20/09/2025
81 წლის წინ, 1944 წლის 19 სექტემბერს ფინეთსა და საბჭოთა კავშირს შორის დაიდო ზავი, რომლის მიხედვითაც სსრკ-მა ფინეთის ტერიტორიების 11% მიითვისა(რუკაზე წითლად აღნიშნული ტერიტორიები).
მინდა შემოგთავაზოთ ამონარიდი ისტორიის დოქტორ ბექა კობახიძის სტატიიდან "ნეიტრალიტეტის ხაფანგი":
"რუსულ ექსპერტულ წრეებში არაერთხელ გაჟღერებულა იდეა, რომ რუსულ-ქართულ ურთიერთობათა ჩიხიდან გამოსავალია საქართველოს „ფინლანდიზაცია". რა არის ფინლანდიზაცია? რუსეთმა 1940 წელს დაიპყრო ფინეთის ტერიტორიის მოზრდილი ნაწილი, მეორე მსოფლიო ომის შემდეგ აიძულა ქვეყანა აღნიშნული მიწები რუსეთის ნაწილად ეცნო, ბოლოს ნეიტრალიტეტის გამოცხადება მოსთხოვა და შემდეგ დაამყარა მასთან „ცივილური" ურთიერთობა, რომელიც სინამდვილეში არასდროს ყოფილა ცივილური. „ფინლანდიზაცია“ არის პროექტი, რომელსაც კრემლი ცდილობს თავზე მოახვიოს საქართველოს. გვინდა ჩვენ სამუდამოდ დავუკანონოთ რუსეთს საქართველოს ტერიტორიები, უარი ვუთხრათ დევნილებს საკუთარ სახლებში დაბრუნების უფლებაზე და ვუზრუნველვყოთ თბილისიდან რამდენიმე კილომეტრში რუსეთის ბაზების ლეგალური არსებობა? ალბათ ძალიან არ უნდა გიყვარდეს საკუთარი ქვეყანა ასეთი შესაძლებლობა, რომ განიხილო."
უფრო ვრცლად ნეიტრალიტეტზე, უბლოკო საქართველოზე და პრორუსულ-პოპულისტურ სისულელეებზე იხილეთ ეს არაჩვეულებრივი სტატია:
http://sknews.ge/index.php?newsid=8307
