01/09/2026
ആരോഗ്യ മേഖല ആധുനികത തേടി അലയുമ്പോൾ .....
തിരുവനന്തപുരം മെഡിക്കൽ കോളേജ് ആശുപത്രിയിൽ കട്ടിലിൽ നിന്ന് വീണ് പരിക്കേറ്റ് ചികിത്സയിലായിരുന്ന പക്ഷാഘാത രോഗി മരിച്ചു. കൊല്ലം ചടയമംഗലം സ്വദേശിയായ സുകുമാരപിള്ള (87) ആണ് ഓഗസ്റ്റ് 31-ന് മരണപ്പെട്ടത്. ആശുപത്രി അധികൃതരുടെ ഭാഗത്തുനിന്നും ഗുരുതരമായ ചികിത്സാ അനാസ്ഥയുണ്ടായെന്ന് ആരോപിച്ച് കുടുംബം രംഗത്തെത്തുകയും പോലീസ് അസ്വാഭാവിക മരണത്തിന് കേസെടുക്കുകയും ചെയ്തിട്ടുണ്ട്.
വീണ്ടും സ്ട്രോക്കോ അപസ്മാരമോ വരാൻ സാധ്യതയുള്ള രോഗിയായിരുന്നിട്ടും സുരക്ഷാ റെയിലിംഗുകൾ (Side-rails) ഇല്ലാത്ത കട്ടിലാണ് ഇദ്ദേഹത്തിന് നൽകിയത്. വീഴ്ചയിൽ തലയ്ക്കും കണ്ണിനും സാരമായി പരിക്കേറ്റിട്ടും മണിക്കൂറുകൾ കഴിഞ്ഞാണ് ഡോക്ടർ എത്തിയതെന്നും, ഐസിയുവിലേക്ക് മാറ്റാതെ സാധാരണ ബെഡിൽ കിടത്തിയാണ് മുറിവുകൾ തുന്നിക്കെട്ടിയതെന്നും മകൾ മാധ്യമങ്ങളോട് വ്യക്തമാക്കി.
© Copyright All Rights Reserved.
