http://WWW.Facebook.adbeza47.com/

Wolaita Asaa, Gununo hamus city, Sodo (2026)

27/08/2026

የቀድሞ ጠ/ሚ ኃይለማሪያም ደሳለኝ የመሪዎች አስተሳሰብ እንዲቀየር ጥሪ አቀረቡ

| በኪጋሊ በተካሄደው "የአፍሪካ የአስተሳሰብ ለውጥ ፎረም" ላይ ተገኝተው ንግግር ያደረጉት አቶ ኃይለማሪያም አህጉሪቱ እያሳየች ያለችውን እድገት ወደ ላቀ ደረጃ ለማሸጋገር የፖለቲካ ኢኮኖሚው ከኪራይ ሰብሳቢነት አሰራር ወጥቶ ወደ ልማት ተኮር ስርዓት መለወጥ እንዳለበት አስምረውበታል።

አህጉሪቱ አሁንም ወደኋላ የቀረችው ለልማት በቂ ትኩረት በማይሰጡ የአመራር አካሄዶች ምክንያት መሆኑን የጠቆሙት የቀድሞው ጠቅላይ ሚኒስትር ለአመራር ለውጥ ትኩረት መስጠትና አዳዲስ አፍሪካውያን መሪዎች ላይ ኢንቨስት ማድረግ ወሳኝ መሆኑን አብራርተዋል።

አቶ ኃይለማሪያም አክለውም የአህጉሪቱን አስተሳሰብ መቀየር በአንድ ጀምበር የሚከናወን ሳይሆን የረጅም ጊዜ ሂደት መሆኑን ገልጸዋል። ለዚህም እንደ አንድ አካል የመፃኢ ጊዜ መሪዎችን ለመቅረጽና ተግባራዊ የለውጥ እንቅስቃሴን ለመፍጠር (African School of Governance) መመስረቱን ተናግረዋል።

አፍሪካን ለመቀየር የፖለቲካና የንግዱ ኤሊቶች ጥረት ብቻውን በቂ እንዳልሆነና የሰፊው ሕዝብ ንቁ ተሳትፎ እንደሚያስፈልግም አብራርተዋል።

በተጨማሪም ችግሮችን ከመዘርዘር ባለፈ አፍሪካውያን የሚመሯቸውን መፍትሔዎች መተግበር ከግል ስኬቶች ወጥተው አስተማማኝ ተቋማዊ ስርዓቶችን መገንባት እንዲሁም ከቋሚ አስተሳሰብ ይልቅ እድገትንና የተጎጂነት ስሜትን ማስወገድ ላይ ትኩረት አድርገዋል።

በዚህ መድረክ ላይ እንደ የሩዋንዳው ፕሬዚዳንት ፖል ካጋሜ፣ የጋናው ፕሬዚዳንት ጆን ድራማኒ ማሃማ፣ የቀድሞው የደቡብ አፍሪካ ፕሬዚዳንት ቶቦ እምቤኪ እና የቀድሞው የናይጄሪያ ፕሬዚዳንት ኦሊሴጉን ኦባሳንጆ የተሳተፉ ሲሆን ወቅታዊና የቀድሞ የሀገር መሪዎች፣ የኮርፖሬት ሥራ አስፈጻሚዎች፣ የሲቪል ማኅበራት መሪዎችና ወጣቶች በአንድነት መክረዋል።

22/08/2026

ከሁለት የተለያዩ አባቶች የተወለዱት አስደናቂው መንታ ልጆች!

በብራዚል አንዲት የ19 ዓመት ወጣት በአንድ ጊዜ የወለደቻቸው መንታ ልጆች የሁለት የተለያዩ አባቶች መሆናቸው በዲ ኤን ኤ (DNA) ምርመራ ተረጋግጧል።

ልጆቹ 8 ወር ሲሞላቸው መልካቸው ባለመመሳሰሉ የተነሳ አባት ነኝ ባዩ ባደረገው የዘረ-መል ምርመራ፣ ለአንደኛው ህፃን ብቻ ባዮሎጂካል አባት መሆኑ ታውቋል። እናቲቱም በወቅቱ በአንድ ቀን ውስጥ ከሁለት ወንዶች ጋር ግንኙነት አድርጋ እንደነበር ገልጻለች።

