有線娛樂

有線娛樂 ✨有線娛樂，娛樂新聞無邊際👍

22/08/2025

李龍基話呢排好多人問候佢呀，點解呀，咪因為網上無端傳佢同另一半Chris失聯咗，依家要公開尋妻咁話喎！呢日基哥現身HOYTV錄影新節目《領廚爭霸戰》，佢笑指香港真係多編劇，大家靠作佢兩個嘅新聞都賺咗唔少流量，自己登台唱到嘔都無賺咁多錢呀！咁佢同Chris嘅婚禮又籌備成點？基哥話要低調，可能請老朋友北上食個快餐都唔定，至於婚後生B嘅問題，就要睇天意安排啦！
#李龍基 #問候 #失聯 #尋妻 #領廚爭霸戰 #編劇 #流量 #婚禮 #快餐 #天意

22/08/2025

「神奇小子」曹星如將再戰擂台，呢日曾經拜師曹星如嘅張繼聰、劍擊運動員張小倫往拳館探班，講到同曹星如嘅淵源，阿聰話因為要拍打戲，難得曹星如肯親自教授，當年真係袋落唔少，對之後嘅拍戲大有幫助，而曹星如亦讚阿聰係個好學生，雖然因拍戲要增磅，但喺負重嘅情況下都跟足訓練，阿聰搞笑補充話：唔死都算咁啦！
#神奇小子 #曹星如 #擂台 #張繼聰 #張小倫 #探班 #淵源 #好學生

22/08/2025

鄭伊健日前喺澳門舉行音樂會，開慣騷嘅佢，竟然老貓燒鬚，事關當佢好型咁同觀眾講《至少還有我》，tag完歌名諗住唱時，點知歌單排咗係《Together》，事後伊健自責年紀大機器壞，而當小師妹Feanna黃淑蔓登場時，伊健以為佢唱《戀愛預告》，點知唱咗《動地驚天愛戀過》，伊健再一次呆立當場，場面好搞笑！
#鄭伊健 #澳門 #音樂會 #老貓燒鬚 #年紀大機器壞 #呆立當場 #搞笑

22/08/2025

真係想唔晒冷都唔得啦！HOY TV首部原創劇《我愛九龍城》9月8日正式開播，劇中卡士除咗有大家已知嘅陳家樂、岑麗香、敖嘉年、栢天男外，其實仲有好多演員助陣架，包括波姐馮素波、潘紹聰、黃澤鋒、古明華、利穎怡、劉錫賢、J Arie、小肥、黑妹、岑潔儀、李明標、七仙羽、徐志雄等，係咪好鼎盛哩，佢哋同九龍城亦都各有淵源，來到呢度拍戲梗係特別開心，更開心嘅係唔少演員仲係首次合作呀！
#我愛九龍城 #9月8日 #開播 #陳家樂 #岑麗香 #敖嘉年 #栢天男 #波姐馮素波 #潘紹聰 #黃澤鋒 #古明華 #利穎怡 #劉錫賢 Arie #小肥 #黑妹 #岑潔儀 #李明標 #七仙羽 #徐志雄 #陣容鼎盛

21/08/2025

G.E.M.鄧紫棋相隔八年終於回歸香港，喺啟德主場館舉行一連五場演唱會，吸引近二十萬觀眾朝聖，唔少圈中人都有捧場，包括佢嘅老best李蘊同何超蓮，久違香港觀眾，G.E.M.豪派金魚嘴，單係尾場，就送咗7個，不得了！G.E.M.回顧出道十多年，經歷風風雨雨，有喜有悲，分享心聲時更忍不住落淚，但無論如何，G.E.M.不變嘅係佢嘅巨肺，簡直震撼場館呀！
#鄧紫棋 #啟德主場館 #演唱會 #朝聖 #李蘊 #何超蓮 #金魚嘴 #風風雨雨 #巨肺 #震撼

