https://www.facebook.com/100365018896046/

Goody, Hong Kong (2025)

11/12/2021

【Disney+ vs Netflix🍿🥰】

Disney+迪士尼影視串流平台已經喺11月16日登陸咗香港🇭🇰 對Netflix嚟講絕對係一大威脅👀 我哋知道有大量劇迷考慮緊轉唔轉platform😭 買晒兩個又未必睇得晒😫 點算好呢🤔今日我哋就為大家簡單比較下兩個平台啦😎

價錢🤑
Disney+ 嘅月費係$73😮 相比Netflix嘅$78，相差唔算大🤔 不過要留意，Netflix嘅標準用戶並唔支援4K畫質，需要高級用戶先可以睇到4K😢 相反Disney+ 嘅$73月費就已經包含咗4K畫質🥳 比較落，Disney+喺價錢上面比較佔優！

共用人數👨‍👧‍👦
Netflix嘅用戶最多可以設置4位使用者，最多4人同時收睇🧐 而Disney+就可以綁定10個裝置、4部裝置同時收睇，同埋設置7位使用者😮 Disney+再度跑贏Netflix!

內容🎞
Disney+大多數都係迪士尼嘅電影🐭 Marvel、PIXAR、國家地理National Geographic都係佢主打嘅頻道🧐 如果閣下係Marvel迷或者卡通迷😛 Disney+就最啱你啦！

相反，Netflix嘅節目就比較多元化，美劇🇺🇸英劇🇬🇧日劇🇯🇵韓劇🇰🇷以致世界各地嘅劇集都應有盡有🌏 而且仲有其他紀錄片、經典電影、動漫、真人騷等等，內容又真係比較豐富喎👍

睇完我哋嘅簡介之後😌 應該都會發現兩個平台都各有千秋😳 真係好難揀🤷🏻 所以計我哋話齋😆 最好就緊係買晒兩個平台，雙倍享受嘛😎

========================

快啲Like我哋專頁啦，更多內容等緊你！

========================

#秋季 #生活 #迪士尼 #美劇 #韓劇

09/12/2021

【Virgil Abloh逝世✊🏿致敬一代設計師】
Off-White™️ 主理人兼 LV 男裝設計總監 Virgil Abloh 喺日前因癌症逝世🥺 享年 41 歲。喺Virgil嘅死訊被公開之後，時尚、藝術同音樂界嘅人物紛紛喺網路上表示哀悼😞 並分享佢哋同Virgil嘅故事。好人緣嘅佢，深受業界人士嘅尊敬同喜愛👏🏻 就趁呢個機會，一齊回顧下Virgil傳奇嘅一生啦。

伯樂兼摰友-Ye(Kanye West)
最初攻讀土木工程嘅 Virgil 同時裝設計可以話係大欖都扯唔埋🤣 全靠有人比咗佢一個機會，先造就咗依家嘅傳奇設計師，而呢位伯樂就係Virgil嘅摯友——Ye（Kanye West）🤟🏿兩人嘅合作開始於 2002 年，Virgil由造型、巡演同專輯封面嘅視覺工作都一手包辦😮 喺擔任Ye服裝顧問嘅十幾年間，Virgil嘗試創造咗好多屬於自己嘅嘢，亦都為日後嘅事業打好咗基礎😤

創立Off-White™️
Virgil喺2012 年創立品牌 Off-White™️⚫⚪ 喺代表「黑」嘅街頭文化同時尚嘅「白」之間▪️▫️闖出咗一片屬於自己嘅「灰色地帶」🔘透過名星Justin Bieber、Rihanna、GD 等人嘅穿著間接宣傳👦🏻👩🏻 迅速受到大眾關注，成為近十年其中一個最成功嘅潮牌👏🏻

LV設計總監
喺Off-White™️取得成功嘅Virgil，其後成為咗LV首位黑人設計總監👦🏿 佢獨特嘅想法配合聰明嘅頭腦🧠 喺增加銷售量嘅同時亦賦予咗作品情感上的理念🫀 將每件作品嘅藝術同商業價值都發揮到最高👏🏻 真係一位天才。

