07/08/2024
❗16 წლის წინ,ზუეტად ამ დროს რუსეთ-საქართველოს ბოლო ომი დაიწყო რომელიც ჯერ არ დასრულებულა!
🔶2008 წლის 7 აგვისტოს დილის მდგომარეობით ომი ფაქტიურად დაწყებული იყო. ოსური პოზიციებიდან ქართული სოფლების დაბომბვა უკვე შეუჩერებლად და ინეტენსიურად მიმდინარეობდა. ქართულ სოფლებს ერედვს, ფრისს, ავნევს, დვანს, ნულს ესროდნენ 82 და 120 მმ ნაღმსატყორცნებიდან, 122 მმ Д-30 ჰაუბიცებიდან, СПГ-9 და АГС-17 ტიპის ყუმბარმტყორცნებიდან.
ფიქსირდებოდა Т-55 ტიპის ტანკებიდან 100 მმ ჭურვების სროლაც.
ღამის განმავლობაში ტრანსკამით რეგიონში შემოვიდნენ მანამდე 5 აგვისტოს როკის გვირაბის ჩრდილოეთით განლაგებული 135-ე და 693-ე მოტომსროლელი პოლკების ქვედანაყოფები.
09:30 საათზე საქართველოს შინაგან საქმეთა სამინისტრომ მოიპოვა სატელეფონო ჩანაწერი, სადაც სეპარატისტული რეჟიმის სამხედრო ფორმირებების ერთ-ერთი წარმომადგენელი ქართული სოფლებზე, ავნევსა და დვანზე დაგეგმილი მასშტაბური შეტევის შესახებ საუბრობდა.
დღის პირველ ნახევარში კოკოითი ცხინვალიდან ჯავაში გაემართა როკის გვირაბიდან შემოსული რუსული ნაწილების ხელმძღვანელობასთან შესახვედრად და შემდგომი დირექტივების მისაღებად.
დაახლოებით, 12:00 სთ-ზე, აფხაზეთის სეპარასტისტული რეჟიმის „პრეზიდენტმა“ სერგეი ბაღაფშმა განაცხადა, რომ აფხაზეთის სამხედრო ძალები საბრძოლო მზადყოფნაში იყვნენ, რათა გაეწიათ სამხედრო დახმარება ცხინვალელი „ძმებისთვის“.
14:00 საათზე არტილერიით დაიბომბა ავნევის ქართული სამშვიდობო ძალების საგუშაგო სოფელ ხეთაგუროვოდან. დაიღუპა 2 (შალვა ტრაპაიძე და ვიტალი თაყაძე) და დაიჭრა 5 ქართველი ჯარისკაცი.
პარალელურად იბომბებოდა სოფლები ნული, ქურთა, თამარაშენი, ზემო ფრისი. ოსებმა სარაბუკის სიმაღლის დაკავება უშედეგოდ სცადეს.
ამას ქართული მხარე დროდადრო შეზღუდული სიმძლავრის ცეცხლით პასუხობდა.
14:30 საათზე რუსეთის ჩრდილო კავკასიის სამხედრო ოლქში უმაღლესი საბრძოლო მზადყოფნა გამოცხადდა, დაქვემდებარებულმა ქვედანაყოფებმა საქართველოში შემოჭრის ბრძანება მიიღეს, ჯავაში წინა დღეებში უკვე შემოსულ ძალებს კი ცხინვალის მიმართულებით გადაადგილება დაევალათ. ეს უკვე იყო წითელი ხაზი რითიც რუსეთმა პირველ ეტაპზე, ოპერატიული დონის საერთო-საჯარისო სრულმასშტაბიანი საომარი ოპერაცია დაიწყო საქართველოს წინააღმდეგ.
14:30-15:00 საათების შუალედში საქართველოს თავდაცვის სამინისტრომ სრული მობილიზაცია გამოაცხადა.