21/08/2025

新光戲院喺北角結業後，事隔大半年，終於喺黃埔重開，呢日舉行開幕禮，除咗主理人李居明，仲有薛家燕、米雪、鄭丹瑞、羅蘭、霍啟剛、吳思遠、田啟文等都有到場祝賀，講到資深體育評述員黃興桂早前喺網上分享好友尹佬尹志強病逝前嘅軼事，指尹佬受盡病魔折磨，米雪亦要為尹佬醫藥費奔波，相當辛苦，不過米雪就否認，指尹佬生前經濟情況還好！
#新光戲院 #開幕禮 #李居明 #薛家燕 #鄭丹瑞 #羅蘭 #霍啟剛 #米雪 #尹志強 #醫藥費

21/08/2025

喺靈堂打麻雀，唔係化，唔通打麻雀可以破地獄？查實係陳家樂、敖嘉年、泰臣同古明華拍緊HOYTV首部原創劇《我愛九龍城》，劇情講述鍾意打麻雀嘅許紹雄設靈，做仔嘅三兄弟：陳家樂、敖嘉年、泰臣為咗畀啲麻雀聲老竇聽吓，特登喺靈堂攻打四方城，但因為各自懷著複雜嘅情緒，搞到醉酒後初則口角繼而動武，三兄弟由打牌變成打交，都好激烈吓！
#靈堂 #打麻雀 #破地獄 #陳家樂 #敖嘉年 #泰臣 #古明華 #我愛九龍城 #許紹雄 #設靈 #初則口角繼而動武 #激戰

20/08/2025

郭富城、Gigi梁詠琪、鮑起靜、許恩怡等呢晚現身新戲慈善首映，戲中城城同Gigi飾演一對拋棄患病女兒嘅衰父母，同現實生活大相徑庭，演出前Gigi坦言要隔離家中嘅幸福生活，獲城城讚係一個好演員，至於城城同鮑姐第三度飾演母子，演繹對手戲時令城城想起已離世媽媽嘅愛同溫暖，難怪演繹到位啦！
#郭富城 #鮑起靜 #許恩怡 #衰父母 #大相徑庭 #隔離 #幸福生活 #好演員

20/08/2025

台灣男神許光漢好快就退伍回歸演藝圈啦，頭炮工作就係聯同監製張艾嘉同女主角Angela袁澧林來香港宣傳新戲，呢日Angela出席電影節開幕禮，原來佢同許光漢拍完戲後都有不時見面，許光漢仲同佢講服兵役期間趣事，包括剛入伍時，室友竟然唔知道佢係許光漢！
#台灣 #男神 #許光漢 #退伍 #回歸 #演藝圈 #張艾嘉 #電影節 #趣事

20/08/2025

Michelle衛詩雅呢日優雅現身美容活動，望真啲，兩邊膝頭哥貼住膠布嘅，咩事呢？原來Michelle日前落車時唔小心仆倒受傷，好在有個「神隊友」老公幫手清潔傷口，自榮升影后後，Michelle嘅工作就未停過，坊間仲有傳佢加價添，咁咪搵唔少？Michelle強調加價傳聞子虛烏有，歡迎大家繼續搵佢做嘢呀！
#美容 #膠布 #神隊友 #傷口 #影后 #加價 #傳聞 #子虛烏有

20/08/2025

Tyson Yoshi呢日現身澳門參加一個泳池派對演出，大曬麒麟臂係少不了的，早前老Best張敬軒喺同一場地演出時，笑言畀現場波濤洶湧嚇襯，不過Tyson就話唔覺眼囉，仲取笑軒公自己無先會𥄫人呀！林家謙稍後舉行紅館騷，Tyson坦言未被邀請做嘉賓，但就有被邀請睇騷，佢話可能同Jeffrey、Serrini一齊去睇，被記者提醒有老婆時，Tyson即「一言驚醒夢中人」要求NG，然後改口話會同老婆去睇騷，場面搞笑！
#澳門 #泳池派對 #張敬軒 #波濤洶湧 #林家謙 #老婆 #搞笑

Address

Hong Kong

Website

Alerts

Be the first to know and let us send you an email when 有線娛樂 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 有線娛樂:

Shortcuts

Share

Category