BYC MEDIA 休閒、潮流、互動資訊平台

Home
Hong Kong
Central & Western District
BYC MEDIA 休閒、潮流、互動資訊平台

𝗕𝗬𝗖 | 休閒、潮流、互動資訊平台
⠀
= BE YOUR COMPANY
-
📱探索網絡熱話、休閒資訊、潮流動態的資訊平台
📍全港首創中環LKF打卡點(24小時)
🫧
🎧
-
📮廣告合作 | [email protected]

24/11/2025

《BYC潮流》：美國年度「暴龍跑」超爆笑，百幾隻恐龍集體暴走

美國維珍尼亞州每年都會舉辦一個超騎呢嘅「T-Rex Run」（暴龍路跑），參加者個個都要著住件吹氣暴龍衫，齊齊喺公園暴走！

呢個活動主打開心同輕鬆玩，路程超短只有 0.6 公里，唔計時亦都冇名次，所以見到啲「恐龍」跑起上嚟左搖右擺，個頭 fing fing 吓，仲要勁多人仆低，真係隔住個 mon 都笑到有腹肌！😂 現場仲有大恐龍拖住小恐龍嘅親子組合，畫面極度療癒。

香港幾時都搞返個？肯定勁好玩，到時將維園變成侏羅紀公園！🦖

-

🔗WTSAPP或者EMAIL我地以獲取更多廣告合作資訊喇
#暴龍路跑

23/11/2025

《BYC美劇》：如果全世界都好開心，得你一個唔開心，究竟係你有病定世界有病？🤔

諗過呢個問題未？Apple TV+套新劇《萬中選一》就係玩呢個概念！

想像下有日全世界嘅人都變到勁Happy勁Nice，唔會嬲唔會傷心，好似一個烏托邦咁。但得你一個仲識得sad、識得發脾氣，結果全世界都當你係怪物，迫你都要跟大隊一齊「幸福」。嘩，諗深一層真係毛管戙！😱

呢套劇就係講女主角點樣喺呢個「被幸福」嘅世界掙扎求存。究竟係保留自己嘅喜怒哀樂重要，定係融入一個冇痛苦嘅集體更重要？套劇節奏慢慢哋，但愈睇愈心寒，會令你反思好多嘢，例如我哋係咪有時都為咗合群而扮開心？

《絕命律師》個女主角做得超好，睇住佢一個人對抗全世界，嗰種孤獨感真係穿透個mon。推薦畀鍾意諗嘢嘅朋友！

-

Follow我哋IG緊貼最新資訊

🔗WTSAPP或者EMAIL我地以獲取更多廣告合作資訊喇
#萬中選一 #煲劇推薦 #如果我是主角 #人性反思 #開心真係大晒咩 #自由意志 #集體主義

22/11/2025

《BYC潮流》：Nike唔賣鞋走去賣湯？🤯 廣州Pop-up「蘇神廣式靚湯」

Nike又玩咩新花臣？今次唔係出新鞋，而係喺廣州二沙島（跑友聖地）開咗間Pop-up「跑步主題湯舖」！🏃‍♂️🥣

佢哋聯同「亞洲飛人」蘇炳添，以「付出，自有回甘」為主題，等你跑完步身水身汗，就即刻送上一碗熱辣辣嘅廣式靚湯，幫你叉足電，呢個idea真係冇得輸！

不過講到最屈機，一定係嗰隻印住Nike剔號嘅匙羹！成件事嘅靈魂所在！設計簡約得嚟又有收藏價值，網民個個都話「Need the Nike spoon ASAP!」，為咗隻匙羹，我願意日日去跑步！😂

-

🔗WTSAPP或者EMAIL我地以獲取更多廣告合作資訊喇
#廣州 #二沙島 #蘇炳添 #蘇神

21/11/2025

《BYC潮流》：話說日本有個U18日清籃球聯賽，打到中場休息，無啦啦有隻嘢走出嚟，成個樣似足一餅即食麵，又似地拖，跟住就喺球場中間勁歌熱舞！🕺

佢就係日清新出嘅吉祥物「Mopnu Monster」，啲舞步勁度十足，啲動作又sharp醒，完全唔符合佢個笨重外型，搞到全場觀眾O晒嘴，連網民都睇到傻眼！👀

日本網友個個留言話：「做乜跳得咁用力？」、「本身諗住睇比賽，點知眼球俾佢吸走咗」、「睇完成場波淨係記得隻怪獸點跳舞」，成功搶晒fo！主角明明係班球員，而家變咗佢囉！而家啲吉祥物真係唔易做，要識打波仲要識跳舞先有得撈。😂

