Ethio media network (2025)

23/05/2025

አሜሪካ “ #የኢትዮጵያ መንግስት በዜጎቹ ላይ የሚያካሂደውን የድሮን ጥቃት በአስቸኳይ እንዲያቆም” ስትል ጠየቀች

በኢትዮጵያ #የአሜሪካን አምባሳደር ኤርቪን ማሲንጋ ዛሬ ግንቦት 15 ቀን 2017 ዓ.ም ባስተላለፉት መልዕክት “የፌደሬል መንግስት በዜጎቹ ላይ የሚፈጽመውን የድሮን ጥቃት በአስቸኳይ እንዲያቆም” ጠየቁ፤ በሀገሪቱ ላሉ ችግሮችም የመፍትሔ ያብጅ ብለዋል።

አምባሳደሩ በመልዕክታቸው “ኢትዮጵያ ተጨማሪ የግጭት አመት እያሳለፈች መሆኗን” በማስታወስ፣ “ግጭቶቹ በሁሉም ኢትዮጵያውያን ላይ የሚያሳድረውን ተጽእኖ ማሰላሰል ወሳኝ ነው” ብለዋል።

“ለኢትዮጵያ የእርስ በርስ ግጭቶች ዘላቂ መፍትሄዎችን ለማምጣት ለህዝቦቿ ቅድሚያ ትኩረት መስጠት ያሻል” ያሉት አምባሳደሩ “የተፈናቀሉ ዜጎች ወደ ቤታቸው እንዲመለሱ በማድረግ፣ ህጻናት ትምህርታቸውን እንዲከታተሉና የጤና አገልግሎት እንዲያገኙ በማድረግ እንዲሁም የትጥቅ ትግል አካል ተደርጎ በመተግበር ላይ የሚገኘውን ህገ ወጥ አሰራሮች ሊወገዱ ይገባል” ሲሉ አስታውቀዋል።

“ዩናይትድ ስቴትስ የ #ፋኖ ሃይሎች ተጨባጭ እና ሰላማዊ ግብ ያላቸው ጉዳዮችን የእንዲያቀርቡ ትጠይቃለች” ያሉት አምባሳደሩ “በ #ኦሮሚያ የሚካሄደውን ጦርነት ለማስቆም የኦሮሞ ነጻነት ሰራዊት (ኦነሰ) የተጀመረውን ድርድር እንዲያስቀጥል” አሳስበዋል።

“ሰላም እና መረጋጋትን ለማስፈን መጣር ያለብን ግዜ አሁን ነው” ሲሉም መዕክታቸውነ ቋጭተዋል።

================
Addis Standard Amharic