總括依然🤔 Virgil Abloh對於時裝產業嘅貢獻就好似一條橋樑，銜接咗「街頭文化」同「奢侈時尚」，絕對值得我哋嘅欣賞同尊重✊🏻

快啲Like我哋專頁啦，更多內容等緊你！

========================

快啲Like我哋專頁啦，更多內容等緊你！

========================

#秋季 #生活 #街頭文化

07/12/2021

【Omicron變種病毒🦠究竟係咩嚟？】
疫情發展至今😷 除咗原有嘅新冠病毒外，仲發展出好多唔同嘅變種病毒株😵 今次最新鮮熱辣嘅就係Omicron😮 究竟呢款病毒有咩咁特別呢？🤔

傳染力上升
Omicron同之前嘅咁多種新冠病毒相比😥 傳染力更加強，蔓延得更加快😮 而潛伏期一再縮短至2至4日，短時間內就會出現病徵😥

嚴重程度
喺重災區嘅南非🇿🇦 確診個案增幅快過入院率增幅，意味殺傷力較小🤔 而兒童住院嘅比率雖比較高，但症狀普遍都算輕微🤔

有危便有機？
有流行病學家指出，Omicron變異株🧬反而有可能終結新冠疫情😅 因為Omicron並唔喺特別危險嘅病毒🦠 死亡率喺3%左右🤨同流感不相上下。所以如果當Omicron取代所有病毒株👻 就有機會終結呢場疫情😱

新冠病毒大流行嘅終結方式，竟然係將佢變成流感😷唔知你又估唔估到呢😟 不過一切都仲係理論層面👀 大家千祈唔可以掉以輕心呀🥰

快啲Like我哋專頁啦，更多內容等緊你！

========================

#秋季 #生活 #新冠病毒 #變種病毒 #南非 #疫情

04/12/2021

【好書推介:人類大歷史】
每日返工放工📄 行街睇戲食飯🎬 返屋企再沖涼瞓覺💤 相信唔少人都習慣咗呢啲生活👦🏻 但你又有無諗過🤔呢一切一切係源自於邊到？講緊唔係幾十年前📅 而係幾十萬年前😆如果你都對呢個問題有興趣🤔 嚟緊我哋要介紹呢本書就啱晒你啦📔

演化歷史🦧
《人類大歷史》呢本書由以色列歷史學家哈拉瑞所著，於2011年出版。講述咗人類從石器時代直至21世紀嘅演化同發展史，主要從自然科學🌱尤其係演化生物學嘅角度入手，相信對好多人嚟講都係好新鮮嘅範𤴆。

四大進化
作者將石器時代到現代分做4個階段🐝每個階段都係人類嘅一大進化⏩

1. 認知革命
大約公元前70,000年⌛智人產生咗想像力🧠 語言同溝通能力進而出現🗣 令到人類得以組成部落，進行群體生活🫂
2. 農業革命
大約公元前10,000年，農業開始發展🌾 人類嘅糧食同生產力大大上升💪 可以喺固定嘅地方定居🌇
3. 人類融合統一
人類慢慢演化出統一嘅系統性思想🧠 例如經濟、政治、宗教等等💶 進一步邁向系統性嘅社會
4. 科學革命
由大約公元1500年開始，人類願意承認自身嘅無知🔍 並且摒棄過往以宗教為本嘅理解方式🙏🏻 開始種種嘅科學研究🧐 人類嘅科技水平亦都開始直線上升📈

人類未來
作者喺結尾展望咗人類嘅未來認為基因工程🧬 人工智能🦾 同生物化學🧪 等現代科技會好大機會終結人類嘅歷史☠️ 因人類已經變成咗「神」🛐 獲得咗創造物種嘅能力🤔 唔知你又認唔認同呢種睇法呢？

書名：人類大歷史：從野獸到扮演上帝
作者：哈拉瑞
購買捷徑：https://www.cosmosbooks.com.hk/index.php?route=product/product&product_id=351094500

快啲Like我哋專頁啦，更多內容等緊你！

========================

#秋季 #生活 #好書推介 #閱讀 #人類大歷史 #農業革命 #工業革命 #演化 #人工智能 #未來

02/12/2021

【叱咤頒獎禮又嚟啦✨】
臨近年尾代表啲咩🤔 代表又到叱咤樂壇頒獎禮啦😆 一眾本地歌手努力咗成年之後，終於去到派成績表嘅時候👑 唔知大家鍾意嘅歌手👨‍🎤今年表現又如何呢👀

我最喜愛男歌手
嚟到最後5強，竟然有4位由Mirror成員包辦👀 包括姜濤、陳卓賢Ian、盧瀚霆Anson Lo同呂爵安Eden👦🏻 將會同張敬軒競逐最後贏家。唔知你又睇好邊個呢？

