13/03/2026
30 ilin son 10 ilini şüurlu şəkildə, öz istəklərimlə yaşamışam. Amma sözün əsl mənasında yaşamaqdan söhbət gedirsə, son 5 ildir yaşamağa çalışıram. Özümü, istəklərimi, məni nəyin xoşbəxt etdiyini bilərək…
Yaşamaq asan deyil. Mən maddi olaraq yaşamaqdan bəhs etmirəm. Özün olaraq yaşamaqdan bəhs edirəm. İstər-istəməz bullinqə məruz qalırıq, gprünüşümüz, geyimimiz, şəxsi həyatımız müzakirəyə çevrilir. Tanıdığımız və ya tanımadığımız şəxslər tərəfindən manipulyasiyaya məruz qalırıq. Bütün o təsir və təzyiqlərə rəğmən öz istəklərini başa düşmək və uzaqlaşmamağa çalışmaq çox çətindi.
Həə, bir də müqayisələr var.. istəsən belə bəzən adam özünü kiminləsə müqayisə edərkən tapır. Bax, həyatımızdakı bütün gözəlliklər və hüzur o müqayisələr nəticəsində bizdən uzaqlaşıb gedir.
Standart olan həyatların içində standartlardan uzaq qalmağa çalışanlar bəlkə anlayar məni..
Bu tərəfdən yaşamağa çalışmaq zatən çətindi. Bir tərəfdən də bilirsiz nə var?? Tam olaraq özünü tapa bilməmək. Çox qəribədi, bəzən nə istədiyini bilirsən, bəzən yox. Bəzən əminsən, bəzən şübhəli..
Ümid edirəm 30-lar mənə tam olaraq nə ilə məşğul ol aq istədiyimi və özümü tapa biləcəyim sahəni gətirər…
Amma hər bir halda, keçən 30 ildə, ən çox da son 5 ildə öyrənmişəm ki, xoşbəxt hiss etməyim üçün gözləntilərimi 0-da tutmalıyam. Əksi üzür və təsirə salır.
Təkcə özüm üçün yox, hamımız üçün deyirəm, xoşbəxt hiss edəcəyimiz mühitdə, özü ilə qarşılaçmıı, barışmış və qəbul etmiş insanların əhatəsində olmaq diləyi ilə..
