面包無眼睇

14/11/2025

不求甚解定一知半解真係一線之差，時代巨輪已經去到一個充斥着假新聞，假資料世代，唔通想像就係真理，大聲就係道理，真係好多人唔知就亂鬼咁估，根本就唔係嗰樣嘢，冇人俾我更有資格拍呢條片，智能交通燈測試顧問👨‍🦯‍➡️🙇‍♂️
https://www.facebook.com/share/v/1BNjWUn9rN/?mibextid=wwXIfr

28/10/2025

follow我個page日子相當一定對佢唔陌生，而家四歲啦，一個四歲嘅小朋友潛能可以去到邊度，可以用難以置信嚟形容，我冇誇張佢真係贏咗99%嘅小朋友。我哋之前真係冇教過佢，係佢唔知喺邊度學識，佢嘅領悟力令我嘆為觀止，佢自從知道我眼睛No睇到，出街成日都要拖住我，佢係超有意識帶我避開所有障礙物，過馬路識睇燈睇車，話俾我聽前面有柱會撞到，前面有級小心落，喺屋企成日攞鞋俾我着，永遠唔會攞錯鞋，入咗屋佢會拖住我去梳化坐，最犀利幾日前我哋喺餐廳食完嘢，佢拖我起身，有意識協助我孭背囊，避開張凳慢慢行返出餐廳，佢而家性格變得好主動，佢唔係I人，佢食薯條發覺唔夠茄汁，係自己行去櫃檯問哥哥，唔該三包茄汁，然後自己返埋位繼續食，幾多社交恐懼嘅人搭小巴都唔敢嗌有落，佢而家四歲讀幼稚園真係好犀利，去街市買嘢婆婆都請佢食兩個蘋果，我問佢今日着乜嘢顏色嘅衫呀，佢會捉住我隻手去摸佢件衫，呢個乜嘢公仔，呢個乜嘢顏色，全部講得好細緻，試過好多次，我哋等過馬路，因為冇交通燈前面有車行過，佢會伸隻手出嚟攔住我前面驚我衝出去，我覺得佢天生有做領袖才能，佢嘅細心好多大人都未有，我有信心佢嘅前途無可限量🏆

24/10/2025

而家睇咗片先
https://www.facebook.com/share/v/15ZbHchFuD/?mibextid=wwXIfr

16/10/2025

🐶的確有佢嘅可愛之處，細個其他小朋友知道我睇唔到👨🏻‍🦯‍➡️通常好快走晒，唔知係咪覺得我係怪物，又或者唔鍾意我😔我係冇乜機會同一般小朋友玩嘅，上星期五天氣好熱☀️同👩🏻‍🦼行到攰攰地諗住去將軍澳公園海邊坐吓，坐低冇幾耐👩🏻‍🦼問我知唔知邊個坐喺我隔籬，知鬼咩，知道就唔使盲啦頂你👨🏻‍🦯‍➡️佢話有隻狗仔喺我隔籬一齊坐喎，叫我摸吓佢，嘩隻狗仔好似好老友咁喎，任摸唔嬲😹我有同佢講㗎，嗱你企上嚟都得，不過唔准屙💩㗎，我得一條褲㗎咋，冇朋友做㗎，你屙咗我都唔知去邊度買褲，呢度唔係紅磡冇得觀音借庫㗎大佬🥺第一次見面就咁投契，唔知佢係咪女仔嚟㗎呢😀

