Y爺扮晒嘢

Y爺扮晒嘢 大灣區人棄主持Y爺 (ThatsWhy) ，扮晒專業，扮晒車手，扮晒達人，Y爺扮晒嘢

一連兩集為大家介紹咗中通既V7小巴同H12大巴🚌。好快大家就可以喺香港坐到中通既產品。如果有大佬想試車訂車既，歡迎Whatsapp 📲52737573安排。同時感謝 女車長wingin .0410 臨時拉夫黎幫手客串🙏。希望大家都喜歡Win...
03/01/2026

一連兩集為大家介紹咗中通既V7小巴同H12大巴🚌。好快大家就可以喺香港坐到中通既產品。如果有大佬想試車訂車既，歡迎Whatsapp 📲52737573安排。

同時感謝 女車長wingin .0410 臨時拉夫黎幫手客串🙏。希望大家都喜歡Wingin，咁我地下次再邀請佢黎試車或者帶佢去跳傘呀，跳海呀、坐無人機咁都好喎🤣🤣🤣。

試過私家車、貨Van同巴士，原來整個造車文化同工藝都好唔同🤔。好似中通巴士用氣擔，我地第一個反應係一後維修⚙️咪好貴？點知原來巴士夠大架，所以可以用氣袋，換一個氣袋只係幾百蚊，仲要一拆一裝就完成，仲方便過換避震👍。

跟住我地又傾到，2026年國家新政策，可以容許使用by-wire軚，咁巴士都可以好似私家車軚咁做到極致精準。但係佢地話做商用車最緊要耐用同易維修🔧，所以佢地都係相信較駁較既角式係最實用。

呢兩集中通巴士既連結📽️放喺Facebook下面留言區。

明天至下星期，Y爺同李大導都不在香港，因為比亞迪邀請香港車媒去鄭州賽車場試車。跟住下星期尾就會喺香港陪訂咗車既客去我地個新倉睇Y PLUS同ATTO 1。

全港首部比亞迪海鷗BYD ATTO1開箱🎉🎉🎉李大導試完車都話好玩，今次有買貴無買錯😂😂😂👍👍👍。🚙車身：3780x1715x1540🛞軸距：2500⚙️車重：1434🔋電池容量：43.2kWh🥾續航里程：310公里（WLTP）最大功率；1...
02/01/2026

全港首部比亞迪海鷗BYD ATTO1開箱🎉🎉🎉

李大導試完車都話好玩，今次有買貴無買錯😂😂😂👍👍👍。

🚙車身：3780x1715x1540
🛞軸距：2500
⚙️車重：1434
🔋電池容量：43.2kWh
🥾續航里程：310公里（WLTP）
最大功率；115kW（154匹）
最大扭力：220Nm
座位：4（連司機）

全港獨家又獨特既大電大摩打版ATTO1。

下星期出片📽️，問題在，賣幾錢好？
（意向價）128,000定138,000？🤔🤔🤔

Whatsapp 5633 3252獨角獸新能源訂車啦。

💭註：要農曆新年後先會返貨，然後做驗車驗電等等工作，到港後至出牌要預一至三個月時間。

除BYD ATTO1外，我地所有水貨車已經售罄，要等到農曆新年後公佈2026年新車款及新車價🙏🙏🙏多謝大家支持。

2026新年快樂。

#比亞迪 #海鷗

呢位車主有taste呀，喺部Model S度聽我首歌👍👍👍。利申：唔係我部車其實我係一位作曲人同填詞人。咁作完無人唱就自己唱埋，結果就變埋唱作人喇。講出黎都笑死人🤣🤣🤣🤣🤣🎙️當西米任你撈 芒果又蜜桃 開心不得已忘掉了家母再細數本想多叫杯夏...
01/01/2026

呢位車主有taste呀，喺部Model S度聽我首歌👍👍👍。利申：唔係我部車

其實我係一位作曲人同填詞人。

咁作完無人唱就自己唱埋，結果就變埋唱作人喇。講出黎都笑死人🤣🤣🤣🤣🤣

🎙️當西米任你撈 芒果又蜜桃
開心不得已忘掉了家母
再細數本想多叫杯夏枯草
配合珍珠瓜奶當係進補

#他約我去許留山
#識唱既朋友一齊唱

連我呢個又無料、又唔專業、又唔識車既人棄主持都可以批得中，我可以改行做算命🤣🤣🤣。 我成日都講，今時今日買電動車，其實係買電芯🔋同三電系統💻。外型同內籠就真係睇個人喜好，但係內在先係最重要。好似呢位朋友咁，我都唔使問佢好唔好揸，我直接問佢拖...
31/12/2025

