PetPet寵物

Home
Hong Kong
Hong Kong
PetPet寵物

Contact information, map and directions, contact form, opening hours, services, ratings, photos, videos and announcements from PetPet寵物, Media/News Company, Hong Kong.

30/12/2025

喺正常情況下，🐱貓貓冬天為咗儲熱量，食慾會更旺盛！但如果發現佢食慾明顯變差、體重下跌，各位貓奴就要留意啦⚠️！

冬天食得少🥣，原因可以有幾個：
👉🏻成日餵同一款乾糧，貓貓食到悶，興趣大減
👉🏻冬天活動量少、食完就瞓💤，腸胃蠕動慢咗，好易「頂肚」，自然唔想再食多啲
👉🏻腸道唔健康，例如有寄生蟲，除咗食慾差，仲可能會消瘦、軟便等，需要檢查便便同按獸醫建議驅蟲

主人可以試下幫貓貓轉轉乾糧口味🥣、加少少罐頭／濕糧增加誘因，控制份量避免一次過食到太飽，同時鼓勵適量活動💨，幫助消化。

貓貓食得開心先健康🐱😆，大家快啲記低啦！

#香港寵物 #養貓指南 #貓貓健康 #寵物冷知識

19/12/2025

冬天帶狗狗出街🦮，緊記揀陽光充足嘅時間☀️，比如中午到下午呢個時段！朝早同夜晚溫度較低，狗狗都會怕凍㗎🥶～

尤其係細型犬、短毛犬，或者年紀大嘅狗狗，凍冰冰嘅天氣唔單止會凍親佢哋嘅腳掌🐾，仲可能影響關節健康添！

行完街返屋企🏡，記得用微暖嘅水幫佢沖下腳，再用乾毛巾徹底抹乾淨🐾。咁樣先可以預防腳掌皮膚發炎、爆拆，仲可以減低細菌感染風險✅！

另外，大家可以視乎當日天氣，幫狗狗著返件保暖衫仔🧣，或者適當縮短散步時間。咁樣先至可以令狗狗喺冬天享受戶外時光🌞～

#香港寵物 #香港狗狗 #散步 #冬天散步 #放狗

12/12/2025

大家成日以為貓狗有毛就唔怕凍❄️，其實佢哋都會冷親㗎😿🐶！佢哋嘅毛髮雖然有少少保暖作用，但唔代表可以抵受低溫～尤其細隻、短毛或者老年嘅寵物，體溫調節能力差😣，好容易冷親感冒、腸胃不適，嚴重仲可能凍親關節添！

建議訓覺時💤，幫佢哋準備一張有厚墊嘅床🛌🏻，而且遠離窗口或者風口位，亦都可以準備毛氈，或者俾佢哋著返件薄薄地嘅冷衫🧶。

寵物唔識講嘢，需要我哋多啲細心關注💪🏻～記得多啲摸下佢哋嘅耳仔同腳底，如果凍冰冰就要快啲幫佢哋保暖🔥！一齊用心照顧，等寵物過一個暖笠笠嘅冬天啦❄️❤️！

#寵物過冬 #寵物保暖 #香港寵物 #寵物冷知識

14/11/2025

第一次養金魚🐠，最怕搞到缸水變成「臭魚湯」🤢，但其實要keep住水清一啲都唔難😌！

首先，專家建議金魚缸要裝好過濾器，因為金魚會排好多廢物🦠，無得過濾嘅話缸水好快就會渾濁😖，同埋都要裝埋氧氣泵，咁啲魚先唔會缺氧浮頭🙌🏻。而且建議每星期換大約1/3水💧，切忌一次過換晒，水質變得太快金魚未必頂得順，仲有機會病埋添😷！

如果發現缸水有怪味🤢，或者啲魚無晒精神😪，就要檢查下過濾器同水質指標（例如pH值），水質最好維持喺7.5至8.5✅。如果無測水工具，都可以直接聞下，如果聞到唔正常味道就要小心啦🙌🏻！

