好年華

16/09/2025

#新書分享會 #二十世紀歌詞愛情療癒誌
成長在上世紀八九十年代的我們，都會說是聽情歌長大的一代，到了今天卻彷彿失去愛的能力。

游思行透過上世紀耳熟能詳的香港流行歌庫，分享這些陪伴我們成長的廣東歌，在愛情和親密關係上的感悟，幫助我們修好在感情路上跌跌碰碰時碎裂過的自己，重新拾回愛人的能力。
▌《二十世紀歌詞 愛情療癒誌》新書分享會
📅 時間｜2025年9月21日 16:30-17:30
📍 地點｜誠品銅鑼灣店9F FORUM
👤 講者｜ 游思行
📝 主辦｜ 生活文化
．
#誠品香港 #誠品書店 #誠品 #新書分享會 #游思行 #生活文化 #二十世紀歌詞 #愛情療癒誌

11/08/2025

《男性的弱點》 新書分享會完滿結束
多謝大家支持🎉

2025年3月，新光戲院的霓虹燈正式熄滅。那一刻，許多人以為屬於它的故事終於畫上句號。

李居明先生在告別時說了一句令人動容的話：「喺未來日子裡面，我希望可以有好多新嘅文化形式去演出，能夠繼續延續新光精神。」

這並非空談。

同年4月，他正式宣佈接手嘉禾黃埔戲院，並將其改名為「新光黃埔影藝城」，預計於8月16日正式開幕。舞台換了地方，精神卻沒有斷——新光精神依然在香港延續，並以另一種形式繼續發光發熱。

其實，香港人一向如此——慣於在艱難時代，總可以另覓出路。

沒錯，當下的香港，風高浪急，經濟下行，執笠嘅執笠，但香港人的特質，不就是在困境中尋找出路嗎？由當年一個小漁港，到今日的繁華城市，靠的就是這股韌力。

唔好賴天賴地賴人，不如先做好自己；唔好忘記香港人的特色與素質，唔好乜都鬧。

有人做硬膠嘢唔好笑，因為正是這種「傻勁」，先可以 keep 到啲嘢唔會消失。憑著對事情的熱愛和堅持，一些珍貴的精神與文化，才得以在這片土地上延續。

作者灘叔在新書序言中嘆言：今日香港，仍有人堅持寫書、出書——你話，係咪「痴線」？

這個時代，最容易的，就是「咩都鬧」。颱風預警早了，說妨礙了仔仔畢業禮；遲了，又質問點解唔一早通知。馮德倫當年組合叫「Dry」，被問點解唔叫「Wet」；若真改成「Wet」，恐怕又會被反問點解唔叫「Dry」。

非黑即白，橫豎皆錯。永遠有人話你唔啱，但對件事，一啲幫助都冇。

「吊命」就是香港人的核心特質之一——有人做，就幫手打吓氣，唔好淨係放負。實體書要存續，舞台要延綿，電影要開場，靠的從來不是孤軍奮戰，而是整座城市的集體韌性。

晚年的香港人，和這座城市一樣——或許皺紋加深，或許傷痕累累，但骨子裡，依然有股「唔信邪」的傻勁。

在艱難時代，先做好自己；唔好忘記，香港人的特質一向如此——絕處，總可逢生。

#咩叫唔求學好，亦唔求學壞
#做好自己先啦
#唔睇紅姐等同社會脫節?
#咁寧願好甩


以上為分享會部分內容改編，多謝作者灘叔分享了書中延伸內容。

最後要感謝 #誠品香港 以及工作人員🙏

04/08/2025

#新書分享會 #男性的弱點
男人四十未死，夢未盡。來聽作者鄒凱光（灘叔）講講中年男人，怎樣撼牆撞板都唔跪低，從職場荒謬到人生場場硬仗，一字一句都是不認輸的痕跡。
▌《男性的弱點》新書分享會*
📅 時間｜8.10 (日) 16:00-17:00
📍 地點｜誠品銅鑼灣店9F FORUM
👤 講者｜ 鄒凱光
📝 主辦｜ 好年華
．
*座位數量有限，先到先得
．
#誠品香港 #誠品書店 #誠品 #新書分享會 #鄒凱光 #灘叔 #男性的弱點 #男人四十 #男性議題

