Fekadu Zeleke

24/08/2026

/ንግድ

በኢትዮጵያ የንግድ ታሪክ በተለይም በአዲስ አበባ ችርቻሮ ንግድ ውስጥ የታወቁ ሰው ናቸው።

በወቅቱ በአዲስ አበባ ችርቻሮ ንግድ ውስጥ ብዙ የየመን አረብ ነጋዴዎች ነበሩ።

ሩጋ አሻሜ ይህን ሁኔታ ለመቀየር ሀሳብ አቀረቡ፤ የኢትዮጵያውያንን የንግድ ተሳትፎ ለማሳደግ የነበራቸው ሀሳብና እንቅስቃሴ ዋናው ጉዳይ ነበር።

ይህንን ሀሳብ እውን ለማድረግ የጉራጌ ወጣቶች ተመርጠው ብድር እንዲያገኙና ከአረብ ነጋዴዎች አጠገብ ሱቆች ከፍተው እንዲነግዱ ሀሳብ አቀረቡ።

ከዚያም ወደ 40 የሚጠጉ ታታሪ የሆኑ የጉራጌ ወጣቶችን በመምረጥ እንዲነግዱ ማድረግ ነበር። ወጣቶቹም ተመርጠው በመነሻ ገንዘብ ንግድ ጀመሩ። ከእነዚህ 40 ወጣቶች ውስጥ 33ቱ በአጭር ጊዜ ተሳክቶላቸው ንግዱን በጥሩ ሁኔታ መቆጣጠር ጀመሩ።

በዚህም ምክንያት የጉራጌ ነጋዴዎች በአዲስ አበባ ንግድ ውስጥ በስፋት እንዲገቡ መንገድ ተከፈተ።

ስለዚህ “ከአረቦች ንግድን ወስዶ ለጉራጌዎች አስለመደ” ብሎ መግለጽ ማለት የሚቻል ቢሆንም በትክክል የሆነው ሩጋ አሻሜ አረቦችን በግል በማስወጣት ሳይሆን፣ የጉራጌ ወጣቶች ከእነሱ ጋር ተወዳድረው ንግዱን እንዲረከቡ የሚያስችል ዘዴ ያቀረቡ ሰው ናቸው።

ዋናው ትምህርት ሩጋ አሻሜ የተለየ ያደረጉት አንድ ሰው ብቻ በመነገድ ሳይሆን ሌሎችን ሰዎች ወደ ንግድ ማስገባትና የንግድ ባህልን ማስፋፋት ነበር። በዚህም ተሳክቶላቸው የአዲስ አበባ ንግድ በኢትዮጵያዊያን የበላይነት ቁጥጥር ስር እንዲሆን ያደረጉ የሀገር ባለውለታ ናቸው።

23/08/2026

የጉራጌ ቡና በጋራ በተራ የመጠጣት ባህል _የአጋ ቋዋ

አጋ ቋዋ በጉራጌ ማኅበረሰብ ዘንድ ቡናን በጋራ በመሰባሰብና በተራ የመጠጣት ልዩ ማኅበራዊ ባህል ነው። ይህ ልማድ ቡና መጠጣትን ብቻ ሳይሆን የመተሳሰብ፣ የመከባበር፣ የመወያየትና የእንግዳ አቀባበል እሴቶችን የሚያሳይ ባህላዊ ሥርዓት ነው።

ተሳታፊዎች በአንድ ቦታ ተሰብስበው ቡናውን በተራ ይጠጣሉ። በዚህ ጊዜ ሰዎች ስለ ቤተሰብ፣ ስለ ማኅበረሰብ ጉዳዮች፣ ስለ ሥራና ስለ ዕለት ተዕለት ሕይወት ይወያያሉ። የቡናው ተራ ለእያንዳንዱ ተሳታፊ እኩል ተሳትፎና መከባበርን የሚያሳይ ነው።

ስለዚህ አጋ ቋዋ ቡና የሚጠጣበት ቦታ ብቻ ሳይሆን፣ ሰዎች የሚገናኙበት፣ የሚተሳሰቡበት፣ የሚመካከሩበትና የጉራጌን የጋራ ኑሮ እሴት የሚጠብቁበት ባህላዊ ሥርዓት ነው።

21/08/2026

እመቤታችን በምድር ላይ ኖራ ካረፈች በኋላ ሐዋርያት ሊቀብሯት ወደ ጌቴሴማኒ ሲወስዷት አይሁድ ሊያቃጥሏት ሞክረው ነበር። መልአኩ ቅዱስ ዑራኤል ሥጋዋን ከሐዋርያው ዮሐንስ ጋር ወደ ገነት ወስዶ በዕፀ ሕይወት ሥር አኑሮታል።

