OpenCar

OpenCar 一個為車迷而誕生嘅汽車Page
請Like、Follow

Opencar講經 |  #37 11月第3周4大消息(限量版BRZ STI Sport TYPE RA,新款Hilux,Audi F1概念車,日產出售橫濱環球總部大樓)📹留言區有Link每星期世界地各地車壇都會有大事發生,「   」呢個節...
16/11/2025

Opencar講經 | #37 11月第3周4大消息(限量版BRZ STI Sport TYPE RA,新款Hilux,Audi F1概念車,日產出售橫濱環球總部大樓)

📹留言區有Link

每星期世界地各地車壇都會有大事發生,「 」呢個節目會搜羅近期重點新聞同大家分享,今個星期由Daniel同大家講嘅內容有:

Subaru 幫BRZ推出STI Sport TYPE RA限量特別版、Toyota新一代Hilux今代仲有汽油同電版揀、Audi發布26年F1概念車、日產宣布「Re:Nissan」大型重整計劃並且已經賣咗橫濱環球總部大樓。

即刻去片睇下佢講咩經啦!

今日(11月17日)舉行嘅第72屆澳門格蘭披治大賽車澳門GT盃 — 國際汽聯GT世界盃,結果由喺昨日排位賽勝出、駕駛50號Ferrari 296 GT3嘅傅奧(Antonio Fuoco)贏得冠軍。至於昨日排位賽得到第二名、83號Ferra...
16/11/2025

今日(11月17日)舉行嘅第72屆澳門格蘭披治大賽車澳門GT盃 — 國際汽聯GT世界盃,結果由喺昨日排位賽勝出、駕駛50號Ferrari 296 GT3嘅傅奧(Antonio Fuoco)贏得冠軍。至於昨日排位賽得到第二名、83號Ferrari 296 GT3嘅葉一飛則以第五名完賽。

亞軍、季軍分別係駕駛53號BMW M4 GT3(Evo)嘅馬些路(Raffaele Marciello),以及22號Porsche 911 GT3 R(992)嘅海因里希(Laurin Heinrich)奪得。

/ / / / / / / / / / / #法拉利 / #傅奧 / #葉一飛 / #寶馬 / #馬些路 / #保時捷 / #海因里希 / #澳門格蘭披治大賽車

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

第72屆澳門格蘭披治大賽車各場正賽賽事喺今日(11月16日)陸續展開,其中下午舉行嘅澳門GT盃 — 國際汽聯GT世界盃 — 選拔賽,Ferrari包辦咗頭兩名。第一名係駕駛50號296 GT3、隸屬AF Corse SRL車隊嘅傅奧(Ant...
15/11/2025

第72屆澳門格蘭披治大賽車各場正賽賽事喺今日(11月16日)陸續展開,其中下午舉行嘅澳門GT盃 — 國際汽聯GT世界盃 — 選拔賽,Ferrari包辦咗頭兩名。第一名係駕駛50號296 GT3、隸屬AF Corse SRL車隊嘅傅奧(Antonio Fuoco),第二名係駕駛83號296 GT3、隸屬Harmony Racing嘅葉一飛。

至於選拔賽嘅第三名,就由駕駛911號保時捷911 GT3 R(992)、隸屬Tempo by Absolute Racing嘅皮卡里耶路(Alessio Picariello)奪得。

/ / / / / / / / / / / #法拉利 / #傅奧 / #葉一飛 / #保時捷 / #皮卡里耶路 / #澳門格蘭披治大賽車

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

有份參加第72屆澳門格蘭披治大賽車澳門GT盃 — 國際汽聯GT盃賽事嘅BMW M Sport廠隊車手馬些路同雲特連特,日前出席咗喺灣仔BMW陳列室舉行嘅「///Meet The Drivers車迷見面會」。🏁喺今次見面會,兩位將會駕駛BMW...
14/11/2025

有份參加第72屆澳門格蘭披治大賽車澳門GT盃 — 國際汽聯GT盃賽事嘅BMW M Sport廠隊車手馬些路同雲特連特,日前出席咗喺灣仔BMW陳列室舉行嘅「///Meet The Drivers車迷見面會」。🏁

