面包無眼睇

Home
Hong Kong
Hong Kong
面包無眼睇

天生TB - Totally Blind!
高大威猛唔係我，高大威盲就有我面包份🍞🧑🏻‍🦯‍➡️

17/08/2025

居屋正呀，喺升降機隔離一定搵到，中英對照盲人點字寫得好清楚，如要加強燈光請按掣，盞燈光咗我就睇到咩發緊夢👨🏻‍🦯‍➡️😛咁地獄嘅構思都俾佢諗到🙏🏼

15/08/2025

👨🏻‍🦯‍➡️勇氣自信技術膽量應變聽力兼備，據我所知香港全失明前無古人，到今日為止得我一個做到啦，我10歲已經自學踩單車，盲人盲神車神我都係啦，我係盲人敢死隊當之無愧🚴‍♂️👨🏻‍🦯‍➡️🙊

12/08/2025

行動定向 *“orientation and mobility (O&M)”*，專指協助視障人士安全行走嘅訓練同技巧。我嘅成績係A，今日AI俾我嘅評價，香港行路最勁嘅盲人，首屈一指就係麵包，呢條片我係一take過，我的確係用咗渾身解數去拍，導演想保持真實感，所以廁所真係現場搵出嚟拍嘅👨🏻‍🦯‍➡️🙏🏼

05/08/2025

對於我落雨擔遮真係負擔，右手又要揸棍👨🏻‍🦯‍➡️☂️我真係寧願淋下雨，等自己清醒啲😛黑雨都要食嘢，落街比三☂️插👁️頂你咁啱都係右眼😢點解啲人☂️揸到咁矮☹️俾遮插盲眼，同盲眼俾遮插👨🏻‍🦯‍➡️大家話邊樣慘啲呢💭好彩我係後者🙂整返個鰻魚雞扒意粉氹吓自己囉🥰雞扒比抽濕機蹂躪過，搞到咁乾嘅😭

24/07/2025

cry baby盲盒，細妹買來送俾我，打敗咗99%其他人，細妹話我一出世已經係盲鬼摸摸👨🏻‍🦯‍➡️👻仲唔係cry baby，佢話掛喺背囊出到街唔怕走失🙊真係鼎鼎聲☹️

23/07/2025

個大叔🧍🏻‍♂️理論思維仲勁過哲學家亞里士多德🤨真係多得你唔少😬調返轉真係唔少你唔得☹️晏晝食完飯我有開棍㗎大佬，我已經夠盲👨🏻‍🦯‍➡️你仲盲過我面對面都可以撞埋嚟嘅，其實呢啲平常事我都冇乜所謂，人多路窄係咁㗎啦，冇諗過佢好意思開聲話返我📣佢叫我睇路啦，我回應盲鬼咗點睇呀，我有開棍㗎，你唔係盲過我應該會睇到個喎🙊大叔話，我知你盲咗咁都要睇路㗎，我真係忍唔住失笑☹️你啲乜L嘢哲學，叫個盲佬睇路，你睇唔到我盲都算啦，反過來你叫個盲人睇路😛👨🏻‍🦯‍➡️睇到路唔使全盲啦，乜嘢邏輯思維啊，附近係馬會我諗住買六合彩，你唔叫隻馬扮狗叫🦮

20/07/2025

哎橫風橫雨十號🌀又唔可以落街食嘢🤤唯有一個人自hi 心血來潮用盲人👨🏻‍🦯‍➡️為題問吓AI Perplexity 原來我攞咗咁多個🏆唔通我參加咗香港小姐👑排名不分先後
部份獎項我佔三份一，部份我佔一半，我一個攞晒都有
香港最犀利嘅盲人
香港行路最叻盲人
香港最活躍盲人
香港最受歡迎盲人
香港最叻盲人
香港最有潛質盲人
香港最多人認識盲人
香港最叻科技盲人🥇
香港最搞鬼盲人🥇香港行路至叻盲人🥇我獨攬呢三個大獎，如果講香港「最搞鬼」嘅盲人，現時公眾認知度最高的，一定要數YouTuber「面包」！佢性格幽默、經常用輕鬆搞鬼嘅方式分享視障生活同科技小貼士，大受歡迎，笑位多又有正能量。😆

