Princesse lina

18/08/2025

18/08/2025

🍯 أسرار نجاح البقلاوة 🍯من
حبوباتي مرحبا بيكم🌺🌺🌺🌺

باش تجيك البقلاوة مورقة، مقرمشة، وحشوة اللوز تذوب في الفم، لازم تتبعي هذ النقاط:👇👇👇👇👇👇👇

1️⃣ العجينة
📍 لازم تكون رقيقة جدًا، تقريبا شفافة، وكلما كانت أرق كلما تجي مورقة أكثر.
📍 غطي العجينة دايمًا باش ما تنشفش وانتِ تخدمي فيها.

2️⃣ الرقائق
📍دهني كل طبقة بسمن ذائبة باش تعطي القرمشة وتساعد على التوريق.
📍ما تكثريش السمن بزاف باش ما توليش دهنية.
📍ماتكتريش السمن باش ماتتقطعش العجينة.

3️⃣ الحشو (اللوز المعسل) 🌰
📍 اللوز يكون محمص شوي باش يطلق الريحة، سواء مقشر أو بالقشرة.
📍أطحنه وسط، ماشي رقيق بزاف ولا خشن بزاف.
📍 الحشو لازم يكون مفركت باش البقلاوة تجي خفيفة وما تكونش كتلة وحدة.
📍نسمه بالسكر، ماء الزهر، وشوية قرفة إذا تحبي النكهة الفانيلا .
4️⃣ التقطيع
📍 تبات البقلاوة ليلة كاملة قبل التقطيع
📍 غدا قطعي البقلاوة قبل ما تدخليها للفرن باش تحافظ على الشكل وما تتكسرش بعد الطياب.

5️⃣ الفرن 🔥
📍طيبيها على حرارة متوسطة (160–170°) باش الطياب يكون متساوي، وتاخذ لون ذهبي بلا ما تحرق.

6️⃣ العسل 🍯
📍 عسل ثقيل .
📍 عسل بارد وبقلاوة ساخنة
📍 البقلاوة لازم تسقيها بالعسل وهي سخونة، والعسل يكون دافي باش تتشرب مليح.

7️⃣ الراحة ⏳
📍 خليها تبات ليلة كاملة قبل التقديم باش تمتص العسل وتتماسك الطبقات.
✨ بهذه الأسرار، البقلاوة تجيك مورقة، مقرمشة، وحشوة
اللوز معسلة ومليانة نكهة.
ماتنسوش جام❤️ متابعة للصفحة للمزيد من الأسرار والنصائح والوصفات المجانية

17/08/2025

تارت الليمون 🍋
العجينة
نرمل باصابعنا 125 غ زبدة مع 250 غ فرينة ثم نزيدلها ملعقتين اكل سكر مسحوق و 2 ملاعق زيت و 2 حليب و نكمل نرملها من بعد نلمها بصفار بيضة و نشكلها كويرة ونخليها ترتاح فالثلاجة ساعة
حذاري مانعجنهاش وإلا تجي يابسة

( كريمة الليمون) 🍋🍋

150 غ عصير ليمون
170 غ سكر
3 حبات بيض
100غ زبدة

نحط ليمون سكر و البيض في طنجرة ونخلط جيدا و ونخليه على نار هادية ونبقى نحرك حتى تثقل جيدت ومباشرة بعد سحبها نحط عليها الزبدة و نخلط حتى تذوب الزبدة كليا
نستنى يبرد الاثنين يعني العجينة و الكريمة و ونحطها فوقها ، والتزيين اختياري
fans

16/08/2025

15/08/2025

#تدبيرة..
اللوبيا ماشطو، باه تجيك بنينة فوريهاو ملحيها حتى تطيب، وبعد ما طيب ، غلّي الزيت مليح وحطيها تتقلى فيه وتتحمّر سريعاً.. وكي تطيبي بيها الأحسن تستعملي طماطم خضر أفضل من الطماطم المصبّرة، ما تكثريش الماء، بعد ما تولي قريب طيب لاصوص تع الجاج حطيها تطيب ممبعد طفي عليها ..

15/08/2025

تحلية🤩🤩
كؤوس موس النوتيللا بالفريرو روشي😍😍
#المقادير:

#القاعدة:
بسكويت مطحون
زبدة ذائبة

#موس #النوتيللا:
كاس بودرة الشونتيي
نصف كاس نوتيللا
نصف كاس حليب بارد
للتزيين
حبات الفريرو روشي

#التحضير:

نخلط القليل من الزبدة للبسكويت ونخلط باطراف الأصابع،نضع طبقة في قاعدة الكؤوس،نحضر موس النوتيللا بمزج النوتيللا والخليب البارد والشونتيي،ونخفق جيدا بالضراب الكهربائي،حتى تتكثف ونضعها في الكؤوس ونزين بشوكولا للطلي او بقليل من النوتيلا و بحبات الفريرو روشي.ونضعه في المجمد مدة ساعة،ثم نتركه في الثلاجة الى حين التقديم.
ملاحظة : بما اننا رانا مقاطعين نوتيلا نستعملو شوكولا صنع محلي وتكون جودة مليحة
بالعافية❤

15/08/2025

حلوى تقدم مع العصير🥰🥰🥰
المقادير
4بيض +رشة ملح + نص كاس زيت + كيس خميرة +كاس وربع فرينة ملعة لفاني.
السيرو:
كاس ماء + نصف كاس سكر مع الليمون نشعها تغلي مدة 8دقائق نخلي سيرو يبرد
كريمة الشونتيي:
كاس شونتيي وكاس ناقص اصبع ماء بارد
نخلط بالخلاط الكهربائي ثم نضيف 2مغارف كبار شوكولاطة بذوق البندق 🌰 ثم نضرب مليح الخليط نحطو في الثلاجة 5دقائق
طريقة التحضير
تضع 4بيضة مع رشة ملح نخلطها بالخلاط الكهربائي نضيف كاس فرينة مع خميرة ونخلط ثم نضيف لفاني
نضع الخليط في صينية وندخلها الفرن على درجة حرارة 180°
نخرجها من الفرن ونقطعها داوائر حسب الرغبة
نقسم الدائرة بموس منشار كل دائرة على 2ونشربها باسيرو.