連我呢個又無料、又唔專業、又唔識車既人棄主持都可以批得中，我可以改行做算命🤣🤣🤣。

我成日都講，今時今日買電動車，其實係買電芯🔋同三電系統💻。外型同內籠就真係睇個人喜好，但係內在先係最重要。好似呢位朋友咁，我都唔使問佢好唔好揸，我直接問佢拖過未🚜。

如果你地好鐘意玩維修既，歡迎買呢啲車，買完你實學到野。我就唔啱喇🤦。

襯住2025年最後一日，寫多少少野回顧下💬。
同舊年一樣，我再一次向等緊我執粒既人講聲＂對唔住，我又一次令你失望喇＂🙇🙇🙇。
又介紹吓泊邊好比大家識，其實泊邊好係一間IT公司黎，我地係做停車場資訊網站既。嗰啲成日話我地做車媒但係又唔識車嗰啲，其實你個腦係咪有問題🤣？
泊邊好一開始就係以一間公司既方式去營運，唔係一個YouTube Channel，更加唔好話車媒🤷，乜車媒會去機電工程署試智能泊車系統既咩🤔？車媒會上東張西望介紹港車北上既咩😅？
亦都因為係用一間公司既模式運作，所以必定有一個唔好話好長，但係都唔會係幾年咁短既Business plan。所以你地基本上每一年都會睇到我地會爆一件事出黎，做代辦呀、開大陸既保險資訊平台呀，做中港牌呀，開4S店呀，賣貨VAN、到賣水貨車、依家仲賣埋小巴同巴士，仲更新埋個網站呀，做會員系統呀。所有野都係按步就班去達成出黎。
咁當然，有時計劃係會趕不上變化。所以如果你有留意既，我地今年本來係推出三擇房產賣大陸樓既，依家delay咗，反而變咗賣水貨車。但係偏偏咁多個plan，水貨車我本身就唔睇好既。又所以，做人真係要有Plan A Plan B Plan C。

預告定下年，水貨車必定係大家成日追問我地既問題。但係我地啱啱先租咗個倉，都未黎得切裝修就已經塞滿晒車。所以我呢幾日成日答大家收爐。因為我真係已經無地方擺車。要清晒所有Y PLUS同C10先，跟住裝修，之後先會再推下一批既車，所以預計要農曆年後架喇。再加上，究竟4月1日後仲有冇一換一又未知，所以依家有啲新品牌真係傾咗返黎，但係我唔會公佈住，免得今日講完一個價，聽日又改第二個價。

至於2026年第一個工作日有咩做？梗係叫埋李大導試我自己部ATTO1啦，下星期等睇片📽️📽️。

全港首試BYD ATTO1。今日我部黃色ATTO1終於到香港，自己部車自己收，自己揸落貨櫃。我一上手第一個評語係：好撚快🤣🤣🤣🤣唔係普通嘅好快，係好撚快嗰隻好撚快。大電版大摩打真係勁。不過玩得太開心嘅關係，唔記得影相😂😂😂。試車片後補。 ...
30/12/2025

全港首試BYD ATTO1。
今日我部黃色ATTO1終於到香港，自己部車自己收，自己揸落貨櫃。

我一上手第一個評語係：好撚快🤣🤣🤣🤣唔係普通嘅好快，係好撚快嗰隻好撚快。大電版大摩打真係勁。

不過玩得太開心嘅關係，唔記得影相😂😂😂。試車片後補。

#海鷗 #比亞迪

又講吓大陸新聞，今次到廣汽。其實如果有上過黎我地珠海4S店既朋友，都會見到我地隔離嗰間廣汽已經關門大吉🚧。無錯，佢開咗一年都無就玩完咗。香港既朋友多數唔知乜野事。所以襯今次有新聞順手同大家溫故知新吓🧑‍🏫。2025年係廣汽既多事之秋，由年頭...
30/12/2025

又講吓大陸新聞，今次到廣汽。其實如果有上過黎我地珠海4S店既朋友，都會見到我地隔離嗰間廣汽已經關門大吉🚧。無錯，佢開咗一年都無就玩完咗。香港既朋友多數唔知乜野事。所以襯今次有新聞順手同大家溫故知新吓🧑‍🏫。

