03/09/2025
星期日去咗睇《 #8號出口 》
睇完喺個腦度 loop 咗好耐…
呢套戲實在太勁，
竟然可以由一隻毫無故事性嘅驚慄遊戲，
引發出咁多人生思考！
睇完先醒覺到，
我哋所有人都好似活喺呢個車站咁，
神經繃緊地無限輪迴：
以為係平平無奇嘅日常咩？
其實又要打醒十二分精神，
尋找種種莫名其妙嘅「異変」（異常），
反應慢少少，一 get 唔到，
就永遠返唔返出去…
現實生活或者網絡世界，
近期都發生唔少異變（你懂的）
睇完套戲行番出嚟，份外感觸。
到底點樣先可以由呢個無間地獄走番出去？
「唔好漠視任何一個異常，」
「見到異常就要返轉頭，」
「見唔到異常就唔好返轉頭繼續向前行，」
「要由8號出口出返去。」
好彩，我哋的確仲有得揀，
唔一定要迫自己搵到 8 號出口，
就算見到 BB 喊，
亦無須破口大罵嘅…
唔幫拖都好，其實都可以選擇下個站落車。