我最喜愛女歌手
今年嘅我最喜愛女歌手可以話係百花齊放🌸 唔同類型嘅歌手都有入選最後五強👏🏻 跳唱風格嘅Jace 陳凱詠💃 唱功實力派嘅Serrini同鄭欣宜🎤 全能風格嘅陳蕾同方皓玟💪🏻 真係要咩有咩呀👏🏻

我最喜愛組合
去到組合👥最後5強依然唔少得Mirror同Error呢兩隊當紅炸子雞😆 亦有Dear Jane同 C AllStar兩隊老對手👀 而第五隊組合竟然係試當真嘅MC $oho&KidNey🤣 唔知佢哋可唔可以嚟個大爆冷呢🤔

至尊金曲大熱作品
根據非正式統計，Rubberband嘅《Ciao》暫時領先🤔 睇嚟以新一波移民潮作為主題嘅《Ciao》👋 有機會為Rubberband帶嚟第二首至尊金曲😮

除咗之外，另一首以大時代為主題嘅《集合吧！地球保衛隊》亦都係有力嘅競爭者，睇嚟對於C AllStar嚟講，今年會係豐收嘅一年啦🤫

其他大熱作品: 張敬軒《俏郎君》鄭融《多喝水》泳兒《荊棘海》馮允謙《思念即地獄》

========================

#秋季 #生活 #881903 #叱咤樂壇 #叱咤頒獎禮 #姜濤 #陳卓賢 #張敬軒 #陳蕾 #方皓玟 #試當真

30/11/2021

【第58屆金馬獎】
台灣電影界一年一度嘅盛事金馬獎喺日前順利舉行✨ 孕育出唔少台灣電影巨星嘅金馬獎👏🏻 一直都係華語影壇對演技同作品質素最大嘅肯定😤 不如一齊嚟睇吓👀 今年有邊幾位演員同電影🎬 成功脫穎而出！

🎞「最佳劇情長片」「最佳原著劇本」「最佳女主角」: 《瀑布》The Falls
由賈靜雯、王淨領銜主演，劇情描述喺疫情之下，日漸詭異、奇怪嘅母女關係，簡單嘅配樂同獨白喺成部電影詭譎氛圍嘅賣點。而且內容寫實又充滿哲理，難怪成為今次金馬獎嘅大贏家。女主角賈靜雯仲一舉攞咗最佳女主角👏🏻 質素毋庸置疑！

👦🏻「最佳男主角」: 張震《緝魂》The Soul
喺電影《緝魂》入面，張震飾演一個消瘦、呆滯嘅病人，贏得唔少好評，被稱讚連額頭嘅青筋都會演戲。隨住劇情一再推演，佢甚至要完全靠眼神演戲，相當引人入勝。令人感受到佢充滿生活歷練，充滿表演魅力。

👩🏻「最佳新演員」: 方郁婷《美國女孩》American Girl
《美國女孩》劇情描述一個移民美國五年嘅家庭從洛杉磯回到台灣，同屋企人團聚。飾演家中女兒嘅方郁婷被同學戲稱為「美國女孩」，心理面臨巨大壓力。不過方郁婷就利用佢成熟嘅演技，成功駕馭到呢個難度較高嘅少年角色👏🏻

相信上述幾部電影🎬 喺香港好快就有得睇啦😍 有興趣嘅朋友👀 一定要多加留意😆

========================

快啲Like我哋專頁啦，更多內容等緊你！

========================

#秋季 #生活 #金馬獎 #電影 #華語電影 #瀑布 #賈靜雯 #緝魂 #張震 #方郁婷 #美國女孩

27/11/2021

【環保齊入樽♻️】

唔知大家最近出街，有冇留意到街上面出現咗一啲大大部嘅入樽機呢👀 唔係打籃球嗰啲入樽喎🤣係比人回收膠樽嘅機器呀😮 如果無見過，就要聽我哋介紹吓啦😌

入樽機先導計劃
其實呢啲大大部嘅膠樽回收機係環保署放置嘅，屬於入樽機先導計劃嘅一部分🤔 計劃為期一年，用嚟測試入樽機喺香港嘅實地應用。喺先導計劃下，環保署會先喺人流較為合適嘅公眾地方同政府設施，分階段設置共60部入樽機👏🏻 亦都會透過電子支付平台(即係八達通) 提供即時回贈(每個膠樽為$0.1)，以鼓勵公眾回收用過嘅膠樽♻️

