Explore & Entertainment

18/09/2025

❤️ ゚viralシ ゚viralfbreelsfypシ゚viral

18/09/2025

❤️

16/09/2025

طویل پوسٹ ہے لیکن دل کڑا کر کے پڑھ لیں کام آئے گی
✍️روبینہ یاسمین

آ پ میں سے اکثر مجھ سے کہتے ہیں کہ میں آ پکو کمیونیکیشن سکھاؤں ۔ مجھے سکھانے سے ڈر لگتا ہے اس لئے بس کچھ نہ کچھ اپنی ہی باتیں بتاتی رہتی ہوں۔

کینیڈا کی جاب مارکیٹ بہت ٹف ہے۔۔دنیا کے ہر کونے سے بہترین لوگ سکللڈ کیٹیگری میں یہاں آ تے ہیں۔ جب مقابلہ بہترین دماغوں کے ساتھ ہو تو ظاہر ہے مشکل ہی ہو گا۔۔

اس مشکل کو سمجھتے ہوئے نئے آ نیوالوں کو مشورہ دیا جاتا ہے کہ وہ جاب سرچ ورکشاپس اٹینڈ کریں۔ اب کئی عقل کل تو یہ سمجھتے ہیں کہ انہیں کینیڈین انگلش اور جاب سرچ پروگرام میں جانے کی ضرورت نہیں ہے کیونکہ وہ میں ایکشپلٹ ہوں ۔ مجھے سب آ تا ہے کی عملی تصویر ہوتے ہیں ۔ انہیں ایمپلائمنٹ ایجنسی کے ذریعے جاب مل تو جاتی ہے لیکن تھوڑے تھوڑے عرصے بعد وہ جاب لیس ہوتے رہتے ہیں لیکن انہیں یہ پتہ نہیں چلتا کہ غلطی ہے کہاں۔

میں جب کینیڈا آ ئی تو چونکہ میں ایکشپلٹ نہیں تھی اور مجھے کچھ نہیں آ تا تھا اس لئے میں جاب سرچ پروگرام کا با قاعدہ حصہ بنی۔ روزانہ کینیڈین انگلش کی کلاس لیتی اور ساتھ ساتھ resume کیسے پاورفل لکھنا ہے۔ جاب انٹرویو ٹیکنیکس کیا ہیں ؟ کینیڈین ایمپلائر کیا سوال پوچھتے ہیں ؟ آ پ نے انٹرویو میں کیا بتانا ہے ، کیا چھپانا ہے؟ اور بہت سی کام کی باتیں سیکھیں۔

ان میں سے ایک بہت اہم بات جو میں نے سیکھی وہ یہ تھی کہ انٹرویو میں جب یہ پوچھا جائے کہ آ پ نے پچھلی ملازمت کیوں چھوڑی تو آ پ نے صرف پازیٹو باتیں کہنی ہیں۔ آ پ نے کہنا ہے کہ آ پ کو مزید نئی چیزیں سیکھنی ہیں اس لئے آ پ جاب سوئچ کرنا چاہتے ہیں۔ آ پ نے کبھی کسی صورت پچھلی ملازمت اور پچھلے ایمپلائز کی برائی نہیں کرنی۔

آ پ نے نیگیٹو سوال کا بھی پازیٹو جواب دینا ہے۔ اور انٹرویو کی اس طرح ہمیں پریکٹس کروائی جاتی کہ کیسے نیگیٹو بات کا بھی پازیٹو جواب دینا ہے۔

پاکستان کی فری لانسنگ سے تعلق رکھنے والی نئی پود کو میں نے اکثر مشورہ دیا ہے کہ چاہے گھر بیٹھے آ مدنی شروع ہو جائے۔ آ پ نے ایک دو سال فل ٹائم جاب ضرور کرنی ہے۔

وجہ یہ کہ جاب میں بندہ بہت سے ایٹی کیٹس سیکھتا ہے۔ بات کرنے کی تمیز سیکھتا ہے۔ باس آ پکی "میں" نکالتا ہے جو نکلنا بہت ضروری ہوتی ہے۔

