桌遊學苑

14/07/2025

桌上遊戲的多元教育應用分享會直播中

https://www.youtube.com/live/De-RUOpTTIw

13/07/2025

所有報名確認電郵經已發出，如果沒有收到，可以檢查垃圾郵件。由於有報名的電郵被退回，有可能是填寫時輸入有誤，未有收到確認電郵，或在見到「此帖」才報名的朋友亦歡迎出席，唯目前報名人數已經超過座椅數量，有可能須要站立聆聽，敬請留意。多謝各位的支持！

桌上遊戲的多元教育應用分享會 日期︰2025年7月14日 (星期一) 時間︰15:00 - 17:00 地點︰香港專業教育學院 (沙田分校) Room 015 　　　元宇宙創新中心 Metaverse Innovation Centre 主辦：桌遊學苑 協辦：香港專業教育學院 (沙田分校) 元宇.....

07/07/2025

一不離二，桌遊學苑再次步入書展。亞洲遊戲化創新教育協會 理事長 陳婉瑜小姐 亦會親臨現場作分享，亦會同大家介紹適合應用的產品。就喺書展開幕的第一日，到時見！

日期：2025年7月16日
時間：13:00 - 13:30
地點：書展五樓舞台

06/07/2025

桌遊學苑的instagram經已上線，更多精彩瞬間，為你展示

56 Followers, 164 Following, 22 Posts - See Instagram photos and videos from 桌遊學苑 Board Game Academy (.academy.hk)

05/07/2025

桌遊學苑一年一度的大型分享會又嚟喇！

今年再到有外地嘉賓親臨分享，來自台灣的陳婉瑜小姐經常往返兩岸講課，將大量經驗帶到香港；而本地代表，亦都有兩位專上教育講師︰理工大學碩士客席講師 符國政先生 及 沙田IVE講師 林浩然先生 Billy，陣容空前強大！

分享會免費入場，完成講座將會有證書一張，報名可以到︰
https://docs.google.com/forms/d/e/1FAIpQLScJX8lKnE3plw8mH7umLUQXBXHPkd2lOzhYScjIbTz2CPttLA/viewform

大家到時見！

桌上遊戲的多元教育應用分享會 日期︰2025年7月14日 (星期一) 時間︰15:00 - 17:00 地點︰香港專業教育學院 (沙田分校) Room 015 　　　元宇宙創新中心 Metaverse Innovation Centre 主辦：桌遊學苑 協辦：香港專業教育學院 (沙田分校) 元宇.....

09/12/2022

桌上遊戲教育應用，對象絕對唔止係學生，家長同樣適用。一班期望可以同子女享受優質親子時間嘅小學家長們，就濟濟一堂學玩由台灣 桌遊菜鳥 出版的中國神話主題遊戲《十二生肖》。遊戲講述玉皇大帝重召十二生肖再賽跑，重新決定生肖的排序，玩家需要根據擲骰嘅結果，揀選最有利嘅卡牌賽跑。《十二生肖》既需要頻密進行四式運算嘅遊戲，而且又美術精美，係一款好適合同小學生一齊玩，寓玩於學嘅闔家歡親子遊戲。

25/11/2022

《首都華沙》、《量化寬鬆》，桌遊學苑發掘咗遊戲背後的故事同可能性，但桌遊款式再多，都唔一定可以揾到切合你想要的教學主題的遊戲。既然係咁……點解唔自己設計一套呢？

桌遊學苑嘅 #教育桌遊設計工作坊 即將登場！敬請留意！

13/11/2022

#桌遊學苑 嘅主題工作坊，當然唔止波蘭主題咁單一。今次介紹我哋另一個主題 – – 財金知識，亦可以話係坊間成日講嘅「財商」。當然，我哋唔係教同學仔點樣做金融操作，而係以貼近今次學校所邀請策劃嘅價值教育主題「關心社會」嘅角度，認識財金知識點樣影響緊生活。能夠深入淺出完成複雜議題嘅解說，亦都有賴我哋強勁嘅伙伴 經濟科及企會財商科主題 校園雜誌《 #經商學院》嘅支持，總編輯馮宏遠先生更加親自上陣，同全級中三學生解釋乜嘢係「 #量化寬鬆」！

今次用上嘅遊戲，係同名嘅《量化寬鬆》。遊戲當中，玩家要扮演一個國家，去收購唔同嘅公司，因為係 #國家級任務，須要動用嘅資金係可以無上限噉「 #印銀紙」，透過購入唔同嘅公司組合，去取得最高嘅分數。但係，印銀紙其實等同於向未來借貸，正所謂「借錢梗要還」，印銀紙最多嘅一個國家，無論有幾多分，都會無力償還，即時出局。所以，既要盡可能印銀紙支持資產市場，又要忍住手唔好爆煲，係非常貼近現實量化寬鬆嘅概念。經過實測，我哋團隊都俾貧窮限制咗想像，原來中三學生嘅出手，係可以狠到印出10嘅54次方嘅銀紙！！！ (睇圖) 然後到debrief，正式解釋，乜嘢係量化寬鬆嘅時候，佢哋就明白，原來而家全球多國噉樣印銀紙，世界將會面對嘅嚴岐問題……

今次應用量化寬鬆做中三嘅工作坊，其實團隊都認為係一個大膽嘅決定。但係因為筆者成長嘅時候，初中階段並無被灌輸過任何商科嘅知識，除咗做到校方所期望嘅「關心社會」嘅價值教育外，都希望可以俾各位中三同學喺高中選科前，對於現實略商業世界可以認識一二，喺略有準備嘅情況下考慮選擇商科。