31/07/2025

🎊暢銷書榜🎊

🎉 #誠品暢銷榜
#藝術
第1位《久別重逢 劇作文本 》作者：梁禮彥

#人文科學
第4位《光影芳華》作者：舒詠晨
第7位《是我小時候 別忘了香港》作者：懷舊香港同學會

🎉 #三聯暢銷書榜
#人文科學
第7位《老店香港》作者：懷舊香港同學會

🎉 #商務暢銷書榜
#人文科學
第7位《老店香港》作者：懷舊香港同學會

31/07/2025

《 #男性的弱點》 【鄒凱光】
《 #空手打天下》【歐錦棠】
已到達田園

新書已到貨了～

31/07/2025

30/07/2025

好年華2025新書已於各大書店上架

《 #生死營救 之救護血淚史》【馬菲】
《是我小時候 別忘了香港》【懷舊香港同學會】
《老店香港》【懷舊香港同學會】
《廣東話圖鑑 港式說話之必要》【懷舊香港同學會】
《 #空手打天下》【歐錦棠】
《 #光影芳華》【舒詠晨】
《 #沾史人類觀察2 寫下不安 也寫下光》【沾史】
《 #男性的弱點》 【鄒凱光】
《從前有個東方荷里活》【王日平】
《 #久別重逢 劇作文本》【梁禮彥】

📚 實體書店：
我們的書已陸續送抵各大連鎖書店、誠品書店及多間獨立書店，歡迎親身到店選購

🌐 網上平台：
HKTVmall：支援寄送香港、英國、澳洲及加拿大
YesAsia：支援全球寄送
博客來：台灣讀者可於年底前後透過博客來訂購（上架時間約為年底）

📦 補充說明：
我們這邊能掌握的是書籍的發行與發貨狀況，惟無法即時查閱每間書店的實際存貨量，建議直接向目標書店查詢會更準確！

另外請多多支持獨立書店✨

22/07/2025

趁住小編條老腰仲未斷，寫篇小小書展總結📝

首先，一定要再次多謝，各位作者同讀者朋友嘅支持同捧場。

呢句雖然成日講，但真係講極都唔夠——多謝你哋到場支持、親身捧場、出Story tag我哋，等小編可以懶懶地轉載你哋嘅 Story 做紀錄😂

📸 1）瘋狂撳快門
如果你哋部手機俾咗小編，可能會發現多咗好多側拍——你哋同作者嘅互動、全身相、打橫影打直影⋯⋯

唔好意思，打爆你哋部相機嘅 memory。不過場面咁珍貴，小編實在忍唔住想捕捉低每個得意瞬間，希望有影到啱心水嘅相，希望你哋都玩得開心！

👀 2）熟悉嘅面孔
有啲讀者、老師，喺讀書會、導賞團，甚至去年書展講過兩句，小編都記得！

然後就厚住面皮問：「你咪買開某某作者本書㗎嘛？」多謝你哋冇當我係怪人，仲肯陪我吹兩句水。

📚 3）介紹第二間出版社
有朋友問某某作者／某類書有冇得買，小編一於盡量幫手：
「某某作者？佢有新書呀，不過唔係我哋出，行過兩條巷就搵到。」
「某某題材？我哋冇，不過你可以去斜對面，佢哋有出呢類書！」

雖然唔係每間出版社都識，但市場咁難做，互相幫忙最緊要，總之希望你哋買到心頭好！

💸 4）從來冇試過大劈價
書展尾聲，好多人問有冇清貨價。其實我哋一直都有會場優惠價，唔會大劈，但都希望回饋下大家。

始終，我哋相信一本書嘅價值唔止於價格。

🎁 5）小彩蛋：Chiikawa＋金句
今年小編私心畫咗啲 Chiikawa，再配上幾句今期 hit 爆嘅金句，本身擔心太 kam ，但見到你哋笑一笑，就知冇畫錯。