用法
1. 首先選擇現金回贈，定係慈善捐款
2. 閘門打開之後，就可以將膠樽放入入樽機😆
3. 掃描膠樽條碼，以識別膠樽合唔合資格
4. 大功告成！可以攞返現金回贈啦🤑

保護環境，人人有責😤 下次大家有用完嘅膠樽，記得一定要揼去回收桶，又或者入落入樽機，為環境出份力啦💪🏻

========================

快啲Like我哋專頁啦，更多內容等緊你！

========================

#秋季 #生活 #入樽機 #本地回收 #循環再造

25/11/2021

【社交媒體焦慮症？】

唔知大家睇IG、Facebook嘅時候👀 會唔會成日都好羨慕人哋嘅生活🕺🏻衣著💃甚至係外表、身材呢👩🏻👦🏻 又或者，喺你發佈某啲內容之後，成日都因為擔心其他人嘅睇法而將佢重新編輯或刪除😩如果有，你好可能已經喺不知不覺間，患上咗社交媒體焦慮症啦👀

事實上，已經有好多研究指出社交媒體嘅壞處👥 佢加劇咗唔同自我評價嘅人喺心理健康上嘅差距😮高自尊嘅人，社群網站可以令佢膨脹本身嘅優越感，低自尊嘅人，會感到更加自卑同陷入比較😟😟

而喺眾多社交平台入面，Instagram嘅負面影響最大😮 研究指出，Instagram係以視覺為導向嘅社交媒體👀而相片堆砌出嘅社交世界，極其重視相貌👩🏻裝扮👗行頭💍 奢侈品👜等生活表層嘅物質。呢種直接、淺薄、表面嘅社交，更容易引發年輕人嘅自卑同焦慮🥲

Take a Break功能
有見及此，Instagram亦即將推出Take a Break功能🚫顧名思義，就係喺用戶開啟呢個功能之後，當使用 Instagram 一段時間後，就會自動提醒用戶休息，時間可揀做10、20、30 分鐘🤓 希望減低Instagram對用戶嘅心理傷害✅

其實人比人，比死人😩 大家喺使用Instagram嘅時候一定要記住，每個人都係獨一無二，都有自己嘅生活👍 並無高低之分😤 只要保持住欣賞自己，坦然接受嘅心態去睇社交媒體😎 就一定可以遠離焦慮啦👏🏻

========================

快啲Like我哋專頁啦，更多內容等緊你！

========================

#秋季 #生活

23/11/2021

【Disney+ 冷門推介】
近日全香港都陷入咗一波迪士尼嘅熱潮呀💓 全因迪士尼全新嘅網上申流平台Disney+ 正式上線！大大小小由迪士尼擁有嘅影視作品都可以任你睇😆 包括最熱門嘅Marvel🦸🏻 Pixar💡唔怪之得個個都爭住睇啦！

不過今次我哋就並唔係想介紹一啲炙手可熱嘅作品，而係想推介返一啲比較冷門但又高質嘅作品嘅😮 一齊睇吓啦！

1.《變身國王》（The Emperor's New Groove）
比較年輕嘅觀眾未必熟悉🤔 呢部2000年嘅作品，由 Mark Dindal 執導同 Chris Williams 聯合編劇。當年票房高達1.6 億美元😱 係真材實料㗎👍

故事描述自私嘅庫斯德國王被活化石顧問伊絲瑪落毒🤢 變成駱馬，陰錯陽差下和村長貝查一齊搵變返人類嘅方法，經歷種種事件後，庫斯德就變成了賢明君主啦🤴

依部作品行搞笑風格🤪劇情節奏明快，好啱想放鬆嘅時候睇嘅🤣

2.《星銀島》（Treasure Planet）

改編自長篇小說《金銀島》（Treasure Island）呢部經典動畫，曾經入圍 2002 年奧斯卡金像獎㗎👍

故事講述聰明但愛惹麻煩嘅少年賀詹姆（阿詹），從某位船長的手上意外攞到「星銀島」嘅地圖之後，就踏上咗歷險旅程🏃🏻‍♂️成部作品嘅賣點就係美術設計，充滿科技感又不失手繪之美，喺 2D 人物同 3D 背景融合製作嘅經典👏🏻

3.《假如⋯？》(What If....?)