2025年係廣汽既多事之秋，由年頭到年尾，辭職既辭職，被公安帶走既帶走。當中今年9月嗰單最精彩，前高管張跃賽被帶走時，傳聞喺佢屋企搜到1.6億現金😱😱😱。

到12月23日就次精彩，上任啱啱一個月多少少既副總經理鄭衡以個人身體原因辭職，要注意既係佢係今年11月16日先被升做副總經理咋，做咗一個月多啲就頂唔順要跳船。

所以基本上，廣汽今年係無人駕駛，自動波咁run咗一年，無人揸旗，無人話事。

不過大家又可以放心，廣汽要執都唔係容易既事。同埋佢唔係咁亂，我又點會有水貨車賣丫🤣🤣🤣，總要有人幫佢填數架。

新聞講完，又要努力工作，幫大家收車。今日應該有最後2部Y Plus到香港。同埋希望我部ATTO1真係今日到。

#廣汽

拍野總會遇到意外，但係嗰日邊個整跌燒賣？☹️☹️
29/12/2025

拍野總會遇到意外，但係嗰日邊個整跌燒賣？☹️☹️

我可以證明唔係我拖大家，因為原本今日到港我自己嗰部ATTO1都嚟唔到，要改聽日或者後日🤦。今日返咗一部D9同SEAL6，D9係已經有客訂咗嘅。SEAL6之前講咗，無水貨賣既，呢部我會另外處理咗佢。明日後日繼續收車，收齊9部Y Plus之後💪...
29/12/2025

我可以證明唔係我拖大家，因為原本今日到港我自己嗰部ATTO1都嚟唔到，要改聽日或者後日🤦。

今日返咗一部D9同SEAL6，D9係已經有客訂咗嘅。SEAL6之前講咗，無水貨賣既，呢部我會另外處理咗佢。

明日後日繼續收車，收齊9部Y Plus之後💪，2026就開始運C10落黎喇。

零跑首款MPV來了😍😍，零跑D99，預計30萬喎，有雙腔氣膽，純電版🔌係1000V平台，115kWh電量🔋，話係零德時代既超級混合電芯（唔通係最新既天行電池？🤔🤔）車機芯同智駕芯用雙8797芯（右軚版多數會唔同，唔使高興🤦）。如果115度電...
29/12/2025

零跑首款MPV來了😍😍，零跑D99，預計30萬喎，有雙腔氣膽，純電版🔌係1000V平台，115kWh電量🔋，話係零德時代既超級混合電芯（唔通係最新既天行電池？🤔🤔）車機芯同智駕芯用雙8797芯（右軚版多數會唔同，唔使高興🤦）。

如果115度電既天行電池咪成800公里續航？？🤔

講到呢度，耳邊響起李大導把聲💬：右軚黎香港先算啦。

好，今日好忙，我部ATTO1應該今日下午到香港🥳🥳🥳專心返工先。

尋晚喺啲港車北上谷睇到有位會員話我地整車費貴人一倍😱😱。嚇到我即刻叫晒膊頭有花既入微信開個會。有晒parts編號要搵番邊個Sales跟好容易，不過一般對接香港客唔係羅顧問就係Lily架啦😅。大家再三查證，零件費我地幾相信我地唔會貴過人，都係...
28/12/2025

尋晚喺啲港車北上谷睇到有位會員話我地整車費貴人一倍😱😱。嚇到我即刻叫晒膊頭有花既入微信開個會。

有晒parts編號要搵番邊個Sales跟好容易，不過一般對接香港客唔係羅顧問就係Lily架啦😅。大家再三查證，零件費我地幾相信我地唔會貴過人，都係公價黎。
人工方面，據同事既評估，外面車房一般做1000-1500左右，話晒同引擎有關，拆都一日半日，無理由太平。不過我叫咗佢地出去八掛吓，睇吓依家係咪內巻得咁嚴重。但係原來佢係講人工費貴人一倍，嚇得我丫，我以為佢講成張單貴人一倍呀，比人睇到以為我黑店黎🤦。

再一次介紹比唔識我既朋友知，我地間鋪其實算係已經有一級維修場資格既二級維修場黎。喺珠海4S店之中，我地算收得平；但係如果你要用車房仔去同我地比既，咁我地梗係會貴啲。喺我地度整車我幫你地買足保險架喎，大家係咪忘記咗2024年嗰陣嗰部S2000的故事？

