30/04/2026
ایرانی صدر مسعود پزشکیان نے آبنائے ہرمز کی موجودہ صورتِ حال اور ممکنہ ناکہ بندی کا ذمے دار امریکا اور اس رائ یل کو قرار دیا ہے۔ یومِ خلیج فارس کے موقع پر اپنے پیغام میں انہوں نے کہا کہ آبنائے ہرمز ایرانی قوم کی مزاحمت اور خودمختاری کی اہم علامت ہے۔
صدر پزشکیان کے مطابق اس اہم آبی گزرگاہ میں کسی بھی بدامنی کی ذمہ داری امریکا اور اس رائ ی ل پر عائد ہوگی۔ انہوں نے کہا کہ ایران آبنائے ہرمز کے تحفظ کو اپنی قومی سلامتی کا بنیادی حصہ سمجھتا ہے اور خطے میں بیرونی مداخلت کو مسترد کرتا ہے۔
ایرانی صدر نے مزید کہا کہ ایرانی بندرگاہوں پر امریکی بحری ناکہ بندی یا پابندیاں عائد کرنے کی کوئی بھی کوشش بین الاقوامی قوانین کے خلاف ہوگی اور کامیاب نہیں ہو سکے گی۔ ان کے مطابق ایسی کارروائیاں خطے میں امن کے بجائے کشیدگی بڑھاتی ہیں اور خلیج فارس میں دیرپا استحکام کی راہ میں رکاوٹ بنتی ہیں۔
Disclaimer: This content is shared solely for awareness, educational, public information, and journalistic purposes.
