健康研究所

19/09/2025

【 #物理治療】由註冊物理治療師免費幫你檢查🔍

成日頸緊膊痛⚡？有富貴包？扁平足行路行到腳痛🦶？生完BB總係周身唔舒服😖？作為都市人點都有一樣會中🥲，無論係坐喺office嘅朋友，定係從事體力勞動工作，一旦姿勢唔正確，或者冇好好保養身體，就好容易會受傷或者導致各種痛症💥！

要解決身體痛症或者傷患，最好當然係由註冊物理治療師檢查同治療啦。但物理治療檢查費用貴，又唔知邊個好👉👈……唔怕！健康研究所幫你約！而家透過健康研究所預約物理治療服務，即享價值$500嘅免費檢查！專業嘅註冊物理治療師會先利用AI 3D postural screening進行骨骼、肌肉同運動分析🩻，以10個量度指標分析姿勢異常，可以識別出87種唔對稱肌肉狀況，從而搵出痛症根源再對症下藥✅！

最常見嘅痛症物理治療、姿態復康、產後復康、富貴包復康同訂製矯形鞋墊服務，總有一種切合你嘅需要🫰！

想要知道更多詳情，即刻whatsapp 8437-8931聯絡我哋啦📲！

#健康研究所 #物理治療 #痛症治療 #物理治療師 #免費檢查

18/09/2025

【 #醫生的話】認識三大肥胖症併發風險 該如何預防肥胖症？

即睇文章👉 https://tinyurl.com/54kbzw7r

上集 香港浸信會醫院 Hong Kong Baptist Hospital 香港浸信會醫院外科專科林展滔醫生同大家分享肥胖症嘅定義同風險，今集林醫生就會講解肥胖症併發嘅健康風險，一齊睇吓林醫生點講🩺：

「若忽視肥胖，可能引致嚴重健康問題，例如糖尿病，可能引發神經損傷、視力衰退或截肢；患上心血管疾病的風險隨時間遞增，增加突發中風的風險；關節損害可能需要進行置換手術，最終影響生活質素，或提高早逝風險......」

想知道醫生建議如何預防肥胖症？即刻click入文章睇吓啦！下一集林醫生就會更詳細講解肥胖症嘅治療方法！記得留意下星期林醫生嘅文章啦📚！

如果想知更多關於健康嘅資訊，就記得follow埋我哋嘅page啦👍

歡迎重溫上一集林醫生嘅文章👉https://tinyurl.com/3ykpas3e

#健康研究所 #肥胖 #肥胖症 #慢性疾病 #減肥 #香港浸信會醫院

17/09/2025

【浸會醫院踏入社區 東九龍首座全棟式醫療大樓正式啟用】

即睇文章👉https://tinyurl.com/54h5teeu

香港浸信會醫院 Hong Kong Baptist Hospital 轄下首座全幢式日間醫療中心—浸信會東九龍醫療中心（EKMC），已於2025年8月全面投入服務，並於8月23日舉行隆重開幕典禮，邀得醫務衞生局局長盧寵茂教授, BBS, JP 擔任主禮嘉賓。

EKMC匯聚30多個專科、專職醫療、診斷及復康服務，配備先進醫療設施及智能管理系統，為東九龍居民帶來一站式優質日間醫療體驗。

在積極發展日間醫療同時，浸會醫院亦展開九龍塘舊院三座大樓重建及擴建計劃，預計2034年建成一座全新綜合醫院大樓，繼續秉持「全人醫治．榮神益人」的宗旨，為市民提供更全面、更優質的醫療服務。

了解更多浸信會東九龍醫療中心
👉https://www.hkbh.org.hk/EKMC/zh/
=================
如果想知更多關於健康嘅資訊，就記得follow埋我哋嘅page啦👍

#健康研究所 #香港浸信會醫院 #浸會醫院 #浸信會東九龍醫療中心

12/09/2025

【 #食蕉啦你】有斑點嘅蕉更有營養🍌？

雖然話「唔熟唔食」😋，但香蕉如果太熟果肉就會有少少爛，甜度亦會增加，而且見到蕉皮呈現黑點黑斑，的確唔太開胃！不過原來有黑斑嘅蕉⚫，係更有營養！

過去一項研究發現，香蕉有助增加血液中白血球數量，而且仲可以誘導身體產生名為腫瘤壞死因子（Tumor necrosis factor）嘅物質🧬，呢種物質可以抑制癌細胞生長，所以香蕉的確可能有助抗癌！研究仲發現熟到起黑點嘅蕉，比起未熟透嘅蕉，其增加白血球嘅能力強8倍📈！

