TopGear HK 極速誌

TopGear HK 極速誌 此為英國BBC正式授權《TopGear 極速誌》官方Facebook專頁，提供最新最快的車壇資訊、試車報告、本地汽車新聞及所有汽車相關有趣內容。

｜車神冼拿190E 2.3-16拍賣 目標價兩百萬以上｜蘇富比將會喺今年11月拎部85年製嘅平治190E 2.3-16出嚟畀大家競投，目標成交價介乎230萬至260萬港元之間，佢唔係0首無碰撞歡迎任驗嘅女車主盤，亦唔係咩驚世駭俗大改裝，只...
22/09/2025

｜車神冼拿190E 2.3-16拍賣 目標價兩百萬以上｜

蘇富比將會喺今年11月拎部85年製嘅平治190E 2.3-16出嚟畀大家競投，目標成交價介乎230萬至260萬港元之間，佢唔係0首無碰撞歡迎任驗嘅女車主盤，亦唔係咩驚世駭俗大改裝，只係首任車主姓Senna（佢本身姓da Silva但喺巴西太普通，所以用阿媽姓氏出道）叫Ayrton，所以先值呢個價。

至於冼拿點解會有部平治？原因佢喺1984年嘅Race of Champions比賽中，跟20位頂級高手，包括9位F1世界冠軍，揸住同一款嘅190E 2.3-16落場鬥12個圈，結果冼拿喺未被人睇好下贏得呢場冠軍（亞軍係F1傳奇羅達），可能佢覺得呢款車實在太好玩，所以就喺第二年10月買咗佢返英國屋企。

作為冼拿喺英國居住時嘅「腳車」，外觀同內裝都十分原裝，而且只係行咗大約4萬公里就因為車主要去摩納哥做麥拿侖車手就將佢賣走，之後買家又轉手賣咗去澳洲。雖然部車最後行咗廿幾萬公里，但能夠買到首任車主冼拿嘅「腳車」，的確係好難得，而更難得呢部係右軚能夠喺香港登記出牌，仲可以自訂返當年冼拿部車嘅車牌——C992 JGH。

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

︱四大家庭車天王——323︱昔日香港千五家庭車有四大天王：Corolla、Sunny、Civic、323，其中前三款已經講過，今日輪到323。我哋搵到刊登喺1978年10月20日《明報》上面嘅323廣告，賣嘅係1977年推出嘅第四代編號FA...
21/09/2025

︱四大家庭車天王——323︱

昔日香港千五家庭車有四大天王：Corolla、Sunny、Civic、323，其中前三款已經講過，今日輪到323。我哋搵到刊登喺1978年10月20日《明報》上面嘅323廣告，賣嘅係1977年推出嘅第四代編號FA4嘅323，日本叫Familia，出口就用數字表明身份，如121、626、929等。呢一代323造形較過往三代更現代化，圓形頭燈（鑲喺方框入面）襯埋渾圓車尾，睇落的確較同期對手吸引，所以當時喺街都見唔少。

今次幅廣告相係現場實拍，雖然掛有香港車牌（查過呢個車牌組合可以重新登記）同埋背景疑似淺水灣一帶，但唔知係咪喺香港影（問過當年代理高層佢都唔記得係邊度），不過成件事好有親切感。另外，廣告車係三門323SP，當時全線都係配編號UC嘅1.4公升四缸引擎，馬力輸出65匹，但係代理特別強調呢款三門版配跑車型黑泵把、車頭石英燈、轉數錶、格仔紋桶位、皮軚環、跑車胎、車身膠邊等。細心睇仲會發現喺右邊A柱有條手拉天線，收音機一接收唔好，就要將天線向上拉出。

當時仲叫發達汽車嘅代理，除咗三門版外，仲有五門和旅行車，選擇非常豐富。記得當年中學阿蛇有部白色旅行車，尾箱放咗好多體育用品。有趣在呢款旅行車嘅車頂末端稍稍翹起，刻意營造出尾翼效果，喺當年比較少見。其實萬事得喺過去都有唔少特色產品，例如日版Familia Cabriolet、跳燈Astina、323 GT-R等都係非常有趣嘅323作品，有機會再同大家講吓。

