Sportsoho

01/08/2025

🎉 香港運動節 2025 焦點活動一覽🎉

無論你係運動迷，定係想放假搵啲新嘢玩，甚至帶埋小朋友放電，嚟 #香港運動節 都一定搵到啱你嘅節目！🤩即刻睇下有咩必玩活動啦👇

🎾CHUBB | SPORTFEST HK Pickleball體驗 — 用最新玩法感受Pickleball熱潮

🏃明日之星運動探索坊 — 發掘小朋友運動潛能，為小學體育呈分試做好準備

🚴Panasonic 校際室內兩項鐵人隊際賽： 為學校榮譽而戰，立即組隊挑戰

🏁德安駕駛學校 x 黑柑創意 x Sportsoho 運動版圖 合辦：智能實景駕駛比賽 — 感受每一個轉向和加速，體驗風馳電掣嘅快感

⚽中國香港無人機運動總會 (HKDSA)｜Sportsoho 合辦：無人機足球體驗 — 體驗無人機足球結合科技及運動嘅獨特魅力，加入空中對決行列

💃NEXUS × SPORTSFEST HK Colosseum 鬥獸場 — 召集各路舞者台上Battle

🏐V.League 排球比賽 — 現場感受熱血沸騰排球賽事

🚲「Tour De 1000 KM」電競單車團隊賽 — 用虛擬單車挑戰一千公里極限

🈹早鳥優惠🈹
即日起至8月6日，網上登記即可享免費入場門票！活動名額有限，快啲去揀啱你心水嘅活動報名啦👉 https://bit.ly/3TXDgCg

#香港運動節2025 詳情
📅日期：2025年8月22-24日（星期五至日）
⏲️開放時間：8月22-23日 10:30 – 19:30（星期五至六）｜8月24日 10:00 – 19:00（星期日）
📍地點：香港會議展覽中心（灣仔會展）Hall 3DE
🎫門票：港幣$30
🔗網站：https://sportfesthk.com/

#香港運動節2025 #香港運動節 #運動版圖 #運動博覽

01/08/2025

#我要上全運 #第十五屆全國運動會 #全運會 #群眾賽事活動 #橋牌選拔賽

喺上屆杭州亞運 #橋牌 奪金嘅何凱桐以及何煒霖，今次都有參加全運會橋牌嘅男子團體選拔賽，雖然今次佢哋未能入選，但認為內地選手基本功紮實，默契好好而且積極進取，香港選手可以把握全運會機會，學習佢哋嘅比賽風格同精準嘅叫牌！

#運動版圖 #熱話

31/07/2025

#我要上全運 #第十五屆全國運動會 #全運會 #群眾賽事活動 #航空模型選拔賽

第十五屆全國運動會(十五運)群眾賽事之一 #航空模型 選拔賽圓滿舉行，選拔賽分為6項，包括無人機足球(F9A)團體賽、無人機競速(F9U)個人賽及團體賽、遙控手拋滑翔機(F3K)團體賽、室內橡筋動力滑翔機(F1D-P)與室內遙控空戰(P3Z-D)團體賽及汽油機模型繞標飛機(P3D)個人賽。其中最為注目嘅係無人機足球(F9A)團體賽，哩個項目講求團隊合作，趣味性與競技性兼備，吸引眾多青年參賽者展現熱情與實力。港隊即將展開正賽訓練，期待香港代表喺全運會群眾賽事活動舞台上爭取佳績！

#運動版圖 #熱話

31/07/2025

【本地賽事回顧】喺賽事相入面見到大家咬牙切齒、打得火熱、肉緊嘅樣，就好想同大家同自己講畀啲掙扎！畀力呀！

📸今期精華：
⚽️香港足球盛會—利物浦 vs AC米蘭—渣打盃
🏀⛹️香港金牛 NBL 賽程 蘇科雄獅 合肥狂歡
💪🏻HYROX Hong Kong 2025

📸Thomas Tang，Conrad Yu，Stephen Yau，Hermann Chu，Tony Lam，Bonnie Lai，Kevin Kong

#運動版圖 #熱話 #足球 #籃球

31/07/2025

啱啱喺芬蘭赫爾辛基完咗嘅「世界青少年攀岩錦標賽2025」抱石項目決賽，十五歲嘅陳致滔(Hugo)喺U17抱石項目入面以第四名完成，刷新咗香港運動員喺世界青少年攀岩錦標賽嘅紀錄！Hugo今次比賽嘅狀態良好，喺90名來自全球嘅年青運動員入面脫穎而出，前日嘅資格賽以第四名晉身半準決賽，再於噚日晏晝舉行嘅準決賽以第二名強勢晉級決賽。而喺今朝(31/7)香港時間凌晨一點舉行嘅決賽，Hugo以2T4Z(兩條線路完攀，四條線路到達得分點)嘅成績勇奪第四名，創下香港喺世界級運動攀登賽事入面嘅最佳成績。