Marvel大家就睇得多啦，可以話係滾瓜爛熟啦😆 但又有無諗過😗 如果喺Marvel嘅宇宙入面，如果出現咗啲突發狀況，成個故事又會變成點呢？🤔

《假如⋯？》預計於今年夏季上架，正正就係講述漫威嘅劇情，如果喺關鍵嘅時間點，發生咗唔同嘅狀況，會變成點樣嘅故事呢？😳 聽落又幾有趣喎🤩

========================

快啲Like我哋專頁啦，更多內容等緊你！

========================

#秋季 #生活

20/11/2021

【Tesla Model Y】

Tesla 一直以嚟都係汽車界嘅焦點🧐 每次有新產品都會引起一番哄動🚙 雖然最近Tesla暫時未有新產品發佈，不過Model Y就喺香港開始交付咗一段時間🤔 一齊睇下各位本地車主點睇呢款新車啦！

Model Y係經濟版嘅Model X，兩款都係Tesla主打嘅SUV休旅車，主攻7人車嘅市場，目標主要係一班家庭客戶👨‍👩‍👧‍👧 而性能方面，入門版嘅Model Y續航距離可達370公里，對於有中港牌嘅人會係唔錯嘅選擇🤔 而佢0至100加速只需3.7秒，SUV嚟講可以話係幾唔錯🤓 不過雖然性能幾好，但喺香港揸落又有無咩大問題呢？😮

空間感足夠
有唔少嘅買家收到車試揸後，都大讚Model Y嘅空間感十分滿意👏🏻 內攏十分簡潔👌🏻 大天窗亦都增加咗唔少空間感同自由度！

操作靈活
亦有唔少車主表示，Model Y嘅操作好易上手，可以話係大而不笨，一反過往SUV比較笨重嘅形象🙌🏻

充電問題
不過唔少車主都表示，本港嘅電動車充電🔋，依然未得到解決同重視😫 過少嘅充電站，令即使電動車性能良好，都會卻步🤷🏻 各位買家喺選購嘅時候，記得要先衡量下依一點啦！

Tesla Model Y
售價: Standard Range(SR) $464,570HKD
官網: https://www.tesla.com/zh_hk/modely

========================

快啲Like我哋專頁啦，更多內容等緊你！

========================

#秋季 #生活 #電動車

18/11/2021

【經典GTA三部曲重製上市】

講起經典遊戲，你無得唔提GTA系列👀 以高自由度嘅開放性城市地圖為主軸嘅GTA🌆 每一集作品都係獨當一面嘅經典😍 以《GTA5》為例，發佈十年後嘅今日，依然係最受歡迎嘅遊戲之一🤩 就知道依個系列有幾成功啦！

而最近Rockstar Games趁住GTA3推出20週年，宣佈推出三集遊戲嘅重製版，包括：《GTA3》《GTA Vice City》同
《GTA SA》👏🏻 真係令各位資深Gamers十分期待😍

而今次嘅重製版進行咗全面性嘅強化😎 仿效咗《GTA5》嘅現代操控方式🎮 而影像與遊戲環境都有所升級🌄 包括更高解析度嘅畫面、更出色的光影和天氣效果等🌁 雖然有咁多改動，但Rockstars承諾會保留原版遊戲嘅精髓，各位玩家就無需太擔心啦😌

遊戲:《GTA: The Trilogy-The Definitive Edition》
發行商: Rockstars Games
發行日期:11月11日(數位版)
12月7日(實體版）
平台: PS5/ PS4/ Xbox/ Nintendo Switch/ PC

========================

快啲Like我哋專頁啦，更多內容等緊你！

========================

#秋季 #生活

16/11/2021

【科技玩意-Sony流動體溫調節器】
古代人無冷氣無暖氣，幾涷幾熱都要硬食🤢 到後來有咗電器🧭 我哋嘅生活就變得更舒適☺️ 但你有冇諗過，可以再舒適啲？😧 原來冷氣機暖氣機，係可以隨身攜帶㗎😦

Sony Reon Pocket 2就係咁神奇🤩 佢係一部流動體溫調節器，可以幫你隨時隨地調節體溫😇 佢嘅運作方法好簡單，就係將機器放喺人體對氣溫最敏感嘅部位，例如後頸🤔從而直接調節體溫😶‍🌫️