出處：明報1978年10月20日

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

網約車 & 的士奇遇記｜司機成日報警？講秘密當司機無到🎞️睇全片➡️：https://youtu.be/Gk9nACeoJ0U今次唔試車，不如講講的士同網約車。我哋收集咗一堆乘客同司機嘅奇怪故事，有人醉酒唔落車，有人車廂大談房事，有人賴皮唔...
18/09/2025

網約車 & 的士奇遇記｜司機成日報警？講秘密當司機無到

🎞️睇全片➡️：https://youtu.be/Gk9nACeoJ0U

今次唔試車，不如講講的士同網約車。我哋收集咗一堆乘客同司機嘅奇怪故事，有人醉酒唔落車，有人車廂大談房事，有人賴皮唔俾錢搭霸王車，更拆解點解有啲乘客一個人都鍾意坐副駕，總言之就無奇不有，沒有最奇怪，只有更奇怪。大家坐的士或網約車又有冇遇過啲奇怪事？歡迎留言分享一下喇。

#網約車 #的士 #奇遇
#極速誌

︱Toyota進化版GR Corolla用咗更多膠水︱仲以為豐田今日（9月18日）推出係GRMN Corolla，點知原來係小改版GR Corolla，換上類似小改GR Yaris嘅頭泵把，成個「下巴」變成入風位，並增加一個導風管，目的係畀...
18/09/2025

︱Toyota進化版GR Corolla用咗更多膠水︱

仲以為豐田今日（9月18日）推出係GRMN Corolla，點知原來係小改版GR Corolla，換上類似小改GR Yaris嘅頭泵把，成個「下巴」變成入風位，並增加一個導風管，目的係畀你「盡雞」時有更多冷空氣進入燃燒室，維持G16E-GTS引擎喺最高工作狀態。另外今次其中一項重要改變，就係用咗更多膠水去黏合車身部位，包括車頭、地台，同埋尾轆輪拱等，目的當然係用來強化車身剛性，而且所用劑量多達32.7米，較小改前多出13.9米。仲有，就係今次多配一個subwoofer，配合新增嘅ASC主動音響控制系統，可以喺每次收油時模擬出類似backfire嘅炮仗聲，話會增加投入感，但明明係油車，點解要學電車咁專登整啲假聲出來？難明⋯⋯

更多圖片：https://topgear.hk/D9Civ

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

︱Suzuki首部電動車終有定價︱鈴木日前喺東京舉行記者會，公佈佢哋第一款電車作品eVitara，將喺出年1月16日正式公開發售，前驅細電/大電、四驅大電等三款型號喺扣除補助金後，定價由16萬至22萬港元不等，呢口價又的確幾吸引。至於性能（...
18/09/2025

︱Suzuki首部電動車終有定價︱

鈴木日前喺東京舉行記者會，公佈佢哋第一款電車作品eVitara，將喺出年1月16日正式公開發售，前驅細電/大電、四驅大電等三款型號喺扣除補助金後，定價由16萬至22萬港元不等，呢口價又的確幾吸引。至於性能（144至184匹；193至307Nm）同續航表現（433至530公里）就同之前所講一樣，但係日本都要出年先賣，香港更加無咁快會到，況且代理都話暫時未有聲氣會入。

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

【特別推介】平治科學園試駕日｜全新純電動CLA同場展出立即預約：http://bit.ly/465cuig平治今個星期六、日（9月20至21日）喺香港科學園舉行試駕日，全新純電動CLA會喺現場公開展出，俾你搶先感受最新世代純電魅力。同場仲有...
17/09/2025

【特別推介】

平治科學園試駕日｜全新純電動CLA同場展出

立即預約：http://bit.ly/465cuig

平治今個星期六、日（9月20至21日）喺香港科學園舉行試駕日，全新純電動CLA會喺現場公開展出，俾你搶先感受最新世代純電魅力。同場仲有多款平治純電動車款同汽油車可以俾你試駕，唔想錯過今次親身試駕體驗機會，記得mark實今個星期六、日，到時科學園見！