☑️​የሐዋርያት ጾም እና ጸሎት፦ ሐዋርያት የእመቤታችንን ሥጋ ለማየትና ለመቅበር ካላቸው ከፍተኛ ናፍቆት የተነሳ ከነሐሴ 1 ጀምረው ለሁለት ሳምንታት በጾምና በጸሎት ተጉዘዋል።

☑️​ትንሣኤና ዕርገት፦ በነሐሴ 16 ቀን ጌታችን መድኃኒታችን ኢየሱስ ክርስቶስ የእመቤታችንን ሥጋ ሰጥቷቸው ቀብረዋታል። ወዲያውኑም እንደ ልጇ እንደ ክርስቶስ በሦስተኛው ቀን ተነሥታ በክብር ወደ ሰማይ ዐርጋለች።

☑️​የቶማስ ምስክርነት፦ ሐዋርያው ቶማስ በደመና ሲመጣ እመቤታችን ስታርግ አግኝቷት የበረከት ምልክት የሆነውን ሰበኗን (መግነዟን) ተቀብሎ ለሌሎች ሐዋርያት ምስክር ሆኗል።



​የትዕግሥትና የጸሎት ፍሬ፦ ሐዋርያት በጾምና በጸሎት ጸንተው በመቆየታቸው የእመቤታችንን ትንሣኤና ዕርገት የማየት ክብር አግኝተዋል።

​የትንሣኤያችን ተስፋ፦ የእመቤታችን ትንሣኤና ዕርገት ለሰው ልጆች ሁሉ የትንሣኤ እና የዘላለም ሕይወት ትልቅ ተስፋ ማረጋገጫ ነው።

እንኳን ለኪዳነ ምህረት ዋዜማ በሰላም አደረሳችሁ ፤ አደረሰን!

21/08/2026

አንገኝም።

ዛሬ ላይ ከምንታገልላቸው ነገሮች 70 በመቶ የሚሆኑት ከ150 አመት በኋላ አንዳቸውም ለምልክት እንኳ አይገኙም፡፡ ፈጽመው ይጠፋሉ ወይም ይረሳሉ፡፡

እስኪ ወደ ኋላ 150 አመት እንሂድ፡፡ወቅቱ 1872 ገደማ ነው የሚሆነው፡፡ ያኔ የሰው ልጅ እንደ እቃ በአደባባይ ተደርድሮ የሚሸጥበት ወቅት ነበር፡፡

በወቅቱ ብርቅ የነበረውን የፊት መስታወት ለማግኘት ሲሉ የገዛ ዘመዶቻቸውን የሸጡ ሰዎች ዛሬ የታሉ? መስታወትንስ ዛሬ ላይ እንደ ሀብት የሚያስበው ማን ነው?
ማንም ጨው ወይም ጌጥ ወይም ሌላ ነገር ለማግኘት ሲሉ የተሻሻጡ ብዙ ሰዎች ነበሩ፡፡

ዛሬ ላይ እነዚያ ሰዎች የሞቱላቸው የገደሉላቸው የተካካዱባቸው የተሻሻጡላቸው አብዛኞቹ ነገሮች ይህ ነው የሚባል የረባ ዋጋ ያላቸው አይደሉም፡፡

በጊዜው ግን ለሰው ልጅ የሞትና የህይወት ልዩነት ነበሩ፡፡ የሰው ልጅ በየጊዜው የሚታገልላቸው አብዛኞቹ ነገሮች ዛሬ ላይ ዞር ተብለው ሲታዩ በጣም የሚያስቁ ናቸው፡፡

አሁን አሁን ላይ ዘመኑ የኢንተርኔት በመሆኑ ኢንተርኔት ትዝታችንን ያስቀምጥልናል ብለን እናስብ ይሆናል፡፡ግን ይህም አስተማማኝ አይደለም።

ማጠቃለያው፥ ህይወትን ቀለል አርገህ ኑር፡፡ ምንም ሆነ ምንም ዘላለም የሚኖር የለም። ከዚህች ምድር በህይወት የሚወጣ ሰውም የለም፡፡

ዛሬ ልትሞትለትና ልትገድልለት የተዘጋጀኸው መሬት ከዚህ ቀደምም ብዙዎች ተጋድለውለት ሞተው ጭራሽ እንዳልነበሩ ሁሉ ተረስተዋል፡፡

ከ150 አመታት በኋላ ዛሬ አንተ እንደ ትልቅ ሀብት የምታያቸው አብዛኞቹ ነገሮች ምንም ፋይዳ የሌላቸው ተራ ቁሶች ይሆናሉ፡፡

እና ምን ለማለት ነው ፥ ፍቅር ይግዛን ፥ መጠላለፍ ከጀርባ መወጋጋት መቀናናት መፎካከር ይቅርብን፡፡ ህይወት ከማንም ጋር የምታደርገው ፉክክር አይደለችም፡፡
ቀደምንም ዘገየንም መጨረሻችን መቃብር ነው፡፡
ቅድሚያ ለሰብዓዊነት
# ከተማ መሰለ በየነ እንደፃፈው!!!