በሳይንሱ "ሄቴሮፓተርናል ሱፐርፌኩንዴሽን" (Heteropaternal superfecundation) ተብሎ የሚጠራው ይህ እጅግ ብርቅዬ ክስተት በዓለም ታሪክ ጥቂት ጊዜያት ብቻ የተመዘገበ ሲሆን፣ በአሁኑ ወቅት ሁለቱም አባቶች ልጆቹን በማሳደግ ላይ ይገኛሉ።

17/08/2026

በማህበራዊ ሚዲያ ሲዘዋወር በነበረው የድብደባ ቪዲዮ ተጠርጣሪዎች ጉዳያቸው በህግ እየታየ መሆኑን ፖሊስ ገለጸ
*****************

በማህበራዊ ሚዲያ አንዲት ታዳጊ ስትደበደብ የሚያሳይ ቪዲዮን በተመለከተ ፖሊስ አስፈላጊውን ምርመራ ማጣራቱን አስታውቋል፡፡

በኮልፌ ቀራኒዮ ክፍለ ከተማ ወረዳ 4 አለም ባንክ አካባቢ አንዲት ታዳጊ ስትደበደብ የሚያሳይ አሳዛኝ ቪዲዮ በማህበራዊ ሚዲያ መሰራጨቱን ተከትሎ ድርጊቱን ፈፅመዋል የተባሉትን ተጠርጣሪዎች በህግ እንዲጠየቁ ህብረተሰቡ አስተያየት እየሰጠ መሆኑ ይታወቃል፡፡

ድርጊቱ ጥቅምት 14 ቀን 2018 መፈፀሙን የአዲስ አበባ ፖሊስ ዋና ጠቅላይ መምሪያ አስታውቆ፤ ቪዲዮው በማህበራዊ ሚዲያ ከመሰራጨቱ ከወራት በፊት ወንጀሉን ፈፅመዋል የተባሉትን ሦስት ተጠርጣሪዎች በቁጥጥር ስር በማዋል ምርመራ ማጣራቱን ፖሊስ ገልጿል፡፡

በወንጀሉ የተጠረጠሩት ሦስት ተማሪዎች ፍርድ ቤት ቀርበው በጊዜ ቀጠሮ ታስረው ፖሊስ አስፈላጊውን ማስረጃ በማሰባሰብ የምርመራ መዝገቡን አጠናቆ መዝገቡን ለሚመለከተው የፍትህ አካል መላኩን የአዲስ አበባ ፖሊስ አስታውቋል፡፡

ልጅቷ ስትደበደብ የሚያሳየው ቪዲዩ መለቀቁ በልጅቷም ሆነ በቤተሰቧ ላይ አሉታዊ ጫና የሚያሳድር በመሆኑ ቪዲዮውን የለቀቀውን አካል ለማረጋገጥ ፖሊስ ሦስቱን ተጠርጣሪዎች በድጋሚ በቁጥጥር ስር አውሎ ተጨማሪ ምርመራ እያጣራ መሆኑን ገልጿል፡፡

ህብረተሰቡ ድርጊቱን በማውገዝ ወንጀሉን ፈፅመዋል የተባሉትን ተጠርጣሪዎች በህግ መጠየቅ እንዳለባቸው ያሳየውን መቆርቆር የአዲስ አበባ ፖሊስ ዋና ጠቅላይ መምሪያ አድንቋል፡፡

16/08/2026

የአቶ አብርሃም ባቾሬ አጭር የህይወት ታሪክ

አቶ አብርሃም ባቾሬ ከአባታቸው ከአቶ ሽርኮ ሃላላ እና ከእናታቸው ከወ/ሮ ጋልዳሜ ባቾሬ በ1946ዓ ም በቀድሞ የወላይታ አውራጃ በሶዶ ዙሪያ ወረዳ ዛላ ሻሻ ቀበሌ ተወለዱ። አቶ አብራሃም ይጠሩ የነበሩት በአያታቸው በአቶ ባቾሬ ስም ነበር።

