KABUL TIME

KABUL TIME دقیق خبر او باوري سرچینې – مونږ تاسې د نړۍ له تازه پېښو خبرو! Open for brand partnerships
(1)

#بېړنۍخبرد خیبر پښتونخوا په کوهاټ کې د جمعې د لمانځه پر مهال د پولیسو په یوه جومات موټر بم چاودنه شوې ده.د راپورونو له ...
09/18/2026

#بېړنۍخبر
د خیبر پښتونخوا په کوهاټ کې د جمعې د لمانځه پر مهال د پولیسو په یوه جومات موټر بم چاودنه شوې ده.

د راپورونو له مخې، په برید کې لږ تر لږه ۲۰ کسان وژل شوي او شاوخوا ۵۵ نور ټپیان دي.

د خیبر پښتونخوا د پولیسو مشر ذوالفقار حمید ویلي، چاودېدونکو توکو بار موټر له دېوال سره تر ټکر وروسته چاودلی دی.

نوموړي زیاته کړې، له چاودنې وروسته د ډزو راپورونه هم ورکړل شوي دي.

ترکي رسنیو د خپلو سرچینو په حواله راپور ورکړی چې افغانستان ته د ترکیې د لوړپوړي پلاوي د وروستي سفر تر شا یوازې د کابل او...
09/18/2026

ترکي رسنیو د خپلو سرچینو په حواله راپور ورکړی چې افغانستان ته د ترکیې د لوړپوړي پلاوي د وروستي سفر تر شا یوازې د کابل او اسلام‌اباد د اړیکو د ښه کولو هڅې نه، بلکې د سیمې د نوي امنیتي او سیاسي وضعیت په اړه پراخې موخې هم شته.

د دغو راپورونو له مخې، ترکیه او سعودي عربستان هڅه کوي چې افغانستان د یوه نوي سیمه‌ییز شریک په توګه له ځان سره نږدې کړي او د ترکیې، سعودي عربستان او پاکستان ترمنځ د رامنځته شوې همکارۍ په چوکاټ کې د افغانستان د شاملېدو زمینه برابره کړي.

ترکي رسنۍ دغه هڅې د ایران پر وړاندې د سیمې له روانو بدلونونو او د نوي سیمه‌ییز توازن له جوړېدو سره هم تړلې بولي.

په راپورونو کې ویل شوي چې د افغانستان او پاکستان ترمنځ د اړیکو ښه کول هم د دې سفر له مهمو موخو څخه دي، څو د کابل او اسلام‌اباد ترمنځ د موجودو اختلافاتو د کمولو لپاره زمینه برابره شي.

د ترکیې د استـ؛ـخباراتو د رئیس ابراهیم کالن د افغانستان سفر، په داسې حال کې ترسره شوی چې د سیمې د امنیتي او سیاسي معادلو په اړه د ترکیې، سعودي عربستان او پاکستان ترمنځ همکاري هم د پام وړ زیاته شوې ده.

تر اوسه د افغانستان حکومت په رسمي ډول نه دي ویلي چې د ترکیې د پلاوي د سفر په ترڅ کې د کوم نوي ائتلاف یا د افغانستان د شاملېدو په اړه مشخصه هوکړه شوې ده.

#بېړنۍخبرد پاکستان د بهرنیو چارو وزارت ویاند سجاد حیدر خان وايي، اسلام‌اباد له افغانستان سره د سوداګریزو دروازو د بیا پ...
09/18/2026

#بېړنۍخبر
د پاکستان د بهرنیو چارو وزارت ویاند سجاد حیدر خان وايي، اسلام‌اباد له افغانستان سره د سوداګریزو دروازو د بیا پرانیستلو او د ترانزیټي سوداګرۍ د بېرته پیلولو لپاره چمتو دی.

نوموړي ویلي، پاکستان غواړي له افغانستان څخه د سیمه‌ییزې نښلونې د یوه مهم مرکز په توګه هم استفاده وشي.

د پاکستان د بهرنیو چارو وزارت ویاند دا څرګندونې د پنجشنبې په ورځ، د سپټمبر پر ۱۷مه، په اوونیزه خبري ناسته کې کړې دي.

سجاد حیدر خان زیاته کړې چې پاکستان د چین، ترکیې او قطر له لارې له افغانستان سره د اختلافاتو د هواري هڅې کړې او په قطر او استانبول کې هم خبرې شوې دي؛ خو د نوموړي په وینا، تر اوسه دغو هڅو د اسلام‌اباد لپاره مطلوبه پایله نه ده لرلې.

په افغانستان کې پخواني قومندان او په جمهوري نظام کې د بلخ والي وايي، له هېواده په «بې‌غیرتۍ» نه، بلکې په زور، قوت او ویا...
09/18/2026

په افغانستان کې پخواني قومندان او په جمهوري نظام کې د بلخ والي وايي، له هېواده په «بې‌غیرتۍ» نه، بلکې په زور، قوت او ویاړ وتلی دی.

نوموړی وايي، ځینې کسان ورته پیغور ورکوي چې هغه به ویل: «یوو جې ټوپک به مې راسره وي او دښمن به مې ژوندی نه پرېږدي.»

