გამომცემლობა არტანუჯი • Artanuji Publishing

  • Home
  • გამომცემლობა არტანუჯი • Artanuji Publishing

გამომცემლობა არტანუჯი • Artanuji Publishing მისამართი: ჭავჭავაძის გამზ.5, თბილისი
Address: Chavchavadze Ave.5, Tbilisi, Georgia
ტელ/Tel (+995 32) 2 25 05 22

გამომცემლობა „არტანუჯი“ 2000 წელს ამავე სახელწოდების საისტორიო ჟურნალის ბაზაზე დაარსდა. ვამაყობთ, რომ ოც წელზე მეტია ჩვენი გამომცემლობა ხარისხიან საისტორიო სამეცნიერო-პოპულარულურ ლიტერატურასა და სასკოლო სახელმძღვანელოებთან ასოცირდება.

ჩვენი პროფესიონალი გუნდის ენთუზიაზმითა და სიახლის მუდმივი ძიებით შეიქმნა არაერთი პოპულარული სერია: „ექვთიმე თაყაიშვილის თხზულებების მრავალტომეული“ „თან საკითხავი“,

„უცნობი გრიგოლ რობაქიძე“, „სხვა კლასიკა“, „გავიცნოთ საქართველო“, „თანამედროვე დრამატურგია“, „ფეხბურთელების ავტობიოგრაფიები“ და სხვ.

ჩვენს ერთგულ მკითხველებში მოწონებით სარგებლობს „არტანუჯის“ მიერ გამოცემული მსოფლიო ბესტსელერების მაღალმხატვრული თარგმანები, ქართული პროზა და პოეზია, ესეისტიკა და დოკუმენტური პროზა, ლექსიკონები, ალბომები თუ ტურისტული გზამკვლევები. აღსანიშნავია, რომ ჩვენი გუნდი ყოველწლიურად მონაწილეობს საერთაშორისო წიგნის ბაზრობებში, სადაც წარვადგენთ ქართველ ავტორებს და ასევე ვიძენთ საავტორო უფლებებს უცხოური, გამორჩეული წიგნების თარგმნაზე.

ჩვენს ახალ მიმართულებაში – „არტანუჯი ბავშვებისთვის“ პატარა მკითხველი ქართული კლასიკური ლიტერატურის გრაფიკულ ვერსიებსაც შეხვდება და ქართულ ზღაპრულ ზღაპრებსა და მითებსაც. „არტანუჯი“ ლიდერია ღია ბარათების მრავალფეროვნებითა და ხარისხით. თუ უცხოელი სტუმრისათვის საჩუქარს ეძებთ ან საყვარელი ადამიანისათვის დღესასწაულის მილოცვა გსურთ, ჩვენი ბარათები შეგიძლიათ დაიმგზავროთ. The publishing house Artanuji was founded in 2000 based on the history magazine of the same name. Consequently, its main area of interest is history, historical research and academic aspects. Apart from historical books, Artanuji publishes fiction, books on popular science, biographies of famous people, books for children and dictionaries. Artanuji is the leader in the diversity and quality of postcards it produces.

📣 20 ივლისი ესმა ონიანის დაბადების დღეა!▪️„გენიალური სიჯანსაღე – ძალიან მოკლედ ალბათ ამ ორ სიტყვაში შეიძლება ჩაეტიოს ფენ...
20/07/2025

📣 20 ივლისი ესმა ონიანის დაბადების დღეა!

▪️„გენიალური სიჯანსაღე – ძალიან მოკლედ ალბათ ამ ორ სიტყვაში შეიძლება ჩაეტიოს ფენომენი, რომელსაც ესმა ონიანი ჰქვია.“ – მაკა ჯოხაძე

♦️ „ესმა ონიანი დაბადებული იყო დედოფლად და იქცეოდა როგორც
დედოფალი. ჯერ თავისი შემოქმედების გარიჟრაჟზევე, როცა თვით მის გარდა, ჯერ არავინ უწყოდა, რა იყო, როგორი იყო და რომელ ადამიანურ განზომილებაში იყო განლაგებული ის პოეტური სამყარო, რომლის გამოსახვა მას, თურმე, ეწერა.“ – ნოდარ ნათაძე

▪️„ესმას მოსვლამ დაადასტურა ერთი უეჭველი ჭეშმარიტება, რომელზეც ჩვენ არ ვსაუბრობთ ხოლმე, რომელზეც საუბარს გადაგვაჩვია კომუნისტურმა კოშმარმა.

