12/07/2025
ჯარა ფუტკრის ქართული ტრადიციული სკაა, რომელიც საქართველოში უძველესი დროიდან გამოიყენება.
დღესდღეობით ველური ფუტკრებისგან თაფლის წარმოების ტექნოლოგიები იშვიათია, თუმცა, საქართველო ერთ-ერთი ადგილია მსოფლიოში, სადაც ჯარას თაფლს ჯერ კიდევ აწარმოებენ, კერძოდ, დასავლეთ საქართველოს სუბტროპიკულ და ალპურ ზონებში მდებარე სოფლებში, ძირითადად ზემო აჭარაში.
ჯარას სკა, რომლის იდეა ხეში არსებული ფუღუროდან გაჩნდა, ნამდვილი და უნიკალური არომატის მატარებელი ველური თაფლის შექმნის საშუალებას იძლევა - ჯარა გახლავთ ველური ფუტკრების ბუნებრივი სახლი, რომელსაც არც ხელოვნური ცვილი და არც მეფუტკრეების განსაკუთრებული ზრუნვა სჭირდება.
ფუტკარი ჯარას სკაში ფიჭას მთლიანად თვითონ აშენებს. ეს არის ველური ყვავილებისგან მიღებული ყველაზე მაღალი ხარისხის თაფლი, რომელიც უკვე საქართველოს ფარგლებს გარეთაც გადის.
ჯარას თაფლი - http://jarahoney.com/
ჯარას მეფუტკრეთა ასოციაციის საიტია - https://jarabeekeepers.org/