11/10/2025

長文慎入，一定要分享趣聞🥺呢個page有八成以上都係女，為免減低趣味性同原汁原味所以我唔打算刪減粗口請多多包涵🙇🏻‍♂️星期四晏晝我搭30X🚌到紅磡黃埔新城電台做一個錄音節目訪問📻深水埗有一男一女聽聲年紀都相當大，充滿濃厚鄉音不過用廣東話交談上車，佢哋兩個高談闊論，口水奔放 喋喋不休真心都幾嘈下🔊當時唔係好多人，原本我戴耳筒聽緊歌🎼都畀佢哋內容吸引咗👂🏼首先佢哋兩個應該唔同鄉下嘅，兩個廣東話相當唔純正，但又好愛廣東話喎🚌去到太子個女嘅接📱內容大要係會喺豉油街落車，行去邊度會合飲茶，個男嘅不停地喺隔離插嘴，兩個傾偈實在旁若無人之境🚌過咗豉油街都冇落車，個男嘅即時怪責個女掛住講📱又唔撳鐘落車，嚟緊🚌都唔知停喺邊，有排行返轉頭，又嘥時間，又熱，都叫咗你唔好講📱啦，講嚟把撚咩，你唔同對方講就嚟落車遲啲先講啦，你又唔聽我講，成日做埋啲把撚嘢，講埋啲把撚📱你個人好把撚啊，真係谷鳩氣😤個女嘅反擊呀，我鍾意遊車河啊，我好多時間，又成日把撚呢樣把撚嗰樣，你咁鍾意把撚呀嘛，我今晚返去就把你條撚，你就知味道，你唔好推三推四，把完你條撚冇嘢谷住啦😠我實在睇唔到嘢👨🏻‍🦯‍➡️呢個時候唔知係咪跟車太貼，車長突然急煞，定係聽到咁大聲嘅發人深省內容有所感動所以作出呢個急煞嘅舉動😕哎個男嘅笠晒水唔敢出聲，係咪諗起今晚保唔住條撚眼泛淚光我冇辦法證實😢不過我做咗個舉動幫佢哋撳咗鐘🚍停咗喺文明里，我叫佢哋落車就快啦，行返去豉油街唔係好遠，原來個女嘅落車，個男嘅繼續車程，個男嘅有唔該我，我有回應，唔使唔該我，你不如諗吓今晚點樣保得住條撚，男人最痛啊😟我聽聲個女嘅係認真喎🚌去黃埔總站，而家過咗油麻地，你喺觀音街落車啦，附近好多排檔可以買到褲唯有着多幾條頂住啦，再唔係去觀音廟啦，每年都好多人喺嗰度觀音借庫，不過還得到先好借，你仲有時間諗吓嘅，最怕今晚個女真係把持不定要把你嗰條，你就大檸樂😉呢個時候車長有回應，哥哥仔講得啱呀，即係話我啦，阿叔你都係要小心啲，你激嬲個女人真係唔知死😃個男嘅好大聲挨咗一聲，嘩睇嚟佢真係好擔心喎😓趣聞完啦🙏🏼

06/10/2025

🧑🏻‍🦯‍➡️係咪大晒，大家判斷啦😉發生喺尋晚中秋節🥮體驗到乜嘢係飯來張口呢個道理，細佬叫我擘大口，一嚿豬肉塞落嚟正呀😋我已經加咗句唔好再偷俾阿媽鬧死😹5分鐘後細佬叫我伸手出嚟，嘩熱辣辣 脆卜卜已經掌握喺我手裏😀記得以前寄宿盲人學校有首詩歌，我知誰掌管明天🎵原來係細佬，起碼今日唔會餓親，冇幾耐行入廚房，阿媽一路煮飯一路話，幾十歲人大教壞晒啲細偷餸食🥩🍤
麵包：我冇偷餸食喎，係細佬叫我擘大口，我冇得揀硬食☹️我真係睇唔到唔知道邊個偷食👨🏻‍🦯‍➡️
細佬：我唔係偷食，係明攞俾阿哥試食，個個都睇到嘅💭
哎呀今次細妹冇份參與喎避過一劫🥺香港法律精神係假定無罪，我的確睇唔到事發經過，所以唔可以話我偷食，我必須承認係有份食😉我搵AI生成圖片祝大家中秋節快樂🌕

04/10/2025

堪稱科技達人嘅👨🏻‍🦯‍➡️過去都測試過好多產品，真心AI眼鏡係我最期待嘅💭牛扒五成熟、七成熟同十成熟英文係：五成熟 - Medium rare
七成熟 - Medium well
十成熟 - Well done
首款全天候支援廣東話AI多功能智能眼鏡Rokid Glasses_3262 多謝廠商同香港Csl悉心安排，10月3日晏晝已經到咗我手啦，產品未正式發售，畀我率先沉浸式體驗廣東話加AI科技融入我日常生活衣食住行帶來嘅便利，革命性嘅科技或者真係可以顛覆我未來生活，大鑊尋晚通頂就係玩AI智能眼鏡，嚟緊我一定盡快拍片，講10次都唔夠👍🏼