15:00–17:00 საათებში საქართველოს სახელმწიფო მინისტრი, თემურ იაკობაშვილი, გაემგზავრა ცხინვალში, სადაც დაგეგმილი იყო ოსურ მხარესთან მოლაპარაკება. შეხვედრაზე არ გამოცხადდა არც რუსეთის წარმომადგენელი იური პოპოვი, არც სეპარატისტული მთავრობის წარმომადგენელი ბორის ჩოჩიევი. იაკობაშვილს შეხვდა სამშვიდობო ძალების სარდალი მარატ კულახმეტოვი, რომელმაც სახელმწიფო მინისტრს უთხრა, რომ ვერ ახერხებდა ედუარდ კოკოითთან დაკავშირებას და შექმნილ ვითარებაში რუს მშვიდობისმყოფელებს აღარ შეეძლოთ ვითარების კონტროლი.
17:00 საათზე მარატ კულახმეტოვმა უარი თქვა ცხინვალის შტაბში მომუშავე ქართველი სამხედროების უსაფრთხოების უზრუნველყოფაზე, რის შედეგადაც ქართული სამშვიდობო ძალების სარდალმა, მამუკა ყურაშვილმა, გასცა ბრძანება ქართველი ოფიცრების მიერ ცხინვალის შტაბის დატოვების შესახებ.
7 აგვისტოს საღამოს 22:00 საათზე ოსები სოფელ ავნევის აღებას ზეიმობდნენ. 22:30 სთ-ზე კი ოსურმა ძალებმა ცეცხლი გაუხსნეს სოფლებს ზემო ფრისსა და თამარაშენს, ცხინვალიდან და თლიაყანადან.
დღის განმავლობაში განხორციელებული დაბომბვების შედეგად დაღუპული იყო 10 ქართველი ჯარისკაცი.
საღამოს საათებში განხორციელდა მასიური კიბერშეტევა საქართველოს სამთავრობო და სამოქალაქო ინტერნეტ საშუალებებზე. ქართული ინტერნეტ-სერვერების უმეტესობა დაიჰაკა.
23:00 საათზე დაზვერვამ როკის გვირაბიდან დაახლოებით 150 ერთეულამდე სხვადასხვა ჯავშანმანქანისგან შემდგარი სამხედრო კოლონის შემოსვლა დააფიქსირა.
რეგიონში დაფიქსირდა ისეთი სისტემების შემოყვანა როგორებიცაა ოპერატიულ-ტაქტიკური ბალისტიკური სარაკეტო კომპლექსი 9К79-1 Точка-У და 220 მმ-იანი ზალპური ცეცხლის სისტემა 9П140 Ураган.
დაახლოებით 23:35 საათზე საქართველოში რუსეთის ჩრდილო კავკასიის სამხედრო ოლქის მასშტაბური შემოჭრის და ქართული სოფლების უწყვეტი დაბომბვის საპასუხოდ, საქართველოს პრეზიდენტმა საქართველოს შეიარაღებული ძალების გენერალურ შტაბს სამი ბრძანება მისცა:
- დაიცვან ცხინვალის რეგიონში სამოქალაქო მოსახლეობის უსაფრთხოება.
- გაანეიტრალონ სეპარატისტების საცეცხლე პოზიციები საიდანაც გაუჩერებლად მიდიოდა ქართული სოფლების საარტილერიო დაბომბვა.
- შეაჩერონ რუსეთის შეიარაღებული ძალების მექანიზებული კოლონების მოძრაობა როკის გვირაბიდან ცხინვალის მიმართულებით.
23:50 საათისთვის საქართველოს შეიარაღებული ძალების საარტილერიო ბრიგადამ, ჯავიდან ცხინვალისკენ მომავალი რუსული სამხედრო კოლონების საარტილერიო დამუშავება და ცხინვალის გარშემო საველე პოზიციებზე მდგარი ოსური სეპარატისტული ფორმირებების და მათი საარტილერიო/ჯავშანსატანკო ტექნიკის განადგურება დაიწყო.
''ვემსახურები საქართველოს” - ყოველ კვ?