雖然蕉係咁健康，不過蕉越熟，其糖分同升糖指數就高，如果係糖尿病病人，或者其他需要控制血糖嘅人士就要注意食用量啦🔍！

如果想知更多關於健康嘅資訊，就記得follow埋我哋嘅page啦👍

#健康研究所 #蕉 #香蕉 #糖分 #血糖 #抗癌 #白血球

11/09/2025

【 #醫生的話】肥都係病❓

即睇文章👉 https://tinyurl.com/3ykpas3e

肥胖唔單止影響外觀，而且仲可能引發二型糖尿病、冠心病、中風等嚴重疾病🚨，不過好多人都唔知，其實肥胖本身已經係一種疾病，而且仲係非常普遍嘅慢性疾病，一齊睇吓香港浸信會醫院外科專科林展滔醫生點講🩺：

「肥胖症在香港非常普遍，對患者健康及社會醫療系統造成深遠影響。因此，我們應該正視這個「疾病」，患者亦可主動諮詢減重代謝外科醫生，進行評估和系統性管理，這就是有效控制體重、改善健康的不二法門......」

想知道肥胖症更多資訊？即刻click入文章睇吓啦！下一集林醫生亦會更詳細講解肥胖症點樣危害健康，同埋可以點預防！記得留意下星期林醫生嘅文章啦📚！

如果想知更多關於健康嘅資訊，就記得follow埋我哋嘅page啦👍

#健康研究所 #肥胖 #肥胖症 #慢性疾病 #減肥

10/09/2025

🍫 一個月靠黑巧克力逆轉脂肪肝？！

日本名醫分享案例：一名 40 歲女性，每天分次吃「70%以上黑巧克力」，一個月就瘦 3 公斤、肝指數大降、血糖也穩定下來！

✨ 建議吃法：
✔ 選 70%以上可可含量
✔ 一天分 3～5 次小量吃（總量 15–25 克）
關鍵在於黑巧克力的 可可多酚 + 膳食纖維 👉 幫助抗氧化、降發炎、改善脂肪堆積，還能抑制食慾、控制血糖。

如果你也在關注脂肪肝、體重或血糖問題，不妨試試這個既甜蜜又科學的方式！但別忘了，巧克力再美味，也要適量吃哦！

如果想知更多關於健康嘅資訊，就記得follow埋我哋嘅page啦👍

#健康研究所 #脂肪肝 #巧克力

09/09/2025

【 #醫生的話】射頻消融可以「燒死」癌細胞🔥？

即睇文章👉 http://bit.ly/3V4sbQt

萬一患上癌症，大家都會即時諗到做手術開刀切除腫瘤🔪，不過有部分病人未必適合進行外科手術，呢個時候就需要用其他方法將癌細胞清除！上一次提過有組織碎化術，今次就同大家介紹射頻消融（RFA）技術，一齊睇吓外科專科鄭繼志醫生點講🩺：

「射頻消融的原理並不複雜，就像用高溫「燒死」癌細胞。醫生會用一根幼細的電極針刺進腫瘤，通過高頻電流讓腫瘤組織發熱，溫度能提升到60°C至100°C。在高溫下，癌細胞會被「烤」至壞死......」

想知道邊類病人適合用射頻消融？即刻click入文章睇吓啦！如果想知更多關於健康嘅資訊，就記得follow埋我哋嘅page啦👍

#健康研究所 #肝癌 #癌症 #射頻消融 #鄭繼志醫生 #外科

08/09/2025

【 #女士注意】Gel甲都會致癌？

而家好多女士都會Gel甲💅，比起搽指甲油可以有更多款式，甲形亦可以整得更好睇。不過女士們就要注意啦，Gel甲其中一個步驟可能會增加致癌風險😱！

一項研究指出，Gel甲過程中用嚟凝固凝膠嘅紫外光燈🟣，可能會對皮膚造成致癌風險。研究結果指出，每照射20分鐘紫外光燈，就可能會導致20-30%皮膚細胞死亡。而存活嘅細胞亦可能會出現線粒體損傷、DNA突變等，同皮膚癌有相同病變模式。

話雖如此，Gel甲過程中通常都唔會照射紫外光燈太長時間，因此對皮膚造成嘅損害相當有限，一眾女士亦無需太擔心。不過，美甲師就要格外注意啦🚨，研究發現，部分美甲師於懷孕期間流產或出現併發症嘅比例明顯比一般人高，當中有接近18%表示喺懷孕期間出現健康問題，而有7%更反映胎兒有異常情況。

造成嘅原因可能係由於美甲師長期接觸或暴露於唔同嘅化學物質☠️，例如指甲油含有鄰苯二甲酸二丁酯（DBP），可能會嚴重影響女性生育功能。所以美甲師記得工作期間要戴好口罩或者手套等防護措施啦😷！

如果想知更多關於健康嘅資訊，就記得follow埋我哋嘅page啦👍

#健康研究所 #美甲

05/09/2025

【 #醫生的話】長者同糖友係灰甲高危人士🚨？

灰甲係由真菌感染引起🧫，所以唔同年齡或者健康狀況嘅人都有機會患上灰甲，不過免疫系統較弱嘅人士例如長者同糖尿病患者，就係患灰甲嘅高危一族！據統計每3個糖尿病患就有1個會患上灰甲📋。如果患上灰甲，建議盡快求醫，視乎病情用處方外用藥液或其他治療方案，咁先可以有效將灰甲根治✅！一齊睇吓皮膚科專科醫生點講🩺：