-

🔗WTSAPP或者EMAIL我地以獲取更多廣告合作資訊喇
#咩料 #痴線 #日清你又贏 #モプヌモンスター #吉祥物的自我修養 #跳得落力過參賽者

20/11/2025

【 BYCMUSIC 011・Soya 】

MBTI：INFPsings：「Hullo 我係 Soya! 係一位職業治療師，同時亦係一名獨立歌手。為咗唔留有遺憾，我年頭辭去full-time工作，捨棄穩定嘅生活同收入，投入去發展自己興趣。就算過程並非一帆風順，能夠行到幾遠亦係未知，但我深信望返轉頭一定係好好好寶貴嘅經歷嚟。難得搵到想做嘅事，試咗再講!」

音樂介紹及創作靈感
🎤 BE MY VALENTINE - Soya Or 🎧
「BE MY VALENTINE係我第一首係音樂平台上架嘅作品! 聽到Demo嘅時候已經覺得首歌好清新好甜，希望大家聆聽嗰陣都可以感受到戀愛嘅氛圍！」

音樂理念
「如果我嘅作品可以令你暫時忘卻煩惱，沈浸其中，咁就滿足了(⁎⁍̴̛ᴗ⁍̴̛⁎)」

想聽晒佢嘅音樂宇宙？留係到聽佢既表演！

-

每個人嘅內心，都有一首主題曲。佢可能溫柔，可能激昂，但都定義緊最真實嘅你。

我哋嘅理念係「Be Your Company」，希望透過探索「聲音嘅質感」同「旋律嘅情感」。

#封面人物 #香港音樂 #獨立音樂 #音樂故事 #態度

19/11/2025

【 BYCBET 013・Ami Lam 】

BYCBET 企劃正式啟動，我哋用最原始嘅「五感 5 SENSES」出發，進入我哋封面人物嘅內心世界。

@23.amiiii：「喜歡時裝影相及追求自由嘅ESFP射手女，Be yourself and enjoy your life。」

特別推介最近陪住佢嘅歌曲 🎧「夜闌人靜 - Moon Tang」
想睇晒佢嘅五感世界？向左掃閱讀全文！

-

你，就係自己人生唯一嘅主理人。你嘅風格、思想，同每一個決定，都定義緊你想走嘅路。

唔單止係一個標籤，而係一種精神：一種敢於為熱愛押注，為未知放手一搏嘅精神。我哋支持你，踏出屬於你嘅一步。

#五感 #封面人物 #態度

18/11/2025

《BYC文化》：當我們抽離日常，從上帝的視角俯瞰，生命便會展現出另一種截然不同的形態。動物不再只是動物，而是一筆筆流動的色彩，與大地交織成一幅幅無價的抽象畫。

航拍機的鏡頭下，一橘一白的猛虎並肩而行，是黑白與色彩的極致對比；靜謐的鱷魚潛伏於淺灘，身體的輪廓為水面雕琢出自然的圖騰；而那數以百計的飛鳥，瞬間劃破長空，猶如藝術家在深色畫布上率性灑脫的筆觸。

這些畫面，在不驚擾生命的前提下被悄然捕捉。它們提醒著我們，原來動與靜、光與影、視角與觀點，足以將現實世界昇華成一場近乎虛幻的藝術展覽。我們所處的自然，本身就是最偉大的藝術家。

Credit: , by

-

🔗WTSAPP或者EMAIL我地以獲取更多廣告合作資訊喇
#上帝視角 #大自然 #航拍美學 #生命藝術 #動物攝影 #靜觀 #和諧共生 #療癒 #文青 #香港攝影

17/11/2025

《BYC旅遊》：意大利湖中驚現神秘「浮島酒店」？！🤯 人生必去清單又要更新喇！

Travel goals update! ✈️ 一打開IG見到張相真係靚到講唔到野！😍 呢個喺意大利著名嘅科莫湖 (Lake Como) 上面嘅「隱世酒店」概念設計，簡直係夢想中嘅度假天堂！