港隊今次派出咗14位運動員出戰「世界青少年攀岩錦標賽2025」男女子U19同U17組別嘅比賽，佢哋早前已經完成咗抱石項目嘅比賽，並會係嚟緊四日出戰領攀項目同速度項目嘅比賽，大家可以睇直播繼續支持香港運動員！

📸 IFSC

#運動版圖 #運動攀登 #抱石 #熱話

30/07/2025

環法咁又完咗🚴‍♂️唔知大家點睇Wout Van Aert 喺最尾巴黎終點站踩贏Pogačar首名衝線，又點睇Vingegaard同Pogačar兩大惡鬥呢？

睇吓我哋專欄車轉公路嘅作者Tim Tse點睇👉🏻https://bit.ly/41jtvlI

#運動版圖 #熱話 #單車 #環法

Visma | Lease a Bike延續Critérium du Dauphiné多日賽的進取策略，不斷發動攻勢，向UAE Team Emirates-XRG和Tadej Pogačar施壓，然而策略未見成效，Pogačar仍是難以撼動。Vingegaard在第5站個人計時賽和第12站高山站兩度失準，被Pogačar拉開3分30秒....

30/07/2025

「AIA友邦好生活節2025：熱刺球星社區活動」今日下午喺中環海濱嘅AIA Vitality公園舉行，熱刺球星占士麥迪臣 、雲達芬 、維卡里奧@guglielmovicario 及貝里瓦爾 嚟到公園同球迷見面玩遊戲，除咗有香港嘅中小學生，仲有郭思 ！一齊玩得不亦樂乎。

遊戲包括咗四個足球挑戰區，考驗反應、技術，麥迪臣表現最為投入，同球迷最多互動之餘，亦都拍片玩埋一份。今日成攝氏33度，難得球迷嚟到呢項戶外活動，證明刺迷嘅熱血！

#運動版圖 #熱話 #足球 #熱刺

30/07/2025

「adidas阿仙奴球星見面會」今朝喺K11 MUSEA adidas 店舉行，阿仙奴球星迪勤懷斯、馬天尼利、加比爾及美連奴嚟到同球迷見面，並為主題店嘅一啲紀念品簽名留念。

一眾球星亦都有分享來季球隊展望，首先懷斯就分享話自己有再操練罰球，但就認為對皇馬射入嘅兩個金球係太過精彩，恐怕之後難以重現，而當問及聽日嘅比賽，加比爾就話，「呢場對熱刺嘅賽事，我哋相當重視，咁上季我哋兩次對陣都贏，希望聽日都係一樣嘅戰果。」引得全場球迷熱烈歡呼。而及後美連奴被問到自己喺球賽嘅位置取向，佢就充滿自信咁話，「我踢咩位都冇所謂，只要幫助到球隊就可以。」

阿仙奴主題店於7月29至31日將展出多件球會及阿仙奴香港官方球迷會嘅收藏，其中包括過去數個球季的簽名球衣及重要賽事用球，更有球隊當年以不敗之身奪得英超冠軍之別注紀念品。另外，球星們都特別為今次嘅活動為一面打氣旗幟簽名，旗幟亦都會喺主題店展出，球迷可到訪主題店，喺打氣旗幟上面留低打氣字句，共同製作呢幅打氣旗幟，為阿仙奴主題店添上極具紀念價值嘅佈置。

#運動版圖 #熱話 #足球 #阿仙奴

30/07/2025

日本北海道佐呂間湖100公里超級馬拉松 阿歹3"53配速奪冠｜2025年8月號《跑去邊度》｜謝覺偉 阿歹

阿歹月前參加咗日本北海道佐呂間湖100公里超級馬拉松，以6小時28分39秒衝線，成功擊敗一眾本土好手攞到冠軍。今次係佢繼上年之後再度征戰，成績仲比上次進步咗12分鐘，亦刷新咗自己喺100公里嘅個人紀錄，「今次撐到80公里後才開始慢落嚟，舊年我喺60公里後已經跌得好快，而今年喺80到90公里嘅路段，仲可以維持到4分鐘/公里嘅速度，所以進步係明顯嘅。」

