31/08/2025
ශෂින්ද්‍ර රාජපක්ෂට කෝටි 4000 ක
වත්කම්,බැරකම්,බැංකු ගිණුම්.
මූල්‍ය අපරාධ සම්බන්ධයෙන් දැනට අත් අඩංගුවට ගෙන රක්ෂිත බන්ධනාගාර ගත කර ඇති හිටපු රාජ්‍ය අමාත්‍ය ශෂින්ද්‍ර රාජපක්ෂ සතුව රුපියල් කෝටි 4000 කට ආසන්න වත්කම්,බැරකම් සහ බැංකු ගිණුම් තිබෙන බවට කරුණු අනාවරණය වෙමින් තිබේ.
හිටපු ජනාධිපති මහින්ද රාජපක්ෂගේ වැඩිමල් සහෝදරයා වන හිටපු අමාත්‍ය චමල් රාජපක්ෂගේ පුතෙකු වන ශෂීන්ද්‍ර රාජපක්ෂ, ප්‍රථමයෙන් දේශපාලනයට ප්‍රවිෂ්ට වී ඇත්තේ, ඌව පළාත් සභාවේ මහ ඇමතිවරයා වශයෙන් තේරී පත්වෙමිනි.
ඉන් අනතුරුව පාර්ලිමේන්තු මැතිවරණයට තරග කර,මන්ත්‍රීවරයකු,රාජ්‍ය ඇමතිවරයෙකු සහ ඇමතිවරයෙකු ලෙස කටයුතු කරනු ලැබීය.
දේශපාලනය හැර වෙනත් කිසිදු රැකියාවක් ජීවිතයට කර නොමැති,ශෂින්ද්‍ර රාජපක්ෂ,වසර 15 ක් වැනි කාල පරිච්ඡේදයක් තුළ,රුපියල් කෝටි 4000 ක් වැනි අති විශාල වත්කම්, බැරකම් සහ බැංකු ගිණුම්වලට හිමිකම් පෑමට හැකියාව ලැබීම පුදුම සහගතය.
මේ සියල්ල දූෂිත ගනුදෙනු හරහා උපයා ගත් දේපළ බවට මේ වනවිට කරුණු කාරණා ඉස්මතු වෙමින් තිබේ.ඔහු නමින්, H.S.B.C. බැංකුවේ පවත්වාගෙන යන,1005013081001 අංක දරණ ගිණුම හරහා බොහෝ දූෂිත මුදල් ගනුදෙනු සිදුවී ඇති බවට ප්‍රකාශ වෙයි.
ඔහු සතුව,රුපියල් කෝටි ගණනක් වටිනා, B.M.W.රථයක්,V 8 වර්ගයේ රථයක්,නිශාන් වර්ගයේ පෙට්‍රල් රථයක්,යාරිස් වර්ගයේ රථයක්,යනාදී ආකාරයට සුඛෝපභෝගී මෝටර් රථ 4 ක් ඇත.
ඒ සියල්ල ලියා පදිංචි කර ඇත්තේ,මාතර විතාරන්දෙනියේ පදිංචි,මනෝජ් ඒකනායක නැමති,ශෂින්ද්‍ර රාජපක්ෂ ළඟ සේවය කරන ලිපිකරුවෙකුගේ නමිනි.
ඔහුට මෙතරම් වාහන මිලදී ගැනීමට නොව, සාමාන්‍ය වාහනයක් මිලදී ගැනීමේ හැකියාවක් ඇති,ආර්ථික ශක්තියක් ඇති, පුද්ගලයකු නොවේ.
එම මෝටර් රථ,මනෝජ් ඒකනායක නමින්,ශෂින්ද්‍ර රාජපක්ෂ ලියාපදිංචි කර ඇත්තේ,යම් නීතිමය ප්‍රශ්නයක් පැන නැගුණොත් ඉන් බේරීම උදෙසාය,එහෙත් ඒ සියල්ල මේ වනවිට පොලිස් විමර්ශන වලට ලක් වෙමින් තිබේ.
ශෂින්ද්‍ර රාජපක්ෂ සතුව,මේ වනවිට නුගේගොඩ,නාවල පාර,නන්ද මාවතේ,1 පටුමගේ,අංක 3/1,දරන ස්ථානයේ රුපියල් ලක්ෂ 4000 ක් පමණ වටිනා සුපිරි නිවසක් හා ඉඩමක් ඇත.
