15/07/2025
ვისაც მონადირეების ბედი გაინტერესებთ:
სცენარზე მუშაობა მიმდინარეობს. იწერება ის სიტყვები და სცენები, რაც ვფიქრობ დღეს ყველაზე მეტად სჭირდება საზოგადოებას. შემოქმედებითად დანახული ის გარემო, რომელშიც აღმოვჩნდით. სამწუხაროდ, ნათელი არაა მოხდება თუ არა ამ ყველაფრის ეკრანზე გადატანა. ცალსახაა გულგრილობა ყველა კომპანიისა, ვისთანაც კომუნიკაცია ვცადეთ. ძალიან დიდია იმ ადამიანთა რიცხვი, ვინც ელოდება სერიალს და მხარდაჭერას გვიცხადებს, ამიტომ თავს მოვალედ ვთვლი მადლობა საჯაროდ გადაგიხადოთ ამ სიყვარულისთვის, რომელსაც ყოველ დღე ვაწყდები ქუჩაში თუ სოციალურ ქსელში.
სამწუხაროა რომ სიტყვები ,,რატომ იჭერენ ჩვენს ქალაქში ყველას, კრიმინალების გარდა'' მძიმე სინამდვილე გახდა და არ დარჩა მხოლოდ ეკრანზე წარმოთქმული მონოლოგის ნაწილად. მეორე სეზონზე ბევრს არაფერს ვიტყვი. მნიშვნელოვანი მხოლოდ ისაა, რომ ვცხოვრობდეთ ისეთ გარემოში, სადაც ,,მონადირეები''გადამეტებულ ფანტაზიად და არა რეალობად მოგვეჩვენება, რადგან ჯანსაღ საზოგადოებაში არასადაა მათი ადგილი.
ლაზარუსი