አቶ አብርሃም በልጅነት ዘመናቸው እንደማንኛውም የገጠር ልጅ እርሻ አርሰው እንጨት ሰብረው ውሃ ቀድተው ያደጉ ሲሆን ለወላጆቻቸው ታዛዥ በዕድሜ እኩዮቻቸው ተወዳጅ ልጅ ነበሩ።

ዕድሚያቸው ለትምህርት ሲደርስ በቦሣ ሉትራን ሚሺን ት/ቤት ፊደል በመቁጠር የጀመሩ ሲሆን የመጀመሪያ ደረጃ ትምህርታቸውን በሶዶ ጊዮርጊስ ትምህርት ቤት የሁለተኛ ደረጃ ትምህርታቸውን ደግሞ በሶዶ አጠቃላይ ሁለተኛ ደረጃ ት/ቤት ተከታትለዋል።

አቶ አብርሃም ባቾሬ የሁለተኛ ደረጃ ትምህርታቸውን በመከታተል ላይ እያሉ በ1967ዓ/ም በጊዜው የነበረው መንግስት መሀይምነትን ለማጥፋት ባዘጋጀው የእድገት በህብረት የእውቀትና የሥራ ዘመቻ ለመሳተፍ ወደ ገጠሪቱ ኢትዮጵያ ዘመቱ።

በዚህም ዘመቻ ከሌሎች ዘማቾች ጋር በመሆን ህዝቡን በማስተማር፣በመንቃትና በማደራቸት መሬት ላራሹ የመሳሰሉ አርሶ አደሩን ተጠቃሚ ያደረጉ የጊዜው መንግስት አዋጆችን መሬት ላይ እንዲወርዱ በማድረግ የህዝብ አገልጋይነትን መለማመድ ጀመሩ።

ከዘመቻው ፍጻሜ በኋላ የሁለተኛ ደረጃ ትምህርታቸውን በማጠናቀቅ ከልጅነታቸው ጀምረው ሲመኙት ነበረውን ህልማቸውን ለማሳካት በ1969ዓ.ም የኢትዮጵያ አየር ኃይልን በፍላጎት ተቀላቀሉ።

በአየር ኃይል ቆይታቸው በአየር ትንበያ (ሜትሮሎጂ) ባለሙያነት በደብረዘይት፣በጎዴ እና በአሥመራ ተዘዋውረው ፍጹም በሆነ የሀገር ፍቅር ስሜት ኃላፊነታቸውን ተወጥተዋል።

በአየር ኃይል ቆይታቸው በቀድመው የሶቬት ህብረት የትምህት ዕድል በማግኘት በኪርጊስተን ለአምስት ዓመትታ ተጨማሪ ትምህርት ተከታትለው ወደ ሀገራቸው ተመልሰዋል።

ከኪርጊስተን በተጨማሪ በሥራ ዓለም በነበሩበት ጊዜ ወደ ዮክሬን፣ኡዝቤኪስታን እና ደቡብ አፍሪካ ተጎዘው የሥራ ልምድ ቀስመዋል።

አቶ አብራሃም ከሶቬት ህብረት ከተመለሱ በኋላ የተጨማሪ ትምህርት ፍላጎታቸውን ለማሳከት በተሰጣቸው ፈቃድ ወደ አዲስ አበባ ዮኒቨርስቲ በማታው ፕሮግራም በመመዝገብ ለትምህርት በነበራቸው ጽኑ ፍላጎት በየቀኑ ከደብረዘይት እስከ ስድስት ኪሎ በመመላለስ በፖለቲካል ሳይንስና ዓለማዓቀፍ ግኑኝነት በማዕረግ ተመርቀዋል።

አቶ አብርሃም በ1983 ዓ ም የመንግስት ለውጥ ተከትሎ ከሥራ ተፈናቅለው በነበሩበት ወቅት እጮኛቸው ከነበሩት ከትዳር አጋራቸው ከወይዘሮ መሠረት ላንቤቦ ጋር በ1986 ዓ/ም በሀዋሪያዊት ቤተክርስቲያን በተቀደሰ ጋብቻ ትዳር በመመስረት አንድ ወንድ እና ሁለት ሴቶችን በድምሩ ሦስት ልጆችን እና ሦስት የልጅ ልጆችን አፍርተዋል።