而佢採用咗Peltier設計同Sony散熱技術，用家可以透過App調節溫度，進行冷暖控制👏🏻 根據測試，用咗依部機之後，真實嘅體感溫度可以下降13℃或上升8.3℃，達到冬暖夏涼嘅效果😎而喺滿電情況下，Reon Pocket 2就可以連續工作約90分鐘，續航力算不過不失啦😆

而要出街用到依部機，可以選擇買埋Sony特別設計嘅承載白Tee，幫你直接放喺後頸😮 咁就最方便啦👏🏻 不過舒適度就有待觀察啦🤓

但係目前為止，Reon Pocket 2就未喺香港發售住😫 想買嘅朋友，就要去Sony日本嘅官網買啦！

官網: https://first-flight.sony.com/pj/reonpocket
大約售價: HKD1500

========================

快啲Like我哋專頁啦，更多內容等緊你！

========================

#秋季 #生活

13/11/2021

【一代巨星—梅艷芳】

「留下只有思念，一串串，永遠纏。」轉眼之間⏳ 一代天后梅艷芳已經離開咗我哋18年😔 有好多人話，梅艷芳嘅逝世，標誌住香港娛樂圈8、90年代嘅光輝時代結束🥺 比較年輕嘅讀者未必有機會一睹梅姐嘅風采👸🏻 又或者感受一下香港娛樂圈嘅巔峰年代👀 不過最近有一部電影🎬 可以幫你回到過去喎😮

安樂影片聯同香港金像獎團隊籌備7年製作嘅傳記電影《梅艷芳》，最近終於上映，將會將佢傳奇嘅一生，重現大家眼前！由4歲喺荔園登台嘅小歌手，到後來成為風靡亞洲嘅舞台女王，梅艷芳短短40載人生，充滿傳奇性，相當值得我哋尊敬同欣賞👏🏻

演員方面，電影大膽起用唔少新晉演員。包括由「幻愛」冒起嘅劉俊謙，「同班同學」女主角廖子妤等等。而且更加起用素人演員王丹妮飾演梅艷芳😮 不過好多資深演員試睇電影後，都表示演員演出相當出色👍 大家可以放心入場，懷念呢位一代天后✊

電影: 梅艷芳
片長: 2小時16分
上映日期: 11月12日

========================

快啲Like我哋專頁啦，更多內容等緊你！

========================

#秋季 #生活 #香港電影 #梅艷芳 #一代天后 #一代巨星 #劉俊謙 #廖子妤 #王丹妮

11/11/2021

【Working Holiday攻略🌏】
就嚟畢業🎓 或者畢咗業無耐嘅你🤓 有冇諗過去外國闖盪一番😏 其實近年嚟working holiday越嚟越流行🧳 雖然最近受疫情影響😷 流行程度受到影響🥺 不過依然可以先作計劃嘅😙 今次我哋就集合咗幾個最熱門嘅國家比大家參考下🤩 一齊睇睇啦！

日本🇯🇵
日本作為香港人嘅「鄉下」，一定係其中一個最熱門嘅目的地🤩 種族同文化都相同嘅情況之下😎 生活會更加容易適應🤓 最大問題會喺語言障礙🤯 有一定日文程度嘅人，申請成功嘅機會亦都會更大㗎！

名額: 每年1500個
年齡: 18至30歲
逗留期限：最多12個月
經濟要求: 須持有足以購買回程機票嘅款項，同埋維持喺日本逗留初期嘅生活費用
注意事項⚠️: 可從事短期工作，視作補助旅費嘅附屬活動，亦可以修讀任何短期課程，但係修業期唔可以超過6個月。
申請方法: 須由申請者本人攜帶所須文件，直接喺日本簽證申請中心提交申請。

韓國🇰🇷
韓國同日本嘅情況類似🤔 韓文語言能力係最重要嘅考量😮 如果識講韓文，又對韓國文化好有興趣嘅你😚 就不妨一試！

名額: 每年1000個
年齡: 18至30歲
逗留期限：最多12個月
經濟要求: 過去3個月內唔少於25,000港幣嘅存款證明，同埋來回機票
注意事項⚠️: 受聘同一僱主唔可以超過六個月；可以修讀唔多於六個月嘅短期課程；須提交喺韓國期間嘅旅程計劃書
申請方法: 須由申請者本人攜帶所須文件，直接喺韓國駐港總領事館提交申請。