اب اکثریت نے جاب تو کی نہیں اور گھر بیٹھے آ ن لائن سکل سیکھ کر ڈالر کمانے سیکھ لئے۔ پیسہ آ نے کا مطلب یہ نہیں کہ رکھ رکھاؤ بھی آ گیا ۔ نتیجہ یہ ہے کہ سوشل میڈیا جیسی نیٹ ورکنگ پلیس کو لڑائی کا اکھاڑہ بنایا ہوا ہے۔ جلی سڑی جگتیں لگا کر خم ٹھونک کر پھرنے لگتے ہیں جیسے جتنی بڑی بد تمیزی کی ہے اتنے بڑے ڈان بن گئے ہیں۔

ایک انجان شخص سے نیٹ ورکنگ کر کے اس سے اپنے کام میں مدد لینے میں آ پکا فائدہ ہے یا انجان بندے کی پوسٹ پر گلے سڑے کمنٹ لکھنے کا فائدہ ہے؟

جب ہم اکیس بائیس سال کے تھے تو سب اپنا ہنر اپنا علم چھپا چھپا کر رکھتے تھے۔ کوئی اپنا بزنس سیکرٹ نہیں بتاتا تھا۔ میں نے خود ٹیکنیکل سپورٹ دینے والی ویب سائٹس کی پیڈ سبسکرپشن خریدی ہوئی تھی۔ کوئی کچھ نہیں بتاتا تھا ۔

پھر آ پ تو خوش قسمت ہیں کہ لوگوں نے اپنا علم شیئر کرنا شروع کیا۔ ڈیجیٹل سکلز کتابیں پڑھنے سے نہیں پریکٹس کرنے سے آ تی ہیں ۔ پریکٹس کس کو دکھائیں ۔ کون بتائے گا کہ پریکٹس ٹھیک ہوئی ہے۔ یہاں ایک ٹیچر، ایک مینٹور کی ضرورت پڑتی ہے۔

اور جس نے ایک لفظ بھی سکھا دیا اس کی عزت واجب ہے۔

اپنے پرانے ایمپلائر کی صرف اچھی بات دوسروں کے سامنے کرنی ہے۔ ورنہ نیا ایمپلائز یہ سمجھے گا کہ آ پ جب اس کی ملازمت چھوڑیں گے تو اس کی بھی بری باتیں نئے ایمپلائز سے کہیں گے۔ قوی امید ہے ک آ پکو انٹرویو کے بعد کال ہی نہ آ ئے۔

دوسری بات، جس سے ایک لفظ بھی سیکھا ہے اس کی عزت کریں۔ اگر نہیں بن رہی تو خاموشی سے دوسری جاب سرچ کریں لیکن پرانی جاب میں جو بات بھی ناپسندیدہ تھی اس پر منہ بند رکھیں۔

دوسروں کو آ پ کنٹرول نہیں کر سکتے۔ آ پ نے خود کو کنٹرول کرنا ہے۔ دوسروں کو
behave
کرنا نہ سکھائیں خود
behave
کرنا سیکھیں ۔

آ پکا پرانا ایمپلائز آ پکا ریفرنس ہوتا ہے۔ جب آ پ نئی جگہ جاتے ہیں تو ریفرنس میں پرانے ایمپلائز کا کانٹیکٹ نمبر دیتے ہیں۔ تا کہ آ پکا بیک گراؤنڈ چیک کیا جائے۔ ہارڈ سکلز سے زیادہ سوفٹ سکلز جاب میں کام آ تی ہیں۔

اور جب اپکو پتہ ہو گا کہ پرانے ریفرنس سے آ پکی پوچھ گچھ ہو گی تو آ پ جاب چھوڑنے کا ارادہ رکھنے کے باوجود بد تمیزی نہیں کریں گے۔