▪️სახელდობრ იმან, რომ შემოქმედი – პოეტი, მხატვარი, მუსიკოსი, ეს არის, უწინარეს ყოვლისა, სულის გაცხადება.

▪️მას თავისი შემოქმედებით მოაქვს ზეციური სამყაროს, ზესთა სოფლის გამოცდილება ამქვეყნად და გვიზიარებს ღვთაებრივ სიმაღლეს და მშვენიერებას.“ – რეზი თვარაძე

♦️ ბანერზე – ფრაგმენტი გენო კალანდიას ლექსიდან

📕 ესმა ონიანის პოეზიისა და ესეისტიკის სრული კრებული – „ისევ მე ვარ?! ისევ მოვსულვარ!“ შეგიძლიათ მოიკითხოთ წიგნის ნებისმიერ მაღაზიაში.

#არტანუჯისკალენდარი
#იკითხეარტანუჯისწიგნები

18/07/2025

📣 ჩვენი ავტორები, ისტორიკოსები – ნიკა ხოფერია და ალექსანდრე მიქაბერიძე „მწარე პოდკასტში“ თემაზე „ნაპოლეონი: საქართველო. ამერიკა და მსოფლიო“ და წიგნებზე – „ნაპოლეონი (51 კითხვა და ამდენივე პასუხი)“, „ნაპოლეონის მარშლები“ – საუბრობენ.

📺 გადაცემა სრულად შეგიძლიათ იხილოთ ბმულზე: https://ref.ge/yF9h0

📕 „არტანუჯის“ მიერ გამოცემული ალექსანდრე მიქაბერიძისა და ნიკა ხოფერიას წიგნები ნაპოლეონზე ნახეთ ბმულზე: https://ref.ge/D9AIv

#არტანუჯი #მწარეპოდკასტი
#იკითხეარტანუჯისწიგნები

🔶 „არტანუჯი“ გორის წიგნის ბაზრობაზე! ↗️ გორი პირველი ქალაქია, სადაც საქართველოს წიგნის ასოციაცია 26 ივლისს, „ხელოვნების ...
18/07/2025

🔶 „არტანუჯი“ გორის წიგნის ბაზრობაზე!

↗️ გორი პირველი ქალაქია, სადაც საქართველოს წიგნის ასოციაცია 26 ივლისს, „ხელოვნების სახლში“, წიგნის რეგიონულ ბაზრობას გამართავს.

📘 ბაზრობაზე „არტანუჯის“ მრავალფეროვანი გამოცემები განსაკუთრებულ ფასად იქნება წარმოდგენილი. გელით! 🧡

#არტანუჯი #გორი #ხელოვნებისსახლი
#საქართველოსწიგნისასოციაცია

♦️ „როგორც უნდა შეფასდეს საბოლოოდ ნოე ჟორდა­ნიას მმართველობა, უცილობელია, რომ მან ხელი შეუწყო ეროვნული მთლიანობის და თავ...
17/07/2025

♦️ „როგორც უნდა შეფასდეს საბოლოოდ ნოე ჟორდა­ნიას მმართველობა, უცილობელია, რომ მან ხელი შეუწყო ეროვნული მთლიანობის და თავისუფლების იდეების აღორძინებას.

♦️ ეს იდეები კი რამდენიმე სა­უკუნის განმავლობაში მიჩქმალული იყო ქართველი ერის შეგნებაში.

♦️ შემოფარგლულ იქმნა საქართველოს სახელმწიფოებრივი საზღვრები, რომლებიც დღემდე არსებითად აღარ შეცვლილან.