近年阿歹有感自己喺馬拉松較難衝擊更高成績，因而改為專注越野賽事同超級馬拉松，適逢佐呂間湖嘅舉行日期喺其他重要賽事嘅前後，啱啱好可以畀佢驗收呢半年嘅訓練成果，然後喺接住落嚟嘅兩個月調整狀態同訓練重點，好好備戰9月喺西班牙坎弗蘭克舉行嘅世界山徑越野錦標賽。

原文刊於《運動版圖》2025年8月號
雜誌每月逢25號出版
更豐富內容請支持印刷版或電子版！

#運動版圖 #跑步 #日本北海道佐呂間湖 #超級馬拉松 #馬拉松 #阿歹

30/07/2025

#我要上全運 #第十五屆全國運動會 #全運會 #群眾賽事活動 #國際象棋

今屆全運會係香港首次派代表出戰群眾賽事嘅國際象棋！♟️中國香港國際象棋總會榮譽會長高鼎國希望透過今次賽事，可以增進各參賽選手嘅棋藝，並為香港嘅國際象棋發展帶來幫助。今次仲有曾經五奪國際棋聯女子世界錦標賽冠軍嘅居文君參戰，香港代表馮予好希望可以同佢交手！

閱讀全文🔗https://bit.ly/4mkq0Up
#運動版圖 #熱話

今屆全國運動會將會派出五男五女，合共十人出戰國際象棋項目。隊員何彥希認為今次全運會的挑戰頗大，因為國內有不少實力強勁的職業棋手，希望今次可以發揮到自己的水平。而另一年輕隊員馮予就離港集訓，認為有助了解...

30/07/2025

參加「明日之星運動探索坊」即送活動限定紀念品🎁及專業體適能評估📈

#活動紀念品
小朋友除咗可以透過一系列體適能挑戰探索自己嘅運動潛能，仲可以拎走多款精美實用嘅紀念品🎁，拎返屋企Keep住訓練：
🏅 完成獎牌
📜 活動完成證書
💪 訓練拉力帶
🥎 訓練握力球
⭐ 訓練反應球

#專業體適能評估
每位完成挑戰嘅小朋友，都可獲得由「中國香港功能體適能及運動表現總會」提供嘅免費專業體適能評估💪！ 呢個評估會以「香港小學生體適能測試」為基礎，幫助家長深入了解小朋友嘅體能強項同弱項，為佢哋嘅體育堂呈分試打好基礎💯！

從小開始發掘小朋友嘅運動天賦，即刻報名啦 👉 https://bit.ly/3GkK3Tl

活動詳情
🗓️ 日期：2025年8月22-24日 (星期五至日)
📍 地點：香港會議展覽中心（灣仔會展）Hall 3DE
⏰ 時間：8月22-23日 (星期五至六)：11:00 – 19:00｜8月24日 (星期日)：10:30 – 6:30
*每節體適能測試為1小時
💰 費用： HK100 (包括1位參加者及1位家長入場門票)
🔗 網站：https://sportfesthk.com/zh-hant/risingstars

#香港運動節2025 #明日之星運動探索坊 #運動版圖 #親子活動 #暑假好去處

最新消息 23/6/2025 活動現已接受報名！ 活動內容 「明日之星運動探索坊」為6-12歲的兒童率先提供一系列刺激的體適能挑戰，於開學前可讓小朋友一顯身手。每位參加者在所屬的挑戰區內完成不同運動能力的挑戰，包括彈跳力、....

29/07/2025

#我要上全運 #第十五屆全國運動會 #全運會 #群眾賽事活動 #龍舟

第十五屆全國運動會群眾賽事龍舟決賽喺佛山舉行，為呼應粵港澳三地聯辦全運，今次龍舟賽事特設粵港澳聯隊，讓三地運動員互相交流、連繫。而港隊雖然未能成功衝擊獎牌，但賽事期間香港代表團官員親身到佛山探訪佢哋，到賽場為佢哋打氣，佢哋都倍感力量，有隊員受激勵話會繼續喺龍舟路上揮槳前進！

閱讀全文🔗https://bit.ly/3IUADyJ
#運動版圖 #熱話

第十五屆全國運動會群眾賽事龍舟決賽於7月5日至7日在佛山市南海區丹灶鎮仙湖舉行，全國各省市的廿三隊龍舟隊齊聚仙湖爭逐全運會榮譽。本屆龍舟賽事特設粵港澳聯隊，以呼應三地聯辦全運會，亦可連繫各地的龍舟健兒互相...