iTaukei Affairs Board

09/09/2026

E dua na yalo kei nai rairai e saravi ena loma ni Vanua ko Yakete na nodra yalo vata kei na duavata me ra sa dui colata galugalu na nodra itavi ena kena maroroi nai tikotiko vakaturaga e Namaravulevu.

E saravi e dua nai yaloyalo ka na dau taqusiqusi dredre vei ira na lewe ni yavusa e rua ena kena sa mai rawa e dua nai tavi levu.

Nai kuri ga ni taba bau tauri rawa ena vuku ni veivakagunuvi vua na Turaga na Tui Yakete.

Ni namaka talega nai taba ni noda soqo sa oti ni na biu cake tiko ena noda vatavata levu ni www.tab.gov.fj. Oqo na soqo day qaravi mai en noda veiyasana e 14. Namaka na kena itukutuku ena noda vatavata oqo.

08/09/2026

Namaka tiko na noda porokaramu ni Lalakai ni Tabacakacaka Itaukei ena veimataka ni Siga Tabu.

08/09/2026

Na qaravi ni Veitokitaki.

NA VEITOKITAKI - VEIQARAVI NI TABANA NI VOLANIKAWABULA

Na Veitokitaki e dua na veiqaravi e qarava na Tabana ni Volanikawabula, ka kena inaki me tokoni ira na gone era sa volai tiko ena ivolanikawabula nei tinadra, mera tokitaki ka vakadeitaki ena mataqali nei tamadra.

E dua na ka bibi me kilai, ni tiko eso na ivakarau kei na veika e gadrevi me vakayacori ni bera ni dua na gone e tokitaki me vakadeitaki ena ivolanikawabula nei tamana.

📌 Sa toka oqori era na veika edau gadrevi me na qaravi, ka vakarautaki mai:

08/09/2026

Ena loma ni vula oqo esa na tekivu dau lavetaki cake tiko ena noda vatavata oqo na noda porokaramu vakamacawa ka dau gole cake ena Radio Fiji One ena veimataka ni Siga Tabua ka dau yacana tiko na Lalalakai ni Tabacakacaka Itaukei.
Na porokaramu oqo e tekivu ena yabaki 1993 ka dau vakayagataki me da dau veibulagoci kina ka veivakananumi ena vei ulutaga eso e tarai keda tiko ena loma ni macawa.
E na macawa sa oti eda rogoca tiko kina na domodra na Turaga Matakicicia - Niumaia Gucake ena dua na nodra veivakananumi ena dua na porokaramu vata ga oqo ka katoni ena vica na yabaki sa oti.

07/09/2026

Ni ra vakarau mai tekivu tale na luveda ena siga ni mataka eda taleva lesu tale mada na veiqaravi ni nomuni tabana ni veituberi ena loma ni Tikina ko Savatu.

Na vuli ni Parenting Without Violence [ Children Are precious Gifts from God] e dua na vuli e dau qaravi ena gauna ni sereki ni vuli ka ni vakabibitaki tiko vei ira na luveda kei ira nai tubutubut. E a mai qaravi ena na 5 na koro ena Tikina ko Navatusila [ Koro ko; Mare, Nanoko, Tokoni & Tuvavatu kei Nabutautau] na vuli oqo me tawana na macawa dua ni nodra sereki na luveda.
E lewe ni vuli na nodra vakananumi na bibi nodra kila na vanua, na cava na vanua kei na nodra semati ira ena nodra kila na bibi ni veiwekani, nodra kilai ira, nodra semati ira ena nodra iyaubula kei nodra kila na bibi ni nodra maroroya tiko na nodra iyaubula.

E vakilai ena nodra guta na vuli, ka era sa kerea me tosoi na vuli me 1 na macawa ena levu ni nodra marautaka na veika era sa qai kila rawa ena vuku ni Vanua. E vuqa vei ira na luveda era marautaka na veika e vulici ka ni levu na nodra taro vei ira nai tubutubutubu kei ira na dau ni caka vuli.

Era kauta cake talega mai na luvei Navatusila ni sa qai vakadua nodra bula me ra vulica na veika vakaoqo, me vakalevutaki nodra kila na Vanua kei na kena bibi nodra rokova ka doka tiko na Vanua kei na nodra semati ira ena nodra iyaubula kei na bibi ni nodra maroroya ka taqomaka tiko na vanua.