♦️ ქართველო­ბას განუმტკიცდა რწმენა, რომ მას საკუთარი სახელმწიფოს შექმნა შეუძლია ურთულეს საერთაშო­რისო პირობებში.“

▪️გერონტი ქიქოძე „თანამედროვის ჩანაწერებში“ გვიყვება საქართველოს დამოუკიდებელ რესპუბლიკაზე, დაკარგული თავისუფლების, დიდი ტერორის შემოქმედთა და რეპრესირებულთა შესახებ... ესაა წიგნი გამაოგნებელი სისასტიკის, აბსურდისა და ბოროტების მრავალწლიან სისხლიან ქრონიკაზე.

📕 გამოცემა ხელმისაწვდომია წიგნის ნებისმიერ მაღაზიაში.

#ისტორიულიპორტრეტი #წითელი70
#იკითხეარტანუჯისწიგნები

📣 14 ივლისი საქართველოს ეროვნული გმირის – ქაქუცა ჩოლოყაშვილის დაბადების დღეა!▪️ქაქუცა ჩოლოყაშვილი საქართველოს ისტორიის ე...
14/07/2025

📣 14 ივლისი საქართველოს ეროვნული გმირის – ქაქუცა ჩოლოყაშვილის დაბადების დღეა!

▪️ქაქუცა ჩოლოყაშვილი საქართველოს ისტორიის ერთ-ერთი გამორჩეული ფიგურაა – ეროვნული ღირსების, დაუმორჩილებლობის, პატრიოტიზმის მაგალითი.

📘 გოჩა საითიძის „თან საკითხავ“ წიგნში – „ქაქუცა. 64 ამბავი“ ქრონოლოგიური თანმიმდევრობით წაიკითხავთ ქაქუცას ცხოვრების საინტერესო ეპიზოდებს და საქართველოს დამოუკიდებლობის აღსადგენად მისი შეუპოვარი ბრძოლის შესახებ საბჭოთა რეჟიმისა და რუსი დამპყრობლების წინააღმდეგ.

▪️წარსული გამოცდილების ცოდნა აუცილებელია დღევანდელობის გასააზრებლად. ქაქუცას განვლილი გზა კი დღესაც გვახსენებს და გვავალდებულებს: არ შევეგუოთ უსამართლობას, არასდროს ვთქვათ უარი ბრძოლაზე და არ დავთმოთ თავისუფლება.

📘 გამოცემა ხელმისაწვდომია წიგნის ნებისმიერ მაღაზიაში.

#არტანუჯისკალენდარი
#თანსაკითხავი
#იკითხეარტანუჯისწიგნები

❗ #ჩვენიუახლესიისტორია – წაიკითხეთ, გაიხსენეთ, გაიაზრეთ📕 ირაკლი ლაითაძის „იყო ასეთი ქვეყანა – CCCP. გასეირნება უახლოეს წ...
12/07/2025

❗ #ჩვენიუახლესიისტორია – წაიკითხეთ, გაიხსენეთ, გაიაზრეთ

📕 ირაკლი ლაითაძის „იყო ასეთი ქვეყანა – CCCP. გასეირნება უახლოეს წარსულში“

📜 ეს წიგნი გულწრფელი, პირადი და დოკუმენტური მოგზაურობაა საბჭოთა ეპოქაში, სადაც სისტემა ქმნიდა სიმახინჯეს კანონად, აბსურდს – ყოველდღიურობად და შიშს – იარაღად.

📜 ირაკლი ლაითაძე იხსენებს ტოტალიტარული რეჟიმის მეთოდებს ღია ძალადობიდან სასტიკ ფსიქოლოგიურ ზეწოლამდე. „იყო ასეთი ქვეყანა – CCCP“ მკითხველს საშუალებას აძლევს ზუსტად დაინახოს, როგორია ცხოვრება მაშინ, როცა ინდივიდს უფლება არა აქვს ფიქრზე, არჩევანსა და საკუთარ ხმაზე.

📕 „ოკუპაციიდან დამოუკიდებლობამდე. 1921-1991“ – კრებული „უახლესი ისტორიის ცენტრის“ მიერ ჩატარებული ორი სამეცნიერო კონფერენციის – „საბჭოთა წარსული საქართველოში“ და „დამოუკიდებლობის 30 წელი“ – მასალებს აერთიანებს.