هغه مني چې دا خبره یې کړې وه، خو زیاتوي چې هغه مهال جګړه نه کېده او ده غوره وبلله چې له هېواده ووځي.

د ورځې انځور |د کابل په نادرخان تپه کې نوی جوړ شوی ستر جامع جومات.
09/17/2026

د ورځې انځور |
د کابل په نادرخان تپه کې نوی جوړ شوی ستر جامع جومات.

د پاکستان د ولسمشر ویاند ویلي، زلمی خلیل‌زاد د امریکا د ګټو پر ځای د افغانستان د ګټو لپاره ډېر کار کوي.د نوموړي په وینا،...
09/17/2026

د پاکستان د ولسمشر ویاند ویلي، زلمی خلیل‌زاد د امریکا د ګټو پر ځای د افغانستان د ګټو لپاره ډېر کار کوي.
د نوموړي په وینا، خلیل‌زاد باید خپل دریځ روښانه کړي چې د امریکا استازی دی او که د افغان حکومت.

د پاکستان د ولسمشر د ویاند دغو څرګندونو د افغانانو له سخت غبرګون سره مخ شوې دي. یو شمېر افغانان وايي، خلیل‌زاد افغان الاصله دی او پاکستان د افغانستان په چارو کې د لاسوهنې حق نه لري.

دا څرګندونې په داسې مهال کېږي چې د افغانستان پر سیاسي وضعیت د بېلابېلو هېوادونو ترمنځ بحثونه روان دي.

د ملګرو ملتونو کې د هند دایمي استازي پرواتني هریش د افغانستان پر سوداګرۍ او ټرانزیټ د لګېدلو محدودیتونو په اړه اندېښنه څ...
09/17/2026

د ملګرو ملتونو کې د هند دایمي استازي پرواتني هریش د افغانستان پر سوداګرۍ او ټرانزیټ د لګېدلو محدودیتونو په اړه اندېښنه څرګنده کړې او دا ډول محدودیتونه یې په کلکه غندلي دي.

هریش د ملګرو ملتونو د امنیت شورا په غونډه کې ویلي، پر افغانستان د سوداګریزو او ټرانزیټي محدودیتونو دوام د مخ پر ودې محاط په وچه هېوادونو په اړه د ملګرو ملتونو له اعلامیو، د سوداګرۍ نړیوال سازمان له مقرراتو او د ملګرو ملتونو له منشور سره په ټکر کې دی.

هغه زیاته کړې، هند به د افغانستان د اقتصادي ودې د ملاتړ لپاره د افغان توکو د صادراتو د اسانتیا په برخه کې خپلو همکاریو ته دوام ورکړي، چې د هند او افغانستان ترمنځ د هوايي دهلیز له لارې د صادراتو اسانتیا هم پکې شامله ده.

د افغانستان د دفاع وزارت سرمفتش د چین په نړیواله امنیتي غونډه کې ویلي، پاکستان د خپلو ګاونډیو هېوادونو لپاره یو جدي امنی...
09/17/2026

د افغانستان د دفاع وزارت سرمفتش د چین په نړیواله امنیتي غونډه کې ویلي، پاکستان د خپلو ګاونډیو هېوادونو لپاره یو جدي امنیتي ګواښ دی.

نوموړي زیاته کړې، که پاکستان هر وخت دومره ځواک ومومي چې پر خپلو ګاونډیو د برید توان پیدا کړي، نو ښايي د یوه هېواد پر وړاندې له زور څخه کار واخلي.

د دفاع وزارت سرمفتش پاکستان ته د خبرداري په شکل ویلي، (مونږ به هم یوه ورځ پیاوړي شو نو بیا).

د ترکیې د استخباراتو رئیس ابراهیم کالن د افغانستان په سفر کې د اا له یو شمېر لوړپوړو چارواکو سره لیدلي دي.کالن د خپل سفر...
09/17/2026

د ترکیې د استخباراتو رئیس ابراهیم کالن د افغانستان په سفر کې د اا له یو شمېر لوړپوړو چارواکو سره لیدلي دي.

کالن د خپل سفر په ترڅ کې کندهار ته هم تللی، څو د اا له مشر سره وګوري. د نوموړي د سفر موخه تر اوسه په رسمي ډول نه ده څرګنده شوې.

بلخوا، د قطر د ملي امنیت سلاکار هم کابل ته راغلی او د افغانستان له چارواکو سره یې د لیدنو کتنې کړې دي.

09/17/2026

ویډیو: د افغانستان د دفاع وزارت سرمفتش لطیف‌الله حکیمي په چین کې د شیانګ‌شان په ۱۳م نړیوال امنیتي کنفرانس کې ویلي، چې تلپاتې امنیت یوازې په پوځي ځواک نه، بلکې د متقابل درناوي، سیمه‌ییزې همکارۍ او اقتصادي ثبات له لارې رامنځته کېدای شي.

Address

Birmingham, OH

Website

Alerts

Be the first to know and let us send you an email when KABUL TIME posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KABUL TIME:

Shortcuts

Share

Category