Sportsoho

14/06/2026

Faye 係C朗fans就係人都知，今屆世界盃佢仲睇好邊一隊？🤩

𝐅𝐚𝐲𝐞

#運動版圖 #2026世界盃

13/06/2026

三鐵港隊遠征徐州大豐收🎉 勇奪1金1銀1銅！小將溫澤仁U15強勢衛冕摘金🥇 奧斯卡奪銅為亞運大增優勢！

中國香港三項鐵人總會今個週末派出 30 人強大陣容遠征徐州，出戰「亞洲三項鐵人超短距離錦標賽」。今日 (13日) 個人賽中，港隊全員表現出色，合共勇奪 1金1銀1銅 佳績！👏🔥

🥇 溫澤仁｜頂住壓力 成功衛冕！
港隊小將溫澤仁頂住「衛冕冠軍」嘅光環與壓力，喺游泳同單車項目一直嚴密緊貼主集團。去到決勝嘅跑步路段，雖然一度受到中國隊小將步步進逼，但溫澤仁喺最後關頭頂住壓力再度加速，力壓對手率先衝線，成功踩上亞洲最高頒獎台，順利衛冕！

🥈 #女子青年組銀牌 Sarah Modiano｜後勁凌厲 逆轉奪銀！
Sarah 今日展現超強心理質素，雖然喺游泳項目落後守喺中間位置，但隨後於單車路段發揮穩定，成功追回主集團。到落地跑步，Sarah 更爆發出凌厲後勁，喺最後階段強勢衝刺，以第二名衝過終點，為港隊奪得首面獎牌，成功「開齋」兼打起全隊士氣！

🥉 #男子精英組銅牌 奧斯卡 (Oscar Coggins)｜最後300米果斷大超車！
港隊男子精英組亦盡顯實力，一共有 5 人殺入決賽！奧斯卡喺決賽憑藉一貫強勁嘅單車及跑步能力，喺終點前約 300 米睇準時機果斷加速，成功追上前列對手衝線，搶下一面寶貴銅牌！呢面獎牌亦令佢爭取「2026名古屋亞運」參賽資格嘅優勢大增，極有機會再度踏上亞運舞台！

個人賽圓滿結束，港隊聽日（星期日）將會繼續出戰 少年及U15四人混合接力賽！大家一齊為港隊集氣，繼續衝擊獎牌！ 🇭🇰🏃‍♂️🚴‍♂️🏊‍♂️

13/06/2026

麥根尼高第一屆睇嘅世界盃係幾時？又點睇今屆世界盃？🤩

cai_mcgunnigle

#運動版圖 #熱話 #2026世界盃

11/06/2026

一直熱愛網球並熱衷參與各種賽事嘅黃冠華Johnny，今年第二次挑戰香港先進運動會，仲喺45歲以上單打組別奪得銀牌，對佢而言意義非凡：「因為康文署比賽係會頒發精美獎牌，而且係大型全港比賽，為我嘅運動生涯增添咗好多美好嘅回憶！」

佢喺去年就獲選成為港隊出戰全運會群眾項目嘅網球賽，哩次出戰全國賽嘅經驗相當寶貴，亦令佢識咗李志輝教練，為咗今屆嘅先進運動會，陪佢展開咗每週六嘅特訓；再加上逢星期日有前職業球員李欣翰教練嘅指導，一星期兩課嘅高強度操練，令Johnny喺短短六個月內，無論係個人技術定係場上戰術，都有大幅度嘅提升！佢坦言賽前目標都係殺入決賽、攞亞軍：「因為冠軍李夏新喺技術同體能上確實比我優勝！」佢呢面銀牌絕對係汗水嘅結晶——賽前佢喺訓練中發現右膝開始出現痛楚，結果要帶傷上陣：「右腳膝頭傷患，絕對係我成個比賽最難忘嘅記憶！」因為傷患，令佢賽前賽後都要做足熱身、拉筋、狂捽藥膏。一路上關關難過關關過，去到決賽，面對強大對手給予嘅巨大壓力時，傷患終於頂唔順：「傷患即時影響咗我嘅轉向同腳步，導致決賽未能發揮出百分百嘅水準。」

嚟緊今個星期日就有先進運動會嘅游泳項目，將會喺中山紀念公園游泳池上演，比賽年齡組別最大去到65歲以上，好熱血呀！

#運動牌圖 #香港先進運動會 #網球 #熱話

11/06/2026

11/06/2026

睇世界盃小賭為氣氛，勿犯法賭外圍賠上人生⚠️

2026 FIFA 世界盃即將開鑼，相信各位球迷都期待已久！喺觀賞頂尖球技嘅同時，記得要理性睇波，有節制博彩，為自己負責，千祈唔好因一時衝動而越過以下底線：

🚫 賭外圍犯法，你輸得起？
參與非法外圍賭博係嚴重罪行，隨時面臨罰款甚至監禁！唔好受外圍賠率吸引而忽視背後嘅詐騙風險同法律後果。

觀賞體育賽事嘅同時，香港賽馬會提提你，博彩要有節制！參與非法賭博，隨時面臨罰款及監禁。如遇賭博失調問題，可致電平和基金賭博輔導熱線 183 4633 尋求協助。

了解更多有節制博彩資訊：https://www.hkjc.com/responsible-gambling/ch/index

#香港賽馬會 #有節制博彩

10/06/2026

運動版圖 x Man僧 .ink

世界盃熱潮即將席捲全城，當我們的香港隊能夠殺入亞洲盃決賽周經已值得慶賀時，世界盃顯然是遙不可及，「世一」一詞，從來與香港足球沒有關係。

然而，雖然並非於世界級的正式賽事，但我們香港的傳奇射手陳肇麒，都曾經「與世界接軌」：代表南華於表演賽面對英超球會熱刺，以一記精彩的窩利射門笠死巴西國家隊門將高美斯；東亞運決賽頭槌攻破日本隊大門，助港隊追平並最終奪冠而回。上述多年來被反覆傳誦的入球外，赴倫敦於熱刺跟操時，與世界級中場、金球獎得主摩迪穿起同一件練習球衣的合照，也為人津津樂道。