📕 წიგნში მოცემულია მრავალი საკითხი, რომელიც შეეხება საბჭოთა რუსეთის მიერ საქართველოს ოკუპაციას, საბჭოთა საქართველოს ისტორიას, მის კულტურას, საზოგადოებას, ეროვნულ-განმათავისუფლებელ მოძრაობას, რეგიონულ კონფლიქტებს საქართველოში და ა. შ.

📜 სამეცნიერო ნაშრომებთან ერთად, კრებულში გამოქვეყნებულია სხვადასხვა სახის ისტორიული დოკუმენტი, რომელთა უმრავლესობაც ქართულ სამეცნიერო სივრცეში პირველად იხილავს დღის სინათლეს.

📕 გამოცემები ხელმისაწვდომია წიგნის ნებისმიერ მაღაზიაში.

#არტანუჯი #უახლესიისტორიისცენტრი
#იკითხეარტანუჯისწიგნები

10/07/2025

📣 ჩვენი ავტორები – გიორგი სორდია და სულხან სალაძე საქართველოს ევროპულ რუკებზე ისტორიკოს ბექა კობახიძის საავტორო გადაცემაში „აქტუალური ისტორია“ საუბრობენ.

📺 გადაცემა სრულად შეგიძლიათ ნახოთ ბმულზე: https://shorturl.at/KcfND

📗 გიორგი სორდია, „საქართველო ევროპულ რუკებზე“ | ვრცლად წიგნის შესახებ წაიკითხეთ ჩვენს საიტზე: https://shorturl.at/ijSjH

📘 სულხან სალაძე, „ძველი ტფილისის ევროპული გრავიურები“ | წიგნის შესახებ ვრცლად ჩვენს საიტზე: https://shorturl.at/zDuke

#არტანუჯი #მისმინე
#აქტუალურიისტორია
#იკითხეარტანუჯისწიგნები

✍️ „თეორიულად ვიცით, რომ დედამიწა ბრუნავს, მაგრამ რეალურად ამას ვერ შევიგრძნობთ, მიწა, რომელზეც დავდივართ, გვეჩვენება, ...
10/07/2025

✍️ „თეორიულად ვიცით, რომ დედამიწა ბრუნავს, მაგრამ რეალურად ამას ვერ შევიგრძნობთ, მიწა, რომელზეც დავდივართ, გვეჩვენება, არ იძვრის და ვცხოვრობთ მშვიდად.

⏳ ასევეა დრო ცხოვრებაში. და მისი რბოლა რომ შესაგრძნობი გახადონ,
მწერლები იძულებულნი არიან, გიჟურად ააჩქარონ საათის ქანქარა, მკითხველს ათ წუთში გადააკვეთინონ ათი, ოცი, ოცდაათი წელი.

✍️ გვერდის თავში ვტოვებთ იმედით აღვსილ საყვარელს, მეორე გვერდის ბოლოს კი ვპოულობთ ოთხმოცი წლის ბერიკაცს, რომელიც თავშესაფრის შიდა ეზოში ყოველდღიური სეირნობისას ძლივსღა ახერხებს სიარულს და დასმულ კითხვებს გაჭირვებით პასუხობს, რადგან წარსული დავიწყებია.

✍️ ჩემზე ნათქვამით: „ბავშვი აღარაა, მისი გემოვნება აღარ შეიცვლება“, და ა. შ. მამაჩემმა ერთბაშად დროში ამომაყოფინა თავი, და იმავე ტიპის მწუხარება მომანიჭა, როგორიც მექნებოდა თავშესაფარში გამწესებული გამობენტერებული ბებერი არა, მაგრამ ის გმირი რომ ვყოფილიყავი, რომელზეც ავტორი გულგრილი და უკიდურესად დაუნდობელი ტონით გვეუბნება წიგნის ბოლოს: „ის უფრო და უფრო ნაკლებ გადიოდა სოფლიდან. ის იქ საბოლოოდ დასახლდა“ და ა. შ.“

📣 10 ივლისი გენიალური ფრანგი მწერლის – მარსელ პრუსტის დაბადების დღეა!

