Bremañ

Bremañ BREMAÑ, ur gelaouenn e brezhoneg penn-da-benn embannet bep eil miz. Krouet hag embannet gant Skol an Emsav abaoe 1980.

BREMAÑ, ur gelaouenn vrezhonek penn-da-benn embannet bep eil miz.

🤿 Splujañ e mirdi La FloreMa 'z eus ul lec'h n'omp ket kustum da weladenniñ eo diabarzh ul lestr-spluj. Piv en deus bet ...
30/10/2025

🤿 Splujañ e mirdi La Flore

Ma 'z eus ul lec'h n'omp ket kustum da weladenniñ eo diabarzh ul lestr-spluj. Piv en deus bet tro da vont e-barzh unan dija ?

War-bouez ar vartoloded a-vicher, n'eus den ebet ac'hanomp. Koulskoude, ma fell deoc'h mont e-barzh ur splujerez ha gouzout petra eo ar vuhez dindanvor e c'hellit en ober en Oriant.

Abaoe miz Mae 2010 eo digor dorioù mirdi La Flore, staliet just e-kichen bon al listri-spluj ha Kêr ar bageal. Ur mirdi kentelius, evit gwelet penaos e vev hag e labour martoloded al listri dibaot-se.

👉 https://www.breman.bzh/splujan-e-mirdi-la-flore/

28/10/2025

🦊 Loeiza an Duigou a zo ur skrivagnerez anavezet mat e bed al lennegezh vrezhonek. Skrivet he deus meur a levr faltazi, en o zouez Rampo (Al Liamm) ha 13, straed ar Skav-gwarc’h (Keit Vimp Bev, Priz ar yaouankiz).

“Penaos desachañ ar grennarded war-zu al lennegezh ? Keloù mat : liesseurt eo an hentennoù. Perzh ar skrivagner a zo nevesaat skeudenn an istorioù kinniget e brezhoneg. Nann, ne veulont ket holl gwellentez ar vuhez gwechall. Nann, n’int ket holl digomprenus kennebeut. Ul levr bet skrivet gant youl ha gant ar c’hoant treuzkas fromadennoù a gavo e lennerien. Liesseurt eo an doareoù danevelliñ, ha pep hini a c’hello kavout e lod el lennegezh faltaziañ (faltazi, skiant-faltazi, moliac’h), el lennegezh hollek hag en enklaskoù polis gant ma vo ur preder a-berzh ar skrivagnerien hag an embannerien.”

👉 Lennit hec’h atersadenn renket gant Anton Burel war hol lec’hienn : https://www.breman.bzh/loeiza-an-duigou-skrivagnerez-yaouank/

28/10/2025

🤓 Ha ma vefe lennet kazetennoù Skol an Emsav ganeoc'h ar sizhun-mañ ? Dizoloit ha Bremañ !

Trugarez vras Brezhoweb Bwb da vezañ lakaet ar gaoz war hor c'helaouennoù !

👉 https://www.breman.bzh/logan/koumanantou/

Skol an Emsav

🧪 Kendeuziñ skiant ha relijionAlies e vez graet eus an XIXvet kantved an hini ma kollas ar relijionoù o levezon greñv wa...
26/10/2025

🧪 Kendeuziñ skiant ha relijion

Alies e vez graet eus an XIXvet kantved an hini ma kollas ar relijionoù o levezon greñv war ar mod da sellet ouzh an traoù er c’hevredigezhioù ma rae berzh spered ar Sklêrijennoù e-touez ar rummadoù desketañ.

Evit gwir e oa chomet kreñv er c’hevredigezhioù-se an tech da glask displegadennoù anpoellek d’an traoù, displegadennoù ha na c’helle ket bezañ dizarbennet gant disoc’hoù ar skiantoù d’ar mare-se.

Unan eus ar c’hredennoù nevez-se e voe ar spiritouriezh. Hippolyte Léon Denizard, lesanvet Allan Kardec (1804-1869) a voe profed meur ar gredenn-se. Un den desket war meur a skiant e oa ha kelenn a reas ar matematikoù, ar fizik hag ar gimiezh.
Dibab a reas Hippolyte Léon Denizard an anv Allan Kardec pa roas ur mediom da c’houzout dezhañ e oa bet e anv en ur vuhez all ma oa bet drouiz. Sevel ur relijion dre implijout modoù skiantel a oa e bal.