在足球的大世界，我們香港實在很渺小，但作為「區區」香港的足球員，能夠有上述的經歷，就算不是「世一」，也確是夫復何求。

✒️ Leo Chan
🖌️ .ink

原文刊於《運動版圖》2026年6月號
雜誌每月逢25號出版
更多精采內容請支持電子版或印刷版 link in bio

#運動版圖 #長洲仔筆記 #足球

08/06/2026

曾經喺2008年北京奧運作為馬術比賽場地嘅沙田彭福公園，其中一部份被香港賽馬會翻新改建為「小馬大本營」，希望令更多小朋友可以更容易接觸同了解馬術運動，有助香港孕育馬術人才嘅明日之星。聽日6月9日就開放預約喇，趁機會俾小朋友同動物互動啦～

詳情👉🏻
🔗https://www.hkjc.com/pony-world /

📸Nicole，香港賽馬會

#運動版圖 #小馬大本營 #香港賽馬會

05/06/2026

非牟利體育基金「騰峰計劃（Pinnacle Project）」於 YouTube首播四套紀錄短片，記錄了四位香港頂尖運動員的奮鬥和心路歷程：

• 何詩蓓（游泳）：Siobhan表達了她游泳生涯初期所面對的苦況，女飛魚曾經的迷茫。另外，原來她閒時喜歡焗茶點~
• 羅映潮（長跑）：Virginia形容長跑是一場與自己身體的漫長對話，並分享計劃如何透過度身訂造的支援提升其表現。
• 卡比多羅比（美式桌球）：Robbie坦言計劃減輕了他出戰比賽的財政負擔，並分享了他如何投入才能有今天的發揮水平。
• 陳樂熹（劍擊）：Royce分享謂堅持運動路最重要的是喜歡，劍擊場上的成敗往往在毫秒之差，勝負不宜看得太重。

「騰峰計劃」創辦人許建德（Jonathan）認為計劃在首年獲得廣泛支持，明年計劃將增撥資源，將運動員資助總額由港幣200萬元提升至港幣300萬元。而第二輪的資助申請也已經在2026年5月25日正式展開（6月26日截止），希望未來繼續為香港下一代運動員提供度身訂造的資源！

影片傳送門：
何詩蓓 ：https://youtu.be/INw8xzwsJM
羅映潮 ：https://youtu.be/sYdTYrfpUcA
卡比多羅比 ：https://youtu.be/yPGNfpWkkJk
陳樂熹 ：https://youtu.be/F6cYCKort6g


#運動版圖 #熱話 #騰峰計劃

05/06/2026

Nike今日發佈咗全新品牌企劃《Rip the Script》影片，小編睇完心頭只有一句：「大師兄返嚟喇。」睇完深深感受到Nike正以呢支6分鐘影片號召大家回歸足球本質 — 我哋熱愛嘅足球係點樣嘅？大家要記得感動我哋嘅經典畫面都係嚟自球員嘅直覺及創造力，以及佢哋敢於嘗試嘅顛覆精神。為咗表達呢個核心思想，呢支影片每一個鏡頭都係精挑細琢，每一秒都係千錘百鍊，由拍攝方式以至呈現嘅精細度都超越過往Nike嘅足球影片。

呢部影片將故事設定喺一座Hollywood超大攝影棚裡面，講述球員徹底顛覆既定劇本，完全唔理導演嘅要求（有一種象徵唔理教練嘅feel XD），以直覺喺攝影棚裡面交織出一場充滿創造力嘅攻防戰。 球員喺呢個追逐間穿梭唔同嘅攝影棚，每一個攝影棚都係唔同嘅set，佢哋穿梭間所做嘅嘢代表住唔同程度嘅顛覆及文本互涉，(例如Cantona喺一艘艇上面，上空有海鷗盤旋，本身係指涉緊佢當年一次直覺sidekick後嘅出位言論)，喺呢個層面上，可以睇到製作團隊唔滿足於以往純粹展現「足球創造力、技藝樂趣」嘅方向，而係更深層探問一個嚴肅話題：「我哋想我哋嘅運動員係點樣？我哋應該要解鎖佢哋嘅創造力！」但就以一個富玩味而且帥靚正嘅方法去展現。

對於製作《Rip the Script》影片，Nike品牌管理副總裁Helena Thornton表示，「足球最令人著迷嘅時刻，往往發生喺球員相信自己直覺嘅瞬間。」鑒於現今社會愈來愈計算、追求策略，而令足球開始變質，所以Nike今次選擇一條非傳統行銷方式，希望創造一個俾球迷、球員、創作者共同參與創造及延續嘅「Nike足球宇宙」，足球世界係點樣，係應該大家一齊思考、參與。

📝 Jack
🎞️📷

#運動版圖 #熱話 nikefootball ripthescript