Na nodra sa qai kilai ira vakataucoko ena vuku ni veika eda kilai tani tu kina na kawa iTaukei me vaka na noda manumanu, kau, ika kei na noda itutu vakavanua kei na kena itavi, sa qai dua talega na gauna me ra vakataroga kina vei ira nodra itubutubu na vei tukutuku vakaoqo.

Cavuti tiko na vakavinavinaka levu ena Vale ni Volavola ni Yasana ko Nadroga Navosa ena nodratou vakarautaka e 175 na itei ni Yasi ka ra laki vakaitavi voli kina na luveda era lewe ni vuli ena teivaki.

E ra vakaraitaka na Turaga Tui Navatusila na nodra duavata kei na nodra tokona me na vakalevutaki na vuli vakaoqo, ena vuku ni nodra tarai cake tiko nodra bula na luvei Navatusila ena siga ni mataka.

https://tab.gov.fj/2026/09/07/vuli-ni-parenting-without-violence-e-vakaukauwataki-ira-na-luveda-ena-kilai-ni-vanua-kei-na-itovo-vakavanua/

04/09/2026

Sa vakadeitaki o Ratu Semi Vukivukinavanua Lotawa Nadakaibitu me Turaga na Tui Yakete. Oqo ni oti na nodra mai vakagunuvi ena vatu ni veibuli ena loma ni koro o Nalotawa ena colo kei Ba.

O Ratu Semi, yabaki 36, e sa vakadeitaki vaka Matanitu mai vei iratou na Tabana ni Veitarogivanua kei na Wai ni Qoliqoli ka cabori talega vakalotu ni oti na veiqaravi vakavanua ka vakayacori vei ira.

E duatani na veivakagunuvi e vakayacori oqo vua na Tui Yakete ni ra mai dabe ena yavu kara a taracake na qase ni vanua me ra dau vakagunuva kina na Tui Yakete.

Era a vakaisulutaki mai loma ni nodra itikotiko o Namaravulevu ni bera ni ra kauti koya yani na Sauturaga kei na nona Bati ki na vatu ni veibuli me laki gunuva na yaqona vakarautaki.

Ea tuberi talega vei ira e dua kamunaga ena vuku ni kena tataunaki na vanua,wai kei na tamata ena vanua o Yakete.

Ena imatai ni nodra vosa vei ira na lewe ni vanua e vakaraitaka na nona vakavinavinaka ena vuku ni veiqaravi levu era oga kina na lewe ni vanua me vakadeitaka na nona sa cabeta na tutu vaka veiliutaki.
E veivakadeitaki talega o Rt Semi ka kaya ni qarava sara na nona itavi ena kena ivakatagedegede e vinaka me ra kune vakacegu tiko kina na lewe ni nona vanua.

O Ratu Semi esa ikalima ni Tui Yakete me buli ka vakadeitaki vaka vanua. Na iotioti ni veibuli ea vakayacori ena yabaki 2009 ena nona a buli o Ratu Savenaca Tiqe Nadakaibitu na nodra turaga itubutubu.

Na tikina o Yakete e wili kina na koro o Nalotawa Yaloku Rara, Nanuku, Tukuraki, Tabataba, Naivilawa.

https://tab.gov.fj/2026/09/04/vakadeitaki-o-ratu-semi-vukivukinavanua-lotawa-nadakaibitu-me-tui-yakete/

29/08/2026

Ni sa bula vinaka.

Sa tabaki tiko ena siga ni kua Vakarauwai na ika 29 ni Okosita ena Fiji Times kei Fiji Sun na EOI ni kena railesuvi na Matabose ni Qele Maroroi.

Ke dua nomuni vakatataro ena rawa ni veitaratara ena Tabana ni Fiji Procurement Office Support.

Vinaka.

26/08/2026

Bau sikovi na noda valenivolavola liu mai vei ira na gonevuli ena Immaculate Conception College e Solevu,Bua.

26/08/2026

Siga ni ITaukei ni Vanua ena yabaki oqo ka qaravi e Lutu ena loma ni yasana ko Naitasiri.