📗 „შეღერებულ ქალიშვილთა ჩრდილში“ მარსელ პრუსტის შვიდწიგნიანი ცილკის „დაკარგული დროის ძიებაში“ მეორე ტომია.

▪️რომანი, პირველი მსოფლიო ომის დაწყების გამო, ნაცვლად 1914 წლისა, პირველად 1919 წელს გამოქვეყნდა. იმავე წელს მიენიჭა გონკურის პრემია.

✍️ ფრანგულიდან თარგმნა და განმარტებები დაურთო დალი იაშვილმა

#არტანუჯისკალენდარი
#იკითხეარტანუჯისწიგნები

👇 For English scroll down 📣 გსურთ, უცხოელ სტუმრებს საქართველო გააცნოთ?🔸 ამის საუკეთესო საშუალება ხომ მდიდარი ქართული ფოლ...
07/07/2025

👇 For English scroll down

📣 გსურთ, უცხოელ სტუმრებს საქართველო გააცნოთ?

🔸 ამის საუკეთესო საშუალება ხომ მდიდარი ქართული ფოლკლორული მემკვიდრეობაა – მითიური გმირებითა და ზღაპრული ზღაპრებით, საინტერესო ტრადიციებითა და ხალხური სიბრძნით.

🤝 გაუზიარე „არტანუჯის“ ინგლისურენოვანი წიგნები უცხოელ მეგობრებსა და კოლეგებს. ერთად გავაცნოთ ქართული კულტურა მსოფლიოს.

📙 წიგნები განკუთვნილია როგორც მოზარდებისთვის, ისე ზრდასრულთათვის.
ეს და სხვა უცხოენოვანი გამოცემები იხილეთ ბმულზე: https://shorturl.at/xv03V

📘 „არტანუჯის“ ინგლისურენოვანი წიგნები, რომელთა გამოწერა Amazon-დან შეგიძლიათ იხილეთ ბმულზე: https://shorturl.at/BKiN9

📣 Would you like to get to know Georgia?

🔸 One of the best ways to do so is through Georgia’s rich folkloric heritage – with its mythical heroes, magical tales, fascinating traditions, and timeless folk wisdom.

🤝 Explore Artanuji’s English-language books and immerse yourself in Georgian culture.

📙 The books are intended for both young readers and adults. You can find these and other foreign-language editions at the following link: https://shorturl.at/xv03V

📘 You can find and order Artanuji’s English-language books on Amazon at the following link: https://shorturl.at/BKiN9

#გავიცნოთსაქართველო
#იკითხეარტანუჯისწიგნები

📣 5 ივლისიდან 17 აგვისტომდე, წიგნის მაღაზიებში „ლატერნა“ და „სანტა ესპერანსა“ „არტანუჯის“ აღნიშნულ ბესტსელერებზე ფასდაკლ...
04/07/2025

📣 5 ივლისიდან 17 აგვისტომდე, წიგნის მაღაზიებში „ლატერნა“ და „სანტა ესპერანსა“ „არტანუჯის“ აღნიშნულ ბესტსელერებზე ფასდაკლება იმოქმედებს.

📙 ვაჟა სიმონიშვილი – „ლიონელ მესი“ | 9.60 ₾

📘 ჯონ სტაინბეკი – „თაგვებსა და ადამიანებზე“ | 12 ₾
▪️ინგლისურიდან თარგმნა გვანცა ჯობავამ

📘 ხალიდ ჰოსეინი – „მთებმა მთებს უთხრეს“ | 17.60 ₾
▪️ინგლისურიდან თარგმნა ლალი ყუშიტაშვილმა

📕 მარია რესა – „როგორ დავამარცხოთ დიქტატორი“ | 28 ₾
▪️ინგლისურიდან თარგმნა ხატია დეკანოიძემ

#არტანუჯი #ლატერნა #სანტაესპერანსა
#დიქტატურიდანდემოკრატიამდე
#ლეგენდები #ბესტსელერები
#იკითხეარტანუჯისწიგნები

🏈 საქართველოში რაგბი, დიდი ხანია, გამარჯვებასთან ასოცირდება, მაგრამ მის შესახებ არც ისე ბევრი ადამიანი საუბრობს. ამ წიგნ...
03/07/2025

🏈 საქართველოში რაგბი, დიდი ხანია, გამარჯვებასთან ასოცირდება, მაგრამ მის შესახებ არც ისე ბევრი ადამიანი საუბრობს. ამ წიგნში თავმოყრილი ამბები ცხადყოფს, რატომაც უყვარს ის მსოფლიოს მილიონობით გულშემატკივარს.

