有線娛樂

有線娛樂 ✨有線娛樂，娛樂新聞無邊際👍

26/11/2025

郭富城自從第三名女兒「詠心」出世後，每次現身公開場合都不自覺露出「沾沾樣」，呢日佢出席新戲首映時，又忍不住沾沾自喜同吳鎮宇講話自己每日都被4位女神包圍，真係好冧囉！今次係城城同鎮宇相隔25年後再度合作，二人都已「登六」，早前鎮宇用樂悠卡搭巴士時畀人質疑年紀，證明二人外型都Keep得好，而講到身手好，二人都大讚日前仆倒後華麗轉身嘅任達華呀！
#郭富城 #沾沾自喜 #女神 #吳鎮宇 #樂悠卡 #任達華

26/11/2025

任達華因為見到Tyson Yoshi嘅一身紋身，而建議佢可以唱返首《捽甩佢》，呢日Tyson對華哥建議表示認同，仲話可以叫魏浚笙Rap住唱，點解唔揀林家謙？Tyson竟然話佢哋其實唔係好熟喎！嚟緊係各大音樂頒獎禮舉行嘅大日子，Tyson仲未決定參唔參加，佢自嘲已經30歲，唔想再以同一個形象示人喎！
#任達華 #紋身 #捽甩佢 #魏浚笙 #林家謙 #頒獎禮 #形象

26/11/2025

陳家樂同Fish廖子妤喺新戲中有突破性演出，家樂要曬黑兼鏟青飾演性義工，Fish就飾演腦性麻痺患者，須坐輪椅演出，二人都將角色演得入型入格，甚至被睇好可以衝擊金像獎影帝影后，呢日電影舉行首映，家樂太太連詩雅、Fish男友盧鎮業等均有現身撐場，家樂仲話太太好體諒佢同Fish喺戲中嘅親熱戲份呀！
#陳家樂 #突破 #性義工 #腦性麻痺 #輪椅 #金像獎 #連詩雅 #盧鎮業

26/11/2025

又要飛啦﹗敖嘉年呢排真係驛馬星動，密密飛去唔同嘅內地城市拍攝《橫素全中國》，不過今次卻係飛去台灣，同楊潮凱、梁嘉琪一起陪同60幾位有特殊教育需要嘅學生以及唐氏綜合症嘅基層小朋友，同埋佢哋嘅照顧者首次乘搭飛機，展開一個四日三夜嘅旅程，首度加入嘅潮凱就準備充足，帶備三部相機沿途紀錄美好時刻，嘉年飛完今次，轉個頭又要飛內地，執行李都執到熟哂手﹗
#敖嘉年 #驛馬星動 #內地城市 #橫素全中國 #台灣 #楊潮凱 #梁嘉琪 #特殊教育需要 #唐氏綜合症 #基層小朋友 #照顧者 #首次 #乘搭飛機 #四日三夜 #旅程 #紀錄 #美好時刻 #娛樂新聞

25/11/2025

草蜢嘅成員蔡一傑做完開腦手術後已完全康復，呢日就聯同其餘兩位成員、陳慧嫻、Jace陳凱詠、陳豪、唐詩詠等現身馬場，又唱又跳，狀態甚佳，搞到佢哋嘅粉絲Jace都忍唔住感動落淚，三位成員默契十足，蘇老闆被問到太太劉小慧提起前男友郭晉安，其餘兩位成員立即幫口解圍啊﹗昔日寶麗金同事慧嫻就被蔡一智封為「有腰慧嫻」，瘦咗廿磅真係弗咗好多喎﹗
#草蜢 #蔡一傑 #開腦手術 #康復 #陳慧嫻 #陳豪 #唐詩詠 #馬場 #又唱又跳 #粉絲 #感動落淚 #默契十足 #太太劉小慧 #前男友 #郭晉安 #幫口解圍 #有腰慧嫻 #弗咗好多 #娛樂新聞

