06/12/2025
Sidee looga badbaadi karaa diidmada fiisaha Mareykanka?
Sababaha loogu adkeeyo ama loogu diido fiisaha Mareykanka dadka Soomaaliyeed ee haysta dhalashada Yurub marka ay booqdaan Soomaaliya.
Dadka Soomaaliyeed ee heysta dhalashada dalalka Yurub sida Sweden, Norway, Germany, Netherlands, UK, France, ama Denmark, waxay xaq u leeyihiin safarro caalami ah.
Si kastaba ha ahaatee, marka ay u baahan yihiin fiisaha Mareykanka (US Visa – B1/B2 ama ESTA), taariikhda socdaalkooda gaar ahaan booqashada Soomaaliya, waxay keentaa in baaritaan dheeri ah lagu sameeyo ama xitaa loogu diido Viisaha.
1. Soomaaliya ayaa ku jirta liiska dalalka khatarta amni ee Mareykanku si gaar ah u baaro
Soomaaliya waxa ay ku jirtaa dalalka ay ka jiraan:
* Falal argagixiso oo firfircoon
* Xasillooni darro siyaasadeed iyo dagaal
* Kooxo hubeysan oo khatar amni leh
Dawladda Mareykanka waxay ku leedahay nidaam amni oo adag kaas oo si gaar ah u baaraya dadka booqda meelaha loo arko "High risk security zones." Soomaaliya waa mid ka mid ah meelaha ugu sareeya liiskaas.
2. Shaki ku saabsan suurtagalnimada xiriir la lahaansho kooxo khatar ah
Booqashada Soomaaliya, xataa haddii ay tahay qoys booqasho ama dalxiis:
* Waxay kicisaa in la isweydiiyo meelaha uu qofku tagay
* Waxaa laga yaabaa in la baaro haddii uu ku sugnaa goobaha ay ka howlgalaan Al-Shabaab ama kooxo kale
* Nidaamka amniga Mareykanka (Security Screening System) ayaa calaamadeyn kara qofka,
inkasta oo uu yahay qofka muwaadin Yurub ah oo aan wax danbi ah galin
Tani waa mid ka mid ah sababaha ugu badan ee keenaya in fiisaha dib loo dhigo ama la diido.
3. Ujeeddada booqashada Soomaaliya oo aan si cad loo caddayn
Marka la codsanayo fiisaha Mareykanka, wareysiga safaaradda ayaa go’aamiya natiijada. Haddii:
* Ujeeddada safarka Soomaaliya aan si cad loo sharxin
* Aan la keenin caddeyn safarka (martiqaad, sababo qoys, ama shaqo)
* Socdaalka uu u ekaado mid aan rasmi ahayn
Waxaa kordhaya suurtogalnimada in dib loo dhigo fiisaha ama lagu diido.
4. Cabsi ku saabsan in codsadaha uu ku sii nagaado Mareykanka
In kasta oo qofku yahay muwaadin Yurub ah:
* Wali waxaa jira tuhun dhanka immigration-ka ah oo la xiriira dadka asalkoodu Soomaali yahay
* Waxaa jira kiisas h**e oo dad Yurub ah oo asal Soomaali ah Mareykanka ku joogay si sharci-darro ah
* Nidaamka Mareykanku wuxuu mararka qaarkood eegaa khatarta "overstay risk"
Socdaalka Soomaaliya wuxuu kordhiyaa su’aalaha ku saabsan joogitaankiisa.
5. Dhalashada Yurub oo aan ka difaacin baaritaanka adag
In kasta oo uu qofku haysto dhalashada:
* Sweden
* Norway
* Germany
* Netherlands
* France
* Ama dal kale oo Yurub ah
Haddii uu yahay asal Soomaali ama uu booqdo Soomaaliya, nidaamka fiise-bixinta Mareykanka wuxuu ku dabaqayaa:
* Security-based vetting
* Additional background checks
* Extended administrative processing
Dhalashada Yurub waxay fududeysaa safarka, laakiin ma yareyso khatarta amni ee la xiriirta booqashada Soomaaliya.
6. Xogta socdaalka (Travel History) oo si toos ah u muuqata
Mareykanku wuxuu adeegsadaa:
* Barnaamijyo xog-wadaag oo la leh dalalka Yurub
* Nidaamyo elektaroonik ah oo shaqaalahoodu ku arkaan dalalka uu qofku tagay
Marka Soomaaliya ku soo baxdo taariikhda safarka, qofku si toos ah ayuu ugu galaa liiska baaritaanka amni ee sare.
7. Sababo siyaasadeed iyo amni oo dalka Mareykanka u gaar ah
Mareykanka wuxuu yaqaanaa in:
* Soomaaliya ay tahay meel ay ku dhuumaalaysan karaan xubno ururo khatar ah
* Dadka kasoo laabtay ay u baahan yihiin xaqiijin dheeraad ah
* Dalalka qaarkood ay dhalasho siiyaan dad aan baaritaan adag lagu samayn (tusaale: muhaajiriin carar ku yimid)
Sidaas darteed, muwaadiniinta Yurub ee asal ahaan Soomaaliyeed waxaa lagu daraa kormeerka amniga ee dheeraadka ah.
Sidee qofka looga badbaadin karaa diidmada fiisaha?
1. In uu keeno caddeyn rasmi ah sababta uu Soomaaliya u tegay
Tusaale:
* Warqad martiqaad qoys
* Dukumenti aroos ama tacsi
* Shaqo ama booqasho NGO
* Warqad caddeyneysa inuu dalkaas ku sugnaa muddo gaaban oo la xiriirta arrin sharci ah
2. In uu muujiyo xiriir adag oo uu dib ugu laabanayo Yurub
* Shaqo buuxda oo rasmi ah
* Qoys ku nool Yurub
* Hanti,guri, ama waxbarasho
* Caddeyn dhaqaale oo ku filan
3. In uu sharaxaad degan oo macquul ah ka bixiyo wareysiga
Jawabaha wareysiga waa in ay ahaadaan kuwa
* Cad
* Isku xiran
* La hubo
* Aan ku saleysneyn walwal ama wareer
4. In uu haysto dukumentiyo qumman oo la xiriira safarkiisii Soomaaliya
Tusaale:
* Tigidhadii duulimaadka
* Caddeynta socdaalka iyo muddada uu joogay
* Warqad hotel ama ciddii martigelisay
Dadka Soomaaliyeed ee haysta dhalashada Yurub looma diido fiisaha Mareykanka dhalashadooda awgeed, balse booqashada Soomaaliya ayaa si toos ah u kicisa nidaam amni oo aad u adag. Taasi waxay keenaysaa:
* Baaritaan dheer
* Su’aalo dheeraad ah
* In mararka qaarkood fiisaha la diido
Laakiin haddii la keeno sharaxaad cad iyo dukumentiyo rasmi ah, waxaa hoos u dhacaya fursadda diidmada.
Dhamaad gabadha qaran ee Ramla oo ah feeryahanad caalami ah uma baahna in dowladda Soomaaliya ay ka sugto Baasaboorka diplomaasiga waa in ay booqataa safaaradda Mareykanka ee dalka ay joogto kedibna u sharaxdaa socdaalkeeda Soomaaliya.
Waxa ay isa soo saartay oo dunida is bartay ayada oo aan garab ka helin dowladdeeda iyo dadkeeda, hadana waa in ay ka fakartaa hormarkeeda.