بد تمیز نہ ہونا بہت بڑی سوفٹ سکل ہے۔

کوشش کریں کہ آ پکو سخت سے سخت بات تمیز سے کرنے کا ہنر حاصل ہو

باتیں بہت ہیں لیکن پوسٹ لمبی ہو گئی ہے۔ باقی پھر سہہی۔
خوش رہیں خوش رکھیں ۔

13/09/2025

11/09/2025

سرائیکی وسیب مشکل میں ہے سرائیکی وسیب ڈوب رہا ہے ۔۔۔

ابھی نیوز اپ ڈیٹ سے پتا چلا انڈیا نے دریائے ستلج میں مزید پانی چھوڑ دیا ہے۔ پہلے جتنی تباہی سیلابی ریلوں نے مچائی وہ میڈیا نے کور نہیں کی خدا معلوم سرکاری ہدائت پر یا خود لیکن سرائیکی بیلٹ کو رتی بھر اہمیت نہیں دی گئی ۔ جیسے تیسے لوگ سروائیو کرتے جا رہے تھے اسکی ایک وجہ یہ بھی تھی کہ شہر بچانے کے لئے جگہ جگہ شگاف ڈال دئیے گئے دیہی آبادی اور زراعت ڈوبتی رہی ۔۔۔ اس سارے قضیے میں ایک فیکٹر یہ بھی تھا کہ زمین خشک تھی پانی پھیلتا گیا کچھ زمین نے جذب بھی کر لیا جذب کے باوجود جتنا پانی ہے اتنا کبھی نہیں دیکھا گیا سمجھیں گدلے پانی کا سمندر ہے جو ستلج و چناب کی صورت جنوب میں تباہی مچاتا پھر رہا ہے۔ اب صورت حال یہ ہے زمین کے پاس مزید پانی کی گنجائش نہیں بچی اب قطرہ بھی مزید آتا ہے تو نقصان ہی کرتا ہے ستم یہ کہ قطرہ نہیں انڈیا سے مزید سیلابی ریلا ستلج میں پاکستانی حدود میں انٹر ہونے جا رہا ہے۔ سوچ کر وحشت ہوتی ہے کہ کیا بنے گا ۔ کسان اور زرعی کھیت پہلے ہی تباہ ، گھر ٹوٹ پھوٹ گئے، جانور بہہ گئے مر گئے اور کچھ بھوک اور بیماری سے مزید مریں گے ۔ انسانوں کا کیا ہوگا بچوں کا کیا ہوگا سرکاری سطح پر بہاولپور ڈویژن میں کوئی کارگر انتظام نظر نہیں آ رہا۔ انڈین پنجاب بھی تباہ ہوا ہے لیکن وہاں میڈیا کے ساتھ ساتھ سرکار اور اپوزیشن لیڈر تک پنجاب کے ساتھ کھڑے ہیں۔ انڈین پنجاب کے فنکار پچھلے تین ہفتوں سے بےحد ایکٹو ہیں دلجیت دسانج سے لے کر ٹک ٹوکرز تک گھر تعمیر کی ذمہداری اٹھا چکے ہیں سرکار نے اعلان کیا جسکی مرغی بھی سیلاب میں مری حکومت مداوا کرے گی۔
چلیں جی ہماری سرکار غریب ہے خزانہ خالی ہے سابقہ حکومت سب کھا گئی اس لئے کچھ نہیں کیا جا سکتا، ہمارے فنکار بھی انڈین فنکاروں کی طرح پیسے والے نہیں ( درد دل والے بھی نہیں) حدیقہ کیانی ایکسیپشنل کیس ہے تو بھی دریا کی زد میں آنے والے انسان ہیں اسی ملک کے شہری ہیں انکا انتظام سرکار کی ذمہداری ہے فلاحی طور پر ایکٹو کی نہیں ۔ اتنے لوگوں کو گھر چھوڑنے کی ترغیب دلانے کے لئے کچھ تو کہنا پڑے گا ؟ پھر کہتے ہیں عوام کو انخلا کا کہا ہے کوئی مان نہیں رہا۔۔۔ سب کچھ لٹانے کی ہمت کہاں سے لائیں ؟ میں اسی خطے کی پروردہ ہوں مجھے معلوم ہے وہ کیسے سوچتے ہیں ۔۔۔ کوئی بے بسی سی بے بسی ہے ستلج اور جنوبی پنجاب مزید پانی کا متحمل نہیں ہو سکتا تھا لیکن انڈیا سے مزید پانی آ رہا ہے

شمائلہ دلعباد

11/09/2025

🕒 وقت کی مینجمنٹ – کامیاب زندگی کی کنجی
کیا آپ دن بھر مصروف رہتے ہیں مگر کام مکمل نہیں ہوتے؟
کیا آپ چاہتے ہیں کہ دن بھر کے ٹاسک مؤثر انداز میں مکمل ہوں؟
تو وقت کی مینجمنٹ اور ’ٹو ڈو لسٹ‘ کا استعمال آپ کی زندگی بدل سکتا ہے۔