አቶ አብራሃም ከልጆቻቸው በተጨማሪ እህት ወንድሞቻቸውን እንዲሁም የወንድምና የእቶቻቸው ልጆችን ምንም ልዩነት ሳያደርጉ አስተምረው ለወግ ለማዕረግ ያበቁ በቤተሰቦቻቸው ዘንድ "ጎዶ" እየተባሉ በፍቅር ስም የሚጠሩ የሁሉም አባት ነበሩ።

አቶ አብርሃም ትዳር ከመሠረቱ በኋላ ብዙም ሳይቆዩ "Save the children " በተባለ ግብረሰናይ ድርጅት በከፍተኛ ደመወዝ ተቀጥረው ሥራ ጀመሩ።

ይሁን እንጅ ለወላይታ ህዝብ በኢኮኖሚ መለወጥ በነበራቸው ጽኑ ፍላጎት በአዲስ መልክ የተቋቋመው የወላይታ ልማት ማህበር ባደረጉላቸው ጥሪ መሠረት የተሻለ ደመወዝና ጥቅማጥቅም በመተው ከመጀመሪያው በግማሽ በሚያንስ ደመወዝ በመቀጠር የልማት ማህበሩ የመጀመሪያው ፕሮጀክት ማነጄር በመሆን አገልግለዋል።

ለወላይታ ሊቃ ትምህርት ቤት መመስረትም የመጀመሪያውን ሀሳብ በማቅረብ የሊቃ ት/ቤት ዕውን እንዲሆን በማድረግ የአቶ አብርሃም ድርሻ ከፍተኛ ነበር።

ከዚህም ሌላ በልማት ማህበሩ እስከ ቦርድ ሰብሳቢነት በማገልገል ወልማ አሁን ለደረሰበት ደረጃ መሠረት የጣሉ የህዝብ ልጅ ነበሩ።

አቶ አብራሃም በወልማ የጀመሩትን የህዝብ አገልግሎት አጠናክረው በመቀጠል የሶዶ ማዘጋጃ ቤት ሥራ አስክያጅ በመሆን በጊዜው በከተማው ህዝብ ዘንድ ከፍተኛ ቅሬታ ስያስከትሉ የነበሩትን የአገልግሎት አስጣጥ ችግሮችን ለማሻሻል በነበራቸው ህልም ያለምንም ማጋነን ዘወትር ከጠዋቱ አንድ ሰዓት እስከ ምሽቱ ሦስት ሰዓት በቢሯቸው ተቀምጠው ባለጉዳይ አገልግሎት በመስጠት ራሳቸውን አደጋ ላይ ጭምር በመጣል ታሪክ የማይረሳውን ውለታ ለወላይታ ሶዶ ከተማ ህዝብ ውለዋል።

በዚህም የስራ አፈጻጸማቸው ተገምግሞ የሶዶ ከተማ ከንቲባ በመሆን ተሹመው ከተማዋ አሁን ለደረሰችበት ደረጃ የማይናቅ አሻራ አሳርፈዋል።

የፓለቲካል ሳይንስ እና አለም ዓቀፍ ግንኝነት ምሁሩ አቶ አብራሃም ባቾሬ ከህዝብ አመራርነት በተጨማሪ በወላይታ ዞን ባህል ቱሪዝምና የመንግስት ኮሙኒኬሽን መምሪያ የኮሙኒኬሽን ዘርፍ አስተባባሪ በመሆን በዕድሜ ጡረታ እስከተገለሉበት እስከ 2010ዓ/ም ድረስ አገልግለዋል።

በዚህም ሙያቸው በሚፈቅደው መሠረት ለየዞኑ ህዝብ ወቅታዊ መረጃዎች ተደራሽ እንዲሆኑ በማስቻል፣በህዝብና በመንግስት መካከል ጤናማ የመረጃ ፍሰት እንዲኖር በማድረግ ዘርፋን በዕውቀት መርተዋል።
ከዚህም ሌላ የወላይታ ቴሌቪዥን የቦርድ አባል በመሆንም አገልግለዋል።