成個酒店係一個圓形嘅人工島，360度被湖光山色包圍，入面仲有自己嘅小花園同泳池，私隱度極高，完全係與世隔絕嘅感覺。雖然設計工作室 .studio 話呢個暫時只係一個概念圖（Render），未係真係會起，但幻想下喺度瞓醒，一打開窗就係呢片無敵靚景，飲杯咖啡，跳落湖游個水... 實在太歎喇！🥂

如果真係起好，我諗book房嘅難度應該係地獄級！😂
你最想tag邊個同你一齊去住？

-

🔗WTSAPP或者EMAIL我地以獲取更多廣告合作資訊喇
#意大利旅行 #科莫湖 #夢想酒店 #旅遊癮 #人生必去 #打卡聖地 #靚到癲 #奢華旅遊 #建築設計

16/11/2025

《BYC潮流》：一部被遺忘喺山林嘅Game Boy，被改造成最既信箱。

時間，可以為一件物件帶來啲咩？喺日本四國嘅深山入面，一部巨大嘅Game Boy靜靜咁企喺度。佢唔再顯示黑白嘅像素遊戲，屏幕嘅位置，變成咗一個接收信件嘅小口。

佢曾經係店舖入面最矚目嘅存在，無數人體驗過《俄羅斯方塊》同《孖寶兄弟》嘅樂趣。如今，佢被遺棄，然後重生，成為一個飽經風霜嘅信箱。歲月喺佢身上留低嘅痕跡，就好似我哋逝去嘅童年，雖然斑駁，但充滿故事。

對於機迷嚟講，呢度唔只係一個信箱，更加係一個隱世嘅神社，一座紀念碑，紀念住嗰個單純美好嘅掌機年代。唔知係邊個嘅傑作，但呢份心思，為冰冷嘅電子產品注入咗溫度同故事。

-

🔗WTSAPP或者EMAIL我地以獲取更多廣告合作資訊喇
#時代嘅眼淚

15/11/2025

《BYC潮流》：史上最震撼遊戲王展覽，東京新宿站展出全部7649張卡！🤯

你哋仲記唔記得2016年呢個傳說級嘅展覽？為咗慶祝《遊戲王》20週年同劇場版上映，官方竟然將東京新宿站嘅地下通道，變成一個遊戲王歷史博物館！

由1999年到2016年，總共7,649張遊戲王卡，一張都冇漏，全部按發行順序展出！由經典嘅「青眼白龍」、「黑魔導」，到集齊五件就可以即刻贏嘅「大法師艾克索迪亞」，甚至連有高橋和希簽名嘅「光之創造神」都有！😍

成條行人隧道變咗時光隧道，行過嘅人全部停低打卡，簡直係所有fans夢寐以求嘅聖地！當年有冇人咁好彩親身去過朝聖？留言分享下當時有幾震撼！

-

🔗WTSAPP或者EMAIL我地以獲取更多廣告合作資訊喇
#遊戲王 #集體回憶 #日本 #東京 #新宿站 #青眼白龍 #大法師 #黑魔導士

14/11/2025

《BYC文化》：原來70年代搭飛機可以咁歎！🤯 JAL頭等艙奢華到超乎想像！

最近喺網上見到，原來1970年代嘅日本航空 (JAL) 頭等艙係咁嘅樣，真係嚇親！😳 與其話係機艙，不如話係一間開喺天空嘅高級酒店Lounge！

空姐著住傳統和服👘服務你，有Fine Dining、香檳🍾，最誇張係有啲梳化仲可以變成一張床，俾你喺萬呎高空瞓覺... 簡直係天堂級享受。😌

再諗下而家搭飛機，就算係Business Class都未必有咁闊落。唉，以前嗰種視飛行為「盛事」嘅Glamorous感覺，真係返唔到轉頭喇。🥲

-

Follow我哋IG緊貼最新資訊

🔗WTSAPP或者EMAIL我地以獲取更多廣告合作資訊喇
#70年代 #日本航空 #頭等艙 #復古 #奢華

Address

Central & Western District

Website

https://photosaviorgroup.com/bycmedia

Alerts

Be the first to know and let us send you an email when BYC MEDIA 休閒、潮流、互動資訊平台 posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Media Company in Central & Western District?