「在病情初發時由醫生及早處方最適合及有效的治療，以免引發更嚴重併發症，令灰甲變得更難處理及需要更長的治療時間。」

灰甲好返都千祈唔好掉以輕心，因為灰甲有機會復發，糖友復發風險仲更加高！想知長者同糖友喺預防同治療灰甲嘅時候有咩要注意🔍？即刻click入以下文章啦！如果想知更多關於健康嘅資訊，就記得follow埋我哋嘅page啦👍

即睇文章👉
www.healthq100.com.hk/article/dermatologist/三分一糖友患灰甲-長者勤檢查及早求醫免惡化/

#健康研究所 #灰甲 #皮膚科 #灰指甲 #灰甲藥 #糖尿病 #長者

灰甲由真菌感染引起，潮濕焗促的環境容易成為真菌的溫床，因工作需要長時間雙腳焗促在鞋裡、經常赤腳在健身中心更衣室、泳池行走、或與人共用瑜伽蓆的人士，自然有較高風險感染真菌。而長者及糖尿病患者更需額外小心...

05/09/2025

【 #膽固醇】食得「清淡」就係健康🍚？

如果話要食得清淡，大家會諗到食咩？白粥？烚菜？台灣一位男士就因為壞膽固醇（低密度膽固醇）超標，被醫生告知要食得清淡，但兩個月後指數竟然不跌反升📈！？

台灣外科陳榮堅醫師喺個人專頁分享個案，一位50幾歲嘅男士因為驗出壞膽固醇指數高達160（正常值為100以下），因此陳醫師除咗開藥俾男士，亦建議男士要注意飲食。但兩個月覆診，男士嘅壞膽固醇指數唔單止冇下降，反而仲上升至180😱！

男士坦言自己明明有控制飲食，仲食得好清淡，陳醫師於是追問到底食啲咩。一問之下就發現原來嗰位男士主要食粥、麵、饅頭同水果，肉類同海鮮就盡量少食。真相大白💡！原來所謂清淡飲食，其實係以高碳水化合物（醣）為主嘅飲食，事實上，攝取過多醣分會令血脂上升，進一步影響膽固醇指數，而且無論係控制血脂定血糖，都不可以忽略蛋白質嘅攝取。

經過陳醫師指正飲食習慣之後，該位男士喺一個月後，壞膽固醇指數已經回落至120，證明正確飲食習慣對健康的確有莫大嘅影響。如果想知更多關於健康嘅資訊，就記得follow埋我哋嘅page啦👍

#健康研究所 #壞膽固醇 #低密度膽固醇 #健康飲食 #飲食習慣

04/09/2025

【 #遲都遲了 】少女一返學就發燒🤒？

啱啱開學，少不免有人歡喜有人愁，原來仲有人一返學就發燒，返到屋企就冇事？

據報道，浙江一名14歲少女只要一返學就會發燒🥵，體溫接近38度，但神奇嘅係一返到屋企就恢復正常，情況持續咗4個月！

後來求醫發現，少女因為壓力而焦慮， 而發燒就係焦慮軀體化所呈現嘅症狀。面對壓力，下丘腦-垂體-腎上腺軸會被持續激活，令體溫出現0.3至1度嘅變化🌡️。據報道少女同母親喺日常溝通之中並唔愉快，母親經常使用命令式語句，令少女累積壓力，最後造成少女一返學就發燒嘅情況。

學業固然重要，不過如果因為學業而影響親子關係，甚至影響健康，咁就真係得不償失啦。 如果想知更多關於健康嘅資訊，就記得follow埋我哋嘅page啦👍

#健康研究所 #開學 #學生 #壓力 #焦慮

29/08/2025

【 #貓奴日常】吸貓可以改善心血管健康🐈？

即睇文章👉https://tinyurl.com/ymysxtbj

養咗貓先知，原來貓咪除咗可以摸可以抱，仲可以吸😽！好多貓奴都鍾意捉住自己個主子喪聞喪吸！吸完就覺得身心舒暢～原來有研究顯示，養貓嘅人罹患心臟病同中風嘅風險會比較低，而透過吸貓或者親密接觸獲得愉悅感覺，身體會釋放內啡肽同催產素，間接都可以話係有益健康✅！

不過吸貓同時都要注意衞生，如果貓咪冇定期清潔或檢查🔍，身體可能帶有弓蟲、跳蚤或皮膚真菌，長期「吸」可能有健康隱患😿。

想知吸狗有冇分別？即刻click入文章睇吓啦！如果想知更多關於健康嘅資訊，就記得follow埋我哋嘅page啦👍

#健康研究所 #貓 #貓咪 #貓奴 #吸貓日常