አቶ አብራሃም ከመደበኛ ሥራቸው በጡረታ ከተገለሉ በኋላ የወላይታ ህዝብ የሀገር ሽማግሌ በመሆን የህዝቡ ባህልና ታሪክ እንዲሁም የፈጠራና የስነጥበብ ውጤት የሆኑ የሚዳሰሱና የማይዳሰሱ ቅርሶች ትውልድ ተሻጋሪ እንዲሆኑ የበኩላቸውን አስተዋጽኦ አበርክተዋል።

በተለይም የወላይታ ዘመን መለወጫ የጊፋታ በዓል የሰው ልጆች ወካይ የማይዳሰስ ባህላዊ ቅርስ በመሆን በ"UNESCO"እንዲመዘገቡ ከፍተኛ አስተዋጽኦ አበርክተዋል።

አቶ አብርሃም በመንፈሳዊ ህይወታቸው በሚያመልኩበት ቤተ እምነት ጌታ ኢየሱስ ክርስቶስን ተቀብለው በስሙ በመጠመቅ በቅድስና እግዚአብሔርን በመፍራት የሀዋሪያዊት ቤተክርስቲን የእምነት አንቀጽ ጠብቀው የኖሩ ፣በአልግሎታቸው የበረቱ ወንድም ነበሩ።

አቶ አብራሃም በህይወታቸው ዘመን ሁሉ አምላካቸውን፣ህዝባቸውን እና@ ሀገራቸውን በፍጹም ታማኝነት አገልግለው ባደረባቸው ህመም ምክንያት በህክምና ሲረዱ ቆይተው በተወለዱ በ72 ዓመታቸው ነሀሴ 8 ቀን 2018ዓ/ም ወደ አምላካቸው ተሰብስበዋል።

አቶ አብርሃም በመልካም ተግባራቸው ምክንያት ስማቸው ሁል ጊዜ ከመቃብር በላይ ሆኖ ይኖራል።

የአሁኑ ትውልድ ከወንድም አብርሃም የአላማ ፅናትን፣ለህዝብ መኖርን፣የሰው ፍቅርን፣ ለተወለዱበት ማህበረሰብ ባህልና ታሪክ መቆርቆርን፣የልብና የእጅ ንፅህናን፣በፍጹም ንፅህና ሀገርና ህዝብን ማገልገልን፣አስታራቂነትን ወዘተ ይማራል ብለን ተስፋ እናደርጋለን።

አቶ አብርሃም ለህዝብና ለሀገር ለከፈሉት መልካም ተግባር በተለይም ለወላይታ ህዝብ ባህል፣ ታሪክና ቋንቋ እድገት ላበረከቱት ትውልድ ለማይረሳው ተግባራቸው ጉዳዮ የሚመለከታቸው የመንግስት ኃላፊዎች አንድ ቋሚ ማስታወሻ እንዲያቆሙላቸው በአክብሮት እንጠይቃለን።

ለባለቤታቸውና ለልጆቻቸው እንዲሁም ለወዳጅ ዘመዶቻቸው ጌታ ኢየሱስ መጽናናትን ይስጣችሁ።
ከጓደኞቻቸው

13/08/2026

ቤዛዊት ድምጸ ባህር ዳር ከነማን ተቀላቅላለች🩵
🩵🩵🩵🩵
🩵❣️🩵
🩵🩵
🩵

11/08/2026

ብዙ ያልተወራለት የእግር ኳስ ቅመም ኢትዮጵያዊውን ደቡርን(De Buryne) ተዋወቁ!