所以一分錢就一分貨，以前你地成日去嗰間食平DD噴油，話99蚊快噴，幾年時間，大家都知咩事啦😇。所以唔係我唔想平，只係我點平，人地都係睇住我個價黎打。代辦係咁、中港牌係咁，連車保都係咁，我送油咭人地又送油咭，我永遠係全世界既指標黎📌。

所以我只可以做既，係做服務。人總會有錯，我地有錯既我地會跟，唔會縮。大家出事既我唔會唔理。事實上好多無幫襯過我地既人，炒車後聯絡我地，我地都有提供協助。我地賺每一蚊既生意，先係諗售後。做唔到售後既生意我地唔會掂。如果唔係我賣水貨車一早有其他牌子啦。不過下年應該真係有X.......賣🤣🤣🤣🤣🤣

聖誕黎單爆炸性新聞💣💣💣吉利告欣旺達，索賠23.14億人民幣😱😱。簡單講吓咩事先，吉利用旗下子公司去告欣旺達，話喺2021年6月至2023年12月期間交付既電芯🔋存在質量問題，導致原告損失，所以索償23.14億人民幣。大家可能唔明白23.1...
27/12/2025

聖誕黎單爆炸性新聞💣💣💣

吉利告欣旺達，索賠23.14億人民幣😱😱。

簡單講吓咩事先，吉利用旗下子公司去告欣旺達，話喺2021年6月至2023年12月期間交付既電芯🔋存在質量問題，導致原告損失，所以索償23.14億人民幣。

大家可能唔明白23.14億是什麼概念，2024年欣旺達總營業收入為560億，歸母淨利潤為14.68億，如果扣除非常損益的淨利潤為16.05億。經營活動現金淨流入為32.9億。

吉利呢一次提告，直情殺咗欣旺達一年既利潤💸💸。但係有一單新聞大家未必有留意，今年4,5月既時候，吉利出售70%吉利欣旺達既股份。所以吉利同欣旺達本來就係合作關係，依家搞到咁疆。無論告唔告得入都好，下年仲有冇車廠會敢同欣旺達買電先🤷？呢個先係大問題。

同樣地，香港大把吉利旗下既車行緊，有啲車款都應該係用欣旺達電池既，呢啲車過幾年仲有冇電整同換我就唔太擔心。到時你地都換咗車，最多都係下手車主既事。但係呢啲問題亦正正印證我一直所講既說話，今時今日，買電車真係要睇電池😎😎，所以我買ATTO1，弗迪電池🤣🤣🤣。

至於邊款車係用欣旺達電池......

法律面前⚖️，窮人唯忍🥲。我同大家一樣呀，都係覺得個電車🚃司機好無辜。但係為咗等大家清楚了解法律既觀點同爭議，今集我地請黎勞律師同大家分析案件。今集係非常值得大家參考，直情要Share埋比你朋友，收藏埋佢，日後對你都有幫助。我節錄幾個重點比...
25/12/2025

法律面前⚖️，窮人唯忍🥲。我同大家一樣呀，都係覺得個電車🚃司機好無辜。但係為咗等大家清楚了解法律既觀點同爭議，今集我地請黎勞律師同大家分析案件。今集係非常值得大家參考，直情要Share埋比你朋友，收藏埋佢，日後對你都有幫助。我節錄幾個重點比大家。

1️⃣ 錄口供係非常重要，唔好睇輕。你講多講少，講得好講得唔好，上到庭係嚴重影響到你有罪定無罪。
2️⃣ 法官都有講，一早有案例，就算個意外係無可避免，但係都可以將司機判有罪
3️⃣ 勞律師話，應該認罪時應該盡早認罪，至少有三分一刑罰扣減，有可能唔使坐監

跟住係我既私人睇法，如果你問我，我一定會打控方份專家證供。依家擺明係個專家整死個司機。我本身對個專家是否知道香港電車係用Air Brake都成問題。電車同輕鐵已經係兩個好唔同既構造。今次拗既就係嗰4秒，如果可以打得甩個專家證供或者至少製造到爭議，那怕係一秒半秒都好，個結果都有可能唔同。
但係大家都要明白，電車司機先前錄口供係有不盡不實，當時電車公司點解無搵律師去協助自己既司機呢？其實當中好多問題值得大家去思考。

正如勞律師講，今次件事上面，每個人都係不幸。希望今集節目對大家都有所警惕，專業既事係要留比專業既人做。

(連結放喺留言度)

Address

Hong Kong

Website

http://www.parkbin.hk/

Alerts

Be the first to know and let us send you an email when Y爺扮晒嘢 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category