有線娛樂

有線娛樂 ✨有線娛樂，娛樂新聞無邊際👍

08/10/2025

「台灣第一名模」林志玲真係好耐無來香港啦，呢日佢現身香港一個同慈善有關嘅玩具展，大騷娃娃音廣東話之餘，仲大派心心，51歲，真係睇佢唔出呀！講到佢嘅童年玩具，林志玲坦言無乜，印象最深嘅係玩哥哥玩過嘅積木，呢日喺玩具展上，仲見到前飛輪海成員炎亞綸，雖然佢未有接受訪問，但就大方任影，心情都好靚呀！
#林志玲 #慈善 #玩具展 #娃娃音 #派心心 #積木 #飛輪海 #炎亞綸

07/10/2025

現年59歲嘅關淑怡驚傳病危入院，曾一度留醫ICU（深切治療部）搶救，情況危殆，疑似兒子關浚賢及關爸爸就被指連日留守醫院，未敢離開半步，消息傳出後震驚娛圈，曾經擔任關淑怡經理人嘅王敏慧，自稱剛從外地返港，對傳聞不知情，有待了解，小編祝願關淑怡早日康復！
#關淑怡 #深切治療部 #危殆 #醫院 #經理人 #王敏慧 #早日康復

07/10/2025

Juno麥浚龍執導嘅「都市傳說」電影上映以來是非不絕，繼武指熊欣欣疑似鬧爆Juno心裡變態後，又有傳Juno要武師真吊頸拍攝，呢日Philip伍允龍出席拳賽活動，佢以唔清楚情況為由不便回應，但就話做武指最重要權衝安全與效果！嚟緊係佢女友Renee李蔓瑩生日，Philip自嘲唔識製造驚喜，提早將慶祝計劃告知女友並取得同意！
#都市傳說 #電影 #是非不絕 #心裡變態 #吊頸 #拳賽 #生日 #驚喜

07/10/2025

修哥胡楓聯同心姐謝雪心呢日出席盆菜宴，與千名長者喜迎中秋，修哥同心姐仲大唱金曲，台下嘅哥哥、姐姐好聽到拍晒手呀！心姐表示今年中秋特別忙，除咗工作外，仲有唔少聯誼活動，加上囡囡返咗香港，正好人月兩團圓呀！
#修哥 #胡楓 #心姐 #謝雪心 #盆菜宴 #長者 #中秋 #金曲 #聯誼 #人月兩團圓

07/10/2025

究竟沉船時，你會救阿媽定係老婆？Michael 許冠文一直以為呢個問題無答案，直到有日喺生死關頭，佢終於領悟係有答案架！咁今時今日佢會救老婆定阿囡呢？面對我哋主播Angela俞詠文呢個棘手問題，Michael 露出一臉：鬼馬啦你！但笑不語，至於佢有份主演嘅電影《破 ‧地獄》獲選代表香港提名角逐奧斯卡「最佳國際影片」，Michael 都好希望攞獎呀！
#生死關頭 #答案 #棘手問題 #鬼馬 #但笑不語 #破地獄 #奧斯卡 #最佳國際影片

06/10/2025

《超級草莓音樂節》呢日喺廣州舉行，草蜢三子聯同20多位樂手同舞者震撼登場，勁歌熱舞炒熱全場氣氛，中秋節正日，草蜢將身在武漢登台，傑仔笑言到時可以交換月餅！同場亮相嘅仲有近年主力內地發展嘅周柏豪以及Karen莫文蔚，呢晚Karen演唱《呼吸有害》，台下觀眾聽出耳油呀！
#超級草莓音樂節 #廣州 #草蜢 #震撼 #中秋節 #武漢 #月餅 #周柏豪 #呼吸有害

06/10/2025

又係舞台劇呀！近年劇場界真係零舍興旺，呢日Lokman楊樂文、BabyJohn蔡瀚億以及Yanny陳穎欣主演嘅舞台劇亦都首演，Yanny首次演出舞台劇，緊張就梗嘅，但連演慣舞台劇嘅BabyJohn都話緊張喎，好在得Lokman幫忙補課先有返信心。講到傳聞MIRROR將缺席叱吒記招及頒獎禮？Lokman就好佛系咁話要睇時間同緣份喎！
#舞台劇 #緊張 #補課 #叱吒 #佛系 #緣份

06/10/2025

陳友同黎瑞恩主演嘅歌舞劇《娛樂圈夫人》日前已圓滿落幕，友哥最開心係老友譚詠麟都有去捧場，友哥話平時阿倫只係睇少少就走人，但今次就坐足全場，完場仲要入後台教訓幾句，咁友哥有無趁機邀請阿倫一齊演出？友哥話呢個有啲難度，畢竟紅館嘅提字機都係阿倫發明，講到記性，黎瑞恩都話透過今次演出克服咗記性差嘅難題，事關自己都係一個無記性嘅人呀！
#陳友 #黎瑞恩 #歌舞劇 #娛樂圈夫人 #譚詠麟 #捧場 #教訓 #邀請 #難度 #記性

06/10/2025

等足八年終於上映？呢套耗資四億由Juno麥浚龍執導嘅作品終於上映，主角劉青雲和Michelle衛詩雅向HOY主播王凌燕分享佢哋嘅心情，Michelle覺得幸福來得太突然，而青雲就笑指已收足片酬，沒有再等。兩人憶述起戲中的槍戰戲，青雲以為爆破係後期特效，點知真係荷槍實彈，令佢諗起杜琪峯嗰啲動作導演。Michelle首度拍揸槍戲，搞到佢好緊張。原來兩人並非首度合作，青雲就讚Michelle於《暴瘋語》演技好得，令Michelle甚為驚喜啊！
#等足八年 #上映 #四億 #執導 #作品 #劉青雲 #王凌燕 #分享 #心情 #幸福 #太突然 #收足片酬 #槍戰戲 #爆破 #荷槍實彈 #杜琪峯 #動作導演 #暴瘋語 #演技好 #驚喜 #娛樂新聞

05/10/2025

啱啱復出拍劇嘅朱茵每日都要同好姊妹蔡少芬開拖嗌大交，雖然係劇情所須，都要花好多精力，佢最唔慣就係要每朝凌晨4、5點就要起身準備開工，不過佢都盡量抽時間去陪伴囡囡，臨走前叫囡囡起身返學，往往返到屋企囡囡已瞓著，辛苦哂媽媽啦﹗
#復出 #拍劇 #朱茵 #每日 #好姊妹 #蔡少芬 #開拖 #嗌大交 #劇情所須 #花好多精力 #凌晨 #起身 #準備開工 #抽時間 #陪伴 #囡囡 #屋企 #瞓著 #辛苦哂 #媽媽 #娛樂新聞

04/10/2025

張敬軒同Sammi鄭秀文合作嘅音樂會11月開騷，點知卻傳來Sammi唔小心整親腰骨，甚至要坐輪椅嘅消息，軒仔話睇社交網站先知Sammi嘅傷咁嚴重，佢唔單止已慰問Sammi，仲話代對方跳哂所有舞都無問題。另外講到好朋友Kenny關智斌表演健身環節失手，佢就相信對方平日練習慣，一定會PAT PAT落地，唔會受傷啦﹗
#張敬軒 #音樂會 #開騷 #整親 #腰骨 #坐輪椅 #嚴重 #慰問 #無問題 #好朋友 #表演 #健身環節 #失手 #練習慣 #落地 #受傷 #娛樂新聞

Address

Hong Kong

Website

Alerts

Be the first to know and let us send you an email when 有線娛樂 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 有線娛樂:

Shortcuts

Share

Category