20/08/2026

19/08/2026

የደብረ ታቦር በዓል በወልቂጤ በደብረ ብስራት ቅዱስገብርኤል ቤተክርስቲያን በድምቀት እየተከበረ ይገኛል
እንኳን አደረሰን፤ አደረሳችሁ

19/08/2026

በጉራጌ ከቡሄ ጀምሮ የመስቀል ደመራ በየአካባቢው የማዘጋጀት ስራ ይጀመራል። ይህንንም የመስቀል በዓል መቃረቡን የሚያመለክት ስለሆነ የበዓሉ ዝግጅት በየፈርጁ ከወዲሁ መጧጧፍ ይጀምራል

18/08/2026

የቡሄ (ደብረ ታቦር) በዓል

የደብረ ታቦር (ቡሄ) በዓል
የሚከበርበት ነሐሴ 13 ቀን
ዋናው ምሥጢር፦ የኢየሱስ ክርስቶስ መለኮታዊ ክብርና ብርሃን መገለጥ

«ቡሄ» ማለት ብርሃን፣ ግልጥ፣ ወይም የክረምት መውጫ (ጨለማው አልፎ ብርሃን የሚተካበት) ማለት ነው።

ዋና ዋና ሃይማኖታዊና ባህላዊ ትርጓሜዎች፦

መለኮታዊ ብርሃን (ማቴ. 17፥2)፦ ክርስቶስ በደብረ ታቦር ተራራ ላይ ሳለ መለኮታዊ ክብሩ ተገልጦ ፊቱ እንደ ፀሐይ የበራበት፣ ልብሱም እንደ ብርሃን የነጣበት ዕለት ነው። ይህም በዓሉን «የብርሃን በዓል» ያስኘዋል።

የአብ ምስክርነት፦ ከደመና ውስጥ «የምወደው ልጄ ይህ ነው፤ እርሱን ስሙት» የሚል የእግዚአብሔር አብ ድምፅ የተሰማበት፣ የክርስቶስን የእግዚአብሔር ልጅነትና ሥልጣን ያረጋገጠ ምሥጢር ነው።

የሙሴና ኤልያስ መገለጥ፦ ሙሴ ከሙታን፣ ኤልያስ ደግሞ ከሕያዋን (ብሔረ ሕያዋን) መጥተው መመስከራቸው፣ ክርስቶስ የሙታንም የሕያዋንም ጌታ መሆኑን ያረጋግጣል።

ችቦ እና ጅራፍ፦ በዋዜማው የሚበራው ችቦ የተራራውን መለኮታዊ ብርሃን ያመለክታል። የጅራፉ ድምፅ ደግሞ ክርስቶስ ሊያዝ ሲመጣ አይሁድ ያሰሙትን ሁከትና ድምፅ ያስታውሳል።

ሆያ ሆዬና ሙልሙል ዳቦ፦ ሕፃናት በየቤቱ ዞረው የሚዘምሩት «ሆያ ሆዬ» ደቀ መዛሙርቱ በብርሃኑ መገለጥ ያሳዩትን ደስታ ያንጸባርቃል። እናቶች የሚጋግሩት የ«ሙልሙል» ዳቦ ደግሞ የበዓሉ የበረከትና የፍቅር መጋሪያ ምልክት ነው።

እንኳን ለደብረ ታቦር በአል በሰላም አደረሰን

18/08/2026

በጉራጌ ዞን እኖር ኤነር መገር ወረዳ የመኸር የበቆሎ ሰብል ልማት ጥሩ የልማት መነቃቃት መኖሩ ማሳያ ነው

11/04/2026

የ"ገብረ ሰላመ በመስቀሉ" በዓል በጉራጌ ዞን በወልቂጤ መንበረ ጵጵስና ደብረ ጽዮን ቅድስት ማርያም ቤተ ክርስቲያን ብፁዕ አቡነ መልከጼዴቅ የጉራጌ ሀገረ ስብከት ሊቀ ጳጳስ በተገኙበት በድመቀት ተከናወነ።

እንኳን ለብርሃነ ተንሳኤ በዓል በሰላም አደረሳችሁ፤ አደረሰን
Info credit GZCD