29/01/2026
මම ලංකාවෙ ප්‍රධාන බාලිකා පාසලක එක වසරෙ ඉඳන් ඉගෙන ගත්ත කෙනෙක්. මම කළුයි. මොකද මගෙ තාත්තා කළුයි. හැබැයි මගෙ අම්මා සුදුම සුදුයි. මම කළු නිසා පොඩි කාලෙ ඉඳන් සෑහෙන්න bully වෙලා තියෙනවා. කොච්චරද කියනවානම් parents meeting එකට තාත්තාට එන්න බෑ එයාගෙ තනතුර එක්ක වැඩ දාලා. එතකොට අම්මා තමා ගොඩක්ම ඒවාට ආවෙ. අම්මාව විතරක් දැකලා තියෙන අය මගෙන් මූණටම අහලා තියෙනවා ඔයාව අරන් හදා ගත්ත කෙනෙක්ද කියලා 😄
ඉතින් මට මං කළු උන එක ගැන මාරම දුකක් තිබ්බෙ පොඩි කාලෙ ඉඳන්. නෑදෑයො ආදරේට කළු දූ කිව්වත් මට තරහයි. කොහොම හරි 9-10 වසරට එද්දි මට මම කළුයි කියන එක ලොකුවට දැණුන කාලයක්. මගෙ යාළුවන්ට boyfriends / crushes තියෙද්දි මගෙන් කවුරුත් ask out කරනවා තියා යාළුවෙක් විදිහට කතා කරන්න වත් guy friends ලා නෑ. ඒ නිසා මම ගොඩක් විදෙව්වා, තියෙන සුදු වෙන චන්දනාලේප වගේ එක එක ඒවා ගෑවා. O/ls ඉවර වෙලා bleach කරන්නත් හැදුවා. ඔහොම්ම a/ls ටිකත් කරගෙන campus select වෙද්දි මම මං කළුයි කියන එක පොඩ්ඩක් accept කරන් හිටියෙ. Photo එකක් හරි දාද්දි තියෙන beauty apps වලින් මාව සුදු කරලා තමා upload කලේ ඒ කාලෙ.
හොඳ වෙලාවට campus එකේ හොඳ යාළුවො ටිකක් හම්බුණා. ඒ කොල්ලො එක්කෙනෙක්ට වත් මම කළුයි කියන එක අදාළ නැති එක මට ඇත්තටම මාරම confident එකක් උණා. එහෙම යාළුවො එක්ක එකතු වෙද්දි මගෙ හමේ පාට ගැන මට ලැජ්ජාවක් ඇති වුණේ නෑ. ඒ එක්කම මම මගෙ photo සුදු කරන එක නවත්තලා මගෙ ඇත්ත හමේ පාට photos upload කරන්න ගත්තා. Campus එකේ third year වෙද්දි මගෙ හමේ පාට මට ආභරණයක් වෙලා තිබ්බෙ. අන්තිමට campus වැඩකදි අහම්බෙන් හම්බුණ සුදුම සුදු අඩි 6ක් උස මගෙ පෙනුමට, personality එකට ආදරේ කරන boy කෙනෙකුත් හම්බුණා. දැන් මම ඉන්නෙ රට, foreigners ලා ළඟට ඇවිත්ම compliments දෙනවා skin color එක ලස්සනයි, features ලස්සනයි කියලා, british airways වල former air hostess කෙනෙක් එක පාරක් මම වැඩ කරන තැන meet වෙලා කිව්වා, you definitely should try applying for air hostess positions, with your height , skin color and that smile it would be a waste not to' කියලා 🥰
ඉතින් මම දැන් මං ඉන්න තැන ගැන සතුටුයි. ඒ කාලෙ කළු වෙන්න තියෙන බයට එක එක ඒවා inject කරගෙන, bleach කර ගත්තා නම් මේ වෙද්දි ලෝකෙ නැති ලෙඩත් හදන් මම. ඒ නිසා කියන්න තියෙන්නෙ ඔයා ඔයාට ආදරේ කරන්න, ලංකාවෙ මිනිස්සුන්ගෙ ඒ හමෙ පාට වෙන රටවල් වල හරි සීමිතයි, ලංකාවට අගේ නැති උනාට වෙන රටවල මිනිස්සු හරිම කැමතියි. ඒ නිසා බොරුවට මේ වගේ skin whitning scams වලට අහු වෙලා නිකන් තියෙන හමට වද දෙන්න එපා. ඒ වෙනුවට වතුර ගොඩක් බොන්න, approved moisturizing creams පාවිච්චි කරන්න, අදාළ vitamins ටික හරියට ගන්න, කොළ ජාති පලතුරු කන්න, එතකොට හම තව glow වෙනවා. ඒ ටික කරන්න මේ වගේ ජරාව දහස් ගණන් දීලා පස්සෙ කාලෙක අපේක්ෂා රෝහලට යන්න තියා ගන්නෙ නැතුව!!
සිබිල් වෙත්තසිංහ කිව්වා වගේ කළු කියන්නෙම මැණික්! කෝපි කෙල්ලන්ට/කොල්ලන්ට ජය❤️✨