በርካታ የእግር ኳስ ተጫዋቾችን አፍርታ ያበረከተችው እና ማህፀነ ለምለም በሆነችው ጉኑኖ ሐሙስ ከተማ ተወልዶ ያደገው ወጣት እና የእግር ኳስ ተጫዋች በየሜዳው የምያሳየው የኳስ ጥበብ እና ብቃት እጃችን በአፋችን የምያስጭን ነው።

ከሰፈር ጀምሮ በወላይታ ድቻ ክለብ ውስጥ U17 ጀምሮ አሁን ባለቤት የእግር ኳስ ክለብ ደጋፊዎች ከመቀመጫቸው ተነስተው የጨበጨቡለት የመሀል መዳ ተጫዋች ነው።

የኢትዮጵያ እግር ኳስ ፌደሬሽኑ ሆነ በኢትዮጵያ ውስጥ ያሉት የእግር ኳስ ክለቦች እንደዚህ አይነት ትንታግ የሆነ ወጣት እና በጨዋታው የተመሰከረለት የኢትዮጵያ ደቡርን(De Buryne) በደንብ ብመለከቱ እና እድል ቢሰጠው ክለቡም አልፎ ሀገር የምያስጠራ ጀግና ተጫዋች ነው።

ተጫዋቹ እናንተ በመጠባበቅ ውስጥ ሆኖ ከአቅሙ በላይ የሆነ ዝግጅት እያደረገ የናንተን በመጠባበቅ ላይ ይገናኛል ስለዚህ ኤሄንኝ መልዕክት የምያነቡ በማነኛውም የስልጣን እርከን ላይ የምትገኙ ውድ የሀገሬ ልጆች በተለያዬ መንገድ ልታወሩ ልታናግሩኝ ትችላላችሁ።

0913196963/0922147632

10/08/2026

የ26 ዓመቷ እናት በአንድ ጊዜ አራት ሕፃናትን በሰላም ተገላገለች
******************

በጥሩነሽ ቤጂንግ አጠቃላይ ሆስፒታል የ26 ዓመት ወጣት እናት በአንድ ጊዜ አራት ልጆችዋን በሰላም መገላገሏን የአዲስ አበባ ጤና ቢሮ አስታወቀ።

በአሁኑ ወቅት እናትየዋ እና አራቱ ልጆቿ በጥሩ ጤንነት ላይ እንደገሚኙ ተገልጿል።

የሕክምና ሂደቱን በበላይነት የሰጡት እና የመሩት የሆስፒታሉ ዋና ሥራ አስኪያጅ እና የማህፀን እና ፅንስ ስፔሻሊስት የሆኑት ዶክተር የሆኑት እሸቱ ታደለ እና ሌሎች የሆስፒታሉ የሕክምና ቡድን ቀዶ ሕክምናውን በስኬት ማጠናቀቁን አስታውቀዋል።

ዶክተር እሸቱ ስለ ሕክምናው ዝርዝር ሁኔታ ሲያብራሩ፣ አራት ሕፃናትን በአንድ ጊዜ በሰላም ማገላገል በሆስፒታሉ የመጀመሪያው እንዳልሆነ ገልጸው ከሦስት ዓመት በፊትም በተመሳሳይ አንዲት የ24 ዓመት ወጣት እናት በሪፈር ከጤና ጣብያ ወደሆስፒታሉ ገብታ አራት ሕፃናትን በሆስፒታሉ በሰላም መገላገሏን አስታውሰዋል።

የአሁኑን ለየት የሚያደርገው የ26 ዓመቷ እናት አራት ፅንስ መፀነስዋን በሆስፒታላችን ክትትል በምታደርግበት ወቅት በመታወቁ ለእናቲቱ እና ለሚወለዱት ጨቅላዎች ደኅንነት ከፍተኛ የሆነ ክትትል እንደሚያስፈልግ ከግምት ውስጥ በማስገባት የወሊድ ቀኗ ከመድረሱ ከአንድ ወር በፊት ጀምሮ በዋርድ በማስተኛት ሌት ከቀን ክትትል እንደተደረገላት ተናግረዋል።

በመውለጃ ቀኗም በጨቅላ ሕፃናት ክፍል ለሕፃናቱ ማረፍያ እና አጋዥ ማሽኖች ቅድመ ዝግጅት መደረጉን የገለጹት ዋና ሥራ አስኪያጁ ሆስፒታሉ ተገልጋይ ተኮር አሠራርን ስለሚከተል በከፍተኛ የሕክምና ቴክኖሎጂ እና መሳሪያዎች የተደራጀ በመሆኑ፣ በየዘርፉ ስፔሻላይዝ ያደረጉ ወጣት እና ቁርጠኛ የሕክምና ባለሙያዎች ስብስብ በመኖሩ አገልግሎቱ በቁርጠኝነት መሰጠቱን ተናግረዋል።