✨ 展出型號
➤ 全新純電動CLA 250+ AMG Line

🎉 精選試駕型號
🔋 純電動型號：
➤ EQA 純電動輕巧 SUV 優惠價HK$369,000¹起（原價HK$465,000起）
➤ EQB 純電動 7 座 SUV 優惠價HK$439,000¹起（原價HK$542,000起）
➤ EQE 純電動豪華房車 意向價HK$529,000¹起（原價HK$986,500起）
➤ EQE 純電動豪華 SUV 優惠價HK$659,000²起（原價HK$1,046,500起）

🛢 汽油車型號：
➤ C 200 AMG Edition 汽油房車 優惠價HK$439,000³ 起（原價HK$548,000起）
➤ E 200 汽油豪華房車 優惠價HK$569,000³ 起（原價HK$617,000起）
➤ GLC 汽油型格轎跑車 優惠價HK$639,000³ 起（原價HK$699,000起）

現凡選購指定型號平治座駕，更可憑渣打國泰Mastercard卡支付高達20% 訂金*，更可享「HK$4 = 1 里數^」的額外獎賞。了解更多： bit.ly/ZFXSCB

活動詳情：
日期：2025年 9 月20至21日（星期六、日）
時間：上午10時至下午6時
地點：香港科學園中庭長廊（沙田香港科學園科技大道西）
查詢：2504 6140
Whatsapp 查詢：https://bit.ly/ZungFu_Whatsapp_FB

¹須符合「一換一」計劃資格，受條款及細則約束
²只適用於已出牌之部分指定型號的電動車 ，受條款及細則約束
³受條款及細則約束

*須於指定網頁登記，受條款及細則約束

^以合作推廣之額外獎賞及信用卡基本獎賞「 HK$6 = 1里數 」獎賞計算

-圖片只供參考

借定唔借 ? 還得到先好借 !

#純電動車

｜Toyota次世代e-Palette電動小巴 開價三千萬日圓 即日接受預訂｜豐田喺四年前東京奧運會提供咗多部造形可愛嘅無人駕駛電動小巴士，用嚟接載選手往返選手村至比賽場地，當時廠方已表明會喺2025年量產，結果終於喺今日（9月15日）正式...
15/09/2025

｜Toyota次世代e-Palette電動小巴 開價三千萬日圓 即日接受預訂｜

豐田喺四年前東京奧運會提供咗多部造形可愛嘅無人駕駛電動小巴士，用嚟接載選手往返選手村至比賽場地，當時廠方已表明會喺2025年量產，結果終於喺今日（9月15日）正式開售呢部叫e-Palette嘅電動小巴士。

造形似足次世代未來小巴嘅e-Palette，全車連埋司機只有5個座位，但企位就有12個，除咗可以用嚟做「村巴」之外，廠方強調佢係一個移動平台，倘大嘅開放式空間隨時變身為流動cafe、舞台、會議室，甚至可以係一個流動浴室。

因為佢本身支援自動駕駛，所以能夠做到沖涼唔怕被人偷睇，但由於喺四年前殘奧發生撞倒視障選手意外令佢退出比賽之後，所以今日開售嘅e-Palette係有軚盤由人駕駛，有別於當時無軚盤嘅自動駕駛。雖然未可以自動駕駛（目標喺2027年實行L4級別無人駕駛），但就繼續以電力驅動，配72.82kWh電池，續航喺WLTC標準下有250公里，以90kW快叉最快8個字叉滿8成。

但係呢部原價賣成153萬港元，喺當地申請補貼後都要69萬港元嘅電動小巴士，相信未必有人會自行引入，唯有下次去日本睇吓有冇機會見到同坐到！

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

︱香港小姐冠軍得獎汽車係⋯⋯︱每年大台舉辦嘅香港小姐，冠軍都會得到唔同獎品，可以係樓、珠寶、現金，甚至係車，今年得獎車款係Aion V（上年好似係Aion Y），但之前幾年送過咩車已經無乜印象，但原來早年冠軍嘅得獎車係大發（Daihatsu...
14/09/2025