喺今次見面會,兩位將會駕駛BMW M4 GT3 EVO出戰東望洋賽道嘅車手 同有份出席今次見面會嘅車迷 分享備戰心情同訓練過程,亦透露咗賽車生涯中嘅難忘經歷與幕後趣事。👍

錯過咗今次車手見面會?唔緊要,有兩位車手親筆簽名、以safety car造型亮相嘅BMW M5,將會即日起至11月30日喺灣仔BMW陳列室展出。同場又會展出M系列其他型號,今個周末更會直播第72屆澳門格蘭披治大賽車賽事,登記入場更可獲贈限量GEN M禮品一份,送完即止。🚗

/ / / / #寶馬 / #澳門格蘭披治大賽車

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

呢set將會喺明年1月10日,喺日本推出嘅GU x Honda衛衣,Honda迷唔係唔搶住買呀嘛?   /   /   /  #本田——— 𝐎𝐩𝐞𝐧𝐜𝐚𝐫 ———🚗想緊貼我哋Opencar得到更多汽車資訊,記住睇埋我哋其他平台!🚗
14/11/2025

呢set將會喺明年1月10日,喺日本推出嘅GU x Honda衛衣,Honda迷唔係唔搶住買呀嘛?

/ / / #本田

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

國產電動豪華MPV愈嚟愈受歡迎,今次到人稱「古老闆」嘅古天樂,揀咗Zeekr 009做最新座駕,同時成為Zeekr香港第3,000位車主!🔋🚙 #古天樂 /   /   /   /  #極氪——— 𝐎𝐩𝐞𝐧𝐜𝐚𝐫 ———🚗想緊貼我哋Open...
13/11/2025

國產電動豪華MPV愈嚟愈受歡迎,今次到人稱「古老闆」嘅古天樂,揀咗Zeekr 009做最新座駕,同時成為Zeekr香港第3,000位車主!🔋🚙

#古天樂 / / / / #極氪

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

今朝新鮮滾熱辣登場嘅Subaru BRZ STI Sport TYPE RA,只會限量推出300部,其中200部係TYPE RA,另外100部係加咗專用尾翼嘅TYPE RA。🚗😍咁呢款新登場嘅BRZ STI Sport TYPE RA有咩賣...
13/11/2025

今朝新鮮滾熱辣登場嘅Subaru BRZ STI Sport TYPE RA,只會限量推出300部,其中200部係TYPE RA,另外100部係加咗專用尾翼嘅TYPE RA。🚗😍

咁呢款新登場嘅BRZ STI Sport TYPE RA有咩賣點?外觀有專用BBS 18吋軨、STI前後整流套件、亮黑色BRZ車尾飾件。車廂就有黑色車門把手、加有紅色縫線嘅織布座椅。🤩

至於提升性能同操控表現嘅配備,就有專用ZF避震、金色Brembo高效能brake鉗、STI V形桿同後拉桿、STI專用排氣喉。👍

更重要係用咗參加超級耐力賽系列賽事、Team SDA Engineering BRZ CNF Concept賽車相同嘅FA24引擎。主要透過大幅降低活塞、連桿、曲軸、飛輪等部件嘅重量,換嚟有如賽車一樣嘅輸出。其次就係配備加有散熱片嘅後差速器殼,可有效防止差速器油溫升高,減少牽引力流失。🚗💨

配六速手波兼限量200部嘅BRZ STI Sport TYPE RA,喺日本嘅賣價係4,972,000日圓起,而限量100部兼有專用尾翼嘅版本,賣價就由5,478,000日圓起。💴

/ / / / #富士

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

【《OPENCAR》好料|平治年度試駕日  盡享年度終極優惠】  ➤ 登記試駕:bit.ly/4oxTf7x    平治會喺嚟緊兩個周末(2025年11月15至16日、11月22至23日)舉行平治年度試駕日,而全新純電動CLA,亦會喺呢次活...
12/11/2025

【《OPENCAR》好料|平治年度試駕日 盡享年度終極優惠】

➤ 登記試駕:bit.ly/4oxTf7x

平治會喺嚟緊兩個周末(2025年11月15至16日、11月22至23日)舉行平治年度試駕日,而全新純電動CLA,亦會喺呢次活動首度公開試駕!