📸 Mark Edward Wilson / Wikicommons
Hansel Mar / Wikicommons
Fran6fran6 // John William Draper / Wikicommons
Evolutionitsbear00dads / Wikicommons

🧬 Ur pennad skrivet gant Paol ar Meur da lenn war hol lec’hienn : https://www.breman.bzh/kendeuzin_skiant_ha_relijion/

17/10/2025

🧞‍♂️ Ma vefe savet ur stal-levrioù gant Ali Baba…

Armerzh al levrioù a zo ur marc’had diaes evit an embannerien kenkoulz hag evit al levrierien. Koulskoude eo a bouez bras d’ar vrezhonegerien kaout stalioù lec’h ma c’hellont prenañ levrioù.

E-touez ar stalioù-se emañ Librairie L'Encre de Bretagne war blasenn Hoche e Roazhon. Ul levrdi ispisializet war Breizh hag ar broioù keltiek an hini eo hag eno e vez kavet levrioù e brezhoneg evel-just !

Padal n’eo ket aes an traoù er stal er mare-mañ. Pedet eo lennerien Bremañ da souten al levrdi o prenañ levrioù neuze. Ma vez er stal levrioù diwar-benn hor bro dreist-holl e c’hallit urzhiadiñ levrioù war a bep seurt danvez eus a bep seurt tiez-embann, ha ma n’emaoc’h ket o chom e Roazhon e c’hall Bruno Duval kas levrioù er bed a-bezh.

Hag estreget L’Encre de Bretagne a zo ! Peseurt stal-levrioù e vefe brav da souten ivez en ho korn-bro ?

📸 Anton Burel
Librairie Dalloz / Wikicommons
John Samuel / Wikicommons
Fab5669 / Wikicommons

👉 https://www.breman.bzh/ma-vefe-savet-ur-stal-levriou-gant-ali-baba/

🏰 Tasmantoù marvailhus Kastell Kronborg e DanmarkN’eo ket kastell Kronborg ur gwir lec’h satanazet daoust m’eo tri mil a...
15/10/2025

🏰 Tasmantoù marvailhus Kastell Kronborg e Danmark

N’eo ket kastell Kronborg ur gwir lec’h satanazet daoust m’eo tri mil anavezet an daou dasmant o deus kavet bod ennañ. Awenet e vije bet William Shakespeare gantañ p’en doa skrivet Hamlet, ha kantreal a ra ene ar priñs ken trubuilhet ennañ c’hoazh dre m’emañ kastell “Elsinore”, meneget gantañ en e bezh-c’hoari, anv saoznekaet kêr Helsingør e Danmark, ma c’heller gweladenniñ kastell Kronborg en deiz a hiziv.

Rak n’eo ket aet Hamlet diwar wel ha gwelet e vez e skeudenn e meur a sal eus ar c’hastell. Ingal e vez kanet e veuleudioù en e zemeurañs ha nouspet gwech eo bet leurennet ennañ ar pezh-c’hoari ken brudet gant komedianed diouzh ar c’hiz evel Jude Law e 2009.

Ouzhpenn tasmant Hamlet a c’heller gwelet o kantreal dre hentoù dindan douar gleb ha teñval ar c’hastell : hini Holger Danske a vez kavet ivez – anavezet ivez dindan an anv Ogier an Danad – morgousket eno dindan stumm un delwenn wenn, bras-meurbet.

📸 Samuel Julien
Ikiwaner / Wikicommons
Auguste Étienne François Mayer - Dielloù Internet
Victoria Princess Royal / Wikicommons
Robert Thew / After Henry Fuseli / John & Josiah Boydell / Wikicommons
Jazz Guy from New Jersey, United States / Wikicommons

👻 Lennit pennad Samuel evit gouzout hiroc’h : https://www.breman.bzh/tasmantou-marvailhus-kastell-kronborg/

10/10/2025

💀 Ha ma’z afemp da weladenniñ ur glad dic’hortoz : beredoù Bro-Gerne ?