澳洲🦘
澳洲地大物博⛰ 當地氣候溫和☀️ 當然吸引到唔少年輕人去啦！而且澳洲working holiday visa嘅期限較長👏🏻 又無名額限制😮 可以玩個夠先返啦👻

名額: 沒有限制
年齡: 18至30歲
逗留期限：最多12個月（可續簽至3年）
經濟要求: 唔少於5,000澳元，並持有回程機票或者證明有足夠款項購買回程機票
注意事項⚠️: 可修讀任何短期課程，修業期唔可以超過4個月；申請後需要喺28日內，到指定診所進行身體檢查
申請方法: 喺澳洲Department of Home Affairs網上申請

加拿大🇨🇦
由於美國並無working holiday visa，所以加拿大成為咗北美洲嘅唯一選擇🤔 加國嘅優點喺生活空間大🛣 多華僑嘅背景下，揾工亦都唔算難😌 而且同美國近🇺🇸 去旅行都方便啲😎

名額:每年200個
年齡: 18至30歲
逗留期限：最多12個月
經濟要求:唔少於2,500加元（約15000港幣），並且持有回程機票或證明有足夠款項購買回程機票
注意事項⚠️: 唔可以受聘於同一僱主超過3個月；修讀任何短期課程，修業期唔可以超過6個月
申請方法: 註冊 IRCC 帳戶作網上申請，之後選擇「加拿大國際體驗」（IEC），回答問卷並等待下一輪抽籤。申請人如果獲選，就須要喺 10 日內登入帳戶接受邀請同開始申請工作簽證

正所謂光陰似箭🥺 有啲機會過咗就返唔到轉頭😔 不如趁仲後生💪🏻 去探索一下呢個世界啦🌏

========================

快啲Like我哋專頁啦，更多內容等緊你！

========================

#秋季 #生活 #日本 #韓國 #澳洲 #加拿大 #探索

09/11/2021

【韓星冬日至愛——畫家帽👩‍🎨】

隨住星期日降溫💨 香港都即將步入冬季⛄ 唔知大家有無頭痕要點打扮呢🤯 今日我哋就會介紹一下近年嚟好興嘅畫家帽😮 好多韓星都好鐘意用佢嚟襯衫㗎🤤 希望比到啲靈感大家啦😌

IU
IU可以話係畫家帽嘅頭號擁躉，係佢個人IG入面就可以發現好多畫家帽嘅穿搭🤩 而當中黑色畫家帽最常出現，可以襯托出IU白皙嘅皮膚😮 膚色偏白嘅女仔可以考慮下😎

泰妍
泰妍亦係另一個畫家帽嘅愛好者🥰 以氣質見稱嘅佢🥶 可以好完美咁駕馭畫家帽嗰種文藝氣息👩‍🎨 搭配搭復古嘅學院冷衫，比人嘅感覺相當自然優雅👀

Yeri Velvet
Yeri選擇咗較鮮艷嘅紅色帽❤️ 比起黑色更加熱情😉 喺冬日亦都可以比到人一種温暖嘅感覺🌟 如果想戴紅色畫家帽，不妨可以配搭英倫格紋風格嘅上衣🇬🇧 同埋鮮紅色系嘅妝容💋 可以為整個造型點綴！

選購傳送門👉🏻
https://hk.iteshop.com/Sit/Men/Accessories/Hats/KGLHTU0258BCH.html
品牌: Kangol
價錢:$469
六款顏色

https://hk.iteshop.com/Sit/Men/Accessories/Hats/KGLHTUK3107SH.html
品牌: Kangol
價錢:$549
三款顏色🤩

========================

快啲Like我哋專頁啦，更多內容等緊你！

========================

#秋季 #生活 #畫家帽 #韓星 #泰妍 #貝蕾帽 #秋冬穿搭

06/11/2021

【素食熱潮🥦】
現代人食嘢除咗貪快之外🏃🏻‍♀️ 對健康都好有要求🕺🏻 所以越嚟越多人都選擇素食🥦 不過素食除咗係食菜🥬 普通人對佢嘅認識都甚少🧐 究竟素菜係啲咩、有咩種類🤔 今日我哋就嚟介紹下啦！

