25/09/2025
【 #香港娛樂】唐安麒獲封「絕世好老闆」！
為保員工安全 掛8號波前下令全體放假2日：我嘅做法唔正常！
全文：http://bit.ly/46CdMQz
超強颱風樺加沙日前吹襲香港，天文台於本周一（22日）預告翌日星期二（23日）下午2時40分會發出八號熱帶氣旋警告信號，並於星期二當天中午12時許發出「預警八號特別告示」，不少市民大讚天文台的預早通報是「人性化」，能讓僱主及僱員有足夠準備外，有「瘦身教主」之稱的唐安麒更被網民封為「絕世好老闆」！
日前《東張西望》報道指有個別僱主向僱員發出whatsapp訊息，內容是以「颱風影響頻大」為由，宣布星期二（23日）及星期三（24日）兩天不用上班，並叮囑員工注意安全及做好防風措施。正當大家在猜這位「貼心老闆」是誰時，在美容店討論區上，有自稱是美容集團Angel Face的員工發文：「我公司Angel Face，之前一晚已叫全線員工不用返工」後，不少網民大讚安排貼心，完全是為員工着想的「絕世好老闆」！
翻查唐安麒的FB專頁，的確在周一（22日）晚上已發文公告稱：「由於天文台已公布星期二（23日）下午兩點多轉掛八號風球，為顧及客戶和員工的安全，23號星期二我們全線分店暫停營業，敬希見諒」外，有網民更留言直問：「員工有冇糧食儲備？」唐安麒回覆：「昨天只是公布考慮今日下午兩點發8號風球的時候，我已通知集團旗下所有員工今天不用上班，所以他們在昨天應該已經可以好好準備了。」
對於全線分店在周二及周三連續兩天休業，唐安麒接受查詢時，承認確有其事：「對於網上所講嘅係咪我，我唔清楚，的確喺星期一當日，天文台話翌日可能會掛八號時，我覺得呢個『可能』係好曖昧，唔通要啲同事返嚟一陣又收工咩？所以星期一當日，我直接同寫字樓嘅同事講，無論第二日係咪掛八號，直接在家工作。直至星期一當晚天文台宣布翌日會掛八號時，我即刻通知前線即係全體分店同事，星期二唔使返工，因為分店係早上11點開門，唔通要啲同事返幾個鐘，之後要撲返屋企迫車咁辛苦？」
對於其他僱主照樣叫僱員在星期二上午照返工，下午提早下班，唐安麒認為是正常做法：「至於其他人嘅做法，其實係正常，只係我嘅做法係唔正常，我唔覺得人哋有問題。」至於網民封為「絕世好老闆」，對員工體貼及作出安全考量，唐安麒聞言即謙虛道：「『絕世好老闆』呢個名我唔敢當，我只會認我係好老闆，哈哈！創辦Angel Face接近40年以嚟，好多人都知我同員工嘅關係非常好，有好多同事係跟咗我40年、30年、20年或10年都有，一直同我並肩而行。作為老闆，最基本嘅係要對員工有愛心，將心比心，要企喺佢哋立場方面諗。」
#韓港報 #韓國娛樂 #香港娛樂 #唐安麒 #絕世好老闆 #颱風 #颱風樺加沙 #樺加沙 #打工仔 #打工仔心聲 #打工仔日常 唐安麒 Angel Tong
