaaf dhiyeessaa jiranis walitti Hidhamisa gabaa argatanitti gammadduun fuula duratti abdiin akka hojjennu nu taasiiseera jedhan. Kominikeeshinii Godinichaatiin

Odeeffannoo dabalataa argachuuf;
kallachaOromia: https://m.facebook.com
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/
------
Website: https://www.oromiacommunication.gov.et/
------

Address

Finfinnee
Oromiyaa

Telephone

+251923102856

Website

Alerts

Be the first to know and let us send you an email when Kallacha Oromiyaa posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kallacha Oromiyaa:

Shortcuts

Share

Category