最後一張圖可以睇到，除咗量化寬鬆外，我哋已經引進咗一系列嘅財金主題桌遊，亦有更多財金主題以外嘅主題工作坊。歡迎有興趣嘅學校、機構查詢。

#桌遊 #桌上遊戲 #遊戲化教育 #遊戲化學習 #教育服務 #到校服務

11/11/2022

今日再次入校，舉行波蘭主題嘅桌遊學習工作坊。同樣的《首都華沙》，配合校方價值教育嘅主題「永不氣餒」，華沙經歷嘅戰亂同興衰，比單純學習歷史更有意義。

更更有意義嘅係，今日11月11號係紀念第一次世界大戰結束嘅Remembrance Day，亦都即係波蘭復國嘅紀念日。

#多謝合作伙伴 #情牽波蘭
#當教育遇上桌上遊戲
#桌遊 #桌上遊戲 #遊戲化教育 #遊戲化學習 #教育服務 #到校服務 #首都華沙

07/11/2022

烽煙下嘅桌上遊戲

既然剛完成咗一個波蘭主題工作坊，又講一個波蘭桌遊背後的故事。

有留意俄羅斯軍事入侵烏克蘭嘅報導的話，除了兩個當事國以外，報導次數最多嘅國家，就是波蘭。波蘭積極參與到戰爭局勢當中，當然有地緣政治因素，但更多係來自對自身國家歷史嘅敏感。

1939年9月1日凌晨，位於波蘭西側嘅德國開始向波蘭進攻；至9月17日，其時國土涵蓋現今烏克蘭國境，位於於波蘭東側嘅蘇聯加入戰事。10月6日，德蘇兩國佔領波蘭全國領土，戰役結束。此戰通稱為波蘭戰役，被視為第二次世界大戰嘅開始。

戰火無情，波蘭國民流離失所，亦令社會上很多工作單位無法運作，當時華沙大學一位數學教授Karol Borsuk (1905-1982) 亦都因此而失去了教學工作。面對國內嘅愁雲慘霧同埋切身嘅生計問題，Borsuk教授製作了一款其時名為《Animal Breeding》嘅小遊戲兜售，幫補家計。顧名思義，遊戲就是以養殖牧畜為主題，在國家淪陷嘅日子，畜牧可能就是對波蘭人生活最大嘅倚靠。而遊戲本身也可以為哀傷嘅日子帶嚟一啲舒緩，就因為噉，《Animal Breeding》就喺波蘭傳播開去。

然而，手工製嘅《Animal Breeding》並無喺戰火嘅摧殘下保存下來，縱使到後來，戰事已經結束…… 直至1997年，一副完整嘅《Animal Breeding》被Borsuk教授嘅親戚發現奇蹟地保存咗落嚟。波蘭嘅桌遊出版商GRANNA (亦都係《首都華沙 Capital》得知後就簽下授權，並改版為《Super Farmer》一直出版至今，甚至開發出一系列嘅變體，令呢款曾經甚具歷史意義嘅桌上遊戲，真真正正變成波蘭嘅國民桌遊。

或者人類未有記住戰爭嘅教訓，但波蘭桌遊出版商GRANNA並無忘記《Super Farmer》背後嘅歷史。戰亂開始後，大量難民從烏克蘭湧入波蘭，GRANNA便馬上將烏克蘭語版嘅《Super Farmer》送到難民中心，令小朋友們可以短暫忘記憂傷。而當GRANNA聽到有接收烏克蘭難民嘅波蘭家庭反映的意見後，亦都已經迅速將超過60款GRANNA遊戲嘅說明書翻譯成烏克蘭語並提供下載。

希望戰亂可以早日平息，令小朋友們可以真正愉快噉體驗桌遊。而家，如果你想體驗GRANNA嘅波蘭桌遊，亦都可以留言聯絡。

圖為2007年，《Super Farmer》商品化十周年時所推出的新美術版本，此版本一直出版至今。

========================================

桌遊學苑 - 為你帶來耳目一新的桌上遊戲教育應用方案！

04/11/2022

較早時間， #桌遊學苑 完成咗第一次嘅到校服務，帶領140+位同學一齊玩《首都華沙》。介紹今次工作坊嘅同時，亦正好藉此解釋桌遊學院嘅理念。

桌遊學苑主張以遊戲內容學習知識，今次玩嘅《首都華沙》，玩家就係要扮演華沙的政要，從17世紀開始發展華沙。城市規劃係遊戲表面一層嘅機制，但隨住遊戲進行，你嘅華沙市將會強制受到破壞，因為曾經發生嘅一戰、二戰都會波及到華沙，然後你必須要再次建設你心愛，但卻百廢待興嘅首都。

藉住桌遊體驗，我哋希望同學可以簡單學習到波蘭近代的歷史，以及戰爭帶來的破壞同影響；亦都可以從中反思戰爭嘅禍害，感受波蘭人戰後重建首都嗰份堅毅嘅精神。

能夠完成今次工作坊，首先當然係要多謝合作伙伴 #情牽波蘭 深入淺出介紹波蘭嘅文化歷史。然係要多謝自己，因為桌遊學苑嘅能力，就係深入挖掘遊戲嘅背景設定，又或者該款遊戲設計時嘅初衷。有別於不少同業嘅業務，同樣課程可以替換好多款唔同嘅遊戲；桌遊學苑嘅工作坊，正正係強於了解遊戲嘅細節，配對相應嘅主題內容：只有呢款遊戲，先可以盛載呢個工作坊。

更多唔同主題嘅工作坊已經蓄勢待發，歡迎有興趣嘅學校、機構查詢。

#桌遊 #桌上遊戲 #遊戲化教育 #遊戲化學習 #教育服務 #到校服務 #首都華沙

21/10/2022

完成桌遊學苑第一次正式的到校服務，稍後再同大家詳細分享