13/08/2025

روعة

13/08/2025

#صابلي البندق
العجينة:
في إناء درت علبة 250غ مارغرين انا نخدم ب لابال وزدت كأس إلا ربع سكر ناعم خلطتهم مليح بالباتور حتى يذوبوا زدت حبة بيض كاملة مع زوج صفار بيض ولافاني وعطر الكراميل ولا عطر الفانيليا وكملت نخلط مليح زدت مغرفة معمرة كريمة البندق وكملت نخلط وزدت مغرفة كبيرة كاكاو بني (باش تتحصلوا على لون بني فاتح ) وكملت نخلط هنا حبست بالباتور وبديت نخدم بيدي درت كأس فرينة مغربل مع ربع مغرفة صغيرة خميرة الحلوى وبديت نزيد فالفرينة حتى نتحصل على عجينة طرية خليتها ترتاح 10دقائق وبديت نخدم ماديروهمش رقاق بزاف ويطيبوا على نار متوسطة.
🏵️الحشو: كريمة البندق
الڤلاصاج باش تحصلت على اللون البني درت علبة شوكولا بيضاء تاع الوجدان وزدتلها ثلاثة قطع اللوالة تاع شوكولا بالحليب ذوبتهم على حمام مائي كي ذابوا زدت مغرفة ونص كبيرة تاع زيت.
التزيين اختياري انا درت كنافة فالحواف وحبة بندق مع ورد التزيين.
للمزيد من الوصفات الجديدة والحصرية
تابعونا على صفحتنا الجديدة
👇 👇 👇 👇 👇 👇
https://youtube.com/-s6u?si=CjCk2jgyaBV5m6ag

13/08/2025

البقلاوة بكل اسرارها ❤️‍🔥❤️‍🔥🍯✨
العجينة :3كيلات فرينة بومبي ما يعادل 500غ ، كيلة زبدة ذايبة و باردة ،قرصة ملح ،م ك فانيليا ،حبة بيض وتلمي كلش بالماء الزهر وتكون العجينة طرية ماشي يابسة خليها ترتاح6سوايع قسميها على 12 كرية غطيعا .
الحشو :500غ كوكاومحمص في الفرن ، 150غ سكر عادي ،فانيليا وماء الزهر
وترحي المكسرات ماشي خشين بزاف ماشي رقيق بزاف ومتكترش الماء الزهر ماشي حتى يولي عجينة لازم يتلم برك .
تحلي العجينة تحلي بالمايزينة ادا بالماشينة حلي بالارقام 1,3,59بالترتيب تفرشي التفريشة الاولى وتحطي فوقها شوية زبدة ذايبة وتزيدي شوية مايزينة ،كي تكملي 6 الاولين فرشي الحشو تاعك وزيدي 6بنفس الطريقة
كي تكملي غطيها مليح نصف ساعة موراها باش تدهنيها بازبدة الدايبة اقسميها ترتاح حتى نص ساعة موراه طيبها على درجة حرارة متوسطة وحطيها لفوق كامل كي يحمارو الاطراف هبطي السنيوة للتحت وشعلليلها الفرن ملفوق .
وهي سخونة عسليها بعسيلة 500غ تكون باردة
ان شاءلله نكون فهمتكم لبنات ودعوة خير تعيشو
للمزيد من الوصفات الجديدة والحصرية
تابعونا على صفحتنا الجديدة
👇 👇 👇 👇 👇 👇
https://youtube.com/-s6u?si=NXAi8iiD0YgX1ibw

13/08/2025

13/08/2025

وصفة تشاراك بالشوكولا ،سهلة بنينة وراقية
المقادير وطريقة التحضير
250غ مارغرين طرية
كاس سكر ناعم
2صفار وبيضة كاملة
رشة ملح
كاس الا ربع نشاء
كيس خميرة كيميائية
م ص فانيليا
حوالي 500غ فرينة (طحين)
الحشو:
كاوكاو+ ماء الزهر+ سكر+ ملعقة زبدة
التزيين:
كاوكاو محمص ومرحي + شوكولا الوجدان
طريقة التحضير:
نخلط جميع المقادير مع بعض بواسطة بيترا حتى ينساجموا ثم نلم الخليط بالفرينة والخميرة الكيميائية حتى تصبح طرية نشكل كريات بوزن 26غ نفتح الكرية ونضع الحشو ونغلق ونرولي الكرية كيما تشاراك نخشنو فالوسط ونرقو فالأطراف حتى نكمل الكمية لي عندنا نطبيهم على درجة حرارة متوسطة كي يطيبو نخليهم يبردوو تماما ثم نجيب معجون مشمش ونمسح نصف الحبات بلبانسووو ونرمدهم فالكاوكاو اما نصف الآخر نطليه بشوكولا
ديري اوكي يلحقوك جديد حلويات العيد وتقطع كمية كبيرة للمبتدئات
بالصحةوالراحة