今日就去檢查下你個魚缸水有無怪味啦👀，同埋留言同我哋分享下你平時幾耐會換一次水💧？

#金魚 #金魚缸水質 #新手養金魚 #寵物趣事 #香港寵物

07/11/2025

好多新手養倉鼠🐭🐹，第一時間想幫佢洗白白🛁？停手🤚🏻！倉鼠同狗狗貓貓唔一樣，係唔需要沖涼㗎🙅🏻‍♀️，仲可能會令到佢感冒添！

其實倉鼠好鍾意自己梳理毛髮，本身嘅體液已經可以保持乾淨✨～想幫佢清潔，用專用浴沙就得啦！倒少少喺浴沙盆入面，佢會自己碌嚟碌去，自然吸走油脂同灰塵👍🏻，洗完仲會香噴噴、毛絨絨～

記得唔好用人用嘅沐浴露🚫，亦都唔好頻頻換浴沙種類，可能會令到佢哋皮膚敏感😖！保持籠仔整潔，定期換墊材，倉鼠就會一直乾淨又健康☺️～

#倉鼠冷知識 #新手養寵 #倉鼠 #香港寵物

31/10/2025

新手主人養貓最怕佢唔用貓砂？唔使驚，教佢用貓砂超簡單！

首先揀個安靜、少人行嘅地方放貓砂盆🚽，記得遠離食水碗，咁樣貓咪會覺得安全又舒服☺️。初期可以喺貓咪食完嘢或者瞓醒之後，輕輕捉佢去貓砂盆，示範點樣用爪「刨砂」，等佢理解呢度係佢解決生理需要嘅地方。

每次成功用貓砂後，記得即刻獎勵小食🍗同讚賞💖，建立正面聯想！另外，保持貓砂潔淨都好重要，最好每日清理一次🧹，咁樣貓咪自然會更樂意使用。科學研究話，貓咪天生愛乾淨，只要主人有耐性，加上合適環境，好快就會學識！🐱✨

#新手養貓 #貓砂訓練 #貓奴日常 #養貓秘訣 #寵物小教室 #幸福貓咪 #養貓生活

24/10/2025

狗狗沖完涼之後🐶🚿，即刻開始瘋狂搖頭甩水💦，搞到屋企好似落雨咁，呢個畫面真係好搞笑🤣！其實呢個行為背後有科學解釋👩🏻‍💻，狗狗甩水係佢哋天生嘅本能，呢項技能係由佢哋嘅狼祖先傳承落嚟🐺，用嚟快速甩走身上嘅水份，令身體保持乾爽同舒適。

研究顯示，狗狗搖身甩水可以喺幾秒鐘間甩走約70%嘅水分💦，你又有無試比狗狗甩水甩到你成身濕晒😆？呢個時候記得準備好大毛巾包住狗狗🐶，輕輕揉乾，再用風筒低溫幫佢吹乾！

唔想錯過同寵物有關嘅趣聞同冷知識🐶🐱🐭？即刻Follow我哋啦！

#狗狗趣聞 #狗狗沖涼 #寵物冷知識 #香港寵物

17/10/2025

你有無見過貓貓夜晚突然變「忍者」🥷🏻，喺黑暗中飛撲亂竄？佢哋嘅眼睛會發出綠光，超似超級英雄出動🤣！其實係因為貓咪嘅視網膜有層反光膜⚡，幫佢哋喺微光下見到6倍於人類嘅細節，係天生嘅「暗夜獵人」😆！

