29/02/2024
2024年2月29日
已經三十幾日冇開投影機，尋晚終於開嚟睇下， 一開見到Netflix話即將落畫嘅電影Miles Davis:birth of the cool.
Miles出過太多碟，有部分我買咗返嚟都覺得唔啱聽放咗出去，而家保留咗13張。
至於佢嘅音樂人生其實我都唔清楚，尋日睇完呢套接近兩小時，終於有些概念。
由40分鐘左右談起Kind of Blue的誕生,開始越嚟越有趣。
後來我另一好喜歡嘅saxophone手Archie Shepp,談Miles叫佢行L開～Miles年青時嘅性格真係非常之cool及難以接近！
後來佢心情受到種族歧視及撞車傷患影響⋯多次吸食毒品又戒毒， 酗酒狂食煙，令到身體虛弱。
到死前幾年其實佢已經體力不計 ，不過我仍然好喜歡佢死前三年嘅Live around the Europe, 當中Time after Time聽咗好多次。
Miles不斷開創新音樂風格,不會懷緬以前嘅作品，劇中提到佢一張自己嘅唱片都冇收藏，我真係好驚訝！
#下低係網路上搵到有些關於佢嘅資料有興趣可以繼續睇
Miles Davis之於爵士樂，他的影響力，是跨世代、跨類別的。由早期的Swing、Bebop、Cool Jazz、Modal Jazz、Jazz Fusion、Jazz Funk、Jazz Rock等等，他都不單止涉獵過，他更加是箇中領域的先行者。
因為音樂風格甚迥異，近乎神經分裂，單單錄音室專輯已經有48張，現場錄音更不計其數，可以想像，要形容Miles Davis的音樂風格，絕不可能可以三言兩語說完。
如果有人告訴你他很喜歡Miles Davis的作品，你一定要問清楚他/她說清楚是哪一個時期的Miles Davis，否則，經驗告訴我，這位仁兄/姐九成是在「吹水」，但如果你逼我推薦，雖然取捨太難，但以下5張專輯，我認為是必聽的。
《Walkin’》：早期的經典作品，以Miles Davis All-Star的名義推出，領袖魅力，漸露頭角，當時爵士樂由Bebop伸延出來的Hard Bop，節奏與旋律都更狂燥，更急進。
《Round About Midnight》：把原有的Wow-Wow Mute前端的漏斗配件拿走，就成為了後來大家稱為的Harmon Mute，這帶有點壓抑孤獨感的獨特聲音，就是由他開創，《Round Midnight》這首主題曲則為完美示範，那種在音樂現場的煙霧彌漫、醉生夢死的陰暗沉鬱，無人演繹得比他好。
《Miles Ahead》：與Gil Evans的合作，樂隊編制較華麗，配器有點像古典室內樂，Miles Davis則像是協奏曲的主角，罕有地全程吹奏Flugelhorn，但有趣的是，他圓渾的小號聲，本身已帶幾分Flugelhorn的味道，不告訴你，一般人應該分不出來。
《Porgy and Bess》：再度與Gil Evans攜手，將Gershwin的爵士樂歌劇改編，樂隊編制更華麗，同時亦是Modal Jazz的開端，不要只聽《Summertime》，也要聽聽《I Loves You, Porgy》，這時期的他，在編曲上作出很多嘗試和實驗 。
《Kind of Blue》：把Modal Jazz的實驗性推到極致，樂手進入錄音室前，每個人只被派發一堆譜上面只有幾條不同音階和旋律的樂譜，除了《So What》之外，遊走於五個Modal音階上循環即興的 《Flamenco Sketches》，淺嚐一兩口不加冰的威士忌，隨時會讓你聽到元神出竅。