25/11/2025

58歲嘅黃澤鋒與同齡太太陳麗麗喜添寶貝女「小貴妃」黃熙喬，並舉行盛大百日宴，當然唔少得大女「小黃妃」黃熙恩啦，兩姊妹仲齊齊為胎毛筆打印，真係「手足情深」啊﹗現場嘉賓眾多，一眾賓客都輪住抱BB女，雖然麗麗已經係高齡產婦，不過澤鋒仲話想生多個，反而嘉賓之一嘅鄧兆尊就拒做老竇，仲自爆有無數女星投懷送抱，包括姓郭嘅呢位喎﹗
#58歲 #黃澤鋒 #同齡太太 #陳麗麗 #寶貝女 #小貴妃 #黃熙喬 #百日宴 #大女 #小黃妃 #黃熙恩 #胎毛筆 #打印 #手足情深 #高齡產婦 #生多個 #鄧兆尊 #拒做老竇 #無數女星 #投懷送抱 #娛樂新聞

25/11/2025

真係嚇到大家個心仔離一離！講緊係華哥任達華日前出席時裝活動，行埋太太琦琦身邊時，不慎畀地氈絆倒，華哥成個人仆咗落地，連眼鏡都飛甩埋，不過華哥淡淡定、冷靜來一個華麗轉身後企返起身，仲自嘲完美演繹咗時裝，真係好特別呀！華哥跌襯都仲好心情講笑，提議一身紋身嘅Tyson Yoshi可以作首新歌叫「摵甩佢」（指紋身）！
#任達華 #琦琦 #絆倒 #華麗轉身 #自嘲 #紋身

24/11/2025

第62屆金馬獎頒獎禮圓滿閉幕，各大獎項名花有主，其中爭持最激烈嘅非影帝影后莫屬，結果張震揮低柯煒林同張孝全等、憑電影《幸福之路》第二度稱帝金馬；范冰冰就憑馬來西亞電影《地母》，撼低劉若英同林依晨等，首封金馬影后，不過范冰冰有工作在身未有親身領獎，而其榮登影后一事亦遭全網封禁；李駿碩憑《眾生相》勇奪最佳導演；柯煒林主演嘅《大濛》就榮獲最佳劇情片，恭喜各位得獎者！
#金馬獎 #張震 #幸福之路 #影帝 #范冰冰 #地母 #影后 #全網封禁 #李駿碩 #眾生相 #最佳導演

24/11/2025

眾所周知卓韻芝同佢婆婆嘅感情非常之好，隨住婆婆年齡漸長開始出現認知障礙，阿芝起初顯得不知所措，慢慢開始了解，然後呢日佢應邀出席認知障礙症電影節啟動禮兼社區座談會，以照顧者身份分享同婆婆嘅相處點滴，大會仲播出阿芝同婆婆之間嘅真情對話，好有愛呀！
#卓韻芝 #婆婆 #認知障礙 #座談會 #照顧者 #真情對話

24/11/2025

Gigi炎明熹強勢復出驚喜參演音樂劇《一束光-高錕的記憶》演出，呢日佢聯同主創李敏、Mischa葉巧琳接受我哋主播Vanessa王凌燕專訪，Gigi話初入組時好驚會拖累大家，問佢難度在邊？Gigi竟然唱住話：難道我還未夠難？令大家忍俊不禁！Mischa飾演高錕太太，跨年齡演出由20幾歲演到70幾歲，相當考演技呀！
#音樂劇 #李敏 #拖累 #難度 #高錕

23/11/2025

大家好期待嘅《煮題COOK》又返嚟啦！今次兩位名廚Jacky余健志同Ricky張錦祥帶隊拍攝《舟山美食搜遊》，當地出名海鮮，佢哋嘗試出海釣魚，然後喺船上烹調，嘩，新鮮到哩，佢哋形容舟山有取之不盡嘅海上資源，對於鍾意食海鮮嘅人來講，簡直係福地呀！除咗親自煮，梗係唔少得試當地人嘅廚藝，強烈推介「海鮮兩面煎」，Jacky話會神還原呢味靚餸呀！
#舟山 #舟山美食搜遊 #海鮮 #神還原

23/11/2025

真係好耐無聽過方力申唱歌啦，呢晚佢響澳門開騷，大唱經典情歌之餘，仲有跳唱環節，真係估佢唔到，最驚喜嘅係好朋友胡定欣驚喜站台，同小方合唱《好心好報》，唱完澳門，小方當然意猶未盡，承諾明年轉戰香港繼續唱呀！
#方力申 #澳門 #情歌 #胡定欣 #好心好報 #明年 #香港

Address

Hong Kong

Website

Alerts

Be the first to know and let us send you an email when 有線娛樂 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 有線娛樂:

Shortcuts

Share

Category