你想睇吓佢邊啲最搞鬼嘅短片，定想了解佢點樣影響身邊人？來自Perplexity
我有問香港最柒盲人🤣答案😛你問「最柒盲人」，其實網上無乜真係特定一位被人公認「最柒」嘅香港盲人，大家多數都係笑下啲惡搞、冷gag或者用「盲人」嚟玩下語言梗（例如「盲人睇鹹片」😂），多數係純粹搞笑，唔針對真人。現實中，香港好多視障朋友都各有長處，真心冇邊個被標籤做「最柒」😭🥺

19/07/2025

約咗朋友入到太子基隆茶餐廳，cat姐真係好記性，係咁包包包包包包👨🏻‍🦯‍➡️🍞冇計啦私人感情，每次經過太子我只會揀基隆茶餐廳係我首選，超讚賞Cat姐繼續風雨不改定時派飯🙏🏼
https://youtu.be/F5wNIaiXr78?si=YP0t-RYtMi58qGmj

16/07/2025

呢套係 WORKPRO 棘輪可擺動批咀套裝（16件裝），型號 WP221061，一批在手生活無憂，嚟緊會喺背囊伴隨住我，之前換廁所板換門鎖簡單維修🦼 換插蘇修理拖板風扇裝嵌轉轉凳衣櫃，電視櫃，梳化，欠缺一套得心應手便攜萬用螺絲批，玩死👨🏻‍🦯‍➡️😢浪費咗好多時間，當然啦乜乜電子城，街邊$5螺絲批，款係靚，質素低鋼水唔得呢，你問吓專業裝修佬會唔會走去嗰啲地方買把$幾十嘅萬用電鑽，我都唔會啦，都唔係我👨🏻‍🦯‍➡️杯茶

13/07/2025

視覺有問題我知👨🏻‍🦯‍➡️😢唔係今日嘅事，我味覺應該冇問題喎，我由頂到底頭到腳上至下左道右反覆雕琢思量推敲💭低糖零膽固醇🥭豆奶完全冇咗🥭味嘅☹️🥭去咗邊，唔通菲律賓打風失收，我已經瞇埋眼細心品嚐👨🏻‍🦯‍➡️我真係分唔到係🥭豆奶😱

11/07/2025

認識亞玉豆腐花荃灣分店七年啦，之前喺Facebook建議自攜器皿買糖水或豆腐花每碗減$1 佢哋好快全線分店接納我嘅意見，我身體力行自備兩個大盒去買，嘩真係大件夾抵食，我都唔知佢點計數，只係收咗我$63 拎上手真係好重，我哋五個人每人最少食咗兩碗，我都食咗三碗都仲有剩，真係大鑊😢

10/07/2025

尋晚我生日🥳諗住食餐好嘅，好彩我一早盲咗👨🏻‍🦯‍➡️食完都唔開眼😃算啦啲乜嘢一蚊🐔噱頭咁多年，好多人中咗伏都唔會再有興趣。
尋晚一行三人去咗荃灣沙咀道翠苑又係食咗一蚊🐔逼住食啦，乳鴿又麻麻哋，冬瓜盅又話賣晒，上湯🦞伊麵🦞冇肉嘅，我就慘啦周身肉🙊上湯伊麵搞到好似粟米羹咁樣，鬼咁多粉漿，三個人食半隻一蚊🐔份量少都算啦，本身🐔都唔好食乾柴烈火，半隻🐔老過我老竇個老竇，同荃灣川龍街嗰啲差唔多，利申我冇幫襯過🥺一隻片皮鴨質素又係差，上到枱凍冰冰嘅，塊皮又唔好食，仲衰過我腳板👣嗰塊，大佬呀隻鴨咁凍俾返件衫佢着啦，咁大間酒樓食晚飯四成人都比多佢，香港人醒目啦，我就話蠢姐，啲咁嘅撚手質素嘢食，減返個手字，加返個掉字就差唔多😬下次唔好搞，除咗三餸飯西餐冰室仲可以做吓，我大膽估計香港中式酒樓同我一樣差唔多玩完😛我要同自己講，麵包祝你生日快樂☹️

Address

Hong Kong

Telephone

+85292673569

Website

http://www.youtube.com/c/WeTV無障礙媒體

Alerts

Be the first to know and let us send you an email when 面包無眼睇 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 面包無眼睇: