電影圈

25/03/2025

王的股溝

23/11/2024

殯儀佬講《破•地獄》

冇錯，又係一個殯儀佬講《破•地獄》，但今次並唔係針對行內技術問題，因為某肥仔專頁，都已經將呢啲嘢講得好清楚，正所謂講多都口臭，明就明，無謂重複。
今次，只想講下性別平權同信仰。

自保

首先，為咗自身安全，要講明，《破•地獄》無庸置疑係一套好戲，無論剪接、美術、劇本、演員……各樣都好好，大叔我亦好鍾意睇。故事同現實總會有偏差，但絕對唔影響其娛樂性。

祖師爺真係唔鍾意？

睇完都知道，生人都好多地獄要破，行內人就會講「解結」，但道理都一樣。戲中最大嘅一個結，就係Hello文一家嘅矛盾衝突，當然又拉到父權、重男輕女之類。

戲中最常聽到「女人有月經，污糟，祖師爺唔鍾意！」，由唔同角色講，起碼出現過四、五次，但查實，呢句說話完全語意不清，祖師爺係邊個？佢係唔鍾意女人？唔鍾意月經？定係「煲乎」？

首先，祖師爺，以最粗淺嘅理解，主流道教認為教主係太上老君，而道祖就係三清，即是道德天尊、元始天尊、靈寶天尊，亦係一般道教道堂都掛住嗰三幅畫，其中，道德天尊又即是太上老君，係咪有啲亂？所以電影唔講囉。按香港人慣例，既然係咁，就不如一律當曬佢哋係祖師爺。歡迎更有識之士詳述補充。

以上呢班祖師爺，有冇講過自己唔鍾意女人？幾肯定無。如果有反證，又麻煩更有識之士通知聲，增長見聞。大叔我入行十幾年，亦從來冇聽過任何師傅或行家，講過戲裡面呢幾句對白，就連類似嘅言論，都冇。

咁經血呢？傳統係相信會影響儀式效果，但而家主流講緊嘅，係濺到出嚟，沾染到神壇或法器先會，平常心睇，大概係流鼻血唔好整到件白恤衫咁嘅概念。至於點解？因為道教係傳統信仰，老到漢朝之前，無得上網，點知經血原來同普通血液一樣？又鬼知咩叫污名化咩？但即使咁，古代道教其實都已經有女仙人，更有女道士，全真七子都有個孫不二，歷史上真有其人，金庸先生又何曾寫過佢老公馬鈺鬧老婆污糟？

又有人話，咁道教的確係父權、重男輕女嘛！你啱，多少都仲有啲，但現在已經無咁誇，改咗好多喇。以前擔幡買水淨係畀仔做，而家個女衝出嚟話要做，甚至乎有女士堅持嚟緊經照做，都冇師傅會阻止㗎喇，原因之後講。

講到呢度，肯明嘅人都應該知道，道教確係有啲父權，因為係傳統信仰，但班友真係無厭女，就等於，日本仔的確打過中國，但真係冇試過將人哋當時只有九歲嘅阿爺殺死。至於使唔使咁認真？如果個個睇完抗日神劇，都當佢無問題，唔分析又唔考究嘅話，咁大叔我咪唔講囉。

好明顯，句對白係編劇諗出嚟，為咗加強予盾同戲劇效果，好多人都覺得無傷大雅，但試下將Hello文改成牧師或神父，然後寫套戲，同一對白，睇下會有咩後果？編劇唔夠膽咁寫？演員會否照做？師傅唔計較，唔代表無問題。

法事儀式真係一台戲？

戲中尾聲，高潮位肯定係道生舌戰一眾喃嘸佬，最後佢忍唔住爆出一句，大意係「破地獄(儀式)都只不過係一台戲啫！」(大叔我記性差，求原文，可改)

同樣，如果文哥做牧師/神父，道生又夠唔夠膽話，安息禮拜/安魂彌撒係一台戲？

道生呢句，唔只係否定咗成個道教信仰，仲間接否定Hello文一生，因為先人成世就係做喃嘸，呢句話，就將先人由全紅磡最頂級嘅喃嘸師傅，講成呢一世都靠做戲呃人搵食嘅戲子神棍。