Plijout a ra kalz d’ar filmaozourien aergelc’h ar beredoù. Setu un toullad filmoù gant arvestoù e beredoù Kerne : Thirteen French Street gant Jean-Pierre Mocky, Le Mystère Henri Pick gant Rémi Bezançon e Landevenneg, Que la bête meure gant Claude Chabrol en Argol, Cornouaille gant Anne Le Ny, Un poison violent gant Katell Quillévéré e Brasparzh, Entre deux mondes gant Josée Dayan e Sant Yann Treboull…

Marteze e klask filmaozourien zo diskouez mab-den e-tal e donkad. Evidon-me ez eus abegoù all, liammet gant dibarderioù hon istor hag hor sevenadur.

🎞️ Lennit pennad Tieri Madeg war hol lec’hienn : https://www.breman.bzh/glad-beredou-kerne/

📸 Gwirioù miret strizh

🗞️ Moullet eo bet Bremañ n°450 ! Merzhet ho peus ez eus bet dale ganeomp evit embann ho kelaouenn gwellañ karet. Digarez...
08/10/2025

🗞️ Moullet eo bet Bremañ n°450 !

Merzhet ho peus ez eus bet dale ganeomp evit embann ho kelaouenn gwellañ karet. Digarezit ac'hanomp evit an dale bras, emaomp o klask adtapout al lusk embann met n'eo ket aes e gwirionez. Un dra ne cheñch ket : tapet ez eus bet ur c'houmanant 6 niverenn ganeoc'h ha kaset e vo 6 niverenn deoc'h ! Ma ne vefec'h ket sur oc'h koumanantet c'hoazh e c'hellit sellout ouzh golo an niverenn a vo kaset deoc'h dre an ti-post ha kavet e vo niverenn diwezhañ ho koumanant skrivet warnañ.

Ho trugarekaat a reomp evit ho skoazell dre ho koumanant.

Plijadur deoc’h gant ar brezhoneg atav !
Gant hor gwellañ gourc’hemennoù,

Skipailh Bremañ

🧙‍♀️ Tro-hud diwezhañ Naïa : bennozh pe mallozh da Roc’h-an-Argoed ?Brudet-kaer eo ar sorserez Naïa hiviziken, evel pa v...
07/10/2025

🧙‍♀️ Tro-hud diwezhañ Naïa : bennozh pe mallozh da Roc’h-an-Argoed ?

Brudet-kaer eo ar sorserez Naïa hiviziken, evel pa vije deuet The witch of Rochefort – diouzh al lesanv bet roet dezhi gant World Wide Magazine er bloavezh 1899 – da vezañ gwir batronez Roc’h-an-Argoed, ur 640 annezad bennak enni.

Galloudus-meurbet e oa Naïa diwar an nebeud a ouzomp anezhi, hervez al lavaroù bet dastumet gant ar Roazhonad Charles Géniaux (1870-1931) digant an dud war ar maez : barrek da herzel ouzh an tan, gouest da vezañ e meur a lec’h disheñvel war un dro, koel, diouganerez ha boud divarvel zoken.

Den ne ouie pe oad e oa-hi ha den n’en doa dalc’het soñj eus he bugaleaj. Roud ebet e dielloù ofisiel ar vro, e-giz pa ne vije ket bet ganet hag e-giz pa vije anezhi da viken.

😨 Lennit hec’h istor er pennad skrivet gant Samuel Julien : https://www.breman.bzh/tro-hud-diwezhan-naia-bennozh-pe-mallozh-da-roch-an-argoed/

📸 Samuel Julien
Charles Géniaux
Vestemocoso / Wikicommons

Address


Telephone

+33299387583

Website

https://www.linkedin.com/company/breman-kelaouenn/

Alerts

Be the first to know and let us send you an email when Bremañ posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share

Bremañ

Keleier eus Breizh hag eus ar bed a-bezh a ginnig Bremañ. Rubrikennoù disheñvel a vez kavet enni. Teuliadoù pemp pajennad a vez kinniget d'al lennerien bep eil miz. E liv penn-da-benn e vez kinniget ar gelaouenn abaoe 2006. Abaoe 30 vloaz m'emañ ar gelaouenn o tont er-maez ingal eo bet cheñchet kalz. Met bepred he deus klasket tizhout he fal pennañ: titouriñ ar vrezhonegerien en un doare plijus, sirius hag arnevez. Ur benveg talvoudus eo. Kement evit ar vrezhonegerien ampart hag evit ar re a zo o teskiñ ar yezh, evit ober ganti. Evel-just eo un dra ret-holl evit ma vo implijet ar brezhoneg war holl dachennoù ar gevredigezh.