︱香港小姐冠軍得獎汽車係⋯⋯︱

每年大台舉辦嘅香港小姐，冠軍都會得到唔同獎品，可以係樓、珠寶、現金，甚至係車，今年得獎車款係Aion V（上年好似係Aion Y），但之前幾年送過咩車已經無乜印象，但原來早年冠軍嘅得獎車係大發（Daihatsu）Charade，大家又記唔記得？

翻開1978年5月21日《明報》，見到大大隻大發廣告，話今屆（1978年）港姐冠軍可以得到一部名貴大方嘅Charade五門房車一部，標題仲寫明「名車配美人」，當年冠軍係冇乜印象嘅陳文玉。反而第二年冠軍就係大家好熟悉嘅鄭文雅，佢其中一份獎品都係大發Charade。

唔知大家對Charade呢個車款有幾認識，第一代G10喺1977年推出，第二年就正式到港，刊登喺同年3月20日《明報》上面嘅廣告，寫住榮獲全日本78年度最佳汽車及私家車王榮銜，內文仲提到上月（2月）來港優先展覽，大受市場歡迎、為本港汽車業罕見之盛事，當時仲細唔知係咪好似廣告咁講，但之後喺路上的確見到好多「射喱仔」。

記得細個曾坐過親戚部Charade，感覺唔算好細部，但車身好單薄，親戚話好似汽水罐咁薄，正因為薄所以車重只得6百幾kg，即使配1千三缸機器（55匹馬力及7.8kgm扭力），加埋5速棍波，當時感覺都幾飛得。呢代「射喱」我就無揸過，但就差啲就買咗三代G102四門，雖然外形無同系三門GTti咁有型，不過勝在棍波好玩任砌。最終我都係無買到，反而入手咗港版二代121（即日版Revue），雖然同樣係棍波，但反應無Charade咁活躍，有機會同大家講呢部非常趣嘅121。

出處：明報1978年5月21日

#極速誌
#大發 #香港小姐
————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

︱香港電動車平定貴︱究竟喺香港買電動車係貴定平？我哋搵嚟六個地方（包括鄰近我哋嘅澳門）、四款來自中國、韓國、德國和美國等唔同價位嘅電動車同香港比較，睇吓大家有買貴定無買錯？1️⃣ 由於比亞迪喺泰國設有生產工廠，所以Made in Thail...
13/09/2025

︱香港電動車平定貴︱

究竟喺香港買電動車係貴定平？我哋搵嚟六個地方（包括鄰近我哋嘅澳門）、四款來自中國、韓國、德國和美國等唔同價位嘅電動車同香港比較，睇吓大家有買貴定無買錯？

1️⃣ 由於比亞迪喺泰國設有生產工廠，所以Made in Thailand嘅海豚比其他方都要抵買；反之最貴係英國，未計任何補貼已經超過三十萬港元。

2️⃣ Tesla Model 3喺七個比較地方入面，原來澳門係最抵買，比原產地美國都要平；至於最貴又係英國，基本後驅版都要42萬多港元。

3️⃣ 起亞EV3同樣喺七個比較地方入面，香港唔單只比澳洲貴一大截，比英國仲要貴好多，至於澳門、泰國、日本，同埋美國等地就仲未有得賣。

4️⃣ 波子Taycan入門版喺香港定價僅比泰國平少少，但其他五個地方都唔駛「一球」，其中日本更比香港平足九成。

#極速誌
#電動車
————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

︱1,548匹香港現身 識唔識轉彎先？︱睇片📺 https://youtu.be/Tlm09_NU2Rc1,548匹，0-100 1.98秒，聽落比超跑仲超跑。呢部小米SU7 Ultra嘅hyper car究竟會係咩境界？拉力勁過遊樂場離心...
12/09/2025