多謝你哋細心收集一套，再嚟問我哋拎小玩具～

雖然禮物唔多，但希望你哋玩得開心，帶返屋企都有啲快樂。

其實當初老細都唔睇好我呢個「畫畫加金句」idea，今次見到大家反應咁好，下次我會爭取拎多啲小禮物返嚟送俾你哋💪🏻！

🌪 6）天氣不似預期
老實講，真係冇諗過會打成十號風球，原定安排都被打亂晒。

好多活動被迫取消，實在抱歉。

再次衷心感謝各位作者同讀者嘅體諒同配合。我哋會重新計劃，補辦取消咗嘅活動，請大家拭目以待✨

當然，呢場風波對生意始終都有影響，尤其係而家市道咁淡，出版環境又本身咁嚴峻。不過有啲事，可能真係天意，我哋唔會怨，只會盡力做。

最想講嘅，係一句簡單但誠心嘅——多謝。🙏

多謝每一位讀者，有你哋嘅支持，先成就到今次嘅書展。

我哋出版社人手唔多，書展期間難免有失神、有錯漏，但我哋真係有留意、亦會聽取每一位嘅意見，無論係出版上定係現場安排，我哋都會不斷改善。

來緊一年，希望可以做得更好，繼續帶更多好書俾大家。

如果有緣，下年書展再見。📚💛

#今年書展期間講得最多嘅一句
#最緊要睇啱先買
#同埋
#老細幾時有加人工？

21/07/2025

🌀天氣不似預期，原定星期日舉行的 #光影芳華 新書分享會，無奈取消。

雖然未能與大家如期見面，但幸好有《明周文化》的相關報道，讓我們想表達的，仍可傳遞出去。

感謝每一位關心、支持的朋友，我哋會繼續再計劃，期待下一次的相聚。👋🏻

【另類追星】九十後鐵粉開IG應援梅艷芳 搜集偶像花邊逸事 藉互聯網延續「香港女兒」傳奇一生 https://mpweekly.hk/mYTUT

有的人死了，他還活著。已故天后梅艷芳雖已病逝近廿二年，惟她的影響力卻絲毫不減。其舞台魅力及巨星形象不乏年輕一代追捧。她宣佈罹癌的那一年，舒詠晨還在讀小學，透過電視螢光幕見證梅姐在記者會上鏗鏘有力地說出一句：「呢一場仗，我一定會打勝。」她的目光被梅姐的「硬淨」深深吸引住，「可惜的是，當我開始迷上佢嘅時候，佢已經離開咗。」
甫發現星踪，巨星便殞落。詠晨自覺生不逢時，相逢恨晚，儘管與偶像置身不同空間，她仍希望向更多人傳揚梅姐的傳奇故事。她數年前開設社交平台，近日更出版實體書，將多年來對梅姐的熱愛共諸同好。詠晨不滿足於粉絲之間「圍爐取暖」，更想告訴不熟悉梅姐的年輕一代——我城曾經閃耀過這顆璀璨的明星：「因為我鍾意到想話畀全世界聽——我真係好鍾意梅姐！」

（全文報道刊於《明周文化》網站，連結在留言區。）

#梅艷芳 #九十後 #追星 #香港女兒 #光影芳華 #舒詠晨 好年華 .mui_

21/07/2025

多謝作者Jessie超前部署嚟簽名🥹🙏🏻

星期六加場當日
撞正陳詠燊導演
《致看香港電影長大的我們-增訂版》簽名時段
再次感謝您為《我的九十年代 歌詞療癒誌》寫序

請大家今明兩天繼續支持書展
到1A-E16好年華攤位
支持《二十世紀歌詞 愛情療癒誌》及其他好書

超前部署的我
已留有少量簽名版及手寫歌詞版於會場發售
詳情可向檔主查詢

19/07/2025

🌀 作者見面會時間更新通知

📚《久別重逢 劇作文本》作者｜梁禮彥

原定：星期日15:00-16:00
更新：改為星期一 19:30-20:30

📚《在遺忘之前 一屋邨一故事》作者｜林喜兒

原定：星期日18:00-19:30
更新：改為星期一 18:00-19:00

📍 香港書展2025
Hall 1A-E16｜好年華出版社

✨到時再會👋🏻

18/07/2025

🌀 作者見面會時間更新通知

《光影芳華》作者｜舒詠晨 .mui_

原定：星期六 13:00 - 14:00
更新：活動將延長至 15:00，一連兩小時

📍 香港書展2025
Hall 1A-E16｜好年華出版社

✨約定你，唔見不散！