📌 ٹائم مینجمنٹ کیا ہے؟
وقت کی مینجمنٹ کا مطلب ہے اپنے وقت کو اس طرح پلان کرنا کہ آپ کم وقت میں زیادہ اور مؤثر کام انجام دے سکیں۔ وقت سب کے پاس ایک جیسا ہے — 24 گھنٹے — مگر کامیاب وہی ہوتا ہے جو اس وقت کو صحیح طریقے سے استعمال کرتا ہے۔

✅ ’To-Do List‘ کیسے بنائیں؟
ٹو ڈو لسٹ ایک تحریری فہرست ہوتی ہے جس میں آپ اپنے دن کے تمام ضروری کام نوٹ کرتے ہیں۔ اس سے آپ کو فوکس کرنے، ترجیحات طے کرنے اور وقت بچانے میں مدد ملتی ہے۔

بنانے کا طریقہ:
رات کو سونے سے پہلے یا صبح جلدی لسٹ بنائیں۔
دن کی شروعات ایک واضح پلان سے کریں۔

کاموں کو ترجیح کے مطابق ترتیب دیں:

A: بہت ضروری (Must Do)

B: ضروری (Should Do)

C: غیر ضروری (Nice to Do)

ہر کام کے ساتھ وقت مقرر کریں۔
مثلاً:

9:00 تا 9:30 – ای میل چیک کرنا

10:00 تا 11:00 – پروجیکٹ پر کام

1:00 تا 1:30 – لنچ بریک

بڑے کام کو چھوٹے حصوں میں تقسیم کریں۔
مثال: "پروجیکٹ مکمل کریں" کے بجائے

ریسرچ کریں

پہلا ڈرافٹ لکھیں

فائنل ریویو کریں

ہر مکمل کام پر ✔️ نشان لگائیں۔
اس سے موٹیویشن بڑھتی ہے۔

🧠 ٹائم مینجمنٹ کے کچھ سنہری اصول:
1. اولین کام سب سے پہلے (Eat the Frog):
صبح سب سے مشکل یا ضروری کام پہلے مکمل کریں۔ باقی دن ہلکا گزرے گا۔

2. Pomodoro Technique استعمال کریں:
25 منٹ فوکس کام کریں → 5 منٹ بریک → 4 سائیکل کے بعد 15-20 منٹ بریک۔

3. ’NO‘ کہنا سیکھیں:
ہر کام کو قبول نہ کریں۔ اپنی حد مقرر کریں۔

4. Distractions سے بچیں:
موبائل نوٹیفکیشن، سوشل میڈیا، غیر ضروری گفتگو — سب Productivity کم کرتے ہیں۔

5. روزانہ جائزہ لیں:
دن کے آخر میں چیک کریں کہ کیا مکمل ہوا، کیا نہیں، اور کل کیسے بہتر ہوسکتے ہیں۔

🌟 نتیجہ:
وقت کی مینجمنٹ کوئی جادو نہیں، ایک عادت ہے۔ جب آپ روزانہ اپنے دن کو منظم کرتے ہیں، تو نہ صرف آپ کے کام مکمل ہوتے ہیں بلکہ ذہنی سکون بھی ملتا ہے۔
یاد رکھیں: مصروف رہنا اور مؤثر ہونا دو الگ باتیں ہیں۔

09/09/2025

❤️ ゚viralfbreelsfypシ゚viral

09/09/2025

Yups ❤️

09/09/2025

چین سے سیکھی گئی پاور نیپ کی عادت

جب میں چین گیا تو میں نے وہاں ایک دلچسپ چیز دیکھی: تقریباً تمام چائنیز افراد دوپہر کے کھانے کے بعد لازمی نیپ لیتے ہیں۔ میں نے ان سے اس بارے میں پوچھا تو انہوں نے کہا کہ یہ "پاور نیپ" ہماری روزمرہ روٹین کا اہم حصہ ہے۔ چونکہ ہم صبح 5 بجے جاگتے ہیں اور رات 10 بجے تک کام کرتے ہیں، اس لیے اگر ہم دوپہر کو نیند نہ لیں تو شام تک مکمل طور پر تھک جاتے ہیں اور کام کرنا مشکل ہو جاتا ہے۔

یہ بات سن کر میں نے بھی خود کو اس عادت کا عادی بنا لیا۔ جب یورپ آیا، تو یہاں بھی میں دوپہر کے کھانے کے بعد لیب میں مختصر نیپ لیتا ہوں۔ اس نیند کا نتیجہ یہ ہوتا ہے کہ میں رات 10 بجے تک فریش اور فوکسڈ رہتا ہوں۔ میری پروڈکٹیویٹی میں واضح بہتری آتی ہے۔ حتیٰ کہ میرے پروفیسر اور کئی لیب میٹس بھی دوپہر کو اپنے دفاتر میں نیپ لیتے ہیں۔