喺野外，呢個神技會幫佢哋捉老鼠同雀仔🐧，喺屋企就變成「激光筆」！😆可能半夜仲會趁你瞓緊覺突然撲上床尾，將捉到嘅嘢當戰利品獻比你，超得意😍！

想你隻貓夜晚玩得安全又唔吵醒你？試下同佢夜晚玩下玩具，例如激光或者鈴鐺波，滿足佢嘅狩獵慾💪🏻！想知道更多同寵物有關嘅趣聞或者冷知識，記得follow埋我哋！

#貓咪趣聞 #寵物冷知識 #香港寵物

10/10/2025

你有無試過閂埋門想靜一靜🧘🏻‍♀️，結果你隻貓喺出面「篤篤篤」狂敲門🤣？

其實貓咪敲門係因為佢哋好奇心爆棚💥，仲鍾意控制地盤，覺得屋企每一吋都係佢嘅😼！有啲貓甚至會學你開門，伸手拉門柄，或者用爪推門！😆佢哋敲完門可能仲會喵喵叫催你，似足同你講「快啲開門啦😤」！

想避免貓咪亂敲門，試下比多啲玩具佢玩分散注意力🎾，或者喺門底放軟墊減低噪音🚫！留言同我哋分享下你隻貓有咩「開門大法」啦💬！

#香港寵物 #貓咪趣聞 #養貓 #貓咪冷知識

03/10/2025

唔想狗狗見到食物就失控🤨？今日就教下大家，狗狗對食物唔「猴摛」嘅最佳秘技😆！

👉🏻拎粒小食，放喺地下，講聲「等陣」✋🏻，用手遮住食物，等佢企定定唔撲先比佢食，狗狗做到之後要大讚Good Boy / Good Girl👍🏻！
👉🏻慢慢延長等待食物嘅時間，由3秒加到10秒，幫佢練出超強耐性！

專家話💬，呢招正向增強法唔單止增強狗狗自制力，仲幫佢喺緊張場面冷靜💪🏻！

今日開始就試下同你隻狗狗練一練耐性啦，記得錄埋片同我哋分享佢嘅進步💪🏻！

#訓練狗狗 #香港寵物 #狗狗耐性

02/10/2025

有無見過你隻貓🐱跳上櫃頂或者窗台🪟，動作流暢到好似輕功高手咁💃🏻？科學話，貓咪嘅肌肉同平衡力超強💪🏻，後腿肌肉尤其發達，可以跳到自己身高5倍嘅地方😮！其實呢個技能係佢哋嘅狩獵本能🐆，喺野外嘅時候，佢哋會爬樹捉雀仔或者追老鼠🐀！喺屋企，佢哋可能突然跳上書架、廚房枱，甚至冰箱頂，仲會喺度摆個得意pose🐱，似足喺同你炫耀！

想你隻貓跳得安全🙌🏻，記住清走高處嘅危險物品，例如花樽、盆栽等🪴！你隻貓又跳上過咩地方呢？快啲留言同我哋分享佢嘅「跳躍神技」啦😆！

#貓咪趣聞 #養貓 #香港寵物

26/09/2025

成日喺半夜聽到「咕嚕咕嚕」嘅聲響🔊？唔洗估都知一定係你屋企隻倉鼠🐹 喺滾輪上面開啟「馬拉松模式」🏃🏻‍♂️！

其實倉鼠喺夜晚跑步完全係天性😆！喺野外，佢哋每晚要跑好幾公里覓食😋、躲避天敵😠，所以滾輪就變成室內生活中最貼近自然嘅「運動場地」。科學研究都話，滾輪唔單只可以幫倉鼠消耗多餘精力👏🏻、保持健康體態，仲可以緩解壓力，簡直係專屬嘅「Gym Room」💪🏻！

不過有時倉鼠跑得太投入，會唔小心從滾輪上「飛」出去🤣，懵懵哋嘅樣子超可愛～大家有無試過比倉鼠嘅滾輪聲吵醒🤣？快啲留言分享下啦！

#養倉鼠 #倉鼠跑步 #倉鼠趣聞 #香港寵物

Address

Hong Kong

Website

https://ourpetpet.bastillepost.com/

Alerts

Be the first to know and let us send you an email when PetPet寵物 posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Media Company in Hong Kong?