再者，假設呢句成立，文玥一直介懷做唔到喃嘸，仲有咩意義？不如去考演藝啦。兩兄妹最後又何必要合力做法事(戲)呢？

大叔我並非任何宗教信徒，但一直相信，做人同做殯儀一樣，不論生死，都要尊重人。人哋信嘅，你未必相信，只要對方並非作姦犯科，又唔係邪教，至少要尊重包容。

信仰儀式，同電影一樣，未必、亦不必完全真實，最重要係打動人心，甚至導人向善，唔係要見過先人喺做完儀式之後返嚟多謝師傅，又或者send whatsapp話佢已經到咗天家，咁先可以信。

同樣，堅持善良正直、普世價值、好人一生平安、黎明終會來到，都係一種信仰。「儀式免了，信仰便危殆」，信仰，同普世價值一樣，都唔可以當飯食，雖然有時係一種束縛，但有時，儀式會產生出乎意料嘅力量，助人渡過黑暗。

曾經，有個全宇宙最大無神論團體，都當傳統信仰儀式係一台戲，要「破四舊」，當時，就連喃嘸師傅都要着草走難。

對一般人嚟講，道教同喃嘸師傅，系統可能未必咁有清晰，又未必有神父同牧師咁光鮮，但只要佢哋都係喺正統規範下，跟足傳統，誠心幫先人做好儀式，唔係偷嚇拐騙，何罪之有？亦好應該與牧師/神父平起平座，得到對等嘅尊重。

文玥真係做唔到喃嘸？

其實，行內人都知未必，潮州齋都有女人打，但最大阻力反而係：大部分主家未接受。

殯儀代理同喃嘸師傅，大部分時間，都係為他人做事，受人之託，忠人之事，所謂「自業自得」，做好做醜，之後會發達定係發霉，都係人哋嘅家事。主家話要做乜，除非離譜到要做馬騮戲，否則師傅都只會講解規矩，幫手協調，唔會點反抗。所以之前講過，就算個女講到明來經都要擔幡買水，其實正常係冇師傅會同你死拗。

如果有主家要求，一定由女性打齋破地獄，其實冇師傅會堅持到反面，只會如實反映未必搵到人，但九成九九都會照搵，或轉方法照做。

所以，如果唔係拍戲，作為頂尖師傅，Hello文其實係一定知道，祖師爺唔係唔鍾意女人，只不過要自己個寶貝女入行，對住成班麻甩佬，社會地位又唔算高，又未必有咁多主家接受，肯搵阿女做嘢，到最後，阿女一定更加傷心失望，呢個應該先係佢反對個女入行嘅真正原因。當自己離世，反而就容許到自己個女，為自己破地獄，因為件白事係自己嘅，自己作得主。

同樣，行內性別「唔公平」嘅，亦有遺體化妝師，幾乎只有女人。唔明內裏原因，又唔肯了解嘅人，可能就覺得係性別歧視，但係諗深一層，假如年輕女性身故，正常親人會傾向想搵男定女幫佢穿衣化妝？即使肯畀機會男化妝師，關埋門整成個鐘穿衣化妝，之後有乜流言蜚語，以後唔只唔駛撈，可能仲會社死。

正如之前所講，每個傳統信仰，多少都有啲父權，但其實有各自歷史文化背景。信仰源於古代，只用現代人嘅標準去審判，其實唔太公道，只要現代嗰班師傅，唔係食古不化，肯走盞變通，就可以生死雙安，唔係左一句父權右一句覺醒，就橫掃一切。就等同你無論幾咁支持素食，隨便衝入間普通餐廳，鬧佢點解唔全間餐廳都係賣素食，或者入去牛腩麵鋪問佢點解冇提供素食選擇，似乎都唔太對路。

喺呢點上，道生可以用考證破障嘅方法，預先去斡旋，說服各位師傅，而唔係毫無準備，無根據地去到現埸先執拗，拗唔掂就叫人走，咁同鍵盤戰士不停輸出情緒，而唔係提出理據，有乜分別？