︱1,548匹香港現身 識唔識轉彎先？︱
睇片📺 https://youtu.be/Tlm09_NU2Rc
1,548匹，0-100 1.98秒，聽落比超跑仲超跑。呢部小米SU7 Ultra嘅hyper car究竟會係咩境界？拉力勁過遊樂場離心機？車中人絕叫兼失禁？定係只有直路唔識轉彎呢？
#極速誌
#電動車 #超跑
————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

│AE86車主注意 官方重製4A-GE引擎 │豐田早幾年透過GR Heritage Parts單位為AE86（包括Corolla Levin和Sprinter Trueno）提供包括傳動、制動，甚至個別車身嘅重製零件，幫助唔少AE86車...
11/09/2025

│AE86車主注意 官方重製4A-GE引擎 │

豐田早幾年透過GR Heritage Parts單位為AE86（包括Corolla Levin和Sprinter Trueno）提供包括傳動、制動，甚至個別車身嘅重製零件，幫助唔少AE86車主解決搵件問題。日前，佢哋表示將重新製作4A-GE引擎，並喺今個星期六、日（9月13至14日）舉行嘅「頭文字D 30周年2日祭」活動中先行接受預約，想買嘅朋友就買定機票book定車直奔富士賽車場。

今次主要重製4A-GE引擎嘅盤頂（汽缸頂）和中缸（汽缸體）兩部份，喺保留返原有機體下，吸氣部份經過特別塗層處理，令空氣進入時更加順暢，同時中缸亦重新研磨再造，並換上高剛性鑄鐵材料，令引擎變得更耐用。現階段官方未有公佈任何訂價，只係知道出年5月就會正式發售，想知更多嘅話，可以去現場問問又或活動後到其官網睇睇。

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

︱Ferrari 80年代經典Testarossa重現 849 Testarossa︱法拉利噚日（9日）喺毫無先兆下推出咗SF90接班人——849 Testarossa，呢款造型同F80非常近似嘅新車，跟12 Cilindri和F80一樣...
10/09/2025

︱Ferrari 80年代經典Testarossa重現 849 Testarossa︱

法拉利噚日（9日）喺毫無先兆下推出咗SF90接班人——849 Testarossa，呢款造型同F80非常近似嘅新車，跟12 Cilindri和F80一樣都係車頭有條非常iconic嘅黑bar，好唔好睇就見仁見智，但拉利近期三款作品都係咁樣設計。至於今次命名方式——849 Testarossa，前面數字未有任何官方解釋，但非官方可以理解為8代表V8引擎、4係4公升引擎，但9代表咩呢？真係唔知！咁Testarossa呢？意味佢係目前拉利陣中嘅頂級產品，但係跟80年代經典Testarossa似乎無任何關連，當年代號F110嘅Testarossa最經典有三處：單支睹後鏡（後來變返做兩支）、兩側鯊魚鰭入風口，同埋水平12缸5公升引擎。

既然係SF90接班人，所以佢都係插電混能格式：4公升V8 twin turbo引擎再跟三隻摩打，合共可以爆發出1,050匹馬力，較前多出50匹。另外，佢嘅外形係參考自70年代Sports Prototype賽車設計，睇相就覺得佢非常扁平，咁樣設計亦有助降低風阻效應，據知喺車速250km/h時能夠產生高達415kg下壓力，較前多出25kg，高速之下就更加穩定，而且冷卻效能亦相應提高25%。

除咗硬頂和Spider開頂型號之外，仲有Assetto Fiorano版本，由於用咗大量碳纖維和鈦合金，因此較普通版輕咗30kg，車身氣流配件亦重設計，可以獲得更多下壓力。

#極速誌

————————————————
Web - www.topgearhk.com
YouTube - youtube.com/c/topgearhongkong
電子雜誌 - https://topgear.hk/L4AOh

Address

Hong Kong

Telephone

+85236053705

Website

Alerts

Be the first to know and let us send you an email when TopGear HK 極速誌 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TopGear HK 極速誌:

Shortcuts

Share

Category