12/06/2026
Baga ittiin geenye!
Baga gammadanii!
Afurtama aabbaa
Baga qaqqabdanii
Jila tuulamtichaa
Jila hayyuu fi jaarsaa
Mallattoo angoomaa
ALANGEE dabarsaa
Alangeen qajeeltee
Jilliillee wal ga'ee...
Sirni bultoo buluu
Hayyuudhan mogga'ee
Mallattoo angoomaa
ALANGee dabarsaa...
Uummanni tuulamaa
Warri hayyuu fi jaarsaa
Waggaa saddeeti guutuu
Kan angoo irra turee.......
Eebbaan wal angeessa
Dabareen wal furee
Ilmaallan tuulamaa
Milkaa'aa oofkalaa
Burqee haa lola'u
Eebbi alaa golaa
Dabaree dabareen
Angoo waliin ga'u
Beekaa bara raagee
Dhugaaf ragaa ba'u
Gaammee fi dabballee
Foollee fi itti makoo......
Kan diroo fi dabaree
Maatii jaarraa fagoo
Hirkoo ormaa fi firaa
Beekaa sirna guutuu
Angoo dabarsanii
Eebbaan waliif laatuu
Hortee hunda dursee
Sirna bu'uuressee.....
Sirna gadaa tumee
Addunyaa sirneessee
Raagaa fi raagduudha
Egeree akeeku...........
Kan darbe xiinxalu
Bara dhufu beeku
Qabeenyan galaana
Baay'inaan cirracha
Beekumsan guutuudha
Umuriin buleecha
Morkatus dureedha
Yoomuu mirga oola
Faanni isaa milkiidha
Ba'aa fi gala tola
Abbaa qe'ee bal'oo
Abbaa malkaa jiituu
Abbaa tulluu eebbaa
Alaa manni guutuu
Warra dhibdee isaa
Gaaddisan furatu...
Kan eebban eegalee
Eebban xumuratu
Kan addi kallachaa
Kan bokkuu qabatu
Galaana beekumsaa
Keessaa warabbatu
Kan sirnaan gaggeessu
Hortee dhala namaa
Daacci, bachoo fi jiille
Yaa sadeen tuulamaa
Dameen sirna gadaa
Damee shantu jiraa
Dabaree dabareen
Angoodhan wal fura
Waggaa saddeetidha
Marsaan gadaa tokkoo
Tartiiba eeggatee
Waliif kenna angoo
Alangee qajeeli
Duudhalee sirneessi
Waan sirrii jabeessi
Waan dabduu sirreessi
Jilli kan milkii fi nagaa
Kan qanaanii fi quufaa
Diroo fi dabaree.......
Dhaloonni itti fufaa
🖋🖋hayiluu👍