活動呈獻年度四大終極優惠,包括:
① 車價折扣¹
② 指定型號首期回贈²
③ 指定型號免費延長保用¹
④ 指定型號免費配置升級¹

現場更有多款平治熱門車型可供試駕,立即登記,感受平治非凡魅力!

純電動車重點推介
➤ 全新CLA 250+:售價由HK$499,000³ 起,現更可享免費升級至AMG Line版本⁴ 及首期回贈禮遇²
➤ EQA純電動輕巧SUV:優惠價由HK$349,000³ 起,另享免費配置升級⁴
➤ EQB純電動7座SUV:優惠價由HK$409,000³ 起 ,最後10部現貨!
➤ EQE純電動豪華房車:優惠價由HK$529,000³ 起,另享免費延長保用¹
➤ EQE純電動豪華SUV:優惠價由HK$659,000⁵ 起,另享免費延長保用¹

汽油車重點推介
➤ C 200 AMG Line房車:優惠價由HK$439,000¹ 起,另享首期回贈禮遇²
➤ E 200豪華房車:優惠價由HK$569,000¹ 起,另享首期回贈禮遇²
➤ GLC 300 4MATIC SUV:優惠價由HK$569,000¹ 起,另享首期回贈禮遇²

現更可憑渣打國泰Mastercard卡,支付高達20%訂金*,更可享「HK$4=1里數^」額外獎賞。
了解更多:bit.ly/ZFXSCB

活動詳情:
日期:2025年11月15至16日及11月22至23日(星期六及日)
時間:上午9時至下午7時
地點:平治九龍品牌中心
地址:紅磡寶來街50號
查詢:2504 6140

¹ 受條款及細則約束
² 申請須通過梅賽德斯—奔馳財務之信貸審批。優惠有效期至2025年11月30日(以申請日期計算,並只適用於2025年10月25日之後生效的汽車銷售合約),車輛須於2025年12月31日或之前出牌。優惠只適用於指定現貨
³ 符合「一換一」計劃資格及只適用於指定現貨,受其他條款及細則約束
⁴ 優惠數量有限;受有關條款及細則約束
⁵ 只適用於已出牌之部分指定型號的電動車,受條款及細則約束
* 優惠不適用於全新純電動CLA,於指定網頁登記,受條款及細則約束
^ 以合作推廣之額外獎賞及信用卡基本獎賞「HK$6=1里數」獎賞計算
- 圖片只供參考
借定唔借 ? 還得到先好借 !

/ / / / / / / / / / / / #仁孚集團 / #平治 / #純電動車 / #年度優惠 / / #試駕

相信有唔少車主,對自己keep咗接近20年嘅座駕,肯定會有一份深厚感情。但若座駕不幸遇到意外,你會唔會選擇「救」番佢?🚗來自台灣花蓮嘅吳先生,面對為佢同家人服務近20年、經歷過花蓮光復鄉馬太鞍堰塞湖潰堤而被淹浸,並幾乎報廢嘅SAAB 9-5...
12/11/2025

相信有唔少車主,對自己keep咗接近20年嘅座駕,肯定會有一份深厚感情。但若座駕不幸遇到意外,你會唔會選擇「救」番佢?🚗

來自台灣花蓮嘅吳先生,面對為佢同家人服務近20年、經歷過花蓮光復鄉馬太鞍堰塞湖潰堤而被淹浸,並幾乎報廢嘅SAAB 9-5,依然不離不棄,選擇將座駕送到當地總代理進行連串清潔同復修工作。最終呢部SAAB 9-5回復昔日有如新車嘅狀態,並送回車主吳先生手上,令佢哋能夠「重聚」!👍