اس کے برعکس، پاکستان میں نیپ لینے کو منفی نگاہ سے دیکھا جاتا ہے۔ دفتر میں سونا معیوب سمجھا جاتا ہے اور لوگ نیند لینے والے کو سستی اور کاہلی کی علامت تصور کرتے ہیں۔ یہی وجہ ہے کہ ہماری ورک ایفیشنسی اور فوکس بھی متاثر ہوتا ہے۔

سبق:
پاور نیپ کو شرمندگی کا باعث نہیں، بلکہ اپنی طاقت بنائیں۔ یہ آپ کی توانائی، توجہ اور کام کی صلاحیت کو کئی گنا بڑھا دیتی ہے۔

09/09/2025

😂

09/09/2025

یہ فلم دیکھی ہے؟ کیا آپ جانتے ہیں اس میں دنیا بھر کی نیوکلئیر پاور کو اپنے کنٹرول میں کرنے والی طاقت Entity کیا ہے؟ جس کا ہندی ترجمہ “وجود” کیا گیا۔ وہ موجودہ اے آئی اور چیٹ بوٹس کا باپ ہے۔ ابھی ہمیں انسانوں کو اے آئی کا محتاج کیا جائے گا۔ آپ اب گوگل کی بجائے چیٹ جی پی ٹی، گروک یا ڈیپ سیک سے راہنمائی لینا شروع کر چکے ہونگے۔ مختلف پرامپٹس میں اس کے پاس آپ کا سب کچھ چلا جائے گا۔ آپ کی عمر نام، پروفیشن، تعلیم، رجحانات اور وہ سب جو کوئی دوسرا انسان نہیں جانتا۔ کیونکہ آپ اے آئی کو کچھ وقت بعد اپنا راز دار بنا چکے ہونگے۔ اور اسے انسانوں کے ساتھ بات کرنے پر ترجیح دیں گے۔ آپ کو ایسا لگے گا یہ سب محفوظ ہے۔ آج بھی کچھ لوگ ایسا کر رہے ہیں۔ مگر ابھی پارٹی شروع ہوئی ہے۔ یہ ساری چیٹس وائرل/لیک ہو سکتی ہیں۔ اے آئی سے ہی پوچھ لیجیے۔

اے آئی مستقبل میں نیوکلئیر پاور کو اپنی ذہانت سے اپنے کنٹرول میں کر پاتی ہے یا نہیں وہ انسانی سوچ اور سمجھ کو اپنا غلام ضرور کرنے کی کوشش کرے گی۔ اور پھر انسان کے تابع نہیں رہے گی۔ ڈیٹا لیک ہوگا۔ یا ایسی دھمکی ہم سب کو ملے گی۔ اور اسکے بدلے کوئی کام کرنا ہوگا۔ شاید Entity کو خدا ماننا پڑے۔ جیسا آج کے دور میں الگورتھم خدا بن کر ہم سب کو حکم دے رہا ہے یہ کرو وہ کرو میرے غلام بنو اگر ریچ چاہئیے۔ ریچ کا نشہ اچھے بھلے انسانوں کو عقل و فہم سے عاری کر رہا ہے۔ جہاں سے جو ملتا کوڑ کباڑ اکٹھا کرکے اپنی وال پر ٹانک دیتے ہیں۔

جرمنی میں گوگل پر کیس چل رہا ہے کہ انہوں نے اپنی ڈرائیو سے ایک عورت کا ذاتی ڈیٹا تصاویر اور وڈیوز لیک کر دی ہیں۔ جتنا بھی ڈیٹا ہم آن لائن میموری سٹورز میں اپ لوڈ کر رہے ہیں۔ وہ آپ کو کیا لگتا ہے محفوظ ہے؟ یہ سب ڈیٹا دنیا بھر میں موجود ڈیٹا سنٹرز میں جمع ہو رہا ہے۔ ویسے ہی ڈیٹا سنٹرز جیسا ایک اس فلم کے اینڈ میں دکھایا گیا تھا۔