29/09/2025

我成日都講科技係可以改變命運嘅🖲️基本上AI翻天覆地改變咗作為一個盲L👨🏻‍🦯‍➡️嘅我生活體驗，假設冇AI加持，要詳盡 細緻 人性化用文字去描述一張相片內容，要幾多時間，邊個負責呢個咁艱巨嘅工作，要用幾多人力物力先做到💭答案係10秒鐘⏲️相片係我尋日搭巴士影嘅，用10秒鐘得到以下嘅答案
Be My AI: 香港街景照片。畫面中央有一組兩層巴士，車身左側是粉紅色廣告，上面大字寫著「嘿嘿，夠60歲就可以投保香港年金計劃？」。路旁是一排綠色灌木和水泥路障。對面商鋪有黃色招牌，中文寫著「沙嗲王」、「沙嗲」，配有食物圖片。旁邊是速食店Jollibee（快樂蜂）紅色招牌及卡通蜜蜂標誌。商鋪上方有一棟舊大廈，窗戶很多，部分單位窗戶掛有紅色旗幟。畫面右下角則有一輛黑色本田汽車。背景還有其他高樓大廈，光線明亮，天氣晴朗。

24/09/2025

打大風7街瞓都搞唔掂，睇吓我嘅最新無聊爛短片好過啦係咪先，近來各大社交媒體話題之作盲人點樣去廁所清潔pat pat，睇片有答案幫手分享出去🙏
https://www.facebook.com/share/v/1EUqLY68cK/?mibextid=wwXIfr

23/09/2025

嘩好耐冇出post，真係人走茶涼，麵粉都少咗8個😢匪夷所思，尋日打風前夕黃昏一個人喺鴨寮街游翼，有個女問我邊度可以唱港幣，佢只有人民幣，意圖分散一個盲佬👨🏻‍🦯‍➡️注意力係行唔通嘅，好快覺得個背囊郁咗一下，下意識左手反手一摸，果然有隻手，我左手先扣住佢手腕，右腳向後一撐，中啊，似係上五吋下五吋，回腳再向前掃，逼開個女先，嚟個措手不及大喝一聲，迅雷不及掩耳，因為我左手扣住佢手腕，冇選擇只可以先放手向左轉，一個華麗轉身出右邊膝頭頂唔中，一個右直槌中啊，不過可惜唔應，冇啦2秒就玩完，繼續行程去我熟嘅攤檔買iPhone 17透明殼，睇住啊兄弟，下次落手揀個細粒啲嘅，多謝師傅埋身格鬥冇荒廢，我都係你好徒弟🙇🏻‍♂️

06/09/2025

我已經睇咗一次用咗半包紙巾，機會嚟啦飛雲，有冇興趣陪我呢個寂寞嘅盲男唔係猛男👨🏻‍🦯‍➡️🙊睇戲，我有三張電影無名指免費戲飛，嚟緊10號星期三晚，順風順水去到尖沙咀K11 Musea L4戲院晚上19:50，電影無名指口述影像放映場，當然可以體驗吓乜嘢係口述影像啦，只要比$100按金就可以免費借用口述影像接收器加耳筒感受吓，有需要自備耳筒啦，我可以提供紙巾，要求男女 高矮肥瘦 三角，圓形，四方均可，學歷不拘，唔超過80歲老人院要早瞓閂燈，講到尾即係冇要求啦，夠膽就嚟啦下面留言先到先得，講明你隻鞋可以甩底，唔准甩我底📽️

當全身僅只一根無名指能活動，如何連繫一個家？壁球盃賽冠軍球手鄧叔彦(郭富城 飾)與妻子楊靜嫻(梁詠琪 飾)因為女兒出生不久便患上通常活不過兩歲的罕見肌肉萎縮症，只好暫時放棄一切來照顧幼女。鄧叔彦的運動事業終被...

31/08/2025

晏晝食飽飽同弟婦行吓淘多多，聽到普通話顧客問男店員：這是什麼用途的？
店員超好禮貌非常用心，廣東話加澳門居民引以為傲，前特首崔世安先生特色普通話詳盡解釋：這個是碌柒，碌柒屎乾淨很有用，屋企有動物有桃花，用這個冇晒柒😉
我忍唔住問弟婦：搞乜嘢啊，淘多多連碌柒都攞出嚟賣，一個男店員得一碌七，唔賣得幾多碌喎，應該好快沽清😙
弟婦笑到收唔到聲🤣🤣😂😂原來店員都聽到我講，佢自己都笑到收唔到聲🤣🤣🤣🤣我直接問個店員：喂好嘢喎咁大犧牲香港有希望啦😎
個店員笑到失控，佢話我想用普通話解釋呢件嘢係用嚟轆塵，佢叫我幫手用普通話解釋俾個顧客聽。我話唔得喎，我都係講碌柒，我怕個顧客誤會我話佢係碌柒，呢件嘢用來轆頭髮，唔係轆桃花啊大佬，桃花等新年先啦😌😗😂🤪