========================

快啲Like我哋專頁啦，更多內容等緊你！

========================

#秋季 #生活 #素食 #素食主義者 #純素 #半素 #奶素

04/11/2021

【Facebook改名Meta 暗藏咩玄機？】
Facebook行政總裁朱克伯格（Mark Zuckerberg）喺上周四（10月28日）公司嘅開發者會議上公布將會改名為「Meta」😮 亦代表WhatsApp、Instagram等等旗下嘅應用程式亦都會係Meta嘅一員👥 吓🙄 Facebook 同 Meta 兩隻字，大纜都扯唔埋喎🤔 究竟係咩葫蘆賣咩藥呢👀 原因其實有幾個嘅🧠

1⃣️ 重塑品牌
Meta一字係Metaverse一字衍生出嚟，有「元世界」嘅意思，代表現實同虛擬嘅結合。Zuckerberg表示，Facebook未來並唔單止係一個社交媒體，而會更注於達成現實與虛擬結合🤔 聽落就好複雜🤯 實情係點？會有咩戰略？就有待觀察啦🧐

2⃣️ 一洗負面形象
近年嚟，Facebook都陷入各種負面醜聞👀 主要都以數據嘅私隱為主🤖 例如利用大數據干預英國脱歐🇬🇧、美國大選🇺🇸等事件，都為公司帶嚟好多負面形象👎🏻 各方面嘅分析都指，今次Facebook 改名嘅其中一個目的，都係為咗一洗頹風📉 為公司注入更多正能量🔋

3⃣️ 拓展業務
除咗上面兩個原因，有消息亦指出，其實Facebook係想業務拓展至更多創新科技層面🔝 有見Tesla等等科技公司嘅空前成功，Facebook 亦都想分一杯羹😮 借住今次改名Meta，向業界宣佈佢哋將會投入競爭📣不過究竟佢哋會開發啲咩產業呢，就要我哋拭目以待啦👀

========================

快啲Like我哋專頁啦，更多內容等緊你！

========================

#秋季 #生活 #科技 #創科

02/11/2021

【秋冬湯水推介】
唔經唔覺，秋天都已經過咗大半🍂 即將步入冬天⛄ 唔知大家會唔會覺得好乾燥🥀 周身痕🤕 好唔舒服呢😵 唔洗驚😌 今日推介嘅呢幾款滋潤湯水就一定幫到手🥰 包你補濕又補氣呀！😋

1⃣️ 百合海底椰潤肺湯
一款傳統嘅湯水🤩 百合有潤肺止咳功效🫁 夾埋海底椰健脾益胃嘅效果👅 喺秋冬呢啲咁乾燥嘅季節飲就最啱啦👏🏻

材料:
龍牙百合 20克
南北杏各12克
玉竹 10克
海底椰 1個
淮山 15克
瘦肉 600克

做法:
1. 將瘦肉切件汆水
2. 所有材料洗乾淨，然後放入鍋
3. 大火煮咖啡煲滾後轉慢火煲大約2-3小時
4. 加入適量鹽調味

2⃣️ 杞子烏雞湯
秋冬天氣冰冷🥶 身體要耗費更多能量去運作🏃🏻‍♀️ 呢款烏雞湯就可以幫你補足元氣😌 抵禦寒冷🧣 杞子亦有養腎潤肺嘅功用👍

材料:
麥冬 15克
天冬 15克
烏雞 1隻
杞子 9克
蜜棗 2粒

做法:
1. 烏雞切件，之後出水備用
2. 將所有材料放入高壓煲煮20分鐘，喺喝之前再大滾一下就得啦（如果用一般煲具，則用大火煲滾，再用文火煲2-3小時便可以)

3⃣️ 雪耳木瓜糖水
秋冬季天氣乾燥，最擔心嘅當然就係女仔啦😥 影響到個靚樣咁點算呀💋 呢款雪耳木瓜糖水就幫到手啦😆 有滋潤養顏嘅功用之餘😚 仲好好味道㗎😍

材料:
雪耳 2朵
木瓜半個
南杏 12克

做法:
1. 將雪耳用開水浸軟，切成細塊，之後切走黃色嘅部份
2. 將所有食材放人煲，加入3碗清水，煲滾後用慢火煮20分鐘
3. 最後加入冰糖調味

========================

快啲Like我哋專頁啦，更多內容等緊你！

========================

#秋季 #生活 #秋天 #冬天 #湯水 #養生 #潤肺 #養顏 #百合海底椰 #杞子烏雞湯 #雪耳木瓜糖水

Goody