真係要咁認真？

講咁耐，可能又有人會話，睇戲娛樂下啫，駛乜咁認真？又啱。試問有幾多個導演，拍戲可以好似路蘭咁，名符其實認真過核爆？不過有導演同演員認真拍套戲出嚟，就會有人認真睇完套戲，再認真講返自己見解同信念，有幾出奇？今時今日，拍戲唔認真，搵鬼睇啦！

塵世中一條迷途殯儀佬 - 華安

09/03/2024

港產片係有好勁嘅年代。依張海報係鳥山明睇完星爺嘅西遊記。覺得好睇特登畫畀星爺。

#兩個天才

18/12/2023

30/09/2023

完全出乎意料，好萊塢編劇大獲全勝!

歷經漫長5個月的時間，昨日美國編劇協會終於宣布結束罷工。雖然編劇跟製片人聯盟的合約細節還沒有敲定，但是大原則都已經釐清，幾乎是一面倒向編劇那方勝利!

過去這148天之間，我們可以從片廠的發行排程，明顯看到罷工的影響。非常大量的主流影視作品都遭到延期，或是直接拿掉釋出日期。其中包括大部分的漫威電影和影集，迪士尼的《星際寶貝》以及《海洋奇緣》真人版，所有的《阿凡達》續集，間隔從兩年延長到三年。HBO大量影集，像是《龍族前傳》和《最後生還者》都不確定甚麼時候能看到。原本年底要上映的《沙丘2》也被移到明年。

根據《紐約時報》的報導，這一次的罷工已經導致加州的經濟損失超過50億美元。除了產業停擺，導致所有的劇組成員都無工可做之外，每一間電影公司也都各自失血數億不等。
編劇們之所以決定罷工，主要是因為過去幾年業界的待遇越來越差。節目爆紅也拿不到分潤，很多基層人士連房租都繳不出來，AI科技也逐漸成為威脅。倒不是AI的編劇能力已經能夠跟人類相提並論，而是企業有可能以「初稿是AI寫的」為藉口，強迫編劇只能夠拿更低的改寫費。

這些問題在新的合約中，都有一一列出相關的應對方案。

過去串流服務的資訊非常不透明，觀看數據全憑企業的心情公布。因此，受雇於這些公司的創作者對於自己收到的分潤是否合理，完全無從檢查。不過，在保密協定之下，編劇協會將來能夠調閱串流平台的收視資料，藉此捍衛編劇們的權益。如此一來，串流公司也不必擔心股價會因為數據公開而波動。
薪資的部分，工會成員從2024年1月1日起，將獲得5%的基本加薪，在這之後又會陸續調高。而且該在工作哪一個階段拿到多少錢，也都寫得清清楚楚。同時，分潤改用對創作者更有利的計算方法，所以作品受歡迎的話，不會像過去一樣幾乎分不到一杯羹。

至於大家最關心的AI條款，則是明訂AI不能被列為「主要創作者」。也就是說，這些工具無法被拿來當作壓低編劇費用的談判籌碼。片廠不能夠要求編劇必須使用AI工具寫劇本，但是編劇可以在片廠的同意之下斟酌使用。如果片廠想要叫編劇改寫AI生成的內容，也必須告知這些材料是從哪裡來的。
簡言之，AI將會成為協助創作的工具，而不是讓剝削更有效率的手段。
在編劇協會談判委員會寄給會員的信件中，他們表示：「我們能夠自豪地說，這個協議不同凡響。不同編劇領域的會員們，都有確實得到更多權益和保障。」

雖然還有程序要走，但是從這禮拜三起，編劇就可以回去工作。首當其衝的深夜脫口秀，甚至可能10月初就會恢復運作。
消息指出，製片人聯盟再不過久也會跟演員工會坐下來談。如果這廠談判跟編劇協會一樣有效率，那麼世界上最有影響力的影視娛樂產業，可能再過不久就能夠恢復運作了。

(最後，就是希望漫威劇本也可以因此得救...)

08/09/2023

天災一觸即發，地面交通完全停擺。為了生計，你的奴性能否超越極限？越過重重困難回到公司上班？香港首套實境VR電影—《返工》！今日正式首映。

你準備好辭職了嗎？

27/08/2023