එසේම,නුගේගොඩ,පැලවත්ත පාර,චැපල් පෙදෙස,අංක 9 දරන ස්ථානයේද,රුපියල් ලක්ෂ1100 ක්,පමණ වටිනා නිවසක් ඇත.
කොළඹ 7, රොස්මීඩ් පෙදෙසේ,ආකීඩියා ගාඩ්න්ස් වල,පර්චස් 6.5 ක පමණ භූමි භාගයක තට්ටු 4 කින් යුත් සුඛෝපභෝගී නිවසක්ද පිහිටා ඇත.එහි වටිනාකම රුපියල් ලක්ෂ 5500 ක් පමණ වෙති.
දෙහිවල පර්චස් 24 ක ඉඩමක් පිහිටා ඇති අතර ,එහි වටිනාකම රුපියල් ලක්ෂ 2400 ක් පමණ වෙති.නාරාහේන්පිට පර්චස් 14 ක ඉඩමක් ඇති අතර එහි වටිනාකම රුපියල් ලක්ෂ 2000 ක් පමණ වෙති.
නාගරික සංවර්ධන අධිකාරිය සතුව තිබූ, බත්තරමුල්ලේ පර්චස් 70 ක ඉඩමක්ද,ශෂින්ද්‍ර රාජපක්ෂ සිය දේශපාලන බලය යොදා අයුතු ලෙස,ලියකියවිලි සකස් කර තම නමින් ලබාගෙන ඇත.එහි වටිනාකම රුපියල් ලක්ෂ 7000 ක් පමණ වෙති.
මොනරාගල,සිරිගල පාරේ තවත් සුපිරි නිවසක් සහ දේපලක් ඇති අතර එහි වටිනාකම රුපියල් ලක්ෂ 3000 ක් පමණ වෙති.එම නිවසේ ජනෙල්,දොරවල් සහ උළුවහු බුරුත දැව යොදා නිර්මාණය කර ඇත.
දෙහිවල තවත් පර්චස් 10 ක ඉඩමක් ඇති අතර එහි වටිනාකම රුපියල් ලක්ෂ 500 ක් පමණ වෙති.බත්තරමුල්ල,පැලවත්ත ප්‍රදේශයේද තවත් පර්චස් 20 ක ඉඩමක් සහ නිවසක් ඇත.
එමෙන්ම,ශෂින්ද්‍ර රාජපක්ෂ සතුව,සිදුව ප්‍රදේශයේ තිබූ නිවසක් සහ ඉඩමක්,රුපියල් ලක්ෂ 3000 කට පසුගිය කාලයේ විකුණා ඇත.
එපමණක් නොව,ශෂින්ද්‍ර රාජපක්ෂ සතුව කතරගම ප්‍රදේශයේ හෝටලයක් ඇති අතර,ඒ කළමනාකාර කටයුතු සිදු කරනු ලබන්නේ, මනෝජ් ඒකනායක නැමති පුද්ගලයෙකි,
ශෂින්ද්‍ර රාජපක්ෂ සතුව,ඕස්ට්‍රේලියාවේ සුපිරි නිවාස දෙකක් ඇතිි අතර,ඒවා එහි බලා කියාගෙන වැඩකටයුතු කරන්නේ ඔහුගේ පුතාය.
දැනට අල්ලස් පරීක්ෂණ වලට භාජනය වෙමින් තිබෙන,ශෂින්ද්‍ර රාජපක්ෂ සතු ,දේපළ වලින් කොටසකි මේ.ඔහු සතුව මීටත් වඩා දේපළ තිබෙන බවට සැක කෙරේ.
එම දේපළ ඔහු නමින් සහ ඔහුට හිතවත් වෙනත් පුද්ගලයින්ගේ නමින් තිබෙන බවට අනුමාන කෙරේ,එම නිසා ඒවා පිළිබඳව මේ වනවිට පූර්ණ පරීක්ෂණයක් පැවැත්වීමට අල්ලස් කොමිසම පියවර ගනිමින් සිටින බව දැනගන්නට ඇත.
සටහන:- ශ්‍රී ලාල් ප්‍රියන්ත.-
