13/08/2026
觀塘食肆驚現「拉絲荷葉飯」 食客恐變質發文求教 網民驚呼：已嚴重腐敗
【點新聞報道】近日有食客在觀塘一間食肆用餐時，驚見點選的「荷葉飯」竟然出現誇張的拉絲現象。食客擔心食物早已變質，當場詢問店員是否為「店家特色」，卻並未獲得明確回覆。隨後食客將影片上載至社交平台求教網民，事件迅速引發網民關注和熱議。
事主於Threads上載一段影片，並發文問道：「喺觀塘食到拉絲荷葉飯，點部署好？」從影片中可見，事主用筷子挑起荷葉飯時，米飯之間竟然黏着大量細絲，且多次夾起均呈藕斷絲連的牽絲狀態。事主坦言，起初並未察覺異常，食到一半才發現不對勁，「一開始冇乜點為意，食多兩啖先有feel，跟住傾傾嚇又覺得唔係好對路」，當時樓主以為是店家的特色，「不過唔知佢會唔會係特色嘢加咗嘢，因為食落又冇餿味。」
由於心生疑慮，事主當場向店員查詢該道菜是否為店舖特色，惟店員既不承認亦不否認，態度令人摸不着頭腦。事主擔心誤食壞食物會鬧肚子，遂發文集思廣益，並笑言：「如果聽日冇肚痛，我會相信係特色嚟嘅。如果聽日肚痛，就會開舖名。」
帖文一出即引來大批網民關注，不少網民直指該道荷葉飯早已嚴重腐敗變質，警告事主隨時有食物中毒風險：「師兄，唔該你即刻睇醫生，仙人掌桿菌，飯喺室溫擺耐咗好易有」、「拉絲飯會食死人ga⋯真係極邪惡」、「拉絲一定有問題，就算你冇屙都好，拉絲即係入面已經有大量細菌繁殖後產生嘅分泌物」、「做咗幾十年人都冇話見香港連飯都變壞，真係大X鑊」、「米飯會拉絲代表已經嚴重腐敗，並滋生大量仙人掌桿菌。這種細菌分解澱粉會產生黏稠的牽絲，且初期不一定有明顯的臭酸味，誤食極易導致急性食物中毒、劇烈嘔吐或腹瀉，問AI」、「呢啲叫『牽絲』，唔一定有怪味，但肯定係壞。已經有人留咗言話有『仙人掌桿菌』。唔該開名，呢啲僕街舖頭根本唔應該生存」。據了解，「仙人掌桿菌」又名為「蠟樣芽孢桿菌」。
此外，有網民分享類似的經歷，「買過盒飯，誇張過你呢個幾倍。嗰陣我以為落咗納豆，好彩無食到」、「XX超市d 20蚊飯，無記錯係無鹹魚嘅雞粒炒飯。嗰次一匹（一坨），成炸膠水咁gei嘢痴q住，拉起成炸絲如圖。第二日我仲問個阿姐係咪落咗納豆」，亦有網民嘲諷：「納豆荷葉飯啫！」
後續，事主在留言區補充最新情況並向大家報平安，表示：「各位觀眾，我就冇事，返緊工啦。多謝咁多位關心，有啲咩事再update」。雖然事主暫未出現嚴重不適，但不少網民仍建議樓主看醫生。
#變質 #蠟樣芽孢桿菌 #食肆 #荷葉飯
#點新聞 每日點新聞 ● 點解香港事
______________________________________________________
日日點新聞 點睇香港事 更多精彩内容不容錯過：
► 記得Follow埋我哋嘅:IG：https://www.instagram.com/dotdotnews/posts/?l=1
► 仲有記得Follow埋我哋嘅Threads:https://www.threads.com/?utm_source=qr
新聞鏈接：
《觀塘食肆驚現「拉絲荷葉飯」 食客恐變質發文求教 網民驚呼：已嚴重腐敗》
https://www.dotdotnews.com/a/202608/13/AP6a7d8316e4b04b6c5d369296.html
新聞來源： 點新聞
本文著作權歸點新聞平台所有，非商業轉載請註明出處來源點新聞，商業轉載請聯繫點新聞[email protected]