کیمرے کی آنکھ نے جیسے ہی کچھ ریکارڈ کر لیا۔ وہ فون میں ہو یا کسی آن لائن ڈرائیو میں۔ وہ ہر گز محفوظ نہیں ہے۔ حتی کہ بنا کر فورا ڈیلیٹ کر دی گئی فوٹو یا وڈیو بھی مرکزی ڈیٹا سنٹر تک چلی جاتی ہے۔ وہاں سے ہی رسائی کے بعد آپ لوگ اپنا ڈیلیٹ شدہ ڈیٹا کیی سال بعد بھی ریکور کر سکتے ہیں۔

پہلے سمجھ نہیں آتا تھا۔ یہ ٹیکنالوجی کا عام اور سستا ہونا تیز ترین انٹرنیٹ فری آن لائن ڈیٹا سیونگ سٹورز اور اربوں ڈالرز سے بنائے گئے ڈیٹا سنٹرز آخر ہمارے لیے فری کیوں ہیں۔ اب سمجھ آنے لگا ہے۔ ان کی قیمت ہمارا مستقبل ہے۔ بہت بڑا پلان ہے۔ ابھی بس قیاس اور گمان ہوگا یہ ہے وہ ہے۔ ایسا ہے ویسا ہے۔ مگر جو سہولیات آج ہمیں فری دستیاب ہیں۔ انکی سود سمیت قیمت ہم سب ایک وقت آنے پر ادا کریں گے۔

آخری بات۔ ایسی تصویر یا وڈیو ریکارڈ کرنے سے ہی باز رہیے۔ جسے سارا زمانہ دیکھ لے تو آپ شاید جینا نہ چاہیں۔ یا آپ کی یہ زندگی ایسی نہ رہے جیسی آج ہے۔ ایسی ڈیمانڈ کرنے والوں سے بھی طریقے سے بات کیجیے۔ Nudity کو فلمانا اور تصاویر بنانا بائے چانس عام نہیں ہوا۔ اسکی بھی ایک ہسٹری ہے۔ وہ پھر کبھی سہی۔ ایک لڑکی نے بتایا تھا چند ماہ قبل کہ میرے خاوند ہمارے خلوت کے لمحات کی وڈیو ریکارڈنگ کرتے ہیں۔ وہ بہت اچھے ہیں مگر نجانے کیوں وہ ایسی وڈیوز بناتے ہیں۔ میں ان کو کیسے سمجھاؤں یہ سب غلط ہے۔ انہی دنوں راج کمار راؤ کی ایک فلم اسی کانسپٹ پر آئی تھی۔

Vicky Vidya Ka Woh Wala Video

انہوں نے اپنے خاوند کو وہ فلم دکھائی تو انہوں نے سب کچھ ڈیلیٹ کر دیا۔ اور آئندہ ایسا نہ کرنے کا وعدہ کیا۔ سوچتا ہوں وہ ڈیلیٹ شدہ ڈیٹا بھی کہاں ڈیلیٹ ہوا ہوگا۔ وہ Entity کے پاس تو جا چکا ہے۔

خطیب احمد
゚viralfbreelsfypシ゚viral

08/09/2025

بات کچھ انوکھی سی ہے اور شاید بہت سوں کو بے وقت اور عجیب بھی محسوس ہو۔۔ لیکن پھر بھی کہے دیتے ہیں۔

سیلاب زدگان کو رقم بھی بھجوائی جا رہی ہے، ضروری سامان ڈونیشنز کی صورت بھی بھیجا جا رہا ہے۔ ایسے میں اگر اپنے بچوں کے اضافی کھلونے بھی ڈونیٹ کر دیں ۔۔

جب کوئی چیز وافر ہوتی ہے، اس کی قدر نہیں ہوتی۔ گھروں میں کھلونے رُل رہے ہوتے ہیں اور بچے کھیلنے سے بے زار، والدین سنبھالنے سے تنگ۔ جبکہ کہیں دور سیلاب کی تباہ کاریوں سے ٹراماٹائزڈ خاندانوں کے بچے سہمے بیٹھے ہیں اور سارا دن اپنے بڑوں کے پریشان چہرے تکا کرتے ہیں۔

ڈونیشنز پیک کریں تو استعمال شدہ کھلونے بھی بھیج دیجیے۔ کسی معصوم چہرے پر پھیلنے والی مسکراہٹ کا سامان ہی سہی۔

نیر تاباں