🏈 გამოცემაში ბევრ საინტერესო ინფორმაციას გაიგებთ რაგბიზე. ეს ამბები სპორტის ამ ძალიან მაგარ სახეობას უფრო მეტად შეგაყვარებთ და მის კულტურას კიდევ უფრო სხვანაირად დაგანახებთ.

🏈 წიგნში 80 ამბავია თავმოყრილი. ბუნებრივია, რაგბის შესახებ გაცილებით მეტი საინტერესო რამ შეიძლება დაიწეროს, მაგრამ რადგან სათამაშო დრო 80 წუთს გრძელდება, ამბების რაოდენობაც, სიმბოლურად, ოთხმოცია.

💪 „რაგბი ჩვენი თამაშია“ – დიდი ხანია, საქართველოში რაგბის ასეთი სულისკვეთებით ვგულშემატკივრობთ. იმედი მაქვს, ეს წიგნიც ისევე გახდება ჩვენი, როგორც რაგბია.

📕 ლადო გოგოლაძის „რაგბი. 80 ამბავი“ შეგიძლიათ მოიკითხოთ წიგნის მაღაზიებში ან გამოიწერეთ ფასდაკლებით ბმულიდან: https://ref.ge/vSCc2

📣 5 ივლისს, 21:00 საათზე, მიხეილ მესხის სტადიონზე, საქართველო ირლანდიის ნაკრებს უმასპინძლებს. უგულშემატკივრე საქართველოს!

#თანსაკითხავი #რაგბიჩვენითამაშია
#იკითხეარტანუჯისწიგნები

📣 2 ივლისი სპორტულ ჟურნალისტთა საერთაშორისო დღეა!👥 „არტანუჯის“ სერია „ლეგენდების“ წიგნებზე ჩვეული პროფესიონალიზმით არაერ...
02/07/2025

📣 2 ივლისი სპორტულ ჟურნალისტთა საერთაშორისო დღეა!

👥 „არტანუჯის“ სერია „ლეგენდების“ წიგნებზე ჩვეული პროფესიონალიზმით არაერთმა სპორტულმა ჟურნალისტმა იმუშავა. ვულოცავთ ჩვენს ავტორებსა და ყველა სპორტულ ჟურნალისტს პროფესიულ დღეს!

⚽🏀 სერია „ლეგენდები“ მსოფლიო დონის ქართველ თუ უცხოელ სპორტის ვარსკვლავებზეა, რომლებმაც ნიჭით, დაუღალავი შრომით, მიზანსწრაფულობით წარუშლელი და შთამაგონებელი კვალი დატოვეს სპორტის ისტორიაში.

📙 ვრცლად სერიის წიგნების შესახებ გაიგეთ ჩვენს საიტზე: https://ref.ge/ZiLvM

#არტანუჯისკალენდარი #ლეგენდები
#იკითხეარტანუჯისწიგნები

Address


Opening Hours

Monday 10:00 - 19:00
Tuesday 10:00 - 19:00
Wednesday 10:00 - 19:00
Thursday 10:00 - 19:00
Friday 10:00 - 19:00
Saturday 10:00 - 19:00

Telephone

+995 32 2 25 05 22

Website

Alerts

Be the first to know and let us send you an email when გამომცემლობა არტანუჯი • Artanuji Publishing posts news and promotions. Your email address will not be used for any other purpose, and you can unsubscribe at any time.

Contact The Business

Send a message to გამომცემლობა არტანუჯი • Artanuji Publishing:

Shortcuts

  • Address
  • Telephone
  • Opening Hours
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share