ለእናቶች እና ሕፃናት የተሰጠ ትኩረት እጅግ ከፍተኛ እንደሆነ የገለጹት ዶክተር እሸቱ እንደ አሁኑ አይነት አልፎ አልፎ የሚያጋጥሙና ከፍተኛ ጥንቃቄ የሚሹ እርግዝናዎች በሚከሰቱበት ጊዜ "እናት ጤና፤ ልጅም ደህና" የሚለውን ሀገራዊ የጤና መርሕ በተግባር ለማዋል በትኩረት እየተሠራ መሆኑን የሚያሳይ ተግባር እደሆነም ዋና ስራአስኪያጅ ዶክተር እሸቱ ማብራራታቸውን ከአዲስ አበባ ጤና ቢሮ ያገኘነው መረጃ ያመለክታል።

10/08/2026

ከሀገር መሪ እስከ ተፅዕኖ ፈጣሪ ባለሙያዎች ያፈሩት ድንቅ ኢትዮጵያዊት እናት

| የቀድሞው የኢትዮጵያ ጠቅላይ ሚኒስትር አቶ ሀይለማርያም ደሳለኝ ወላጅ እናት ለሀገርና ለወገን የሚጠቅሙ በርካታ ታዋቂና ስኬታማ ልጆችን በትጋት አሳድገው ለወግ ማዕረግ ያበቁ ምስጉን እናት ናቸው።

እሳቸው በጥንካሬና በቁርጠኝነት ኮትኩተው ካሳደጓቸውና ለሀገር ካበረከቷቸው ልጆቻቸው መካከል፡

1ኛ የቀድሞው የኢትዮጵያ ጠቅላይ ሚኒስትር
አቶ ኃይለማርያም ደሳለኝ

2ኛ የኢትዮጵያ ሲቪል ሰርቪስ ዩኒቨርሲቲ ፕሬዚዳንት ፕሮፌሰር ፍቅሬ ደሳለኝ

3ኛ የአዲስ አበባ መንገድ ትራንስፖርት የመንገድ ደህንነት ኃላፊ ኢንጅነር ገነቱ ደሳለኝ

4ኛ የሐዋሳ ዩኒቨርሲቲ ሪፈራል ሆስፒታል መምህር
ዶክተር ብስራት ደሳለኝ

5ኛ የዱቦ ሆስፒታል የሰው ሀብት አስተዳደር ዳይሬክተር አቶ መስፍን ደሳለኝ

6ኛ የወላይታ ዞን የጤና መምሪያ ኃላፊ አቶ ዳዊት ደሳለኝ

7ኛ የፌደራል መንገድ ትራንስፖርት ዳይሬክተር
ወይዘሮ ትዕግሥት ደሳለኝ

8ኛ ስኬታማ የግል ኢንቨስተር የሆኑት
አቶ ማርቆስ ደሳለኝ እና አቶ ደረጄ ደሳለኝ ይገኙበታል።

እነዚህ እናት አባትም እናትም ሆነው ልጆቻቸውን በስነ-ስርዓት በማሳደግ ለከፍተኛ የኃላፊነት ደረጃ ያበቁ አርአያነት ያላቸው ጀግና ኢትዮጵያዊት ናቸው።

ለእናት ረጅም ዕድሜና ሙሉ ጤንነት እንመኛለን።

10/08/2026

መልካም ልደት ሜላት ንጉሴ🎉
𝐇𝐚𝐩𝐩𝐲 𝐁𝐢𝐫𝐭𝐡 𝐃𝐚𝐲🎉🎉🎉

09/08/2026

𝐀𝐫𝐭𝐢𝐬𝐭 𝗠𝗮𝗵𝗱𝗲𝗿 𝗔𝘀𝗲𝗳𝗮🥰

Wolaita Asaa

27/08/2026

22/08/2026

17/08/2026

16/08/2026

13/08/2026

11/08/2026

10/08/2026

10/08/2026

10/08/2026

09/08/2026

Address

Telephone

Website

Alerts

Shortcuts

Share

Category

Listing takedown request