/ / #紳寶

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

美國Bulletproof Automotive為慶祝成立25周年,特別集合Top Secret、Amuse、Varis、Mine’s等多間著名改裝商,炮製出一部BP25 S2000,並預計會亮相嚟緊喺美國舉行嘅SEMA Show。😍據報呢...
12/11/2025

美國Bulletproof Automotive為慶祝成立25周年,特別集合Top Secret、Amuse、Varis、Mine’s等多間著名改裝商,炮製出一部BP25 S2000,並預計會亮相嚟緊喺美國舉行嘅SEMA Show。😍

據報呢部特別改裝嘅BP25 S2000,最大賣點係Bulletproof Automotive特別為一副2.0公升引擎,進行連串針對性強化,單係馬力已經超過580匹!🚗💨

/ / / #本田 / #改裝車

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

昨日同大家簡單報道過,有關新一代豐田Hilux嘅消息,今日再同大家作詳細介紹。📰新Hilux喺泰國、歐洲同步亮相,其中喺泰國開賣嘅新車,會透過副車名Travo同其他Hilux作區分。新車同Land Cruiser FJ一樣發展自IMV平台,...
11/11/2025

昨日同大家簡單報道過,有關新一代豐田Hilux嘅消息,今日再同大家作詳細介紹。📰

新Hilux喺泰國、歐洲同步亮相,其中喺泰國開賣嘅新車,會透過副車名Travo同其他Hilux作區分。新車同Land Cruiser FJ一樣發展自IMV平台,暫知動力組合有兩種選擇,包括2.8公升直四柴油Turbo引擎(馬力204匹),以及標配前後雙摩打、最大馬力約196匹。其中後者搭載嘅電池容量有59.2kWh,據報可帶來高達300km續航距離,並支援125kW快充。🔋

喺泰國開售嘅新Hilux分Standard Cab、Smart Cab 1.5同Double Cab三款車身選擇。外觀鋪排方面,柴油版配蜂巢式鬼面罩,純電版本則屬全密封式設計,而兩者亦以TOYOTA字樣取代廠徽。新式車廂布局以全新設計兼改以TOYOTA字樣取代廠徽嘅三幅式軚環、同樣係12.3吋嘅數碼儀錶及中控台觸控屏幕。👍

新一代豐田Hilux咁吸引,唔知有冇機會嚟香港呢?🧐

/ / / / #豐田 / #農夫車 / #電動車

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

喺灣仔海濱活動空間舉行嘅BYD比亞迪香港科技周,啱啱過去嘅周末吸引到唔少車迷到場參觀。場內展出喺香港有售嘅BYD同DENZA車系外,亦展出全新BYD SEALION 6、快將在港開售嘅DENZA Z9 GT、特別嘅YANGWANG U8及U...
10/11/2025

喺灣仔海濱活動空間舉行嘅BYD比亞迪香港科技周,啱啱過去嘅周末吸引到唔少車迷到場參觀。場內展出喺香港有售嘅BYD同DENZA車系外,亦展出全新BYD SEALION 6、快將在港開售嘅DENZA Z9 GT、特別嘅YANGWANG U8及U9、已在本港服務市民一段時間嘅E6電動的士,同埋B12D電動雙層巴士。而喺今日(11月10日)舉行嘅傳媒日,BYD亞太汽車銷售事業部總經理劉學亮亦有出席。

此外,場內更設有包括窄道通行、原地掉頭、圓規掉頭、模擬越野路況嘅試車場地,俾車迷感受BYD各種新科技。

BYD比亞迪香港科技周將舉行至明日(11月11日),有興趣嘅車迷不妨到場參觀。

/ / / / #比亞迪

——— 𝐎𝐩𝐞𝐧𝐜𝐚𝐫 ———
🚗想緊貼我哋Opencar得到更多汽車資訊,記住睇埋我哋其他平台!🚗

Address

Hong Kong

Alerts

Be the first to know and let us send you an email when OpenCar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to OpenCar:

Share

Opencar汽車網站

全新汽車網站Opencar正式面世,將會為本地車迷帶來最新最快的汽車資訊,多元化及具互動性的題材將會陸續出現,期待你讚好及分享我們專頁。

www.opencar.hk